Monday, December 06, 2010

សេចក្តីថ្លែងការណ៍ របស់គណៈកម្មាធិការអចិន្ត្រៃយ៍នៃសន្និសីទអន្តរជាតិនៃបក្ស នយោបាយនៅអាស៊ី (ICAPP) ក្នុងអំឡុងពេលធ្វើទស្សនកិច្ចនៅតំបន់អង្គរ និងប្រាសាទព្រះវិហារ ដែលជាតំបន់បេតិកភណ្ឌពិភពលោករបស់កម្ពុជា

សេចក្តីថ្លែងការណ៍ របស់គណៈកម្មាធិការអចិន្ត្រៃយ៍នៃសន្និសីទអន្តរជាតិនៃបក្ស   នយោបាយនៅអាស៊ី (ICAPP) ក្នុងអំឡុងពេលធ្វើទស្សនកិច្ចនៅតំបន់អង្គរ និងប្រាសាទព្រះវិហារ ដែលជាតំបន់បេតិកភណ្ឌពិភពលោករបស់កម្ពុជា កាលពីថែ្ងទី ៤- ៥​ ខែ ធ្នូ ឆ្នាំ ២០១០

សន្និសីទអន្តរជាតិនៃបក្សនយោបាយនៅអាស៊ី​(ICAPP) ដែលតំណាងដោយបក្សនយោបាយកាន់អំណាច និងបក្សប្រឆាំងចំនួន ៨៩ បានជួបប្រជុំគ្នានៅក្នុងទីក្រុងភ្នំពេញកាលពីថ្ងៃទី២-​​ ទី៣ ខែ ធ្នូ​ ឆ្នាំ២០១០ សម្រាប់មហាសន្និបាតលើកទី៦ របស់ខ្លួន។ មហាសន្និបាតលើកទី ៦ និងខួបលើកទី​១០ បានផ្តោតជាសំខាន់លើបញ្ហា​នយោបាយ សង្គម និងសេដ្ឋកិច្ច បរិស្ថាន និងថាមពល ក៏ដូចជា​យុទ្ឋសាស្រ្ត​ដោះស្រាយ​ជម្លោះនៅ​អាស៊ី​ផង​ដែរ។​
   បន្ទាប់ពីមហាសន្និបាតកាលពីថ្ងៃទី៤ ខែ ធ្នូ ឆ្នាំ២០១០ គណៈប្រតិភូបានទៅធ្វើទស្សនកិច្ច តំបន់អង្គរ ក្នុងខេត្តសៀមរាប។ គណៈកម្មាធិការអចិន្តៃ្រយ៍ ICAPP បានធ្វើការកោតសរសើរជាពិសេសចំពោះប្រាសាទអង្គរវត្ត ដែលជាតំបន់បេតិកភណ្ឌ ដែលត្រូវបានគេចាត់ទុក ថាជាអច្ឆរិយមួយរបស់ពិភពលោក។ គណៈប្រតិភូ ក៏បានធ្វើការកត់សំគាល់ដោយវាយ តម្លៃខ្ពស់ នូវកិច្ចសហប្រតិបត្តិការប្រកបដោយភាពជោជ័យរវាងរាជរដ្ឋាភិបាលកម្ពុជា និង គណៈកម្មាធិការ សម្របសម្រួលអន្តរជាតិ (ICC) ក្នុងការសម្រេចបាននូវជោជ័យជាគំរូមួយ ក្នុងការងាររបស់ ខ្លួនក្នុងការការពារ អភិរក្ស និងអភិវឌ្ឍប្រកបដោយចីរភាព និងសុខដុម នីយកម្មរវាងបេតិកភណ្ឌ វប្បធម៌ ធម្មជាតិ និងសកម្មភាពមនុស្ស។​
បន្ទាប់មក សមាជិកគណៈកម្មាធិការអចិន្ត្រៃយ៍ បានទៅធ្វើទស្សនកិច្ចនៅ ប្រាសាទព្រះវិហារ ដែលជាស្នាដៃលេចធ្លោបំផុតនៃស្ថាបត្យកម្មខ្មែរ ដែលបានកសាង ឡើងដោយព្រះបាទសុរិយាវរ្ម័នទី២ ដែលក៏ជាក្សត្រកសាងអង្គរវត្តផងដែរ នៅលើពយ នៃកំពូលភ្នំដងរែក ក្នុងខេត្តព្រះវិហារ។ គណៈប្រតិភូទាំងអស់បានធ្វើការអះអាងឡើងវិញ ផងដែរនូវតម្លៃលេចធ្លោ ជាសាកល និងសារៈសំខាន់ជាអន្តរជាតិ ដែលភាពលេចធ្លោ និង អស្ចារ្យគ្មានពីរ របស់ប្រាសាទ នេះគឺវាស្របតាមនិយាមការវប្បធម៌នៃអង្គការយូនីស្កូ ដែលធ្វើឲ្យបា្រសាទនេះត្រូវបានចុះ បញ្ជីជាសម្បត្តិបេតិកភណ្ឌពិភពលោកក្នុងឆ្នាំ២០០៨។​​ សមាជិកគណៈកម្មាធិការអចិន្ត្រៃយ៍ទាំង អស់បានសំដែងនូវការវាយតម្លៃខ្ពស់ ចំពោះសេចក្តី សម្រេចរបស់គណៈកម្មាធិការបេតិកភណ្ឌ ពិភពលោក ក្នុងការចុះបញ្ជីប្រាសាទព្រះវិហារ នៅក្នុងបញ្ជីបេតិកភណ្ឌពិភពលោកនៅក្នុង ទីក្រុងកេប៊ិក ប្រទេសកាណាដា។
សមាជិកទាំងអស់ក៏បានសំដែង នូវការពេញចិត្តទាំងស្រុងផងដែរជាមួយនឹង សេចក្តីសម្រេចរបស់តុលាការយុត្តិធម៌អន្តរជាតិ កាលពីខែមិថុនា ឆ្នាំ១៩៦២ ដែល សម្រេចថា ប្រាសាទ ព្រះវិហារ គឺស្ថិតនៅក្នុងទឹកដីក្រោមអធិបតេយ្យភាពរបស់ ព្រះរាជាណាចក្រកម្ពុជា មិនអាច ប្រកែកបាន។
សមាជិកគណៈកម្មាធិការអចិន្ត្រៃយ៍ ក៏បានធ្វើការអំពាវនាវផងដែរ ដល់សហគមន៍ អន្តរជាតិ សម្រាប់ជំនួយបន្ទាន់ ដើម្បីយកមកធ្វើការជួសជុលឡើងវិញ អភិរក្ស និងការ ការពារប្រសាទ។​ ICC-Angkor គួតែត្រូវបានយកមកប្រើប្រាស់ជាគំរូសម្រាប់តំបន់ពិសិដ្ឋ ប្រាសាទ ព្រះវិហារ។
Hon. Jose De Venecia
- ប្រធានស្ថាបនិករបស់ ICAPP
- អតីតប្រធានសភាហ្វីលីពីន​ ៥​ អាណត្តិ
- ស្ថានិកសភាអាស៊ានហ្វីលីពីន
 
