Wednesday, December 22, 2010

H.E. Dr. Sok An Presents Honorary Khmer Nationality and Mohasereyvathn of Sahametrei Medal to Mr. Takuya OKADA



Achievements that Mr. Takuya OKADA has made for Cambodian people include 149 school buildings nationwide, archaeological discovery of 274 Buddha statues at Banteay Kdey Temple, Preah Norodom Sihanouk Angkor Museum, etc. In order to pay gratitude and show appreciation to him, King Norodom Sihamoni, upon the request by the Royal Government of Cambodia, conferred an Honorary Khmer Nationality and a Medal – Mohasereyvathn of Sahametrei – to him.

Mr. Takuya OKADA, 85 years old, is a Japanese philanthropist who has contributed more than 10 million USD of his personal wealth to the development of education, economy and cultural sectors as well as to environmental protection in the Kingdom of Cambodia.

At the presentation ceremony, held on 21 December 2010 at the Office of the Council of Ministers, H.E. Dr. Sok An, Deputy Prime Minister and Minister in Charge of the Office of the Council of Ministers, expressed his appreciation to Mr. Takuya OKADA and Spouse who have contributed immensely to the development of  the Kingdom of Cambodia. He stressed that Mr. Takuya OKADA’s charity has promoted economic development though promotion of cultural and environmental preservation in Cambodia. He also wished Mr. Takuya OKADA and Spouse good health.

At the ceremony, attended by the Japanese Ambassador to Cambodia, Mr. Takuya OKADA expressed his appreciation for being granted the Khmer Nationality and the Medal, which he considered as pride for Japanese people and himself. He promised to return to Cambodia in late July 2011 in order to attend the Tree Planting Ceremony at Chao Srey Vibol Temple in Siem Reap, aimed at promoting better relations between Cambodia and Japan

ឯកឧត្តម​បណ្ឌិត​ សុខ អាន ប្រកាស​ប្រគល់​សញ្ជាតិ​ ខែ្មរ​កិត្តិយស និង​ ឥស្សរិយយស​​សហមេត្រី​ថ្នាក់​មហាសេរីវឌ្ឍន៍​ជូន​លោក​ តាគុយ៉ា អូកាដា

