Tuesday, January 04, 2011

កម្ពុ​ជា​ត្រៀម​ទប់​ស្កាត់​ ​បាតុកម្ម​ថៃ​អាវ​លឿង​

កម្ពុ​ជា​បាន​ត្រៀម​កម្លាំង​ទប់​ស្កាត់​នៅ​តាម​បណ្តោយ​ព្រំ​ដែន​ដែល​ ​ក្រុម​ថៃ​អាវ​លឿង​គ្រោង​នាំ​គ្នា​ធ្វើ​បាតុកម្ម​ក្នុង​ខេត្ត​សា​កែវ​នា​ថ្ងៃ​អង្គា​នេះ​។​ ​តាម​ប្រសា​ស​ន៏​របស់​ប្រធាន​ទំនាក់​ទំនង​ការិយាល័យ​កម្ពុ​ជា​ថៃ​ក្នុង​ ​ខេត្ត​បន្ទាយ​មាន​ជ័យ​លោក​ ​ឧ​ត្តម​សេនីយ៍​ត្រី​ ​ឌី​ ​ផេ​ន​ ​បាន​ឲ្យ​ដឹង​ថា​ ​សូ​ម្បី​តែ​សមត្ថ​កិច្ច​ប៉ូលិស​របស់​ខាង​ភា​គី​ថៃ​ក៍​ដាក់​ពង្រាយ​ការពារ​នៅ​ ​តាម​ព្រំ​ដែន​នោះ​ដែរ​ ​ជៀស​វាង​ការ​ធ្វើ​សកម្មភាព​ណា​មួយ​របស់​ក្រុម​ថៃ​ ​អាវ​លឿង​ខ្លួន​ឯ​ង​។​
សូម​ស្តា​ប់​ប្រសា​ស​ន៏​ ​របស់​ប្រធាន​ទំនាក់​ទំនង​ការិយាល័យ​កម្ពុ​ជា​ថៃ​ ​ក្នុង​ខេត្ត​បន្ទាយ​មាន​ជ័យ​ ​លោក​ ​ឧ​ត្តម​សេនីយ៍​ត្រី​ ​ឌី​ ​ផេ​ន​ ​តាម​ការ​សាកសួរ​របស់​វិទ្យុ​នគរវត្ត​ ​ដែល​មាន​ខ្លឹម​សារ​ដូច​តទៅ​

សម្ដេច​ជា​ ​ស៊ី​ម​ ​អញ្ជើញ​ជា​អធិបតី​ក្នុង​ពិធី​បើក​អនុ​សំ​វ​ច្ឆ​រៈ​មហា​ស​ន្និ​បាត​ម​ន្ដ្រី​សង្ឃ​លើក​ទី​១៩


ភ្នំពេញ​៖ អនុ​សំ​វ​ច្ឆ​រៈ​មហា​ស​ន្និ​បាត​ម​ន្ដ្រី​សង្ឃ​ទូ​ទាំង​ប្រទេស​លើក​ទី​១៩ បាន​ប្រា​រ​ឰ​ពិធី​បើក​នៅ​ព្រឹក​ថ្ងៃ​ទី​៣ ខែ​មក​រា​ ​ឆ្នាំ​២០១១ នៅ​សាល​សន្និសីទ​ចតុ​មុខ​ ​ដោយ​មាន​ការ​អញ្ជើញ​ជា​អធិបតី​ភាព​ដ៏​ខ្ពង់ខ្ពស់​ពី​សម្ដេច​អគ្គ​មហា​ធម្ម​ពោធិ​សាល​ ​ជា​ ​ស៊ី​ម​ ​ប្រធាន​ព្រឹទ្ធសភា​នៃ​ព្រះ​រាជា​ណា​ចក្រ​កម្ពុ​ជា។

ឯក​ឧត្ដម​ ​មិន​ ​ឃិ​ន​ ​រដ្ឋ​ម​ន្ដ្រី​ក្រសួង​ធម្ម​ការ​ ​និង​សាសនា​ ​បាន​ថ្លែង​ឱ្យ​ដឹង​ថា​ ​អនុ​សំ​វ​ច្ឆ​រៈ​មហា​ស​ន្និ​បាត​ម​ន្ដ្រី​សង្ឃ​ទូ​ទាំង​ប្រទេស​លើក​ទី​១៩ ឆ្នាំ​២០១១ ប្រ​ព្រឹ​ត្ដ​ទៅ​ក្នុង​រ​យៈ​ពេល​២ថ្ងៃ​ ​គឺ​ថ្ងៃ​ទី​៣ ដល់​ថ្ងៃ​ទី​៤ ខែ​មក​រា​ ​ឆ្នាំ​២០១១ ដើម្បី​បូក​សរុប​ពិ​និត្យ​មើល​លទ្ធ​ផល​នៃ​ការ​ ​អនុ​វ​ត្ដ​សង្ឃ​ប្រកាស​របស់​អនុ​វ​ច្ឆ​រៈ​មហា​ស​ន្និ​បាត​ម​ន្ដ្រី​សង្ឃ​ក្នុង​ឆ្នាំ​កន្លង​ទៅ​ ​និង​ពិភាក្សា​ពិគ្រោះ​ប្ដូរ​យោបល់​លើ​ការងារ​ព្រះ​ពុទ្ធ​សាសនា​ពេល​បច្ចុប្បន្ន​ ​និង​លើក​ទិស​ដៅ​ប​ន្ដ​សំដៅ​ពង្រឹង​អនុ​វ​ត្ដ​រចនា​ស​ម្ព័​ន្ធ​ដឹកនាំ​គ្រប់គ្រង​ពង្រឹង​លិខិត​បទដ្ឋាន​គិត​យុ​ត្ដដែល​មាន​ស្រាប់​ ​ធ្វើ​ឱ្យ​វិ​ស័​យ​ព្រះ​ពុទ្ធ​សាសនា​រីក​ចម្រើន​ស​ក្ដិ​សម​ជា​ទី​គោរព​បូជា​របស់​ពុទ្ធ​បរិស័ទ​ ​និង​ពង្រឹង​គុណ​ភាព​ពុទ្ធិក​សិក្សា​ដើម្បី​ ​អភិវឌ្ឍ​ធនធាន​បព្វជិត​ឱ្យ​កាន់តែ​សុក្រឹត​និង​គុណ​ភាព​ខ្ព​ស់​។

សម្ដេច​ ​ជា​ ​ស៊ី​ម​ ​ប្រធាន​ព្រឹទ្ធ​ភាព​ ​បាន​បញ្ជាក់​ថា​ ​ទន្ទឹម​នឹង​ការ​រីក​ចម្រើន​ក៏​នៅ​មាន​បញ្ហា​ជា​ច្រើន​ដែរ​ ​ដែល​ត្រូវ​ប​ន្ដ​ដោះ​ស្រា​យ​។​ ​សម្ដេច​ប្រធាន​ព្រឹទ្ធសភា​បាន​ឯក​ភាព​ ​ជាមួយ​មហា​ស​ន្និ​បាត​លើក​នេះ​ដែល​បាន​ចាប់​អារម្មណ៍​ដល់​ការ​ពង្រឹង​រចនា​ស​ម្ព័​ន្ធ​គ្រប់គ្រង​អភិបាល​កិច្ច​ ​ការ​គោរព​ប្រតិបត្ដិ​ធម៌​វិ​ន័យ​ ​និង​ការ​ចូល​រួម​ការងារ​សង្គម​ជាមួយ​រាជ​រ​ដ្ឋា​ភិ​បា​ល​កម្ពុ​ជា​ ​ពិសេស​អប់រំ​ ​សីល​ធម៌​ ​ព្រោះ​ព្រះ​ពុទ្ធ​សាសនា​ ​គឺ​ជា​កម្លាំង​ដឹកនាំ​ចរិយា​ធម៌​សង្គម​ដ៏​ល្អ​បំ​ផុ​ត​។

សម្ដេច​បន្ថែម​ថា​ ​ការ​ពង្រឹង​គុណ​ភាព​លើ​អភិបាល​កិច្ច​គ្រប់​លំដាប់​ថ្នាក់​ ​ក្នុង​ជួរ​ម​ន្ដ្រី​សង្ឃ​ត្រូវ​ផ្សារ​ភ្ជាប់​នឹង​ប​ច្ចេ​ក​វិទ្យា​ទំនើប​ដើម្បី​ឱ្យ​កិច្ច​ការ​សា​ស​ ​នា​មាន​សណ្ដាប់ធ្នាប់​ល្អ​ ​និង​ធានា​បាន​នូវ​សាមគ្គី​ភាព​ក្នុង​ជួរ​ពុទ្ធ​សាសនិក​ជ​ន​។​ ​ការ​យក​ចិ​ត្ដ​ទុកដាក់​ចំពោះ​ពុទ្ធិក​សិក្សា​ ​ក៏​ជា​ការ​ចាំបាច់​យ៉ាង​សំខាន់​ដែរ​ដែល​ត្រូវ​ពង្រឹង​ ​និង​ពង្រីក​នៅ​គ្រប់​ទី​កន្លែង​ ​ដែល​សម​ស្រប​ហើយ​គ្រប់​គ្នា​គួរ​ប្រកាន់​ ​យក​ព្រះ​ពុទ្ធ​ឱ​វាទ​ធ្វើ​ជា​ប្រទីប​បំភ្លឺ​ផ្លូវ​សម្រាប់​អប់រំ​ចរិយា​ធម៌​ ​និង​ស្មារតី​ ​ដោយ​ជម្រុះ​ចោល​នូវ​គំនុំ​ការ​ច្រណែន​ ​និន្ទា​និង​អំពើ​ហិង្សា​។

សម្ដេច​ក៏​បាន​ថ្លែង​សរសើរ​ចំពោះ​ពុទ្ធ​សាសនិក​ទាំង​បព្វជិត​ ​ទាំង​គ្រហស្ថ​ ​ដែល​ខិតខំ​ប្រតិបត្ដិ​ខ្លួន​ឯង​ ​ជួយ​អប់រំ​ពុទ្ធ​បរិស័ទ​ផង​ ​ទៅ​តាម​លំ​អាន​ខ្លឹម​សារ​ក្នុង​ព្រះ​ត្រៃ​បិត​ក​ដែល​ជា​ព្រះ​ធម៌​របស់​សម្មា​ស​ម្ពុ​ទ្ធ​។​ ​សម្ដេច​ក៏​សូម​ឱ្យ​ជន​រួម​ជាតិ​ខិតខំ​សម្អាត​កាយ​វាចា​ ​ជម្រះ​នូវ​សេចក្ដី​សៅហ្មង​ទាំងឡាយ​ ​ធ្វើ​ដំណើរ​តាម​គន្លង​ព្រះ​ធម៌​ ​និង​មាន​សេចក្ដី​ជ្រះ​ថ្លា​ ​ក្នុង​ការ​ប្រមូល​ផ្ដុំ​កម្លាំង​ថែ​រក្សា​ការពារ​ ​សេចក្ដី​សុខ​ ​ស​ន្ដិ​ភាព​ ​ស្ថិរ​ភាព​ ​សាមគ្គី​ភាព​ ​ក្ដី​សង្ឃឹម​ ​ហើយ​ជំរុញ​ការ​ក​សាង​ជាតិ​ឆ្ពោះ​ទៅ​រក​ភាព​ថ្កុំ​ថ្កើង​រុងរឿង​ ​សម្បូរ​ត​សប្បាយ​រៀង​ទៅ​។