ឯកឧត្តមបណ្ឌិត​ សុខ អាន
-សមាជិកគណៈកម្មាធិការអចិន្ត្រៃយ៍ ICAPP
-សមាជិកគណៈអចិន្រ្តៃយ៍គណៈបក្ស ប្រជាជនកម្ពុជា
   
Hon. Dr. Salah Ali Abdulrahman
-      សមាជិកគណៈកម្មាធិការអចិន្ត្រៃយ៍ ICAPP
-      អនុប្រធានសភា និងជាប្រធានក្រុម ប្រឹក្សា Islamic National Member Society​ បារ៉េន
 
Hon. Dr. Vuong Thua Phong
- សមាជិកគណៈកម្មាធិការអចិន្ត្រៃយ៍ ICAPP
- អនុប្រធានគណៈកម្មការទំនាក់ទំនងក្រៅប្រទេស នៃគណៈកម្មាធិការ កណ្តាល​បក្សកុម្មុយនិស្ត វៀតណាម
   
Hon.​ Mendsaikhan Enklsaikhan
អតីតនាយរដ្ឋមន្រ្តីម៉ុងហ្គោលី
 
Hon.​ K.P. Sharma Oli
អតីតឧបនាយករដ្ឋមន្រ្តីនេប៉ាល់
   
Hon.​ Anna Tibaijuka
- អតីតអគ្គលេខាធិការរង និងជា អតីតនាយកប្រតិបត្តិ UN-Habitat
 
Hon.​ Jean Paul Adam
រដ្ឋមន្ត្រីការបរទេស Seychelles
   
Hon.​ Jiang Mingjun
- អគ្គនាយក IESCO
- អតីតនាយកប្រតិបត្តិ UN Development and​​ Planning Center, ចិន
  

ប្រក្រតីកម្មនៃទំនាក់ទំនងកម្ពុជា-ថៃបានវិលត្រឡប់ ទៅរក​ស្ថាន​ភាព​មុន​ថ្ងៃ ១៥ កក្កដា ឆ្នាំ ២០០៨ វិញហើយ (០៦/១២/២០១០)