លោក តាគុយ៉ា អូកាដា(Takuya OKADA) ​អាយុ ៨៥ ឆ្នាំ​ជា​សប្បុរសជន​​ជាតិ​ ជប៉ុន​ម្នាក់​ ដែល​បាន​ចំណាយ​ថវិកា​ផ្ទាល់​ខ្លួន​ប្រមាណ​ជាង​ ១០ លានដុល្លារ​អាមេរិក​ ក្នុង​ការ​រួម​ចំណែក ​ជួយ​អភិវឌ្ឍ​លើ​វិស័យ​អប់រំ សង្គមកិច្ច​ វប្បធម៌ និង​ជួយ​ការ​ពារបរិស្ថាន​ផង​ដែរ នៅ​ក្នុង ​ព្រះរាជាណាចក្រកម្ពុជានាពេលកន្លង​មក​​។
សមិទ្ធផល​ដែល​លោក​ តាគុយ៉ា អូកាដា បាន​​ផ្តល់​ជូន​ប្រជាពលរដ្ឋកម្ពុជា​មាន​ជា​អាទិ៍​ កសាង​សាលា​រៀន​ចំនួន​១៤៩ ខ្នង​ នៅទូទាំង​ប្រទេស​ ធ្វើ​កំណាយ​បុរាណ​វិទ្យា​ នៅ​ប្រាសាទ ​បន្ទាយក្តី​រក​ឃើញ​ព្រះ​ពុទ្ធរូប​ ២៧៤ អង្គ​ សង់​សារមន្ទីរ​ព្រះនរោត្តមសីហនុ អង្គរសៀមរាប​ រៀបចំ​សួន​ដើមឈើ ច្រក​ចូល​រមណីយដ្ឋាន​អង្គរ​ ចូលរួម​កសាង​សារមន្ទីរ​ធម្មជាតិ​ សាកល ​ព្រះវិហារ​ ផ្តល់ជើង​សិប្បនិម្មិត​​​ដល់​ជន​ពិការ​មន្ទីរ​ពេទ្យ​ខេត្ត​បាត់ដំបង​ បន្តផ្តល់​អាហារូបករណ៍​ និស្សិត​បុរាណវិទ្យា​។ ក្នុង​​បំណង​ផ្តល់​ការ​តបស្នង​ និង​លើក​ទឹក​ចិត្ត​ ព្រះមហាក្សត្រ​ ព្រះ​បរមនាថ នរោត្តម សីហមុនី តាម​សំណើ​​រាជរដ្ឋាភិបាល កម្ពុជា​បាន​ប្រទាន ​សញ្ជាតិ​ ខ្មែរ​កិត្តិយស​ និង​គ្រឿង​ឥស្សរិយយស​សហមេត្រីថ្នាក់​មហាសេរីវឌ្ឍន៍​ជូនលោក តាគុយ៉ា អូកាដា
នៅក្នុង​ពិធី​ប្រកាស​ និង​ប្រគល់​សញ្ជាតិ​ខ្មែរ ​កិត្តិយស​ និង​គ្រឿង​ឥស្សរិយយស​សហ មេត្រីថ្នាក់​ មហាសេរីវឌ្ឍន៍​ជូនលោកតាគុយ៉ា អូកាដា នារសៀល​ថ្ងៃទី​២១ ខែ​ធ្នូ ឆ្នាំ​ ២០១០ នៅ​ ទីស្តី​ការ​គណៈរដ្ឋមន្រ្តី​​ ឯកឧត្តមបណ្ឌិតសភាចារ្យ​ សុខ អានឧបនាយករដ្ឋមន្ត្រី​ រដ្ឋមន្រ្តី​ ទទួល​បន្ទុក ទីស្តីការ​គណៈរដ្ឋមន្ត្រី​​បាន​មាន​ប្រសាសន៍​ កោត​សរសើរ​ និង​ថ្លែង​អំណរ គុណ​ ចំពោះ​ លោក​ តាគុយ៉ា អូកាដា និង​ភរិយា ដែល​បាន​រួម​ចំណែកជួយ​​ក្នុង​សកម្មភាព​ អប់រំ សង្គមកិច្ច​ វប្បធម៌ និង​បរិស្ថាន​ នៅ​ក្នុង​​ព្រះរាជាណាក្រ​កម្ពុជា​ ។ ឯកឧត្តម​បណ្ឌិត សុខ អាន បាន​ចាត់ទុក​ជំនួយ​សប្បុរស​របស់​លោក​ តាគុយ៉ា អូកាដា ​គឺ​បាន​ជួយ​លើក​កំពស់​ការ ​អភិវឌ្ឍន៍​សេដ្ឋកិច្ច​​តាមរយៈ​​ការ​ជួយ​លើក​ស្ទួយ​វិស័យ​វប្បធម៌ និង​ថែរក្សា​បរិស្ថាន​​នៅ​កម្ពុជា​ និង​បាន​ជូន​ពរ​លោក​ តាគុយ៉ា អូកាដា និង​ភរិយា​សូម​ឲ្យ​មាន​ សុខភាពល្អផងដែរ​​។
នៅ​ចំពោះ​មុខ​វត្តមាន​មន្ត្រី​ជាន់​ខ្ពស់​នៃ​រាជរដ្ឋាភិបាល​ជាច្រើន​រូប​ និង​​ឯកឧត្តម​ឯកអគ្គ​រដ្ឋទូត ​ជប៉ុន​ប្រចាំ​កម្ពុជា​ លោក​ តាគុយ៉ា អូកាដា ​បាន​សម្តែង​នូវ​សេចក្តី​រីករាយ ​ចំពោះ​ការ ​ទទួល​បាន​សញ្ជាតិ​ និង​គ្រឿង​ឥស្សរិយយស​ ដោយ​លោក តាគុយ៉ា អូកាដា ចាត់ទុក​ថា ជាមោទនភាព​សំរាប់​រូបលោក​ និង​ជនជាតិ​ជប៉ុន​ផ្សេង​ទៀតផងដែរ​ ។ លោក តាគុយ៉ា អូកាដា បាន​សន្យាថា នឹង​វិល​មក​កម្ពុជា​ម្តង​ទៀត​នៅ​ចុង​ខែ កក្កដា ឆ្នាំ​២០១១ ដើម្បី​ប្រារព្ធ ពីធីដាំ​កូន​ឈើ​នៅ​ប្រាសាទ​ចៅស្រីវិបុល​ ក្នុង​ខេត្ត​សៀម​រាប​ ដើម្បី​បង្កើន​នូវ​ចំណង​ មិត្តភាព​រវាង​ប្រទេស​ទាំង​ពីរ​កម្ពុជា​-ជប៉ុន​ ឲ្យ​កាន់​តែល្អ​ប្រសើ​។​


