រាជធានីភ្នំពេញ ៖ អាជ្ញាធររាជធានីភ្នំពេញបានជំរុញឱ្យក្រុមមន្ត្រីសមត្ថកិច្ចពង្រឹងតាមដានដល់អាជ្ញាធរមូលដ្ឋានតាមដានពិនិត្យមុខសញ្ញាដែលត្រូវចាប់ខ្លួន បន្ទាប់ពីតុលាការសាលាដំបូងរាជធានីភ្នំពេញចេញដីការឱ្យចាប់ខ្លួនប្រមាណជាង២ពាន់នាក់ ប៉ុន្តែពួកគេទាំងនោះមិនទាន់ត្រូវបានចាប់ខ្លួន និងកំពុងរត់គេចខ្លួននៅឡើយ។
ការជំរុញបែបនេះត្រូវបានលោកកែប ជុតិមា អភិបាលរាជធានីភ្នំពេញ លើកឡើងក្នុងកិច្ចប្រជុំបូកសរុបការងារត្រីមាសទី៤ ឆ្នាំ២០១០ នៃការអនុវត្តនយោបាយភូមិ-ឃុំមានសុវត្ថិភាពនៅរាជធានីភ្នំពេញកាលពីព្រឹកថ្ងៃទី១៩ មករា ២០១១ ក្រោមអធិបតីភាពលោកនាយកឧត្តមសេនីយ៍ឯម សំអាន រដ្ឋលេខាធិការក្រសួងមហាផ្ទៃ ដោយមានការចូលរួមពីមន្ត្រីសំខាន់ៗគ្រប់លំដាប់ថ្នាក់ក្រោមឱវាទរាជធានីភ្នំពេញ ។
លោកកែប ជុតិមា អភិបាលរាជធានីភ្នំពេញ បានលើកឡើងថា អាជ្ញាធររាជធានីភ្នំពេញ ទទួលបានដីកាពីតុលាការសាលាដំបូងរាជធានីភ្នំពេញ ប្រមាណជាង២ពាន់នាក់ ដើម្បីចាប់ខ្លួន ប៉ុន្តែពួកគេទាំងនោះកំពុងគេចខ្លួន ដូច្នេះអាជ្ញាធរត្រូវតែជំរុញការត្រួតពិនិត្យតាមដាន ដើម្បីឈានទៅដល់ការចាប់ខ្លួនមុខសញ្ញាទាំងនោះយកមកផ្តន្ទាទោស ។ ការជំរុញនេះគឺផ្តោតសំខាន់ទៅលើគណៈបញ្ជាការសង្កាត់ ជាពិសេសប៉ុស្តិ៍នគរបាល និងការចូលរួមពីប្រជាពលរដ្ឋ ៕
ដោយ ៖ កោះឯករាជ្យ
No comments:
Post a Comment