សម្ដេចអគ្គមហាសេនាបតីតេជោ ហ៊ុន សែនបានអះអាងកាលពី​​ព្រឹក​ថ្ងៃទី ០៦ ខែធ្នូ ឆ្នាំ​២០១០ ថា ឥឡូវ​នេះប្រក្រតីកម្មនៃទំនាក់ទំនងរវាងប្រទេសកម្ពុជា-ថៃបានវិលត្រឡប់ទៅ មុនថ្ងៃទី ១៥ ខែកក្កដា ឆ្នាំ ២០០៨​ វិញហើយ ដែលនេះជាលទ្ធផល នៃការជួបគ្នាចំនួន ៤ លើក​រវាង​នាយករដ្ឋមន្ដ្រី​នៃ​ប្រទេស​ទាំង​ពីរ​នោះ ។            
 នៅក្នុងពិធីប្រគល់សញ្ញាបត្រគ្រូបង្រៀននៅវិទ្យាស្ថានជាតិអប់រំ​ សម្ដេចតេជោ​​នាយក​ រដ្ឋមន្ដ្រី​មាន​ប្រសាស​ន៍​​ថា “ខ្ញុំមិនចង់ ធ្វើសេចក្ដីថ្លែងការណ៍ជាសាធារណៈអ្វីទេ ក៏ប៉ុន្ដែខ្ញុំអាច និយាយបានថា បញ្ហា​ត្រូវ​បាន​ដោះស្រាយហើយ សភាពការណ៍បាន វិលត្រឡប់ទៅ រកមុនថ្ងៃ ១៥ ខែកក្កដា ឆ្នាំ ២០០៨ ហើយ ។ ខ្ញុំ​និយាយ​ត្រឹមប៉ុណ្ណឹងល្មមស្ដាប់បានហើយ”។ សម្ដេចតេជោថ្លែងថា ការជួបគ្នាចំនួន ៤ ដង​រវាង​នាយករដ្ឋមន្ដ្រី​​ទាំងពីរបានដោះស្រាយ សម្រួលគ្នានៅតាមទល់ដែនទាំងមូលតែម្ដង។
សម្ដេចតេជោ​ ហ៊ុន សែន មានប្រសាសន៍ថា “ខ្ញុំអាចនិយាយថា ប្រក្រតីកម្ម​ទំនាក់ទំនង ​ពេញ​វិញ​ហើយ​ៗនៅថ្ងៃទី ១៩ ធ្នូខាងមុខនេះ រដ្ឋមន្ដ្រីក្រសួងការបរទេសថៃ លោក កាស៊ីត ភីរម្យ ក៏នឹង​អញ្ជើញ​មក​ចូល​រួមក្នុងពិធីរំលឹកខួបអនុស្សាវរីយ៍ ឆ្នាំទី ៦០ នៃទំនាក់ទំនងការ ទូតរវាងព្រះរាជាណាចក្រកម្ពុជា ជា​មួយ​ព្រះរាជាណាចក្រ​ថៃនៅរាជធានីភ្នំពេញផងដែរ ។ សម្ដេចនាយករដ្ឋមន្ដ្រីថ្លែងថា បញ្ហា​វាមិន​ទាន់​ចប់​ទាំង​អស់​នោះ​ទេ សម្រាប់ថ្ងៃក្រោយ វានៅមានបញ្ហាវាស់វែង បញ្ហាដោះមីន និង ការបើកច្រកបន្ថែមទៀត ដើម្បី​ជម្រុញ ​កិច្ចសហប្រតិបត្ដិការនោះ។
 នៅក្នុងសង្កថា សម្ដេចតេជោ បានថ្លែងសរសើរទៅដល់​ការប្រគុំតន្ដ្រីរួមគ្នានៃប្រទេស ទាំង ពីរ ដែល​ប្រព្រឹត្ដ​​ទៅកាលពីពេលថ្មីៗនេះនៅទីក្រុងបាងកក ហើយ​ដែល​បាន​ផ្សាយ​ផ្ទាល់​ ដោយ​ស្ថានីយ៍​ទូរទស្សន៍​ជាតិ​កម្ពុជា និង ស្ថានីយ៍ទូរទស្សន៍រាជធានីភ្នំពេញប៉ុស្ដិ៍លេខ ៣ នោះ ។ សម្ដេច ហ៊ុន សែន បាន​ជម្រុញ​ឱ្យ​​មាន​ការប្រគុំតន្ដ្រីរួមគ្នានេះជាបន្ដទៅទៀត នៅរាជធានី ភ្នំពេញ ហើយ​ដោយ​មាន​ការផ្សាយ​ផ្ទាល់​ទៅ​កាន់​ប្រទេស​ថៃវិញដែរ ។