បទវិចារណកថា៖ ក្រុម​ហ៊ុន«អ្នក​ប្រឆាំង​ក្រៅ​ដំ​បូល​ច្បាប់»

          ក្រុម​មន្ត្រីគណបក្សប្រឆាំងសម​ រង្ស៊ី មួយចំ​នួន​ និងអង្គការលី​កាដូ បាន​ស្ថិត​នៅ​ក្នុង​សភាព​ស័ង្សយរបស់​មហាជន ពី​ការ​បើក​ក្រុម​ហ៊ុន​រក​ស៊ី​រួម​គ្នាមួយ​ក្រោម​​ផ្លាក​យី​ហោ​ដ៏​ចម្លែ​ក​គឺ​​« ក្រុម​ហ៊ុន​អ្នកប្រឆាំង​ក្រៅ​ដំ​បូល​ច្បាប់ » បន្ទាប់​ពី​ពួក​គេបាន​ចេញ​មុខមក​ការ​ពារ​ជន​ជាប់​ចោទ​ សេង​ គុណ​ការ ដែល​ត្រូវ​បាន​តុលាការ​កាត់​ទោសដាក់ពន្ធនាគារ​ពី​បទ​ញុះ​ញង់​ឲ្យ​មាន​បទ​ឧក្រិដ្ឋ ដោយ​សារ​ជន​នេះ​បាន​ចែក​ខិតប័ណ្ណ​ជេរប្រមាថ​ធ្ងន់​ៗមក​លើ​ថ្នាក់​ដឹក​នាំ​នៃ​​​រាជ​រដ្ឋាភិបាល​កម្ពុជា និង​មន្ត្រី​ជាន់​ខ្ពស់​មួយចំ​នួន​ទៀត។

          ពាក្យថា​ក្រុម​ហ៊ុន​អ្នកប្រឆាំង​ក្រៅ​ដំ​បូល​ច្បាប់គឺចង់​បង្ហាញអំពីអត្តៈចរិតលក្ខណៈនៃ​ក្រុម​វង្វេង​ស៊ុង​ពីរប្រភេទ ដែលក្រុម​ទី១មានជំ​នាញ​ខាង​ការជេរប្រមាថ ភូត​ភរកុហក ប្រឌិត​ព័ត៌មាន ញុះញង់ បង្ក​ឲ្យ​មាន​ការ​ស្អប់​ខ្ពើម​ប្រមុខនៃរាជ​រដ្ឋាភិបាល និងនាំ​គ្នា​ដុត​បញ្ឆេះ​កំ​ហឹងប្រជាពល​រដ្ឋឲ្យ​ប្រព្រឹត្ត​នូវអំ​ពើ​អាណា​ធិប​​តេយ្យគ្រប់​បែប​យ៉ាងក្នុង​សង្គម​ ដើម្បីពួកគេឆ្លៀត​កេង​ចំ​ណេញ​នយោ​បាយ​ ។ ចំ​ណែក​ឯ​​ក្រុមទី២ គឺជាក្រុមអ្នកពូកែខាងការ​ស្រែក​បន្ទរ​ដើម្បី​គៀង​គររក​ប្រាក់​ជំ​នួយពី​បរទេស ដោយ​ទន្ទេញ​យ៉ាង​រត់​មាត់​ថា​ អយុត្តិ​ធម៌ណាស់ នៅ​ស្រុក​ខ្មែរអត់​មាន​ការ​គោរព​សិទ្ធិ​មនុស្សជាដើម......។ល។ តើ​​ការ​​ពិតជាក់​ស្តែង​ដូច​ពួក​គេអះអាង​ដែរឬទេ​? ជា​ចំ​លើយដែល​ត្រឹម​ត្រូវ គឺ​មហាជនទូទៅ​បាន​មើល​ឃើញ​ថា​ ក្រុម​ប្រឆាំង​ទាំង​នោះពួក​គេគ្មាន​បាន​សាង​​​នូវ​គុណ​សម្បត្តិណាមួយសម្រាប់រួម​ចំ​ណែក កសាង និង​​រក្សានូវ​ស្ថេរភាព​នយោ​បា​យ ក៏ដូច​ជា​ការជម្រុញ​ឲ្យ​មាន​គោរព​ច្បាប់​នៅ​កម្ពុជាទេ គឺពួក​គេមាន​តែ​ទេព​កោសលពិស ស្ទាត់​ជំ​នាញតែខាងការ​បំ​ផ្លាញ​សុខសន្តិភាព និង​​ការ​អភិវឌ្ឍរីក​ចំ​រើន​នៃសង្គម​ជាតិ ឬចាត់​ចូល​ជាក្រុម​មនុស្សព្រៃ រមិល​គុណ អគុណ​ធម៌ដ៏ក្រៃលែង ពី​ព្រោះគេ​បាន​សង្កេត​ឃើញ​ថា​បុគ្គល​​​មួយចំ​នួនបំ​រើការនៅក្នុង​​ក្រុម​ហ៊ុន​សត្វក្អែកក្រពើ ឬត្មាតនោះ ​តែង​តែ​ចេញ​មុខមក​ការ​ពារ​ជន​ជាប់​ចោទ​ និង​ទណ្ឌិត​​ជាច្រើន​រូបដែល​ត្រូវ​បាន​ផ្តន្ទាទោសដោយ​ច្បាប់​រួច​ហើយ។ ​ជាក់ស្តែង​នៅ​ថ្ងៃទី​២០ ខែធ្នូ​ ឆ្នាំ២០១០ ក្រុម​គេក្នុង​ចំ​ណោម​នោះ គឺមានអង្គការ​លី​កាដូ​របស់​លោកស្រី​ពុង ឈីវ​ហ្កិក បានប្រញាប់​ប្រញាល់យ៉ាង​តក់​ក្រហល់ ចេញ​នូវ​សេចក្តី​ថ្លែង​ការណ៍​ជាបន្ទាន់​របស់​ខ្លួន​មួយពាក់​ព័ន្ធ​នឹង​ការ​​ចាប់​ឃុំ​ខ្លួនបុរសម្នាក់ជា​ប្រធាន​សន្តិសុខ​អង្គការស្បៀង​​អាហា​រ​​​​​ពិភព​លោក​ ដោយចាត់​ទុក​ថា ការចោទ​ប្រកាន់និង​ឃុំខ្លួន​បុរសនោះ​ គឺបាន​ធ្វើ​ឡើង​ដោយ​មិន​សម​ហេតុផល និងជាសកម្ម​ភាព​បង្ក្រាប​​​លើសិទ្ធិ​សេរីភាព​នៃ​ការ​បញ្ចេញ​មតិនៅ​កម្ពុជា ហើយពួកគេក៏បានរិះ​គន់ទៅ​លើ​ក្រម​ព្រហ្ម​ទណ្ឌ​ថ្មី​ដែល​ទើ​បចូល​ជា​ធរមានផង​ដែរ​ថាមាន​​ការ​​​​​ប៉ះ​ពាល់​ដល់​សិទ្ធិសេរី​ភាព​​នៃ​ការ​បញ្ចេញ​មតិ និង​​បាន​ទាម​ទារ​ឲ្យ​មាន​ការ​ពិចារណា​ធ្វើ​វិសោធនកម្ម​ច្បាប់​នោះ​ជាថ្មី។