សម្ដេច​ក៏​សូម​ឱ្យ​អនុ​វ​ត្ដ​ឱ្យ​បាន​ត្រឹម​ត្រូវ​នូវ​គោល​នយោបាយ​របស់​រាជ​រ​ដ្ឋា​ភិ​បា​ល​ដែល​បាន​កំណត់​ថា​ ​គោរព​សិទ្ធិ​សេរី​ភាព​ខាង​សាសនា​ ​លើក​ស្ទួយ​ព្រះ​ពុទ្ធ​សាសនា​ ​ដែល​ជា​សាសនា​របស់​រដ្ឋ​ ​និង​បង្ក​លក្ខ​ណៈ​ស​ម្ប​ត្ដិ​ល្អ​ដល់​សកម្មភាព​នៃ​សាសនា​ផ្សេ​ងៗ​ទៀត​ ​ដោយ​ផ្អែក​លើ​មូល​ដ្ឋា​ន​ថែ​រក្សា​ ​សាមគ្គី​រវាង​ប្រជា​ជន​ ​ស្ថិរ​ភាព​នយោបាយ​ ​និង​សណ្ដាប់ធ្នាប់​សង្គម​ ​ដោយ​រារាំង​ការ​រើសអើង​ ​និង​ការ​បែក​ចែក​សង្គម​ ​ដែល​បណ្ដាល​មក​ពី​ភាព​ខុស​គ្នា​ខាង​ជំនឿ​ង​ ​និង​សា​ស​នា​៕

ក្រសួងមហាផ្ទៃ និង​ក្រសួង​សេដ្ឋកិច្ច​តម្រូវឱ្យ​ពលរដ្ឋ​បង់ថ្លៃ​ធ្វើ​អត្តសញ្ញាណប័ណ្ណ​១​ម៉ឺន​រៀល​ម្នាក់

កាលពីមុនការធ្វើ​អត្តសញ្ញាណប័ណ្ណពុំ​តម្រូវឱ្យ​ប្រជាជន​បង់​ប្រាក់​ទេ ប៉ុន្តែ​ឥឡូវនេះ​ក្រសួង​​មហាផ្ទៃ និង​ក្រសួង​សេដ្ឋកិច្ច​និង​ហិរញ្ញវត្ថុ​បាន​ចេញប្រកាស​ជា​ផ្លូវការ​ជា​អន្តរក្រសួង​មួយ​ដោយ​តម្រូវឱ្យ​ប្រជាជន​កម្ពុជា​ទាំងអស់​បង់​ប្រាក់​ចំនួន​១​ម៉ឺន​រៀល​ សម្រាប់​តម្លៃ​អាករ​អត្តសញ្ញាណប័ណ្ណ​សញ្ជាតិ​ខ្មែរ​ក្នុង​ម្នាក់ៗ ដែល​ប្រកាស​នេះបាន​អះអាង​ថា ​ការបង់ថ្លៃ​អាករ គឺ​សម្រាប់​ផ្គត់ផ្គង់​ថ្លៃ​ទិញ​សម្ភារៈ​ក្នុងការ ផលិត​ប័ណ្ណ សម្គាល់ខ្លួន​នេះ​។​

​បើ​តាម​ប្រកាស​អន្តរ​ក្រសួង​រវាង​ក្រសួងមហាផ្ទៃ និង​ក្រសួង​សេដ្ឋកិច្ច និង​ហិរញ្ញវត្ថុ បានសម្រេចថា ការ​ផ្តល់​អត្តសញ្ញាណប័ណ្ណ​សញ្ជាតិ​ខ្មែរ នៅ​ពេល​ខាង​មុខ​នឹង​ត្រូវ​កំណត់​ថ្លៃ​អាករ​អត្តសញ្ញាណប័ណ្ណ សញ្ជាតិ​ខ្មែរ​ដែល​ផ្តល់ជូន​ប្រជាពលរដ្ឋ​ក្នុង​មួយ​សន្លឹក​តម្លៃ ១​ម៉ឺន​រៀល​។ ប្រាក់​ដែល​ប្រមូលបាន​ពីអាករ​អត្តសញ្ញាណប័ណ្ណ​សញ្ជាតិ​ខ្មែរ​ត្រូវ​ដក ២ ០០០​រៀល ក្នុង​មួយ​សន្លឹក ក្នុង​នោះ​សម្រាប់​ឧបត្ថម្ភដល់​កងកម្លាំង​ប្រតិបត្តិការ ១ ៥០០​រៀល និង​សេវា​ថែទាំ​ឧបករណ៍ សម្ភារៈ​បច្ចេកទេស ៥០០​រៀល​។​

​លោក​គៀត ច័ន្ទ​ថា​រិទ្ធ អ្នកនាំពាក្យ​អគ្គស្នងការដ្ឋាន​នគរ​បាល​ជាតិ បានមាន ប្រសាសន៍ ថាៈ​“​យោងតាម​ប្រកាស​របស់​អន្តរ​ក្រសួង​ថា ការកំណត់ថ្លៃ​អាករ​អត្តសញ្ញាណប័ណ្ណ​នោះ នឹង​ចូល​ជា​ធរមាន បន្ទាប់​ពីថ្ងៃ​ចុះហត្ថលេខា ថ្ងៃទី​១៥ ខែតុលា ឆ្នាំ​២០១០ ដោយ​លោក​ឧបនាយករដ្ឋមន្ត្រី​ទាំងពីរ គឺ​លោក​ស ខេង រដ្ឋមន្ត្រីក្រសួង​មហាផ្ទៃ និង​លោក​គាត ឈ​ន់ រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ​”​។ 

​លោក​បាន​បន្ថែមទៀតថាៈ​“​ប្រាក់​ដែល​ទទួលបាន​ក្នុង​ការកំណត់ថ្លៃ​អាករ​ចំនួន​១​ម៉ឺន​រៀល​ក្នុង​ម្នាក់ៗ គឺ​មិន​ថ្លៃ​ពេក​ទេ ហើយ​នឹង​ប្រើ​សម្រាប់​ទិញ​សម្ភារៈ​មួយចំនួន​ក្នុងការផលិត​ប័ណ្ណ​សម្គាល់​​ខ្លួន​ដូច្នេះ​ប្រជាជន​សាមញ្ញ គាត់​អាច​មាន​លទ្ធភាព​។ ប៉ុន្តែ​ប្រជាជន​ក្រីក្រ​មួយចំនួន​អាច​ជួប​ការលំបាក​ក្នុង​ការលៃលក​ប្រាក់ ម្យ៉ាងវិញទៀត រដ្ឋ​មិន​យកចំណេញ​ណាមួយ​ពី​ការធ្វើ​ប័ណ្ណ​នេះ​ទេ​”​។​

​ប្រជាជន​ម្នាក់​នៅ​ខណ្ឌមានជ័យ​ដែល​សុំ​មិន​ឱ្យ​បញ្ចេ​ញ​ឈ្មោះ​ដោយសារ​ការ​ទារប្រាក់​កន្លងមកនេះ ពី​ការធ្វើ​អត្តសញ្ញាណប័ណ្ណ​សញ្ជាតិ​ខ្មែរ​បាន​និយាយថាៈ​“​ប៉ូលិស​យកលុយ​១​ម៉ឺន​រៀល​ក្នុង​ម្នាក់ៗ​នោះ វា​មិនច្រើន​ទេ សម្រាប់​អ្នកមាន​លុយ តែបើ​សម្រាប់​កូនចៅ​ប្រជាជន​អ្នកក្រីក្រវិញ​នោះ វា​លំបាក​ណាស់ព្រោះ​សព្វថ្ងៃ​នេះ ពួកគាត់​ក្រខ្សត់​ណាស់ រក​លុយ​ឱ្យ​កូន​ទៅ​រៀនសូត្រ​ប្រចាំថ្ងៃមិន​ចង់បាន​ផង​”៕