ទំនាក់​ទំនងរវាងប្រទេសទាំងពីរបានល្អប្រសើរឡើងជាងមុន នៅពេលដែលថៃ និង កម្ពុជា​ បាន​បញ្ជូន​ឯកអគ្គរាជទូត​របស់ខ្លួន ឱ្យត្រឡប់ទៅកាន់ការងារវិញកាលពីដើមខែសីហាកន្លង ទៅនេះ ។
នៅ​ក្នុងជំនួបទល់មុខគ្នាជាលើកដំបូង កាលពីខែកញ្ញានៅបូរីញូយ៉កប្រមុខដឹកនាំប្រទេស ទាំងពីរ​បាន​ឯកភាពគ្នាលើ ចំណុចទាំង ៤ ដែលរួមមាន ទី១ ធ្វើយ៉ាង​ណាជៀស​វាង​ការ​ប៉ះ​ ទង្គិច​គ្នា​រួម​ទាំង​ការ​ប្រ​ឈម​ដោយកំលាំងយោធា ទី២ ជំរុញកិច្ចសហប្រតិបត្ដិការលើការ ផ្លាស់ប្ដូរវិស័យសិល្បះ និង កីឡា​ពីគ្នា​ទៅ​វិញ​ទៅមក ទី៣ រួមគ្នាពិនិត្យលទ្ធភាពក្នុងការ បើកច្រក​​ស្ទឹង​បត់​សំ​ដៅ​ ធ្វើ​យ៉ាង​ណា​រក្សា​ច្រក​ទ្ធារ​អន្ដរជាតិ​ប៉ោយ​ប៉ែត​ជាច្រកទេសចរ និង ច្រកទ្ធារថ្មីស្ទឹងបត់ជាច្រកទ្ធារសំរាប់ ការផ្លាស់ប្ដូរពាណិជ្ជកម្ម និងទី៤ ជំរុញ​ការ​ត្រួត​ពិនិត្យរួម គ្នានូវរាល់ព័ត៌មានដែលផ្សព្វផ្សាយនៅតាមបណ្ដាញសារព័ត៌មាន នៃប្រ​​ទេស​ទាំងពីរ​ធ្វើ​ យ៉ាង​ណា ដើម្បីជៀសវាងការយល់ច្រឡំពីគ្នាទៅវិញទៅមក ពិសេសការវាយប្រហារទៅ លើប្រមុខដឹកនាំ រដ្ឋាភិបាល​ទាំងពីរដែលនិងនាំឱ្យមានការប្រឈមមុខដាក់គ្នានោះ។ ជំនួប លើកទី ២ របស់ឥស្សរជន​ទាំង​ពីរ​បាន​ប្រព្រឹត្ដ ទៅនៅទីក្រុងប្រ៊ុយសែល ប្រទេសប៊ែលហ្ស៊ិច ជំនួបលើកទី ៣ នៅទីក្រុងហាណូយ ប្រទេស​វៀតណាម ហើយជំនួប លើកទី ៤ បានប្រព្រឹត្ដ ទៅនៅរាជធានីភ្នំពេញ ដែល​សមភាគី​ទាំងពីរ​ក៏បាន​ធ្វើ​ជា​អធិបតី​ក្នុងពិធីចុះហត្ថលេខា លើកលែង ទិដ្ឋាការលើលិខិតឆ្លងដែនធម្មតារវាងប្រទេសទាំងពីរផងដែរ ។
ប្រទេសថៃបានបញ្ជូនកងទ័ពចូលមកឈ្លានពានកម្ពុជា នៅតំបន់ប្រាសាទព្រះវិហារ កាលពី ថ្ងៃទី ១៥ ខែកក្កដា ឆ្នាំ ២០០៨ បន្ទាប់ពីអង្គការយូណេស្កូបានសម្រេចដាក់ប្រាសាទ​បុរាណ​ របស់​ខ្មែរ​នេះ​បញ្ចូល​ទៅ​ក្នុងបញ្ជីបេតិកភណ្ឌពិភពលោក នៅថ្ងៃទី ៧ ខែកក្កដា ឆ្នាំ ២០០៨ មកនោះ ។/