          កាលពី​ថ្ងៃ​ទី​១៩ ខែធ្នូ ឆ្នាំ​២០១០​ លោក សេង គុណការ ត្រូវ​បាន​តុលាការ​សាលា​ដំបូង​​រាជ​ធានី​ភ្នំ​ពេញបើ​ក​សវនាការ​ជំ​នុំ​ជំ​រះ​​​ ហើយ​បាន​សម្រេច​ឲ្យជាប់ពន្ធ​នាគារ​រយៈ​ពេល​​​៦ខែនិង​ពិន័យ​ជា​ប្រាក់​ចំ​នួន​១លាន​រៀលពី​បទ​ញុះ​ញង​់ឲ្យ​មាន​បទ​ឧក្រិដ្ឋតាម​មាត្រា​​៤៩៤ និង​៤៩៥ នៃ​ច្បាប់​ក្រម​ព្រហ្ម​ទណ្ឌថ្មី​ ដោយសារជន​នេះ​បាន​ថត​ចំ​លង​ និង​ចែក​ចាយខិតប័ណ្ណដក​ស្រង់​ចេញ​ពី​វ៉េប​សាយ ki‑media  ដែលបំ​រើនយោបាយឲ្យ​គណបក្ស​ប្រឆាំង​ សម រង្ស៊ី ខ្ចរខ្ចាយ​ទៅ​មជ្ឈដ្ឋាន​ខាង​ក្រៅ​​​ ពី​ព្រោះ​វ៉េប​សាយ​នោះ​បាន​និយាយចោទ​ប្រកាន់​ប្រមុខនៃរាជ​រដ្ឋាភិបាល​កម្ពុជាថា​ជាមេក្បត់​ជាតិ លក់​ទឹក​ដី​ឲ្យ​ប្រទេស​វៀណាម។ ពុំ​គួរគប្បី​ឡើយ​ ដែល​អង្គការ​លី​កាដូធ្វើការ​ស្តី​បន្ទោស ឬតេះ​ដៀល​មកលើ​ចំណាត់​ការ​របស់​តុលាការ​ដែល​ជា​ស្ថាប័នឯករាជ្យនោះទេ​ ពី​ព្រោះ​ការ​ចោទ​ប្រកាន់​ និង​ចាប់​ឃុំ​ខ្លួន​​បុរសនោះ ​គឺធ្វើ​ឡើង​ដើម្បី​ធានាបាន​នូវ​ស្ថេរភាព​នយោបាយ សន្តិ​សុខ​សង្គម និង​បញ្ចៀសនូវ​ភាព​អាណាធិបតេយ្យ​។ ការ​ពោល​បែប​នេះ​ ដោយ​សំ​អាង​លើខ្លឹម​សារ​នៃ​ការ​ចោទ​ប្រកាន់​របស់​ki-media  គឺបាន​ចុះ​ផ្សាយ​នូវ​អត្ថ​បទ​មួល​បង្កាច់​ ប្រាស់​ចាកពី​ការ​ពិត​ និង​បាន​​ប៉ះ​ពាល់​ដល់​កិត្តិ​យសនៃ​ថ្នាក់​ដឹក​នាំ​រាជ​រដ្ឋាភិបាលកម្ពុជា ​ដែលជាសច្ចធម៌ប្រវត្តិ​សាស្ត្រ​​ឥស្ស​ជន​ដ៏ឆ្នើមទាំង​៣រូប​ រួម​មាន​សម្តេច​ហ៊ុន សែន សម្តេច​ ហេង សំ​រឹន និង​សម្តេច​ ជា ស៊ីម​​​​ គឺជាអ្នក​តស៊ូប្តូរផ្តាច់​ នាំ​មក​នូវ​ការ​រស់​រាន​មាន​ជី​វិត​ឡើង​វិញ​របស់ប្រជា​​ពល​រដ្ឋខ្មែរពី​បន​ប្រល័យ​ពូជ​សាសន៍​ប៉ុល​ ពត និង​បាន​នាំ​ឲ្យ​មានការ​ផ្សះ​ផ្សា បង្រួប​បង្រួម​ជាតិ ឯកភាព​ទឹក​ដី​ ស្តារនិង​អភិវឌ្ឍ​ប្រទេសរីក​ចំ​រើន​ស្ទើ​គ្រប់​វិស័យ​។ ដូច្នេះ​គ្មាន​ហេតុ​ផល​ណានឹង​គួរត្រូវ​បាន​ស្តី​បន្ទោស ឬក៏​ប្រមាថ​ដល់អ្នក​ដែល​​រំ​ដោះ​ប្រទេសជាតិ​បាន​ហើយ ​បែរ​ជា​ត្រូវ​ជន​អគតិចោទ​ប្រកាន់​យ៉ាង​អយុត្តិ​ធម៌​បែប​នោះ​ឡើយ។