អាប់​ភិស៊ី​ត​“​អត់​ដឹង​”​ថា​ផានិច​នៅឯ​ព្រំដែន តែ​សារភាពថា​បាន​បញ្ជា​អោយ​ទៅ​

ឃ្លីប​វីដេអូ​បង្ហាញ​លោកផា​និច​ទូរស័ព្ទ​និង​ជនជាតិ​ថៃ​៦​នាក់​ទៀត​ឆ្លង​ចូល​កម្ពុជា​។​លោក​ផានិ​ចបាន​ហៅ​ទូរស័ព្ទ​ទៅ​លេខា​របស់​លោក​ឈ្មោះ​សំ​គៀត ដោយ​ប្រាប់​លោក​អោយ​ប្រាប់​អាប់​ភិ​ស៊ី​តថាលោក​(​ផានិ​ច​)​បាន​ចូល​ក្នុង​ទឹកដី​កម្ពុជា​។​សមាជិក​សភា​នេះ​បាន​ប្រាប់​លេខា​របស់​លោក​ថា​លោកនាយក​រដ្ឋមន្ត្រី គ្មាន​នរណា​ម្នាក់​ផ្សេង​ទេ បានដឹង​អំពី​សភាពការណ៍​នេះ​
អ្នកនាំពាក្យ​រដ្ឋាភិបាល លោក​ផានី​តាន់ វ៉ាត​តា​ណា​យ៉ាក​ន​បាន​និយាយ​ក្រោយ​កិច្ចប្រជុំ​គណៈ​រដ្ឋមន្ត្រី​ថា នាយករដ្ឋមន្ត្រី​ថៃ​លោក​អាប់​ភិស៊ី​ត វេចា​ជីវ៉ា​បាន​ពន្យល់​ក្នុង​កិច្ចប្រជុំ​គណៈរដ្ឋមន្ត្រី​នៅ​ថ្ងៃ​អង្គារ​ថា​លោក​គ្រាន់តែ​បានដឹង​ថា​សមាជិក​សភា​គណបក្ស​ប្រជាធិបតេយ្យ​លោក​ផានិ​ច វី​គិត​ស្រេ​តនឹង​ធ្វើដំណើរ​ទៅ​តំបន់​ព្រំដែន​មួយ តែ​មិន​បានដឹងថា​គាត់​(​ផានិ​ច​)​បាន​ស្ថិតនៅ​ទីណា​ទេ​។​
​លោក​អាប់​ភិស៊ី​តមុន​ចូល​ប្រជុំកណៈ​រដ្ឋមន្ត្រីកាលពី​ថ្ងៃ​អង្គារ​បាន​ទទួលស្គាល់​ថា​លោក​បាន​បញ្ជូន​លោក​ផានិច​ទៅ​ព្រំដែន​និង​បាន​និយាយថា​លោក​នឹង​ពន្យល់​បញ្ហា​នេះ​ក្រោយ​កិច្ចប្រជុំ​គណៈរដ្ឋមន្ត្រី​។​
​លោក​ផានី​តាន់​បាន​និយាយថា​លោកនាយក​រដ្ឋមន្ត្រី​បាន​ប្រាប់​គណៈរដ្ឋមន្ត្រី​ថា​លោក​ផានិច​ពី​ដំបូង​បាន​ប្រាប់លោកថា​លោក​នឹង​ទៅ​កាន់​ចំណុច​ព្រំដែន​មួយ​នៅក្នុង​ខេត្ត​ប្រា​ជិន ប៊ូ​រី​។​តែ ចេញ​ពី​ព្រំដែន​លោក​ផានិ​ចបាន​រាយការណ៍​តាម​រយៈ​លេខា​ផ្ទាល់​របស់​នាយក​រដ្ឋមន្ត្រី​ថា​លោក​បាន​ទៅ​ខេត្ត​ស្រះកែវ​ជំនួស​វិញ​។​
​យោង​តាម​លោក​ផានី​តាន់ ក្រសួង​ការបរទេស​បាន​រាយការណ៍​ជូន​គណៈរដ្ឋមន្ត្រី​អំពី​ផែនការ​ជួយ​ជនជាតិ​ថៃ​ទាំង​៧​នាក់​ដែល​ត្រូវបាន​ចោទប្រកាន់​ពី​បទ​ចូលក្នុង​ទឹកដី​កម្ពុជា​និង​តំបន់​យោធា​ដោយ​ខុស​ច្បាប់​កាលពី​ថ្ងៃ​២៩​ធ្នូ​។​
​ក្រសួង​នឹង​តែងតាំង​មេធាវី​២​នាក់​សំរាប់​ដោះស្រាយ​ករណី​នេះ​។​
​ក្រសួង​នៅតែ​និយាយថា​លោក​ផានិ​ចនិង​ក្រុម​របស់​លោក​គ្មាន​ចេតនា​ចូល​ទឹកដី​កម្ពុជា​ទេ​និង​ថា​“​ពួកគេ​បាន​នៅ​ទីនោះ​ដើម្បី​តែ​ស៊ើបអង្កេត​បណ្តឹង​ពី​អ្នកភូមិ ដែល​បាន​និយាយថា​ពួកគេ​លែង​អាច​ធ្វើការ​ចិញ្ចឹមជីវិត​នៅក្នុង​តំបន់​នេះ​”​។​
​ក្រសួងការបរទេស​នឹង​ធ្វើ​អ្វីៗ​គ្រប់យ៉ាង​ដែល​ខ្លួន​អាច​ដើម្បី​រក្សា​ទំនាក់ទំនង​ល្អ​ជាមួយ​កម្ពុជា​ហើយ​នឹង​បន្ត​ទាក់ទង​រដ្ឋាភិបាល​កម្ពុ​ជា​។​
​ចំណែក​លោក​អាប់​ភិស៊ី​ត​បាន​និយាយ​ក្នុង​កិច្ច​សម្ភាសន៍​ដាច់​ដោយឡែក​មួយ​ថា​លោក​បាន​មើល​ឃ្លីប​វីដេអូ​ដែល​ត្រូវ​គេ​បង្ហោះ​តាម​អ៊ិន​ធឺ​ណែ​ត​និង​ដែល​ត្រូវ​កម្ពុជា​ប្រើ​ប្រឆាំង​ជនជាតិ​ថៃ​ទាំង​៧​នាក់​។​
​លោក​បាន​និយាយថា​លោក​មិន​បាន​ទាក់ទង​មក​នាយក​រដ្ឋមន្ត្រី​កម្ពុជា​ដោយ​ផ្ទាល់​ទេ​ហើយ​នឹង​ទុកអោយ​អាជ្ញាធរ​សមស្រប​ធ្វើ​កិច្ចការ​របស់​គេ​។​
​លោក​អាប់​ភិ​ស៊ីតក៏​បានស្នើ​ក្រុម​បណ្តាញ​អ្នកស្នេហាជាតិ​ថៃ​កុំ​បង្ក​ភាពវឹកវរ ពីព្រោះ​វា​នឹង​មិន​ធ្វើ​អ្វី​មួយ​ល្អ​សំរាប់​ប្រទេស​ទេ​។​

ស៊ូ​ថេ​ប​: ថៃ​កំពុង​ប្រញាប់​ដោះ​ស្រាយ​បញ្ហា​ជាមួយ​កម្ពុ​ជា​ ​ក្រោយ​អាប់​ភី​ស៊ី​ត​ ​សារភាព​

ឧបនាយក​រដ្ឋ​ម​ន្ត្រី​ថៃ​ ​លោក​ស៊ូ​ថេ​ប​ថង​ស៊ូ​បាន​ ​បាន​ថ្លែង​ថា​ ​គេ​ត្រូវ​ប្រញាប់​ដោះ​ស្រាយ​ ​រឿង​បញ្ហា​ដែល​កំពុង​មាន​ជាមួយ​កម្ពុ​ជា​ ​នៅ​មុន​ការ​អញ្ជើញ​មក​ដល់​ ​របស់​លោក​ឧបនាយក​រដ្ឋ​ម​ន្ត្រី​កម្ពុ​ជា​ ​សុខ​អា​ន​។​

សូម​ជំ​រាប​ថា​ ​មុន​នេះ​មាន​ការ​និយាយ​ពី​ភា​គី​ ​ថៃ​ថា​លោក​ឧបនាយក​រដ្ឋ​ម​ន្ត្រី​សុខ​អាន​ ​នឹង​ធ្វើ​ដំណើរ​ទៅ​ប្រទេស​ថៃ​ ​ក្នុង​ខែ​កុម្ភៈ​ ប៉ុន្តែ​ម​ន្ត្រី​គ​ណៈ​រដ្ឋ​ម​ន្ត្រី​ បាន​ប្រាប់​វិទ្យុ​នគរវត្ត​ថា​ ​គេ​មិន​បាន​ដឹង​អំពី​ដំណឹង​ចាក​ចេញ​របស់​ ​លោក​ឧបនាយក​រដ្ឋ​ម​ន្ត្រី​ខ្មែរ​ ​ទៅ​ប្រទេស​ថៃ​នោះ​ឡើ​យ​។​ ​ស​ម្តី​របស់​ ​លោក​ស៊ូ​ថេ​ប​ ​ដែល​ជ​ម្រុ​ញ​រក​ការ​ដោះ​ស្រាយ​ ​បាន​ធ្វើ​ឡើង​ក្រោយ​ការ​ទទួល​សារភាព​ ​របស់​នាយក​រដ្ឋ​ម​ន្ត្រី​ថៃ​ ​លោក​អាប់​ភី​ស៊ិ​ត​ ​ដែល​បញ្ជាក់​ថា​ ​លោក​បាន​ជាប់​ពាក់​ព័ន្ធ​នឹង​ការ​បញ្ជូន​អ្នក​តំណាង​រា​ស្ត្រ​ថៃ​ ​ផា​និ​ច​វី​ឃី​ស្រេ​ត​ ​ដែល​ក្រោយ​មក​ ​ត្រូវ​កម្ពុ​ជា​ ​បាន​ចាប់​ខ្លួ​ន​។​

លោក​ស៊ូ​ថេ​ប​ថង​ស៊ូ​បាន​ ​បាន​ថ្លែង​ថា​ ​ហេតុ​ការណ៍​ដែល​ជាប់​ទាក់ទង​នឹង​រឿង​ ​លោក​សមាជិក​សភា​ផា​និ​ច​វិ​ឃី​ស្រេ​ត​ ​មិន​មែន​ជា​រឿង​នយោបាយ​នោះ​ទេ​។​ ​លោក​ស៊ូ​ថេ​ប​ ​បារម្ភ​ខ្លាច​ក្រែង​ការ​ធ្វើ​បាតុកម្ម​ ​របស់​ក្រុម​ថៃ​អាវ​លឿង​ ​នៅ​ខេត្ត​សា​កែវ​ ​នឹង​ធ្វើ​អោ​យ​ស្ថាន​ការណ៍​កាន់តែ​តាន​តឹ​ង​។​

សូម​បញ្ជាក់​ថា​ ​ស​ម្តី​សារភាព​ ​របស់​លោក​នាយក​រដ្ឋ​ម​ន្ត្រី​ថៃ​ ​អាប់​ភី​ស៊ី​ត​ ​អំពី​ភាព​ជាប់​ពាក់​ព័ន្ធ​នឹង​រឿង​បញ្ជូន​ខ្លួន​ ​អ្នក​តំណាង​រា​ស្ត្រ​ថៃ​រូប​នោះ​ ​គឺ​នៅ​ក្រោយ​ដែល​មាន​ការ​បញ្ចេញ​ឯក​សារ​ភ​ស្តុ​តាង​ ​ជា​វី​ដេ​អូ​ ​Clips​ ​ដែល​បង្ហាញ​ថា​ ​អ្នក​តំណាង​រា​ស្ត្រ​ថៃ​ ​លោក​ផា​និ​ច​វី​ឃី​ត​ស្រេ​ត​ ​បាន​ធ្វើ​ការ​ប្រាស្រ័យ​ទាក់ទង​ជាមួយ​នឹង​ ​លោក​អាប់​ភិ​ស៊ិ​ត​ ​តាម​រ​យៈ​ម​ន្ត្រី​នៅ​ក្បែរ​ខ្លួន​ ​បើ​ទោះបីជា​ម​ន្ត្រី​នាំ​ពាក្យ​រ​ដ្ឋា​ភិ​បា​ល​ថៃ​ ​ឈ្មោះ​ផា​នី​ថា​ន​ ​វ​ឌ្ឍ​នា​យ៉ា​ឃ​ន​ ​ចេះ​តែ​និយាយ​បដិសេធ​ ​ការពារ​លោក​អាប់​ភិ​ស៊ី​ត​ក៏​ដោ​យ​។​
លោក​ស៊ូ​ថេ​ប​ ​បាន​ ​ថ្លែង​ថា​ ​ថៃ​កំពុង​តែ​មាន​ជួប​ការ​លំបាក​ក្នុង​កិច្ច​ការ​ដោះ​ស្រាយ​ ​បញ្ហា​រឿង​ជួយ​ថៃ​ ​ទាំង​៧ ដោយសារ​តែ​ ​វី​ដេ​អូ​ ​Clips​ ​បាន​បង្ហាញ​ស​ម្តី​របស់​ ​លោក​ផា​និ​ច​ ​ថា​ ​ក្រុម​ថៃ​ទាំង​៧ ពិត​ជា​បាន​ចូល​មក​ក្នុង​ទឹក​ដី​កម្ពុ​ជា​ ​ពិត​មែ​ន​។

