សមាគមនិសិ្សត-សិស្សខេត្ដក្រចេះរៀបចំសិក្ខាសាលាស្ដីពីមេរៀនជីវិតសម្រាប់យុវជន
ដោយ ៖ សាគុណខេត្ដក្រចេះ៖ សមាគមនិសិ្សត -សិស្សខេត្ដក្រចេះបានរៀបចំសិក្ខាសាលាស្ដីពីមេរៀនជីវិតសម្រាប់យុវជនកាលពីព្រឹកថ្ងៃទី១៥ មករា ២០១១ នៅ សាលសន្និសីទចតុមុខក្រោមអធិបតីភាពលោកឧបនាយករដ្ឋមន្ដ្រី គាត ឈន់ រដ្ឋមន្ដ្រីក្រសួងសេដ្ឋកិច្ច និងហិរញ្ញវត្ថុ និងមានការចូលរួមពីសំណាក់អស់លោក លោកស្រី និងប្អូនៗជានិសិ្សត -សិស្ស ដែលមានដើមកំណើតនៅខេត្ដក្រចេះប្រមាណជាង១ពាន់នាក់ ។
បន្ទាប់ប្រធានសមាគមបានបង្ហាញពីគោលដៅ សកម្មភាព និងសមិទ្ធផល របស់សមាគម ព្រមទាំងរមណីដ្ឋាន ទេសចរណ៍នានាក្នុងខេត្ដក្រចេះ តាមរយៈ ខ្សែវីដេអូខ្លីរួចមក លោក ងី តាយី រដ្ឋ លេខាធិការក្រសួងសេដ្ឋកិច្ច និងហិរញ្ញ វត្ថុនិងជាប្រធានក្រុមប្រឹក្សាភិបាល សមាគមនិស្សិត -សិស្សខេត្ដក្រចេះ បានថ្លែងថា ដោយសាររូបលោកជាកូន កសិករមួយរូប ធ្លាប់បានឆ្លងកាត់ការ លំបាកក្នុងការបន្ដការសិក្សានៅភ្នំពេញ ហេតុដូច្នេះ ហើយទើបបានជាលោក មានគំនិតផ្ដួចផ្ដើមបង្កើតសមាគមនេះឡើងនៅឆ្នាំ២០០០ ជាមួយអតីតសិស្ស វិទ្យា ល័យចំបក់ប្រមាណជា ១០រូប ក្នុង គោលដៅចម្បងដើម្បីធ្វើជាស្ពានមិត្ដ ភាពរវាងនិស្សិត -សិស្ស ខេត្ដក្រចេះ ជំនាន់មុន និងជំនាន់ក្រោយ ទាំងការ អប់រំ ទាំងការរស់នៅនិងទាំងការងារ ជាពិសេសគឺដើម្បីជួយកាត់បន្ថយការ ការលំបាករបស់ក្មួយៗជានិស្សិតដែល ត្រូវមកបន្ដការសិក្សានៅរាជធានីភ្នំពេញ ដែលលោកយល់ថាជាធម្មតា តែងតែ ជួបការលំបាកមួយចំនួន ដូចជាការ ស្វែងរកកន្លែងស្នាក់នៅការសិក្សា និង ការងារក៏ដូចជាការសម្រេចចិត្ដក្នុង ការចាប់យកជំនាញផ្សេងៗសម្រាប់ អនាគត ។ លោកងី តាយី បានថ្លែង បន្ថែមទៀតថា សមាគមមាន គោល បំណងជួយធ្វើឱ្យនិស្សិតមកពីខេត្ដក្រចេះ មានការផ្សាភ្ជាប់ខ្លួន និងលែងមានភាព ឯកោជាមួយទីក្រុង ។