          ការ​ចាប់​ខ្លួន​បុរសនោះ​ គឺ​ជា​សារ​មួយ​ ព្រមាន​ដល់​ជនឱកាសនិយម​មួយចំ​នួន​ ឲ្យ​ងាក​​មក​រក​ការ​គោរព​​និង​អនុវត្ត​ច្បាប់​ឲ្យ​បាន​ត្រឹម​ត្រូវ ទប់​ស្កាត់​នូវ​ការ​ប្រើ​ប្រាស់​សិទ្ធិ​សេរី​ភាព​នៃការ​បញ្ចេញ​​មតិ​របស់​ខ្លួន​ហួសព្រំ​ដែន ដែលអាច​នឹង​នាំ​ឲ្យ​មានភាព​​ចលាចល ​​ជា​យថា​ហេតុ បង្កឡើង​ពី​ក្រុម​បំ​ផ្លិចបំ​ផ្លាញ​ជាតិ​​ទាំង​នោះ។​ ទំ​ហំ​នៃ​សន្តិ​ភាពនៅ​កម្ពុជាមាន​តម្លៃមហាសាល កាត់​ថ្លៃ​ពុំ​បាន​​​ គឺ​មិនត្រូវ​បាន​​អនុញ្ញាតឲ្យ​​កំ​ទេច​ដោយ​បាត​ដៃ​នៃជន​មួយ​ក្តាប់​តូច​បាន​ឡើយ​ ហេតុនេះ​ ​ចាំបាច់​ត្រូវ​តែមាន​វិធាន​ការ​តាម​ផ្លូវ​ច្បាប់​។