ប្រជុំត្រួតពិនិត្យការអនុវត្តគោល នយោបាយ ភូមិ-ឃុំ មានសុវត្ថិភាព


នៅសណ្ឋាគារអង្គរ ANGKOR HOTEL ខេត្តសៀមរាបមានបើកកិច្ច ប្រជុំត្រួតពិនិត្យការ និងលទ្ធផលការអនុវត្តន៍ គោល នយោបាយ ភូមិ ឃុំមានសុត្ថិភាព 1ត្រីមាសចុង ឆ្នាំ២០១០ ក្រោមអធិបតីភាព ដ៏ខ្ពង់ខ្ពស់ ឯកឧត្តម ឧត្តមសេនីយ៏ឯក អ៊ុក គឹម លេខ អនុរដ្ឋលេខាធិការ ក្រសួងមហាផ្ទៃ និងជាប្រធានក្រុម ការងារថ្នាក់ជាតិ ឯកឧត្តម ឧត្តមសេនីយ៏ឯក ម៉ៅ ប៊ុណ្ណារិន អគ្គនាយករង នៃអគ្គនាយកដ្ឋានភស្តុភារ ហិរញ្ញវត្ថុ, ឯកឧត្តម ឧត្តមសេនីយ៏ឯក យុន ឈុន្នី អគ្គស្នងការ រងនគរ បាលជាតិ ទទួលបន្ទុក នាយកដ្ឋាន កណ្តាល សណ្តាប់ធ្នាប់, ព្រមទាំងមានការ អញ្ជើញចូលរួមពី លោកស្នង ការ-ស្នងការ រង, មេបញ្ជាការ-មេបញ្ជាការរង ផ្នែកសឹករងក្រុង មេបញ្ជាការកងរាជ អាវុធក្រុង ស្រុកទាំង១២ ,លោក អភិបាល-អភិបាល រង ក្រុង- ស្រុកទាំង១២ សរុបចំនួនប្រមាណ ៥៦នាក់ ។ លោក ឧត្តម សេនីយ៍ត្រី សត ណាឌី ស្នងការ នគរបាល ខេត្តសៀមរាប បានឡើងអាន របាយការណ៍ បូកសរុបស ភាពការណ៍ និងលទ្ធផលការងារ អនុវត្តគោល នយោបាយ ភូមិ,ឃុំមាន សុវត្ថិភាព 1ត្រីមាសចុង ឆ្នាំ២០១០ បានបញ្ជាក់ ឲ្យដឹងថា៖ សភាពការណ៍ សន្តិសុខ និងបទល្មើស ព្រហ្មទ័ណ្ឌ មានការកើតឡើង សរុប០៤/១៦លើក ប្រៀបធៀបត្រីមាស ទី៤ឆ្នាំ២០០៩ ថយចុះ ១២លើក, បទល្មើស គ្រឿងញៀនកើតឡើង០២/១១លើក ថយចុះ០៩លើក, បទល្មើសជួញដូរមនុស្សកើត ឡើង០១/១០ លើក ថយចុះ ០៩ លើក រីឯបទល្មើសក្មេងទំនើង និងបទល្មើសល្បែងស៊ីសង រួមទាំងបទល្មើសផ្សេងៗ គ្មានការកើត ឡើង។

នៅក្នុងឱកាសនោះ ឯកឧត្តម ឧត្តមសេនីយ៏ឯក អ៊ុក គឹមលេខ អនុរដ្ឋលេខាធិការ ក្រសួងមហា ផ្ទៃមាន ប្រសាសន៍ ថា គោល នយោបាយ​ជាតិ ភូមិឃុំមាន​សុវត្ថិភាព ដែលមាន​៥ចំណុចនោះ គឺជាវិធានការ​មួយដែល​មានប្រសិទ្ធិភាព ក្នុងការ រក្សា​សុវត្ថិភាព ជូនប្រជាជន ប៉ុន្តែទន្ទឹម​និងយើង​ត្រូវបើក​ធ្វើវេទិកា សាធារណៈ​មួយដើម្បី​ប្រសិទភាព​ក្នុងកា រអនុវត្តកម្ម វិធី គោល​នយោបាយ ជាតិភូមិឃុំមាន​សុវត្ថិភាពដើម្បី អោយប្រជាពលរដ្ឋ​បានលើក ឡើងពីចំណុច​អវិជ្ជាមាន​មួយចំនួន របស់ មន្រ្តីនគបាល ឯកឧត្តម បានបន្តទៀតថា ការរួបរួម​កំលាំងជាធ្លុងមួយ​គឺជា បញ្ហាមួយកាន់តែ សំខាន់របស់ យើងផង ដែរ ។ដូចេ្នះកងកំលាំង​ដែលពាក់ពាន់​ទៅនិងការនេះ ទាំងអស់ត្រូវ​សហការគ្នា​អោយបានល្អ ដើម្បីអោយការ នេះកាន់តែ ជោគជ័យ​បនែ្ថមទៀត។
ដោយ , មហាអង្គរ

មេធាវី​ការពារ​ជនជាតិ​ថៃ​៧​នាក់​គ្រោង​ដាក់​ពាក្យ​សុំ​ឲ្យ​កូន​ក្តី​នៅ​ក្រៅ​ឃុំ

លោក​ប៉ិច វិច្ឆិកា មេធាវី​ម្នាក់​ក្នុងចំណោម​ពីរ​នាក់​ដែល​ការពារ​ក្តី​ឲ្យ​ជនជាតិ​ថៃ​ទាំង​៧​នាក់​បានឲ្យ​ដឹង​នៅ​ថ្ងៃ​នេះ​ថា លោក​កំពុង​រៀបចំ​សំណុំ​បែបបទ​ដើម្បី​សុំ​ទៅ​តុលាការ​ឲ្យ​កូនក្តី​រប​ស់​ខ្លួន​បាន​នៅ ក្រៅ​ឃុំ​បណ្តោះអាសន្ន​។​

​លោក​មេធាវី​បាន​អះអាងថា ចៅក្រម​ស៊ើបអង្កេត​បាន​កោះហៅ​កូនក្តី​របស់​លោក​ឲ្យមក​តុលាការ​នៅ​ថ្ងៃ​ទី​៦​មករា​នេះ​ដើម្បី​សាកសួរ​បន្ត​។ ចៅក្រម​ស៊ើបសួរ​ក្នុង​សំណុំរឿង​នេះ​មិនអាច​ទាក់ទង បាន​ទេ​នៅ​ថ្ងៃនេះ​។​

​ជនជាតិ​ថៃ​ទាំង​៧​នាក់​ត្រូវបាន​សមត្ថកិច្ច​ខ្មែរ​ចាប់ខ្លួន​កាលពី​ថ្ងៃ​ទី​២៩​ធ្នូ​ឆ្នាំ​២០១០ នៅពេលដែល ពួកគេ​បាន​ដើរ​ឆ្លងដែន​ចូល​ដី​ខ្មែរ​ដោយ​ខុសច្បាប់​ដែល​រួម​ទាំង​សមាជិកសភា​គណបក្ស​ប្រជាធិបតេយ្យ​របស់​លោក​អា​ភី​ស៊ិត​ម្នាក់​ផង​។​

​ជនជាតិ​ថៃ​ទាំងនោះ​ត្រូវបាន​តុលាការ​រាជធានី​ភ្នំពេញ​ចោទប្រកាន់​កាលពី​ថ្ងៃ​៣០​ធ្នូ​ពីបទ​ឆ្លងដែន​ខុសច្បាប់ និង​ចូល​ក្នុង​តំបន់​យោធា​ដោយ​ទុច្ចរិត​។ សព្វថ្ងៃ​ពួកគេ​កំពុង ​ជាប់​ក្នុង​មន្ទីរឃុំឃាំង​ព្រៃ​ស​៕

ឈ្មួញ​កំពុង​ទម្លាក់​តម្លៃ​ស្រូវ​នៅ​រដូវ​ច្រូតកាត់​ដែល​កសិករ​ត្រូវ​លក់​ស្រូវ​សង​បំណុល


សមាគម​សម្ព័ន្ធ​កសិករ​ខ្មែរ​បាន​ចោទប្រកាន់​ថា​ពួក​ឈ្មួញកណ្តាល​ទំនងជា​ដៃ​ជើង​របស់​រោង​ម៉ាស៊ីន​ស្រូវ​នានា​បាន​និង​កំពុង​រួម​គ្នា​ទម្លាក់​តម្លៃ​ស្រូវក្នុង​រដូវ​ច្រូត​កាត់​នេះ​ដែល​ធ្វើ​ឲ្យ​កសិករ​គ្មាន ជម្រើស​ពីព្រោះ​ត្រូវការ​លុយ​សង​បំណុល​គេ​។ 

​ដូច្នេះ​ពួកគេ​បាន​បង្ខំចិត្ត​លក់​ស្រូវ​ក្នុង​តម្លៃ​ថោក​ប្រមាណ​ពី ២៦០ ដុល្លារ​ទៅ ៣០០​ដុល្លារ​ក្នុង មួយ​តោន​ចំពោះ​ស្រូវ​ប្រភេទ​ល្អ​និង​បាន​តម្លៃ ប្រហែល​២០០​ដុល្លារ​ប៉ុណ្ណោះ​ចំពោះ​ស្រូវ​ចម្រុះ​។​

​លោក​ពេជ្រ ពិសិដ្ឋ ប្រធាន​ក្រុមប្រឹក្សាភិបាល​នៃ​សមាគម​សម្ព័ន្ធ​កសិករ​ខ្មែរ​បានឲ្យ​ដឹង​នៅ​ថ្ងៃ​អង្គារ ទី​៤​មករា​ឆ្នាំ​២០១១​នេះ​ថា​នៅ​ឆ្នាំ​២០១១​នេះ​តាម​គោលនយោបាយ​ជំរុញ​ផលិតកម្ម​ស្រូវ​និង​ការនាំចេញ​អង្ករ​ដែល​រដ្ឋាភិបាល​បាន​សម្រេច​កាលពី​ថ្ងៃ​ទី​២៥​មិថុនា​ឆ្នាំ​២០១០​កន្លងមកនេះ តម្លៃ​ស្រូវ នា​រដូវ​ច្រូតកាត់​នេះ​គួរតែ​កសិករ​លក់​បាន​ថ្លៃ តែ​ឥឡូវ​តម្លៃ​ស្រូវ​បែរ​ជា​លក់បាន​ថោក​ជាង​រដូវ​ច្រូត កាត់​មុន​ទៅទៀត​។ លោក​បាន​ប្រាប់ថា​នៅ​ពោធិសាត់ បាត់ដំបង​បន្ទាយមានជ័យ​ដែល​ជា​ខេត្តផលិត​បានស្រូវច្រើន ឥឡូវកសិករ​កំពុង​លក់​ស្រូវ​បាន​ក្នុង​តម្លៃ​ថោក​បំផុត​។​