សម្តេច​តេជោ​ស្វាគមន៍​ការ​អនុវត្ត​អនុស្សរណៈ រវាង មហាអយ្យការតុលាការកំពូល កម្ពុជា-វៀតណាម(០១/១២/២០១០)


នៅ​ក្នុង​ឱ​កាស​ទទួល​ជួប​សវនាការ​ជាមួយ​ឯកឧត្ដម TRAN QUOC VUONG ប្រធាន​មហា អយ្យការ​​​អមតុលាការកំពូល ប្រជាជនវៀតណាម នៅវិមានសន្ដិភាពក្នុងរាជធានីភ្នំពេញ នារសៀល​ថ្ងៃទី ៦ ខែធ្នូ ឆ្នាំ​២០១០ សម្ដេចអគ្គមហាសេនាបតីតេជោ ហ៊ុន សែន មាន ប្រសាសន៍​ថា​រូប​លោក​ផ្ទាល់​ បាន​ពិនិត្យ​​យ៉ាងយកចិត្ដទុកដាក់ទៅលើអនុស្សរណៈ ដែល ស្ថាប័នទាំងពីរ(មហាអយ្យការ​​អមតុលាការកំពូល​វៀត​ណាម​ និង​កម្ពុជា​) បានចុះហត្ថលេខា រួមគ្នានៅទីក្រុងហាណូយកាលពីពេលកន្លងទៅនោះ  ។
ឯកឧត្តម​ អ៊ាង សុផល្លែត ជំនួយការសម្ដេចតេជោនាយករដ្ឋមន្ដ្រីឱ្យដឹងថា សម្ដេច ហ៊ុន សែន មាន ប្រសាសន៍​នៅក្នុងជំនួបនោះ​ដោយ​បាន​វាយ​តម្លៃ​ថា អនុស្សរណៈ​នោះពិត​ជា មាន​អត្ថប្រយោជន៍​ខ្លាំង​ណាស់​ សំរាប់ប្រទេសទាំងពីរកម្ពុជា-វៀតណាម ។ 
ឯកឧត្ដម TRAN QUOC VUONG មានប្រសាសន៍ជំរាបជូនសម្ដេចតេជោថា ដំណើរ​ ទស្សនកិច្ច​របស់​​លោកមកកាន់ប្រទេសកម្ពុជានៅពេលនេះ គឺដើម្បីបង្កើនកិច្ចសហប្រតិ បត្ដិការរវាងអគ្គរដ្ឋអាជ្ញាអម តុលាការ​កំពូលប្រជាជនវៀតណាម ជាមួយនឹងអគ្គព្រះរាជអាជ្ញា អមតុលាការកំពូលកម្ពុជា បន្ទាប់​ពី​ស្ថាប័ន​ទាំង​ពីរបានចុះហត្ថលេខាលើអនុស្សរណៈ នៃ ការយោគយល់គ្នាកាលពីពេលកន្លងមកនោះ។ ឯកឧត្ដម​ប្រធាន​​មានប្រសាសន៍បន្ដថា ស្ថាប័ន​ទាំងពីរ​កំពុង​តែ​ធ្វើ​កិច្ច​​សហប្រតិបត្ដិការ​ជាមួយ​គ្នា​ក្នុង​កំរិត​រយៈ​ពេល​វែង និង កំពុងតែ ជំរុញឱ្យកាន់តែស៊ីជំរៅ ថែមទៀត ដើម្បីឱ្យសមស្របទៅនឹង​កិច្ចសហប្រតិបត្ដិការ​លើ​ វិស័យ​នយោបាយ សេដ្ឋកិច្ច និង ការវិនិយោគផងដែរ ។
ឯកឧត្ដម TRAN QUOC VUONG បានជំរាបជូនសម្ដេចនាយករដ្ឋមន្ដ្រីថា អនុស្សរណៈ​ដែល ​ស្ថាប័ន​ទាំងពីរ បានចុះហត្ថលេខារួមគ្នាកាលពី​ពេល​កន្លងមក មានអត្ថប្រយោជន៍​ខ្លាំង ​ណាស់​សំរាប់​ប្រទេស​​ទាំង​ពីរ​ក្នុងការទប់ស្ដាត់នូវរាល់បទ ល្មើសផ្សេងៗ និង ដើម្បីគាំទ្រ ក្នុង​ការជួយ​គ្នា​ទៅ​វិញ​ទៅ​មក​ពិសេស​​លើ​ប្រពន្ធ័​យុត្ដិធម៌​នោះផ្ទាល់តែម្ដង។
ឯកឧត្តម​ អ៊ាង សុផលែត ថ្លែងថា នៅក្នុងជំនួបនោះសម្ដេច​តេជោ​នាយករដ្ឋមន្ដ្រី​ បាន​មាន ប្រសាសន៍​វាយតំលៃខ្ពស់ និងកោតសរសើរដល់កិច្ចសហប្រតិបត្ដិការនៃ ស្ថាប័នទាំងពីរ ដែលបាន និង កំពុង​បោះជំហានទៅមុខប្រកបដោយលទ្ធផល យ៉ាងល្អប្រសើរបំផុតនោះ និង​បាន​ថ្លែង​នូវ​អំណរ​គុណ​យ៉ាង​ជ្រាល​ជ្រៅ បំផុតជូនចំពោះរដ្ឋាភិបាល និង ប្រជាជន វៀតណាម ពិសេសអ្នកវិនិយោគទុនវៀតណាម ដែល​បាន​​ផ្ញើ​រ​នូវសារលិខិតចូលរួមរំលែកទុក្ខ និង បានផ្ដល់នូវវិភាគទានដ៏មានតំលៃបំផុតជូនចំពោះ​រាជរដ្ឋាភិបាល​កម្ពុជា​ និង គ្រួសារ ជនរងគ្រោះ ក្នុងឧបទ្ទវហេតុលើស្ពានពេជ្រកាលពីពេលកន្លងមក។/