ពិត​ណាស់​ថា​ មាត្រា៤១នៃ​ច្បាប់​រដ្ឋធម្ម​នុញ្ញរបស់​​ព្រះ​រាជាណាចក្រ​កម្ពុជាបាន​ចែង​ថា​ប្រជាពល​រដ្ឋមាន​សេរី​ភាព​ខាង​ការ​បញ្ចេញ​មតិរបស់​ខ្លួន  និង​សេរី​ភាព​ខាង​ការ​បោះ​ពុម្ពផ្សាយ ប៉ុន្តែ​​ក្នុង​មាត្រាដដែល​នោះ​ក៏​បាន​បញ្ជាក់​យ៉ាង​​ច្បាស់ដែរ​ថា​ « ជន​ណាក៏ដោយ​មិន​អាចឆ្លៀត​ប្រើ​សិទ្ធិ​នេះ​ដោយ​រំ​លោភបំ​ពាន​នាំ​ឲ្យ​ប៉ះ​ពាល់​ដល់​កិត្តិ​យសរបស់​អ្នក​ដ៏​ទៃ​ ដល់​ទំ​នៀម​ទំ​លាប់​ល្អ​របស់​សង្គម ដល់​សណ្តាប់​ធ្នាប់​សាធារណៈ និង​ដល់​សន្តិ​សុខជាតិ​បាន​ឡើយ​»។ ដូច្នេះ​ បើ​យើង​និយា​យ​ពី​កំ​ហុសរបស់​ លោក សេង គុណ​ការ​ ប្រធាន​សន្តិ​សុខអង្គការ​ស្បៀង​អាហារ​ពិភព​លោក ក៏ដូច​ជា​បុគ្គលិក​អង្គការ​សិទ្ធិ​មនុស្សលី​កាដូម្នាក់ដែល​ត្រូវ​ចាប់​ឃុំ​ខ្លួន​នៅ​ខេត្ត​តាកែវ ពី​បទ​បាច​ត្រាក់ជេរ
​ប្រមាថរាជ​រដ្ឋាភិបាល​ ជាពិ​សេសករណី​អំពើរំ​លោភច្បាប់​ក្នុង​ការ​ដក​បំ​ផ្លាញ​តម្រុយ​បង្គោល​ព្រំ​ដែនកម្ពុជា‑វៀត​ណាម​ ដោយ​មេបក្ស លោក សម រង្ស៊ី​ នាពេល​កន្លង​មក​ គឺជា​ការ​អនុវត្តត្រឹម​ត្រូវ​​តាម​ដំ​ណើការ​និង​និតិវិធី​​ច្បាប់​ ដែល​​កម្ពុជា​បាន​និង​កំ​ពុង​គោរព​គោល​ការណ៍​​​ប្រជាធិ​បតេយ្យ​ និង​ការ​ពង្រឹង​និតិ​រដ្ឋ។ ផ្ទុយ​ទៅ​វិញ​ ក្រុម​គណបក្សប្រឆាំង​ សម រង្ស៊ី ហើយ​ក្នុង​នោះ​ក៏​មាន​អង្គការលី​កាដូ​ផង​ដែរ​ ពុំ​​គួរគប្បី​គាំទ្រ​ជន​​ល្មើសច្បាប់​ ដែល​ពួក​គេបាន​ប្រើ​ពាក្យសម្តី​អសុរោះ ប្រមាថ តេះ​ដៀល​ និង​មួល​បង្កាច់​ថ្នាក់​ដឹក​នាំប្រទេស​បែប​នេះ​ឡើយ​។  សួរថា​ ចុះ​បើ​ពាក្យ​សម្តី​នេះ​ត្រូវ​បាន​គេ​​ប្រើ​ទៅ​លើ​ម្តាយ​​ ឳពុក  ឬ​ក្រុម​គ្រួសាររបស់​ខ្លួន​វិញ​ តើ​អ្នក​មាន​ការ​ឈឺចាប់​ដែរ​ឬទេ? ជារួម​ក្រុម​ហ៊ុន សម រង្ស៊ី និង​លីកាដូ ឬក្រុម​ហ៊ុន«អ្នក​ប្រឆាំង​ក្រៅ​ដំ​បូល​ច្បាប់»​ ពួកគេបានប្រកាន់​ខ្ជាប់​នូវ​ទម្លាប់​​​​ផ្ទុយ​ពី​ច្បាប់​ជា​និច្ច ធ្វើ​យ៉ាង​ណាឲ្យ​តែកើត​មាននូវភាពអាណាធិបតេយ្យ​ វឹក​វរ ជ្រួល​ច្របល់ក្នុ​ង​សង្គមជាតិ ឬផ្ដាច់​ការ​និយម​ ទើប​ត្រូវ​ជា​មួយនឹង​ចិត្ត​គំ​និត​របស់​ពួក​គេ។ នៅ​ប្រទេស​ណា​​ៗក៏ដោយ​ លើសកល​លោក ​ការ​ប្រើប្រាស់​សិទ្ធិ​សេរី​ភាព​ គឺ​មិន​ត្រូវ​ឲ្យ​ហួសពី​ព្រំ​ដែន​នៃ​ច្បាប់​បាន​ទេ ក្នុង​នោះ​មាន​បណ្តាប្រទេស​ខ្លះ​គេបាន​ហាម​ឃាត់សិទ្ធិ​សេរី​ភាព​សព្វ​បែប​យ៉ាង​ ដូច​ជា​ការ​ស្តាប់​វិទ្យុ​ អាន​កាសែតប្រឆាំង​​ ប្រើ​ប្រាស់​អ៊ី​ធឺណេត និង​យុវជន​ហាម​មិន​ឲ្យ​និយាយគ្នាអំ​​ពី​រឿង​នយោបាយ​ទៀត​ផង ប៉ុន្តែ​ នៅ​កម្ពុជា​មិន​បាន​អនុវត្ត​របៀប​នោះ​ទេ​​​ គឺ​បាន​បើក​ចំ​ហរយ៉ាង​ទូ​លាយ​។

