ភ្នំពេញៈថៃទាំង៧នាក់ដែលកម្ពុជា បានចាប់ខ្លួនពីបទឆ្លងចូលក្នុងទឹកដីកម្ពុជា ដោយច្បាប់នឹងឡើងសវនកានៅថ្ងៃទី១ ខែកុម្ភៈ ឆ្នាំ២០១១ នៅវេលាម៉ោង ៧ នឹង ៣០នាទីព្រឹកក្រោយនេះហើយ។
លោក Prasas Prasasvinitchai ឯកអគ្គរាជទូតថៃប្រចាំនៅ ក្នុងប្រទេសកម្ពុជា បានមានប្រសាសន៍ថាលោកកំពុងធ្វើ ការប្រឹក្សាជាមួយជនជាតិថៃ ៦រូប ដែល តុលាការកម្ពុជា បានអនុញ្ញាត្តអោយក្រៅឃុំ និងស្នាក់នៅក្នុងស្ថានទូតថៃប្រចាំ នៅក្នុងប្រទេសកម្ពុជា នូវសេចក្តីតំរូវការរបស់ពួកគេ។
ក្នុងចំណោមថៃទាំង៧នាក់នោះ គឺមានម្នាក់មិនត្រូវបានតុលាការខ្មែរ អនុញ្ញាត្តអោយនៅក្រៅឃុំនោះទេ គឺ មេដឹកនាំថៃអាវលឿង ឈ្មោះ វីរ៉ា ស៊ុំខ្វាមឃីត ដែល តុលាការកម្ពុជា បានធ្វើការចោទពីបទចារកម្ម។
គួរបញ្ជាក់ដែរថាថៃទាំង៧នាក់ ត្រូវអាជ្ញាធរកម្ពុជា បានចាប់ខ្លួន កាលពីថ្ងៃ ទី២៩ ខែធ្នូ ឆ្នាំ២០១០ ដែលបានចូលក្នុងទឹកដីកម្ពុជា ដោយខុសច្បាប់ នៅភូមិ ជោគជ័យ ខេត្តបន្ទាយមានជ័យ៕
ដោយៈ កញ្ញាដាលីន
No comments:
Post a Comment