គណៈប្រតិភូ ICAPP អញ្ជើញទស្សនាប្រាង្គប្រាសាទ នានាក្នុងខេត្តសៀមរាប និងព្រះវិហា (០៥/១២/២០១០)


បន្ទាប់ពីបានអញ្ជើញចូលរួមមហាសន្និបាត​សន្និសីទអន្តរជាតិគណបក្សនយោបាយនៅអាស៊ី​(ICAPP) ដែលបានប្រារព្ធធ្វើនៅរាជធានីភ្នំពេញពីថ្ងៃទី០១​ ដល់ថ្ងៃទី០៣ ខែធ្នូ ឆ្នាំ២០១០ ប្រកប​ដោយ​​ជោគជ័យរួចមក នៅថ្ងៃទី​០៤,​ ០៥ ខែធ្នូ​ គណៈប្រតិភូ ICAPP អមដំណើរដោយ ​ឯកឧត្តម​បណ្ឌិត​​សភាចារ្យ សុខ អាន ឧបនាយករដ្ឋមន្រ្តី និងជារដ្ឋមន្រ្តីទីស្តីការ គណៈរដ្ឋមន្ត្រី បានអញ្ជើញ​ទស្សនា ប្រាង្គប្រាសាទនានា​នៅក្នុង​តំបន់អង្គរ ​រួមមាន៖ ប្រាសាទអង្គរវត្ត ប្រាសាទបាយ័ន្ត ប្រា​សាទ​​តាព្រហ្ម នៅក្នុងទឹកដីខេត្តសៀមរាប និងបាន ទស្សនាប្រាសាទព្រះវិហារដែលជាសម្បត្តិ​បេតិកភណ្ឌ​ពិភពលោកដ៏ល្បីល្បាញ។ គណៈប្រតិភូ ជាន់ខ្ពស់ដែលរួមមាន​ប្រធានរដ្ឋ​ អតីតប្រធាន​រដ្ឋ​​ ប្រមុខ​រដ្ឋា​ភិបាល​ អតីតប្រមុខ រដ្ឋាភិបាល គណៈបក្សនយោបាយនៅអាស៊ី​ចំនួន១០០ ​មកពីប្រទេសប្រមាណ​៤០ប្រទេស ត្រូវបានទទួលបដិសណ្ឋាកិច្ចស្វាគមន៍​យ៉ាង​កក់ក្តៅ​ ពីគណៈអភិបាលខេត្ត​សៀមរាប ខេត្ត ព្រះវិហារ ព្រមទាំងមន្រ្តីរាជការ និងអាជ្ញាធរពាក់ព័ន្ធជាច្រើននាក់។
ឯកឧត្តមចូសេ ដឺ វេណេស្យា (H.E José de venecia) ជាសហប្រធាន សន្និសីទ អន្តរជាតិ នៃគណៈបក្ស​នយោបាយ​នៅអាស៊ី​ប៉ាស៊ីហ្វិក ព្រមទាំងគណៈប្រតិភូនានា​មួយ ចំនួនទៀត​បានសំដែង ការកោត​សរសើរ​​អំពីការដឹក​នាំ​ដ៏ឈ្លាសវៃ របស់សម្តេចអគ្គមហា សេនា​បតីតេ​ជោនាយករដ្ឋមន្រ្តី​ ហ៊ុន សែន ដោយ​ឈរលើ​សន្តិភាព​ដែលបានប្រែក្លាយ តំបន់សង្គ្រាមនានាឲ្យ​ក្លាយ​ទៅជាតំបន់ ដែលមានសន្តិភាព​ និងមានការអភិវឌ្ឍន៍ មិនតែ ប៉ុណ្ណោះឯកឧត្តម ចូសេ ដឺ វេណេស្យា បានថ្លែងការ កោតស្ញប់ស្ញែងចំពោះការដឹកនាំដែល ប្រកបដោយគតិ​បណ្ឌិត​របស់សម្តេចដែលបាន ប្រើប្រាស់​នយោ​​បាយឈ្នះឈ្នះមកដឹកនាំ ប្រទេសឆ្ពោះទៅរកភាពរីកចំរើន ​និងអភិវឌ្ឍន​ មិនតែ​ប៉ុណ្ណោះ​សម្តេច​​ក៍ជាមេដឹកនាំ ដ៍កំពូល មួយរួបដែលមានការឈ្លាសវៃ និងចាស់ទុំខាង​នយោបាយ និង​អត់ធ្មត់​ខិត​ខំដោះស្រាយ នូវជម្លោះជាមួយប្រទេសជិតខាងប្រកបដោយ​សន្តិវិធី រហូតទទួល​បាន​ជោគ​ជ័យ ដែលនេះ ជាគំរូមួយសម្រាប់ប្រទេសមួយចំនួនក្នុងពិភពលោក​ ដែល​កំពុងតែជួបប្រទះ​នូវ​បញ្ហា​នានា ​គួរយកគំរូនេះទៅដឹកនាំប្រទេសរបស់ខ្លួនដើម្បីស្វែងរកសន្តិភាព ជូនប្រជា​ពលរដ្ឋ​របស់ខ្លួន។​
នៅចំពោះមុខសម្តេចតេជោតាមរយៈជំនួបតាម Video Conference គណៈប្រតិភូក៏បាន​ ចុះហត្ថ​លេខា​លើសេចក្តីថ្លែងការមួយស្តីអំពីជំហររបស់គណៈប្រតិភូ ICAPP ដែលមាន ចំណុចសំខាន់គឺ គណៈ​ប្រតិ​ភូបានទទួលស្គាល់ថា ប្រាសាទព្រះវិហារមាន លក្ខណៈ ពិ​សេសសកលជាសម្បត្តិបេតិក​ភណ្ឌ​ពិភព​លោក ទីពីរគឺបានសរសើរដល់ការ សម្រេច របស់គណៈកម្មការរបេតិកភណ្ឌ​ពិភព​លោក ដែល​បាន​សម្រេចកាលពីខែកក្កដា ឆ្នាំ២០០៨ នៅទីក្រុងកេប៉ិកប្រទេសកាណាដា ដែលបាន​សម្រេច​ចុះ​ឈ្មោះ​ប្រាសាទព្រះវិហារ ចូល ក្នុងសម្បត្តិបេតិកភណ្ឌពិភពលោក​ថា ជាសេចក្តីសម្រេចដ៍ត្រឹមត្រូវ ទី​បី​គឺគណៈប្រតិភូមាន ការរីករាយពេញចិត្តនឹងដីការរបស់តុលាការអន្តរជាតិឆ្នាំ១៩៦២  ដែល​សម្រេច​​ថា ប្រាសាទ ព្រះវិហារជារបស់កម្ពុជាហើយចាត់ទុកថា ជាដំណោះស្រាយ​ដោយសន្តិ​ភាពមួយ ដែល​​ផ្តល់​ សន្តិភាពដល់កម្ពុជារហូតមកដល់បច្ចុប្បន្ន។​
ប្រាសាទអង្គរវត្ត ​ជាស្នាដៃរបស់បុព្វបុរសខ្មែរ កសាងឡើងនៅដើមសតវត្សន៍ទី១២ ដោយ ព្រះបាទ​សូរ្យវរ័ន្មទី២ ប្រាសាទ​អង្គរវត្តមានលក្ខណៈល្អវិចិត្រ បង្ហាញនូវស្ថាបត្យកម្ម សិល្បៈ ខ្មែរ​ដ៍អស្ចារ្យ​ដល់​កំពូល។ តមកគណៈប្រតិភូបានអញ្ជើញទៅទស្សនា និងវាយ​តម្លៃ​​ខ្ពស់​ ចំពោះស្នាដៃ ដ៍អស្ចារ្យ​របស់​បុព្វបុរសខ្មែរ ដែល​បានកសាងប្រាសាទបុរាណ​ជាច្រើន បន្សល់​ទុកជាសម្បត្តិមនុស្សជាតិ និង​សម្បត្តិ​​បេតិកភណ្ឌ​ពិភពលោក។ បច្ចុប្បន្ននេះ រាជរដ្ឋាភិបាល ​រួមជាមួយប្រទេសជាដៃគូអភិវឌ្ឍន៍​នានា បាននិងកំពុងធ្វើ​ការអភិរក្ស និងអភិវឌ្ឍន៍ យ៉ាងយកចិត​ទុកដាក់បំផុត។