ប៉ុន្តែ​ បែ​ជា​ក្រុម​ជ្រុល​និយម​ ងុប​នឹង​ការ​ប្រឆាំង​ ឬពួក​ស្រេក​ឃ្លាន​អំ​ណាច​ បាន​នាំ​គ្នា​ប៉ុន​ប៉ង​ម្តង​ហើយ​ម្តង​ទៀត​ក្នុង​មហិច្ឆតា​ដ៏​ខ្មៅ​ងងឹត​ដើម្បី​ចង់​ហែក​សន្តិភាព​យក​មកចែក​គ្នា។

          សូម​បញ្ជាក់​ថា ច្បាប់​ក្រម​ព្រហ្ម​ទណ្ឌថ្មី និង​ក្រម​រដ្ឋប្បវេណី​ ​ដែល​បាន​ចូល​ជា​ធរមាន​នាពេល​ថ្មី​ៗនេះ​ គឺ​បានរៀប​ចំ​តាក់​តែង​ និង​ប្រើ​ពេល​វេលាយ៉ាង​យូរ​ និង​មាន​ការ​ចូលរួម​ពិ​គ្រោះយោបល់ពិ​និត្យពិ​ច័យ​គ្រប់​ជ្រុង​ជ្រោយ​​​ពី​ក្រុម​អ្នកជំ​នាញការ​​​ច្បាប់​ជាតិ​និង​អន្តរជាតិ​​ សង្គម​ស៊ី​វិល​ និង​រដ្ឋាភិ​បាល​​ រហូត​អនុម័ត​ និង​ចេញ​ព្រះ​រាជ​ក្រម​ឲ្យ​ប្រើ​ដោយ​ព្រះ​មហាក្សត្រ​ ក្នុង​បំ​ណង​ដើម្បី​ពង្រឹង​និតិរដ្ឋនៅ​កម្ពុជា ដែល​ក្នុង​សម័យ​ប៉ុល​ ពត​ ត្រូវ​បាន​បំ​ផ្លាញ​អស់​ដល់​ឬសគល់​នូវ​ច្បាប់​ទម្លាប់​ ក៏ដូច​ជា​វប្បធម៌ អរិយធម៌​។ ដូច្នេះ​ការ​គ្រប់​គ្រង​សង្គម​មួយដែលធានាបាន​នូវ​ស្ថេរភាព​ និង​សុខដុម​នីយកម្ម​ទៅ​បាន​ គឺ​អាស្រ័យ​ដោយ​រដ្ឋាភិបាល​មាន​ការ​ពង្រឹង​និង​អនុវត្ត​ច្បាប់​ ក៍ដូច​ជា​ខិត​ខំ​កសាង​អភិវឌ្ឍប្រទេស​ ហើយ​ការ​ដែល​ពួក​គេមាន​គំនិត​ខ្ទាស់​នឹង​ការ​យក​ច្បាប់​មក​អនុវត្ត​ គឺ​បាន​បញ្ជាក់​ពី​បំ​ណង​ និង​បែប​ផែន​របស់​ក្រុម​នោះ​ថា ​ពិត​ជា​ចង់​នាំ​ឲ្យ​ប្រទេស​ជាតិ​ជួប​នូវ​គ្រោះ​ថ្នាក់​ភ័យ​អន្តរាយ​។​  ជាមួយ​គ្នានោះ​គេបាន​កត់​សម្គាល់​ឃើញ​ថា​ ពួក​ក្រុម​សង្គម​ស៊ី​វិល​ប្រឆាំង​ក្តី​ គណបក្ស​ប្រឆាំង​ក្តី​បាន​ស្ថិត​នៅ​ក្នុង​ភាព​មិន​ច្បាស់​លាស់​ក្នុង​ការ​ដាក់សំ​ពាធមកលើ​រាជ​រដ្ឋាភិបាល​ ដោយ​ពេល​ខ្លះ​គេរិះ​គន់​ថា​ រដ្ឋាភិ​បាល​ប្រកាន់​យកទ​ម្លាប់​និទណ្ឌភាព​  និង​ជម្រុញ​ឲ្យ​មានការ​ចាត់​ការ​ទៅ​លើ​ជន​ល្មើសច្បាប់​ឲ្យ​បាន​ទាន់​ពេល​វេលា​ទេ  និង​បែង​ចែក​អំ​ណាច​ឲ្យ​ដាច់​ពី​គ្នា​ ប៉ុន្តែ នៅ​ខណៈនេះ ​ពេលដែលតុលាការ​មាន​ចំណាត់​​​ការទៅ​លើ​ជន​បំ​ពាន​ច្បាប់​ ​បែរជា​ពួក​គេនាំ​គ្នាប្រតិកម្មប្រឆាំង​ទៅ​វិញ។