​កាល​ពី​រដូវ​ច្រូតកាត់​មុន​ស្រូវ​ក្រអូប​ស្រូវ​ប្រភេទ​ល្អ​លក់បាន​៣៥០​ដុល្លារ​ក្នុង​មួយ​តោន​និង​ចំពោះ ស្រូវ​ចម្រុះ​ចាប់ឆាយ​លក់បាន​២០០​ដុល្លារ​លើស​ក្នុង​មួយ​តោន​។​លោក​បាន​និយាយថា​ពួក​ឈ្មួញកណ្តាល​ដែល​ទំនងជា​ដៃ​ជើង​របស់​រោង​ម៉ាស៊ីន​ស្រូវ​នានា​ឬ​ជា​ដៃ​ជើង​របស់​អ្នក​កំពុង​ទទួលបាន​មូលនិធិ​ពី​រដ្ឋាភិបាល​សម្រាប់​ការដើរ​ប្រមូល​ទិញ​នេះ​កំពុង​ធ្វើ​ផ្គរ​ធ្វើ​ភ្លៀង​និង​ទម្លាក់​តម្លៃ​ស្រូវ​របស់​កសិករ​ដែល​កំពុង​ប្រមូល​ផល​នេះ​។​

​រដូវ​កាល​ប្រមូល​ផល​គឺជា​ពេល​ដែល​ពួកកសិករ​ត្រូវការ​សងបំណុល​គេ​ដូចជា​ជំពាក់​ថ្លៃ​ជី​និង​ការ​ខ្ចីបុល​នានា​សំរាប់​ការចាយវាយ​ពេល​ចុះ​ធ្វើស្រែ​ជា​ដើម​។ ដូច្នេះ​ទោះជា​ត្រូវ​គេ​អោយ​ថ្លៃ​ក្នុងតម្លៃ​ណា ក៏ដោយ​ក៏​ត្រូវតែ​លក់​យក​លុយ​សង​បំណុល​គេ​ដែរ បើ​មិន​លក់​ទេ​ក៏​គង់​ម្ចាស់បំណុល​មក​«​អូស​» យក​ទៅ​ដដែល​ទេ​។​

​លោក​ពេជ្រ ពិសិដ្ឋ បាន​ប្រាប់ថា​នេះ​គឺ​ជាប​ញ្ហ​ដែល​កសិករ​កំពុង​ជួប​ជា​ចំនុចខ្យោយ​ដែលនាំអោយ ពួក​ឈ្មួញ​អាច​ទម្លាក់​ថ្លៃ​តម្លៃ​ស្រូវ​របស់​កសិករ​អោយ​ចុះថោក​បាន​ដោយ​ស្រួល​។ លោក​បាន​អោយ ដឹង​ដែរ​ថា​តម្លៃ​ស្រូវ​ដែល​កសិករ​កំពុង​លក់​ចេញ​អោយ​ឈ្មួញ​ទាំង​បង្ខំចិត្ត​នាពេលនេះ​បើ​ធៀប​នឹង​
​តម្លៃ​ដែល​គាត់​ចំណាយពេល​ផលិត​ធ្វើ​គឺ​ខាត​។ 

​ជាទូទៅ កសិករ​បាន​ចំណាយ​ក្នុង​មួយ​ហិកតា​ប្រមាណ​៤០០​ដុល្លារ​អាមេរិក​ដោយ​ទទួលបាន ទិន្នផល​តែ​១,៦ តោន​ទៅ​២​តោន​ប៉ុណ្ណោះ​។ នេះ​ជាប​ញ្ហ​ដែល​កសិករ​នៅតែ​ក្រ​ងើប​មុខ​មិន​រួច ដោះបំណុល​គេ​ក៏​មិន​ចេះ​អស់​។ លោក​ពេជ្រ ពិសិដ្ឋ​បាន​មាន​ប្រសា​ន៍​ថា​ដើម្បី​ជួយ​ដល់​កសិករ រដ្ឋាភិបាល​គួរ​ជួយ​រក្សា​តម្លៃ​ស្រូវ​របស់​កសិករ​អោយបាន​ត្រឹមត្រូវ ជួយ​ការពារ​អោយ​ពួកគាត់ ជា​អ្នក​ផលិត​ផ្ទាល់​អោយមាន​ជីវភាព​សមរម្យ​ផង​មិនគួរ​បណ្តែតបណ្តោយ​អោយ​ឈ្មួញកណ្តាល​ក្រឡុក​តម្លៃ​ឬ​វាស់​តម្លៃ​បន្ថោក​តម្លៃ​គ្នា​តាម​តែ​ចិត្ត​នោះទេ​។​

​លោក​បាន​ប្រាប់ថា​វិធី​ល្អ​មួយ​ដើម្បី​ជួយ​ការពារ​តម្លៃ​ស្រូវ​របស់​កសិករ​គឺ​រាល់​រោង​ម៉ាស៊ីន​ណា សមាគម​ណា​ឬ​ក៏​ក្រុមហ៊ុន​ណា​ដែល​ទទួលបាន​មូលនិធិ​ឬ​ប្រាក់​កម្ចី​ពី​រដ្ឋាភិបាល​ឬ​ធនាគារ​អភិវឌ្ឍន៍​​ជនបទ​ត្រូវ​មាន​ការធានា​ឬ​កាតព្វកិច្ច​ទិញស្រូវ​ពី​ កសិករ​ក្នុង​តម្លៃ​សមរម្យ​មួយ​ដែល​រដ្ឋាភិបាល​កំណត់​អោយ​និង​ច្បាស់លាស់​។​

​បើ​ពួកគេ​ទទួលបាន​មូលនិធិ​ពី​រដ្ឋាភិបាល​ហើយ​នៅ​បន្ត​យក​ប្រាក់​នោះ​ទៅ​ចងការ​ជាមួយ​កសិករ​និង​ចាប់បង្ខំ​អោយ​កសិករ​លក់​ស្រូវ​អោយ​ក្នុង​តម្លៃ​ថោក​វិញ​នោះ​កសិករ​ចាំតែ​ងាប់​ទេ​៕

ឯកឧត្តម​ខៀវ​ កាញារីទ្ធ​សំណេះ​សំណាល​និង​ចែក​អំណោយ​ដល់​កុមារ​ពិការ​នៅ​សាលា​កុមារ​គ ​ថ្លង់​ និង​កុមារ​ពិការ​ភ្នែក​ខេត្ត​កំពង់​ចាម

 នៅ​ក្នុង​ពិធី​សំណេះ​សំណាល​និង​ចែក​អំណោយ​ដល់​កុមារ​នៅ​សាលា​កុមារ​ គ​ ថ្លង់​ ​និង​ កុមារ​ ពិការ​ភ្នែក​ ខេត្ត​កំពង់​ចាម​ ដែល​ជា​សាលា​របស់​អង្គការ​គ្រួសារ​ថ្មី​ កាល​ពី​ថ្ងៃ​ទី ​០៤ ​មករា​ ឆ្នាំ​ ២០១១​ ឯកឧត្តម​ ខៀវ​ កាញារីទ្ធ​ រដ្ឋមន្ត្រី​បាន​បង្ហាញ​ពី​ការ​បន្ត​យក​ចិត្ត​ទុក​ដាក់​របស់​រាជ​រដ្ឋាភិបាល​ចំពោះ​កុមារ​ពិការ​ទាំង​ឡាយ​ ក៏​ដូច​ជា​យក​ចិត្ត​ ទុក​ដាក់​ទៅ​លើ​ជន​ពិការ​ទូទៅ​របស់​កម្ពុជា​ផង​ដែរ​។
នៅ​ក្នុង​ពិធី​សំណេះ​សំណាល​ប្រចាំ​ឆ្នាំ​នោះ​ ឯកឧត្តម​រដ្ឋមន្ត្រី​បាន​កោត​សរសើរ​ចំពោះ​ការ​ខិតខំ​ប្រឹង​ប្រែង​សិក្សា​រៀន​សូត្រ​របស់​ក្មួយ​ៗ និង​ការ​គោរព​វិន័យ​បាន​ល្អ​របស់​ពួក​គេ​ដោយ​មាន​ប្រសាសន៍​ថា​ ថ្វី​ត្បិត​តែ​ក្មួយ​ៗ​ជា​ជន​ពិការ​ក៏​ពិត​មែន​ក៏​ ប៉ុន្តែ​ក្មួយ​ៗមាន​សិទ្ធិ​ដូច​គ្នា​នឹង​ប្រជាពលរដ្ឋ​ដែល​មាន​កាយ​សម្បទា​ធម្មតា​ ទាំង​នៅ​ក្នុង​ការ​សិក្សា​រៀន​សូត្រ​ និង​ទាំង​ការ​ស្វែង​ រក​ការ​ងារ​ធ្វើ​ ព្រម​ទាំង​ការ​ចូល​រួម​ក្នុង​ជីវភាព​សង្គម​ជា​ធម្មតា​ផង​ដែរ​។ ឯកឧត្តម​រដ្ឋមន្ត្រី​ថ្លែង​ថា ​ប៉ុន្តែ​ទន្ទឹម​នឹង​ការ​យក​ចិត្តទុក​ដាក់​ និង ការ​ជួយ​ឧបត្ថម្ភ​គាំទ្រ​បែប​គ្រប់​បែប​យ៉ាង​​ពីសំណាក់​រាជរដ្ឋាភិបាល​នេះ​ ក្មួយ​ៗ​ក៏​ត្រូវ​តែ​ប្រឹង​​ប្រែង​ដោយ​ខ្លួន​ ឯង​បន្ថែម​ទៀត​ ព្រោះ​ថា​ ការ​ជួយ​ពី​សំណាក់​រាជរដ្ឋាភិបាលក៏​ដូច​ជា​ជំនួយ​របស់​សប្បុរ​សជន​នា​នា​វា​គ្រាន់​តែ​ជា​ផ្នែក​មួយ​តែ​ប៉ុណ្ណោះ​ ហើយ​ក្មួយ​ៗ​ត្រូវ​តែ​ដឹង​ថា​មាន​តែ​ខ្លួន​ឯង​ទេ​ដែល​អាច​ជួយ​ខ្លួន​ឯង​បាន​ហើយ​នឹង​ធ្វើ​ឲ្យ​អនាគត​របស់​ខ្លួន​មាន​ភាព​ ភ្លឺ​ស្វាង​នោះ​ ។