​ដោយឡែកប្រាសាទព្រះវិហារ​ជា​​រមណីដ្ឋានប្រវត្តិសាស្ត្រ ដែល​ពី​ដើមមាន​ឈ្មោះ​ ថា​ជា​ ភាសា​សំស្រ្កឹតថា ស្រីសិខរេស្វារៈ ដែលមានន័យថា អទិទេពនៃកំពូលភ្នំ។ ប្រាសាទ​នេះ​ កសាង​ឡើង​នៅ​ចុងសតវត្សទី៩ និងសតវត្សទី១២ ប្រាសាទនេះបានសាងសង់ជាបន្តបន្ទាប់​ ដោយ​មហា​ក្សត្រ​ខ្មែរ​មួយ​ចំនួន គឺក្នុងរជ្ជកាលព្រះបាទយសោវរ្ម័នទី១ (៨៨៩-៩១០), រជ្ជកាល ព្រះបាទ​សូរិយា​វរ្ម័ន​ទី១ (១០០២-១០៤៩), រជ្ជកាលព្រះបាទ​ឧទ័យទិត្យ​វរ្ម័ន​ទីII (១០៥០-១០៦៦)​ រជ្ជកាលព្រះបាទ​ជ័យ​វរ្ម័ន​ទី៦​(១០៨០-១១០៧), រជ្ជកាលព្រះបាទធរនិន្រ្ទវរ្ម័នទីI (១១០៧-១១១៣) និងរជ្ជកាលព្រះ​បាទ​សូរ្យវរ្ម័នទីII(១១១៣-១១៤៥)។ ប្រាសាទព្រះវិហារ នេះ​គឺជាបណ្តាញនៃអាស្រមតាមជួរភ្នំ​ដង​រ៉ែក​ហើយ​​ ត្រូវបានចាត់ទុកថា ជាកន្លែងសក្ការៈ បូជាដ៍ស័ក្តិសិទ្ធ នៃព្រះមហាក្សត្រនាសម័យចក្រភព​ខ្មែរ​។
ជានិច្ចជាកាលសម្តេចតេជោប្រមុខ នៃរាជរដ្ឋាភិបាលកម្ពុជាតែងតែយកចិតទុកដាក់ដល់ គណៈប្រតិភូ ជាន់ខ្ពស់ ដែលបានធ្វើ​ដំណើរទស្សកិច្ចនៅប្រាសាទព្រះវិហារនេះ ដោយ សម្តេច​បានធ្វើការទាក់​ទង​ មក​សាក​សួរសុខទុក គណៈប្រតិភូតាមរយៈការធ្វើ VIDEO Conference ដោយសម្តេច​បាន​បញ្ជាក់​ប្រាប់​គណៈប្រតិភូ​អំពី​តំបន់ប្រាសាទព្រះវិហារនេះថា ជាតំបន់ដែលទើបតែស្រោច​ស្រង់ចេញ​ពី​សង្គ្រាម​​តាមរយៈ​នយោ​បាយឈ្នះ ឈ្នះ របស់រាជ រដ្ឋាភិបាលកម្ពុជា​។