          ជារួម​ការ​ដឹក​នាំ​ក្នុង​ក្រុម​ហ៊ុន​បក្សប្រឆាំង​ និង​អង្គការ​ក្រៅ​រដ្ឋាភិបាល​មួយចំ​នួន​ គឺ​គ្មាន​អ្វី​ជា​ការ​យក​មក​ធ្វើ​ជា​គំ​រូសម្រាប់​អនុវត្ត​ទេ​ គឺពួក​គេនាំ​គ្នាបង្កើត​បញ្ហា​ដើម្បី​ឡប់​ឡែ និង​បង្ក​អស្ថេរភាព​ បាក់​បែក​ផ្ទៃ​ក្នុង​និង​ការ​ឯកភាព​ជាតិ​រវាង​ខ្មែរ​និង​ខ្មែរ​ដែល​អាច​នឹង​នាំ​ឲ្យ​មាន​ការ​រើសអើង​ពី​សំ​ណាក់​បរទេស​តែ​ប៉ុណ្ណោះ​ ។​ ក្រុម​អ្នក​តាម​ដាន​ស្ថានការណ៍​នយោបាយ​ ក៍​គេបាន​វាយ​តម្លៃ​ចំ​ពោះក្រុម​ប្រឆាំង​ដែល​ថា​ ពួក​គេបាន​បំ​ផុសឲ្យ​សកម្ម​ជន​ខ្លួន​ប្រព្រឹត្ត​ល្មើសច្បាប់ជាច្រើន​​ករណី​ ហើយ​នៅ​ពេល​ដែល​រដ្ឋាភិបាល​ចាត់​វិធាន​ការ​ ក្រុម​នេះ​បាន​យក​លេសចោទ​ប្រកាន់​មក​លើរាជ​​រដ្ឋាភិបាល​វិញ​ពី​ការ​បំ​បិទ​សិទ្ធិ​សេរី​ភាព​ និង​គាប​សង្កត់​លើ​ក្រុម​ប្រឆាំង​ដើម្បី​ទាញ​ចំ​ណេញ​នយោបាយ​ ។ ដូច្នេះ​ ក្រុម​ហ៊ុន​នោះ ប្រាកដជា​នឹង​ត្រូវ​បរាជ័យ​ ដួល​រលំ​ជា​បន្តបន្ទាប់​ គឺមិន​អាច​មាន​ឥទ្ធិ​ពលអ្វី​មក​​បោក​ប្រាស់​ឆន្ទៈរបស់​ប្រជាពល​រដ្ឋខ្មែរបាន​ឡើយ​៕
ពូន សំ​រេច