អំណោយ​ជា​គ្រឿង​ប្រើប្រាស់​ និង​ សម្ភារៈ​សិក្សា​ ព្រម​ទាំង​ថវិកា​ដែល​ត្រូវ​បាន​ចែក​ជូន​នៅ​ពេល​នោះ​រួម​មាន​ សិស្សានុសិស្ស​ទាំង​ ១៦៤ ​នាក់​ម្នាក់ៗ​ទទួល​បាន​កន្សែង​ពោះ​ ១ ​កន្សែង​បង់ក ​១ សៀវភៅ​សរសេរ​ ២​ ប៊ិច​ ២ ​ដើម​ អាវស​ដៃ​ខ្លី ​១ ប្រាក់ ​១ ​ម៉ឺនរៀល​ បុគ្គលិក​សិក្សា​ចំនួន​ ២៧ ​នាក់​ម្នាក់​ៗទទួល​បាន​ប្រាក់​ ៥​ ម៉ឺន​រៀល​កន្សែង​បង់ក​ ១ ​អាវយឺត​ ១ ​និង​សារ៉ុង​ ១​ ។ សម្រាប់​សាលា​កុមារ​គ ​ថ្លង់​ និង​ ពិការ​ភ្នែក​ ខេត្ត​កំពង់​ចាម​ទទួល​បាន​អង្ករ​ចំនួន​ ១ ​តោន​ សៀវភៅ​សរសេរ​ ១០០​ ក្បាល​ ប៊ិច​ ១០០​ ដើម​ ទូរទស្សន៍​ LCD ២២ អ៊ិញ មួយ​គ្រឿង​ និង​ ថាស​ផ្កាយ​រណប​ DTV ចំនួន​ ១ ​ព្រម​ទាំង​ថវិកា​ ១ ​ពាន់​ដុល្លារ​ និង​ ១​ លាន​រៀល ​។ ​ចាប់​តាំង​ពី​ឆ្នាំ​ ២០០៤ មក​ដល់​ឆ្នាំ​ ២០១០​ អំណោយ​ របស់​ឯកឧត្តម​រដ្ឋមន្ត្រី​ក្រសួង​ព័ត៌​មាន​ ដែល​បាន​ផ្តល់​ជូន​សាលា​កុមារ​គ ថ្លង់ ​និង​ កុមារ​ ពិការ​ភ្នែក​ ខេត្ត​កំពង់​ចាម​សរុប​ ជា​ទឹក​ប្រាក់​ចំនួន​ប្រមាណ​ ១៥​ លាន​រៀល​ និង​ ១៧០០​ ដុល្លារ​សហរដ្ឋ​អាមេរិក​ហើយ​ ៕

រយៈ​ពេល​៤​ថ្ងៃ​ដើម​ខែ​មករា​ឆ្នាំ​២០១១​ភ្ញៀវ​ទេសចរ​សម្រុក​មក​ទស្សនា​ប្រាសាទ​ព្រះវិហារ​មាន​ចំនួន​រហូត​ដល់​ជាង​១​ពាន់​នាក់

ចូល​ឆ្នាំ​សកល​ឆ្នាំ​ថ្មី​២០១១​ក្នុង​រយៈ​ពេល​៤​ថ្ងៃ​ចាប់​ពី​ថ្ងៃ​ទី​០១​ដល់​០៤​ខែ​មករា​ឆ្នាំ​២០១១​ចំនួន​ភ្ញៀវ​ទេសចរ​មាន​រហូត​ដល់​ប្រមាណ​ជាង​១​ពាន់​នាក់​ភាគ​ច្រើន​ជា​ភ្ញៀវ​ទេសចរ​ជាតិ​ធ្វើ​ដំណើរ​មក​ពី​រាជ​ធានី​ភ្នំពេញ​ កំពង់​ចាម​ បន្ទាយ​មានជ័យ​និង​បណ្ដា​ខេត្ត​មួយ​ចំនួន​ទៀត​កត្តា​សំខាន់​មក​ពី​ព្រំដែន​កម្ពុជា​សៀម​តំបន់​ប្រាសាទ​ព្រះវិហារ​ដ៏​មច្ឆរិយៈ​វិវត្តន៍​ទៅ​រក​សភាព​ដើម​វិញ​មុន​ថ្ងៃ​ទី​១៥​កក្កដា​២០០៨​មាន​សន្តិសុខ​ស្ងៀម​ស្ងាត់​ល្អ​ប្រសើរ​ហើយ​ទទួល​បាន​ភាព​ល្បី​ល្បាញ​ទ្វេ​ដង​ទូ​ទាំង​ព្រះ​រាជាណាចក្រ​កម្ពុជា​មាន​មោទនភាព​ជាតិ​ខ្មែរ​នរណា​ក៏​ចង់​ដឹង​ចង់​ស្គាល់​និង​ចង់​ទស្សនា​មច្ឆរិយៈ​ប្រាសាទ​ព្រះ​វិហារ​អាច​រំពឹង​ទុក​ថា​ឆ្នាំ​ថ្មី​២០១១​នេះ​ចំនួន​ភ្ញៀវ​ទេសចរ​ជាតិ​និង​អន្តរជាតិ​និង​សម្រុក​មក​ទស្សនា​កើន​ឡើង​ខ្ពស់​ជាង​ឆ្នាំ​២០១០​ជាក់​ជា​ពុំ​ខាន​។
ប្រភព​ព័ត៌មាន​ពី​អ្នក​បើក​ឡាន​ដឹក​ភ្ញៀវ​ឡើង​ភ្នំ​ទៅ​ទស្សនា​ប្រាសាទ​ព្រះវិហារ​បាន​បង្ហើប​ប្រាប់​ថា​អ្នក​កាសែត​អោយ​ដឹង​ថា​រយៈ​ពេល​៤​ថ្ងៃ​ដើម​ខែ​មករា​ឆ្នាំ​២០១១​នេះ​ភ្ញៀវ​ទេសចរ​ជាតិ​និង​អន្តរជាតិ​បាន​សម្រុក​នាំ​គ្នា​មក​ទស្សនា​ប្រាសាទ​ព្រះវិហារ​ដ៏​អច្ឆរិយ​មាន​ចំនួន​ប្រមាណ​ជាង​១​ពាន់​នាក់​ជា​តួ​លេខ​ខ្ពស់​ជាង​ដើម​ខែ​មករា​ដូច​គ្នា​ក្នុង​ឆ្នាំ​២០១០​។

ខេត្ត​ព្រះវិហារ​កំពុង​បោះ​ជំហាន​ទៅ​រក​ភាព​រីក​ចំរើន​លូត​លាស់​ផ្នែក​សក្ដានុពល​ទេសចរ​ជា​ប៉ូល​ទេសចរ​មួយ​យ៉ាង​សំខាន់​ក្នុង​ការ​ទាញ​យក​ប្រភព​ចំណូល​ពី​ភ្ញៀវ​ទេសចរ​មក​កសាង​អភិវឌ្ឍន៍​ប្រទេស​ជាតិ​ជា​ពិសេស​ផ្លូវ​ឡើង​ភ្នំ​ប្រាសាទ​ព្រះវិហារ​១​ខ្សែ​កំពុង​ស្ថាបនា​ផង​ដែរ​៕

ឆ្នេរ​សមុទ្រ​ខេត្ត​ព្រះ​សីហនុ​​មនុស្ស​កំសាន្ត​​កុះ​ករ​ថ្ងៃ​បុណ្យ​ឆ្នាំ​សាកល


 មនុស្ស​​ជា​ច្រើន​​បាន​មក​ពី​​ទិស​​ទាំង​៨ និង​ចំរុះ​ជាតិ​សាសន៍​ រួម​ជា​មួយ​ទោ​ចក្រយាន្ត​ និង​រថយន្ត​គ្រប់​ប្រភេទ​យ៉ាង​ណែន​ណាន់​តាន់​តាប់​ បាន​នាំ​គ្នា​កំសាន្ត​ទីក្រុង​មាត់​សមុទ្រ​ ដែល​មាន​ឆ្នេរ​ខ្សាច់​ល្អ​ឥត​ខ្ចោះ​មិន​ចាញ់​ឆ្នេរ​ដទៃ​លើ​ពិភព​លោក​ឡើយ​ ដែល​ការ​នាំ​គ្នា​ទៅ​កំសាន្ត​ខុស​ពី​ថ្ងៃ​ធម្មតា​នេះ​ គឺ​ជា​ឱកាស​នៃ​ការ​អប​អរ​សាទរ​​ឆ្នាំ​ថ្មី​​ឆ្នាំ​សាកល​២០១១។ ពិធី​បុណ្យ​ចូល​ឆ្នាំ​សាកល​នេះ​បាន​ធ្វើ​ឡើង​កាល​ពី​ព្រឹក​ថ្ងៃ​ទី​៣១ ធ្នូ។ អ្វី​ដែល​ជា​ភាព​វិសេស​វិសាល​​ក្នុង​រាត្រី​ថ្ងៃ​ទី​៣១ ធ្នូ នោះ​គេ​ឃើញ​ហ្វូង​មនុស្ស​ជា​ច្រើន​នាក់​ដើរ​ពពាក់​ពពូន​គ្នា​ ខ្លះ​ជា​លក្ខណៈ​គូ​សង្សារ ខ្លះ​ជា​​មិត្ត​ភក្តិ និង​ខ្លះ​ទៀត​ជា​លក្ខណៈ​គ្រួសារ​ ដោយ​នៅ​ក្នុង​ដៃ​ភាគ​ច្រើន​ពោរ​ពេញ​ដោយ​​គ្រាប់​កាំជ្រួច​ត្រៀម​​បាញ់​អប​អរ​នៅ​វេលា​ម៉ោង​១២​យប់ ដែល​ជា​ម៉ោង​ឆ្លង​ឆ្នាំ​​ចាស់​២០១០ ចូល​ឆ្នាំ​ថ្មី​២០១១។ ស្នូរ​កាំជ្រួច​ជា​ច្រើន​បាន​បន្លឺ​ឡើង​​ក្នុង​អាកាស​វេហាស៍​ដែល​កំពុង​ងងឹត​​​ពាស​ពេញ​ដោយ​ពន្លឺ​គ្រប់​ប្រភេទ​គួរ​ឱ្យ​ចង់​គយ​គន់​។
លោក​ម៉ុក លី ដែល​អញ្ជើញ​មក​ពី​រាជ​ធានី​ភ្នំពេញ​បាន​សំដែង​នូវ​ក្តី​រំភើប​ក្រៃ​លែង និង​បាន​និយាយ​មក​កាន់​អ្នក​យក​ព័ត៌​មាន​យើង​ថា សំរាប់​ថ្ងៃ​ទី​៣១ ធ្នូ នេះ ក៏​ដូច​ជា​យប់​នេះ​ រូប​លោក​ រួម​ជា​មួយ​ក្រុម​គ្រួសារ​មាន​សេចក្តី​សុខ​សុភមង្គល​ និង​រំភើប​បំផុត​ ព្រោះ​បាន​ឃើញ​ឆ្នេរ​ខ្សាច់​ដ៏​ស្រស់​ស្អាត បាន​ឃើញ​ហ្វូង​មនុស្ស​ជា​ច្រើន​គ្រប់​ជាតិ​សាសន៍ និង​បាន​ឃើញ​ពន្លឺ​កាំជ្រួច​នៅ​លើ​ផ្ទៃ​មេឃ​ពី​ទឹក​សមុទ្រ​ដ៏​ធំ​ល្វឹង​ល្វើយ ហើយ​លោក​ក៏​បាន​សំរាក​នៅ​លើ​ឆ្នេរ​ខ្សាច់​​នេះ និង​បាន​ស្រូប​យក​ខ្យល់​បរិ​សុទ្ធ​នៃ​ឆ្នេរ​សមុទ្រ​ដែល​បក់​មក​​ត្រសៀកៗ។ លោក​បន្ត​​ថា អ្វី​ជា​​លក្ខណៈ​ពិសេស​សំរាប់​រូប​លោក គឺ​ពន្លឺ​កាំជ្រួច​ដែល​ចាំង​ជា​មួយ​ផ្ទៃ​ទឹក​​បង្កើត​បាន​ជា​ពន្លឺ​ថ្មី​មួយ​ទៀត​ដែល​ល្អ​ឥត​ខ្ចោះ​កម្រ​​ជួប​​​ណាស់។ ជា​ចុង​ក្រោយ​លោក​បាន​បន្ថែម​ថា លោក​នឹង​ត្រឡប់​មក​ម្តង​ទៀត​នៅ​ឆ្នាំ​ក្រោយ​ប្រសិន​បើ​មាន​ឱកាស។
យោង​តាម​សំដី​លោក​ង៉ាន ដារ៉ា មន្ត្រី​សាលា​ខេត្ត​ព្រះ​សីហនុ​បាន​ឱ្យ​ដឹង​ថា តាម​របាយ​ការណ៍​មន្ត្រី​មន្ទីរ​ទេស​ចរណ៍​ខេត្ត​ ចំនួន​ភ្ញៀវ​ទេស​ចរ​ជាតិ និង​អន្តរ​ជាតិ​នៅ​ឆ្នាំ​២០១០​នេះ​ មាន​ការ​កើន​ឡើង​គួរ​ឱ្យ​កត់​សំគាល់ ជាក់​ស្តែង​នៅ​ដំណាច់​ឆ្នាំ​២០១០​​មាន​ភ្ញៀវ​ជាតិ និង​អន្តរ​ជាតិ​រាប់​ម៉ឺន​នាក់​ ចូល​មក​កំសាន្ត​នៅ​ខេត្ត​ព្រះ​សីហនុ ដែល​ធ្វើ​ឱ្យ​តួលេខ​កើន​ឡើង​រហូត​ដល់​៦៤១.០០៩​នាក់ ​ក្នុង​នោះ​ភ្ញៀវ​ជាតិ​មាន​ចំនួន​៤៩១.១៣៤​នាក់ និង​ភ្ញៀវ​អន្តរ​ជាតិ​មាន​ចំនួន​១៤៩.៨៧៥​​នាក់ បើ​ប្រៀប​ធៀប​ឆ្នាំ​២០០៩ គឺ​មាន​ការ​កើន​ឡើង​ខ្ពស់។ នៅ​រាត្រី​ថ្ងៃ​ទី​៣១ ធ្នូ ដ៏​សែន​សប្បាយ​នោះ​ក៏​បាន​កើត​ឡើង​​​នូវ​ឧបទ្ទវ​ហេតុ​ឆេះ​តូប​មួយ​យីហោ​៨៨៨ បណ្តាល​​មក​ពី​ការ​បាញ់​កាំជ្រួច​ តែ​មិន​បណ្តាល​ឱ្យ​ខូច​ខាត​ទាំង​ស្រុង​ទេ។ គួរ​រំលឹក​ផង​ដែរ​ថា កាល​ពី​២​ឆ្នាំមុន តូប​លក់​ដូរ​នៅ​ឆ្នេរ​អូរឈើទាល​ចំនួន​៣​ត្រូវ​ឆេះ​ខូច​ខាត​ទាំង​ស្រុង​ដោយ​សារ​​ភ្លើង​កាំជ្រួច៕