Statement of the Standing Committee of the International Conference of Asian Political Parties (ICAPP) on their visit to the Angkor Angkor Archeological Site and the Temple of Preah Vihear, World Heritage sites, Cambodia 4th - 5th December, 2010

The InternationalC onferenceo f Asian PoliticalP arties (ICAPP), representedb y 8g
Asian ruling and opposition.p olitical parties, assembled in Phnom penh, 26a4ra
December 2010, for their 6th General Assembly. The General Assembly and 1oth
Anniversaryf ocused on importantp olitical,s ocial and economic,e nvirohmenta nd
energyi ssuesa s well as disputes etflements trategiesi n Asia.
Following the General Assembly, on 4th December, the detegates visited the Angkor
Archeological Sites in Siem Reap province. The ICAPP
-standing
CommitteJ in
particular highly admired Angkor Wat Temple, the heritage site considered one of the
world'sw onders.T hey also notedw ith appreciationth e sutcessfulc ooperationb etween
the Royal Government of Cambodia and the International Coordinating Committee
(lCC) in achievinga model of excellencei n its executiono f protection,p reservationa nd
sustainable development and harmonization between cultural heritage, nature and
human activities.
The Standing Committee Members then visited the Temple of preah Vihear, an
outstanding masterpiece of Khmer architecture, built and completed by King
Soryavarman ll who also built Angkor Wat, perched on a promontory of tne dangrel
Mountain in Preah Vihear province. The Members reaffirmed the gieat international
significancea nd outstandingu niversavl alue- very pure,s ignificantlnd exceptiona-l
of thist emplei n accordancew ith the culturasl tandardo f UrufSCO,w hichw as inscribed
on the World Heritagel ist in 2008.T he StandingC ommitteeM emberse xpressedt heir
appreciationo f the Decision made by the World Heritage Committeet o inscribet he
Temple on the World Heritage List in euebec, Canada.
The Members also expressed their entire satisfaction with the decision of the
lnternationaCl ourto f Justicei n June 1962,w hich ruledt he Templeo f preah Viheari s
indisputablys ituatedi n territoryu ndert he sovereigntyo f the Kingd'omo f Cambodia.
The Standing Committee Members appeal to the international community for their
immediate assistance in restoring, preserving and protecting the Temple. Thb example
of ICC-Angkors hould be applieda s a modelf or the sacreds ite of the Temple of preah
Vihear.

Statement  of the Standing Committee of the International Conference of Asian Political Parties (ICAPP) on their visit to the Angkor Angkor Archeological Site and the Temple of Preah Vihear, World Heritage sites, Cambodia 4th - 5th December, 2010