មានប្រសាសន៍បើកអង្គសិក្ខាសាលានោះ លោកឧបនាយករដ្ឋមន្ដ្រី គាត ឈន់ បានថ្លែងថា ក្នុងនាម ជាអ្នកមាន ដើមកំណើតនៅខេត្ដក្រចេះមួយរូប លោកសូមសំដែងនូវអំណរគុណ និង សរសើរដោយស្មោះចំពោះ លោកងី តាយី ដែលមានគំនិតផ្ដួចផ្ដើមបង្កើត ជាសមាគមនេះឡើង ក្នុងស្មារតីពង្រឹង នូវវប្បធម៍ចែករំលែកសម្រាប់ជាគុណ ប្រយោជន៍ប្រកបដោយធម៌ ដល់សមា ជិកសមាជិការរបស់ខ្លួន។ លោកឧបនាយ រដ្ខមន្ដ្រីបានលើកឡើងថា រូបលោកមាន មោទនភាពណាស់ចំពោះការចូលរួម ចំណែករបស់អ្នកខេត្ដក្រចេះ រួមជាមួយ បងប្អូនជាប្រជាពលរដ្ឋក្នុងបណ្ដាខេត្ដ ដទៃទៀត ក្នុងមហាគ្រួសារខ្មែរតែមួយ នៅក្នុងគ្រប់ដំណាក់កាល និងគ្រប់កិច្ច ដំណើរការនៃការអភិវឌ្ឍន៍សង្គម - សេដ្ឋកិច្ចកម្ពុជា នៅក្នុងគ្រប់សម័យ កាលនិងគ្រប់ជំនាន់ ។
ឆ្លៀតឧិកាសនោះលោកឧបនាយករដ្ឋមន្ដ្រី ក៏បានញំនាំការផ្ដាំផ្ញើសាកសួរសុខ ទុក្ខពីសំណាក់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃ ព្រះរាជាណាចក្រកម្ពុជា និងលោកជំទាវ ប៊ុន រ៉ានី ហ៊ុន សែន ជូនចំពោះក្មួយៗ ជានិស្សិត -សិស្សទាំងអស់ដែលបាន ចូលរួមសិក្ខាសាលានេះផងដែរ។
ជាការចែករំលែកនូវមេរៀនជីវិត សម្រាប់យុវជនជួនក្មួយៗជានិស្សិត -សិស្សនាពេលនេះ លោកឧបនាយករដ្ឋ មន្ដ្រី គាត ឈន់ បានលើកឡើងអំពីគំរូ វីរៈភាពក្នុងភាពជាយុវជនដ៏ឧត្ដុង្គឧត្ដម បំផុតរបស់សម្ដេចនាយករដ្ឋមន្ដ្រី ហ៊ុន សែន កាលពីជាង៣០ឆ្នាំមុន ដែលពេល នោះសម្ដេចតេជោ បានក្រោកឡើងដឹក នាំកម្លាំងចលនាតស៊ូ រហូតឈានទៅ បង្កើតជារណសិរ្សសាមគ្គីសង្គ្រោះជាតិ កម្ពុជា ហើយបានរំដោះប្រទេសជាតិឱ្យ រួចផុតពីរបបប្រល័យពូជសាសន៍ទៀត ផង ដូច្នេះយុវជនខ្មែរយើងគ្រប់ជំនាន់ ត្រូវតែចងចាំនូវវីរ៉ភាពជាយុវជនរបស់សម្ដេចតេជោទុកជាប្រវត្ដសាស្ដ្រខ្មែរ យើង ។
លោកឧបនាយករដ្ឋមន្ដ្រីក៏បានណែ នាំដល់ក្មួយៗជាយុវជនទាំងអស់ ត្រូវ ចេះខំប្រឹងប្រែងខ្លួនឯង ធ្វើជាម្ចាស់លើ វាសនាខ្លួនឯង ធ្វើឱ្យប្រទេសយើងជា ម្ចាស់លើកិច្ចអភិវឌ្ឍន៍ ។ ជាមួយគ្នា នេះដែរ លោកឧបនាយករដ្ឋ មន្ដ្រីក៏បាន លើកទឹកចិត្ដដល់យុវជន ឱ្យចូលរួម ចលនាយុវជនកាកបាទក្រហមកម្ពុជា កាយរិទ្ធិកម្ពុជាទាំងក្នុងជួរសិស្ស និង ជួរនិសិ្សតឱ្យបានសកម្មខ្លាំងក្លាក្នុងគោលដៅបំផុសនិងលើកសម្ពស់ស្មារតីយុវជនឱ្យមានបេះដូងមនុស្សធម៌ និងចេះចែក រំលែកគ្នា ដើម្បីឈានទៅលុបបំបាត់ ភាពអវិជ្ជមាននានាក្នុងសង្គមជាតិ ៕
No comments:
Post a Comment