អាប់​ភី​ស៊ី​ត​ ​សារភាព​ថា​ ​បាន​បញ្ជូន​អ្នក​តំណាង​រា​ស្ត្រ​ថៃ​ ​មក​កម្ពុ​ជា​

នាយក​រដ្ឋ​ម​ន្ត្រី​ថៃ​អាប់​ភី​ស៊ី​ត​ ​សារភាព​ថា​ ​បាន​បញ្ជូន​អ្នក​តំណាង​រា​ស្ត្រ​ លោក​ ​ផា​និ​ច​ ​វី​ឃី​ត​ស្រេ​ត​ ​ទៅ​កាន់​ព្រំ​ប្រទល់​ដែន​ថៃ​កម្ពុ​ជា​ ​ត្រង់​ទី​តាំង​ដែល​លោក​ផា​និ​ច​ ​ត្រូវ​អាជ្ញា​ធ​រ​ចាប់​ខ្លួន​ ​រួម​ជាមួយ​ក្រុម​ថៃ​អាវ​លឿង​៦នាក់​ទៀ​ត​។​
មិន​មាន​សេ​ច​ក្តី​រាយ​ការណ៍​ ​អំពី​សកម្ម​ជន​ថៃ​អាវ​លឿង​ ​៦នាក់​ទៀត​ ​អំពី​ភាព​ពាក់​ព័ន្ធ​ ​នឹង​រឿង​ការ​បញ្ជូន​ដោយ​នាយក​រដ្ឋ​ម​ន្ត្រី​ថៃ​នេះ​ទេ​ ​ហើយ​ក៏​មិន​មាន​សេ​ច​ក្តី​រាយ​ការណ៍​ ​បញ្ជាក់​ណា​មួយ​បន្ថែម​ថា​ ​តើ​ការ​បញ្ជូន​មក​កម្ពុ​ជា​នេះ​ ​ក្នុង​គោល​បំណង​អ្វី​ដែ​រ​។​


ថៃ​ប្រមូល​ផ្តុំ​គ្នា​ ​ធ្វើ​បាតុកម្ម​ ​នៅ​ក្បែរ​ព្រំ​ប្រទល់​កម្ពុ​ជា​

ក្រុម​តម្រួត​ថៃ​ ​ត្រូវ​គេ​រាយ​ការណ៍​ថា​ ​បាន​ចាត់​វិធាន​ការណ៍​រារាំង​ ​ទប់​មិន​អោ​យ​ ​ក្រុម​ថៃ​អាវ​លឿង​ ​ធ្វើ​ដំណើរ​ចូល​មក​ក្បែរ​ព្រំ​ប្រទល់​កម្ពុ​ជា​ ​នៅ​ក្នុង​ស្រុក​អូរ​ជ្រៅ​នោះ​ឡើយ​ ​ដោយ​ខ្លាច​ក្រែង​ថា​ ​នឹង​មាន​ហេតុ​ការណ៍​មិន​ល្អ​កើត​ឡើ​ង​។​

សូម​ជំ​រាប​ថា​ ​ក្រុម​ថៃ​អាវ​លឿង​ ​បាន​អះអាង​ថា​ ​ក្រុម​ថៃ​អាវ​លឿង​ ​ចំនួន​៥ពាន់​នាក់​ ​នៅ​ថ្ងៃ​នេះ​ ​នឹង​នាំ​គ្នា​ធ្វើ​ដំណើរ​មក​តវ៉ា​ ​នៅ​តាម​ព្រំ​ដែន​ខេត្ត​ស្រះ​កែវ​ ​ដើម្បី​ប្រឆាំង​កម្ពុ​ជា​ ​ដែល​បាន​ចាប់​ខ្លួន​ថៃ​ ​ចំនួន​៧នាក់​ ​ក្នុង​នោះ​ក៏​មាន​មេ​ដឹកនាំ​ថៃ​អាវ​លឿង​ ​ផង​ដែ​រ​។​ ​ម​ន្ត្រី​យោធា​ខ្មែរ​ ​តាម​ព្រំ​ប្រទល់​ ​បាន​រាយ​ការណ៍​ថា​ ​តម្រួត​ថៃ​អាច​រារាំង​ ​ក្រុម​ថៃ​អាវ​លឿង​ខ្លះ​ ​ដែល​ធ្វើ​ដំណើរ​តាម​រថ​យន្ត​ ​ប៉ុន្តែ​មិន​អាច​រារាំង​ក្រុម​ថៃ​អាវ​លឿង​ខ្លះ​ ​ដែល​មាន​នៅ​ក្នុង​ភូមិ​ឃុំ​ ​នៃ​ស្រុក​គោក​ធ្យូង​ ​ខេត្ត​ស្រះ​កែវ​ ​នោះ​បាន​ទេ​។​ ​ស្ថាន​ភាព​ត្រូវ​គេ​រាយ​ការណ៍​ ​តាំង​ពី​ម្សិល​មិ​ញ​ថា​ ​កំពុង​តែ​តានតឹង​នៅ​ត្រង់​ ​៣ក​ន្លែ​ង​។​ ​ចំណុច​១នៅ​មុខ​អគ្គ​កុងស៊ុល​ ​កម្ពុ​ជា​ ​នៅ​ខេត្ត​ស្រះ​កែវ​ ​ ​ ​ទី​២នៅ​ទល់​មុខ​ ​ត្រង់​ច្រក​ព្រំ​ដែន​ជោគជ័យ​ ​ចម្ងាយ​ ​ពី​ខ្សែ​ព្រំ​ដែន​ ​ប្រមាណ​២០០ម៉ែត្រ​ ​និង​ចំណុច​ទី​៣ នៅ​ច្រក​អូរ​៣ជា​ន់​។​ ​ក្រសួង​ការ​បរទេស​ថៃ​ ​និង​ម​ន្ត្រី​យោធា​ថៃ​ ​កាល​ពី​ម្សិល​មិ​ញ​ ​បាន​ស​ម្តែ​ង​ក្តី​បារម្ភ​ ​ខ្លាច​ក្រែង​ការ​ធ្វើ​បាតុកម្ម​របស់​ក្រុម​ថៃ​អាវ​លឿង​ ​នឹង​ធ្វើ​អោ​យ​ខូច​ផែនការ​ ​ដែល​រ​ដ្ឋា​ភិ​បា​ល​ក្រុង​បាងកក​ ​កំពុង​ចរចា​ជាមួយ​កម្ពុ​ជា​ ​រក​ការ​ដោះ​លែង​ជន​ជាតិ​ថៃ​ទាំង​៧ នា​ក់​។​

ក្រុម​ម​ន្ត្រី​យោធា​ ​និង​ម​ន្ត្រី​ក្រសួង​ការ​បរទេស​ថៃ​ ​បារម្ភ​ខ្លាច​ក្រែង​ក្រុម​ថៃ​អាវ​លឿង​ ​នៅ​ពេល​ធ្វើ​បាតុកម្ម​ ​នឹង​ដើរ​ចូល​មក​ក្នុង​ទឹក​ដី​កម្ពុ​ជា​ ​ដែល​នឹង​បង្ក​អោ​យ​មាន​បញ្ហា​កាន់តែ​ខ្លាំ​ង​។

