ភ្នំពេញ ៖ ទីតាំងភូមិត្រពាំងឈូក សង្កាត់ទឹកថ្លា ខណ្ឌសែនសុខ ជាសំបុកថ្នាំញៀនដុះស្លែ ត្រូវបានសមត្ថកិច្ចចម្រុះខណ្ឌសែនសុខ ចុះបង្រ្កាបបំបែកសំបុក និងចាប់ខ្លួនបានមេក្លោងធំៗចំនួន ៦នាក់កាលពីព្រឹកថ្ងៃទី២៩ ខែមករា ឆ្នាំ២០១១នេះ។
ក្រុមសមត្ថកិច្ចចម្រុះបានប្រាប់កម្ពុជាថ្មីថា ដោយមានការស៊ើបអង្កេតជាច្រើនខែមកហើយ ទើបកម្លាំងចម្រុះសម្រេចចេញប្រតិបត្តិការបង្រ្កាប ដោយចាប់បានថ្នាំញៀនមួយចំនួន នៅសល់មួយ ចំនួនទៀត ត្រូវបានក្រុមជនល្មើសទំលាក់ចូលក្នុងទឹកបឹងអស់។ សមត្ថកិច្ចបានបន្តថា មនុស្ស៦នាក់ ដែលពាក់ព័ន្ធត្រូវបានឃាត់ខ្លួនមានទី១-ឈ្មោះសុខ ចាន់នី ហៅបារាំង ភេទប្រុស អាយុ៣២ឆ្នាំ ជាម្ចាស់ផ្ទះ និងប្រពន្ធឈ្មោះលឹម ស្រីពេជ្រ, ទី៣-ឈ្មោះហែម ភក្ដី ភេទប្រុស អាយុ២៧ឆ្នាំ, ទី៤-ឈ្មោះ ហ៊ាន សុភក្ត្រា ភេទបុ្រស អាយុ២៣ឆ្នាំ និងឈ្មោះយាយនី ភេទស្រី អាយុ៤៩ឆ្នាំ ជាមុខសញ្ញាចាស់។
សមត្ថកិច្ចបានបញ្ជូនជនសង្ស័យទាំង៦នាក់ទៅកាន់អធិការខណ្ឌសែនសុខ ដើម្បីចាត់ការតាមផ្លូវច្បាប់៕
ចៅចិត្ត
No comments:
Post a Comment