ភ​ស្តុ​តាង​បង្ហាញ​ថា​ ​ជន​ជាតិ​ថៃ​ទាំង​៧ ស្ថិត​ក្នុង​ទឹក​ដី​កម្ពុ​ជា​

កាសែត​ថៃ​ ​បាន​និយាយ​ថា​ ​សមាជិក​សភា​ថៃ​ ​និង​ជន​ជាតិ​ថៃ​ទាំង​៦នាក់​ ​បាន​ជូន​ដំណឹង​ ​ទៅ​អោ​យ​នាយក​រដ្ឋ​ម​ន្ត្រី​ថៃ​ ​លោក​អាប់​ភី​ស៊ី​ត​វេចា​ជី​វ៉ា​ ​បាន​ដឹង​ ​នៅ​ពេល​ដែល​បាន​ធ្វើ​ដំណើរ​ចូល​មក​ជ្រៅ​ ​ក្នុង​ទឹក​ដី​កម្ពុ​ជា​នោះ​។​

សមាជិក​សភា​ថៃ​ ​លោក​ ​ផា​និ​ច​វី​ឃី​ស្រេ​ត​ ​បាន​និយាយ​តាម​ទូរស័ព្ទ​ ​ប្រាប់​ទៅ​ម​ន្ត្រី​ម្នាក់​ ​ដែល​ទទួល​ទូរស័ព្ទ​ ​ក្នុង​ក្រុង​បាងកក​ថា​ ​សូម​អោ​យ​គាត់​នោះ​ ​ប្រាប់​ទៅ​លោក​ស៊ុម​គាត​ ​ដើម្បី​អោ​យ​លោក​ស៊ុម​គាត​ ​ប្រាប់​ទៅ​លោក​នាយក​រដ្ឋ​ម​ន្ត្រី​ថៃ​ ​អោ​យ​ដឹង​ផង​ថា​ ​ពួក​គេ​ទាំងឡាយ​ ​កំពុង​ស្ថិត​ក្នុង​ទឹក​ដី​កម្ពុ​ជា​ហើ​យ​។​ ​សមាជិក​សភា​ថៃ​ដដែល​និយាយ​ ​ទៀត​ថា​ ​គាត់​ប្រុង​នឹង​ទូរស័ព្ទ​ ​ហៅ​ទៅ​នាយក​រដ្ឋ​ម​ន្ត្រី​ថៃ​ ​ដោយ​ខ្លួន​ឯង​ដែរ​ ​ប៉ុន្តែ​ ​គាត់​ថា​មិន​បាច់​ទេ​នា​ពេល​នេះ​។​ ​លោក​ ​ផា​និ​ច​វី​ឃី​ស្រេ​ត​ ​បាន​និយាយ​តាម​ទូរស័ព្ទ​ ​ប្រាប់​មនុស្ស​ដដែល​តាម​ទូរស័ព្ទ​ទៀត​ថា​ ​សូម​ប្រាប់​ទៅ​គាត់​ផង​ ​ក្នុង​ករណី​ណា​ ​ដែល​អាច​ជួប​បញ្ហា​ ​ដើម្បី​អោ​យ​មាន​ការ​សហ​ការ​ទាក់ទង​គ្នា​ ​ពីព្រោះ​ ​ពួក​គេ​បាន​មក​ដល់​ក្នុង​ទឹក​ដី​ប្រទេស​កម្ពុ​ជា​ហើ​យ​។​ ​សមាជិក​សភា​ថៃ​ដដែល​ ​បាន​និយាយ​តាម​ទូរស័ព្ទ​បន្ត​ទៀត​ថា​ ​សូម​កុំ​អោ​យ​មាន​ការ​និយាយ​អំពី​រឿង​ ​ដែល​ពួក​គេ​ចូល​មក​ក្នុង​ទឹក​ដី​កម្ពុ​ជា​នេះ​ ​អោ​យ​អ្នក​ណា​បាន​ដឹង​ ​ហើយ​មាន​តែ​ ​នាយក​រដ្ឋ​ម​ន្ត្រី​តែ​មួយ​ប៉ុណ្ណោះ​ ​ដែល​ត្រូវ​ដឹង​អំពី​រឿង​នេះ​។​

ការ​លាត​ត្រដាង​ ​អំពី​ការ​និយាយ​សន្ទនា​នេះ​ ​ត្រូវ​គេ​បង្ហាញ​តាម​ខ្សែ​អាត់​ថត​វី​ដេ​អូ​មួយ​ ​ដែល​បាន​ដាក់​ផ្សាយ​តាម​គេ​ហ​ទំព័រ​ ​យូ​ធូប​ ​បង្ហាញ​អំពី​ការ​ពិត​ ​ដែល​ខុស​នឹង​អ្វី​ដែល​សមាជិក​សភា​ថៃ​ ​និង​ក្រុម​ថៃ​អាវ​លឿង​ទាំង​៧ បាន​និយាយ​អះអាង​ថា​ ​ពួក​គេ​ត្រូវ​អាជ្ញា​ធ​រ​ខ្មែរ​ ​បាន​ចាប់​ក្នុង​ទឹក​ដី​ថៃ​។​ ​ខ្សែ​អាត់​វី​ដេ​អូ​បង្ហាញ​រូប​ភាព​ ​ជាមួយ​នឹង​ស​ម្លេ​ង​នោះ​ ​គឺ​ជា​ខ្សែ​អាត់​ ​ដែល​គេ​ជឿ​ថា​ ​ថត​ដោយ​ជន​ជាតិ​ថៃ​ម្នាក់​ ​ដែល​អាជ្ញា​ធ​រ​ខ្មែរ​ ​កំពុង​ឃុំ​ខ្លួន​ក្នុង​មន្ទីរ​ឃុំ​ឃាំង​ព្រៃ​ស​រ​។​ ​តាម​ខ្សែ​អាត់​នេះ​ ​មាន​ការ​បក​ស្រាយ​ខ្លះ​សង្ស័យ​ថា​ ​ក្រុម​ថៃ​ទាំង​៧ ដែល​បាន​ធ្វើ​ដំណើរ​ចូល​មក​ស៊ើប​ការណ៍​ក្នុង​កម្ពុ​ជា​ ​គឺ​តាម​រ​យៈ​ការ​បញ្ជា​របស់​នាយក​រដ្ឋ​ម​ន្ត្រី​ថៃ​ ​ប៉ុន្តែ​ម​ន្ត្រី​អ្នក​នាំ​ពាក្យ​រ​ដ្ឋា​ភិ​បា​ល​ថៃ​ ​ប​ដិ​សេ​ធ​។​ ​លោក​ផា​នី​ថា​ន​ ​វ​ឌ្ឍ​នា​យ៉ា​ឃ​ន​ ​បាន​ថ្លែង​ថា​ ​វា​មិន​អាច​ចំពោះ​នាយក​រដ្ឋ​ម​ន្ត្រី​ ទៅ​បញ្ជា​តំណាង​រា​ស្ត្រ​គណ​បក្ស​ ​អោ​យ​ទៅ​ធ្វើ​កិច្ច​ការ​នោះ​ទេ​។​ ​ហើយ​ហេតុ​អ្វី​ ​បាន​ជា​លោក​នាយក​រដ្ឋ​ម​ន្ត្រី​ ត្រូវ​ធ្វើ​យ៉ាង​នោះ​?

សូម​ជំ​រាប​ថា​ ​លោក​ផា​និ​ច​ ​មុន​នឹង​ធ្វើ​ជា​សមាជិក​សភា​ ​គាត់​គឺ​ជា​អនុ​រដ្ឋ​ម​ន្ត្រី​ នៅ​ក្រសួង​ការ​បរទេស​ថៃ​។​ ​នា​ពេល​នេះ​ ​ការ​សង្ស័យ​កំពុង​តែ​កើត​ឡើង​ ​នៅ​ក្នុង​ប្រទេស​ថៃ​ ​ដែល​ចង់​ដឹង​ការ​ពិត​ថា​ ​ហេតុ​អ្វី​បាន​ជា​មាន​ការ​បញ្ជូន​ថៃ​ ​អោ​យ​ទៅ​ធ្វើ​ការ​ខុស​ច្បាប់​ ​នៅ​ក្នុង​ប្រទេស​កម្ពុ​ជា​ ​យ៉ាង​នេះ​។​

លោក​ ​កា​ស៊ី​ត​ ​នឹង​រៀបរាប់​ពី​រឿង​កម្ពុ​ជា​ឃុំ​ខ្លួន​ថៃ​៧នាក់​ ​តាម​ទូរ​ទ​ស្ស​ន៏​ថៃ​ ​នៅ​យប់​នេះ​

រដ្ឋ​ម​ន្ត្រី​ក្រសួង​ការ​បរទេស​ថៃ​ ​លោក​កា​ស៊ី​ត​ភិ​រម្យ​ ​នឹង​ធ្វើ​ការ​រៀបរាប់​ ​លំអិត​អំពី​ការ​ចាប់​ខ្លួន​ជន​ជាតិ​ថៃ​ទាំង​៧នាក់​ ​នៅ​កម្ពុ​ជា​ ​តាម​ប៉ុស្តិ​ទូរទស្សន៍​លេខ​១១ថៃ​ ​នៅ​វេលា​យប់​ម៉ោង​៨កន្លះ​ ​ថ្ងៃ​ទី​០៤ខែ​មក​រា​នេះ​។​
តាម​ការ​ចេញ​ផ្សាយ​ ​ពី​កាសែត​ ​Mcot​ ​របស់​ថៃ​ ​បាន​ឲ្យ​ដឹង​ថា​ ​រ​ដ្ឋា​ភិ​បា​ល​បាន​រក​វិធី​ជួយ​ជន​ជាតិ​ថៃ​ទាំង​៧នាក់​នោះ​ ​តែ​ត្រូវ​មើល​សភាព​ការណ៍​ ​១ទៅ​២ថ្ងៃ​ទៀ​ត​។​
គួរ​បញ្ជាក់​ផង​ដែរ​ថា​ ​អាជ្ញា​ធ​រ​កម្ពុ​ជា​ ​បាន​ចាប់​ខ្លួន​ជន​ជាតិ​ថៃ​ទាំង​៧នាក់​ ​កាល​ពី​ថ្ងៃ​ទី​២៩ធ្នូ​ ​ដែល​ក្នុង​នោះ​ ​មាន​អ្នក​តំណាង​រាស្ត្រ​ថៃ​ ​ឈ្មោះ​ ​ផា​និ​ច​វី​ឃី​ត​ស្រេ​ត​ ​និង​មេ​ដឹកនាំ​ថៃ​អាវ​លឿង​ ​ឈ្មោះ​ ​វី​រ៉ា​ស៊ុម​ខ្វាម​ឃី​ត​ ​ហើយ​ត្រូវ​បាន​គេ​ឃុំ​ខ្លួន​ ​នៅ​មន្ទីរ​ឃុំ​ឃាំង​ព្រៃ​សរ​ ​ក្រោយ​ការ​ចោទ​ ​ប្រកាន់​ពី​បទ​ចូល​ទឹក​ដី​កម្ពុ​ជា​ខុស​ច្បាប់​ ​និង​ឆ្លង​កាត់​ ​ទី​តាំង​យោធា​ ​ដែល​គេ​ហាម​ឃាត់​ ​និង​រង់​ចាំ​ការ​កាត់​ទោ​ស​។​