Tuesday, January 11, 2011

លិខិតរបស់ អង្គភាពព័ត៌មាន និង ប្រតិកម្មរហ័ស នៃទីស្តីការគណៈរដ្ឋមន្រ្តី នៃ រាជរដ្ឋាភិបាល កម្ពុជា ផ្ញើជូន លោកនិពន្ធនាយក កាសែតបាងកកប៉ុស្តិ៍ ទាមទាអោយ កែតម្រូវ

ជូនចំពោះលោកនិពន្ធនាយក
កាសែតបាងកកប៉ុស្តិ៍
អគារលេខ១៣៦ ផ្លូវ Na Ranong
Klong Toey ទីក្រុងបាងកក ១០១១០
ទូរសាៈ ០២ ២៤០ ៣៦៦៦

លោកនិពន្ធនាយកជាទីរាប់អាន

អង្គភាពព័ត៌មាន​ និងប្រតិកម្មរហ័ស នៃទីស្តីការ គណៈរដ្ឋមន្រ្តី នៃរាជរដ្ឋាភិបាល កម្ពុជា ទាមទារ យ៉ាងម៉ឺងម៉ាត់ ឲ្យកាសែត បាងកកប៉ុស្តិ៍ ដែលជាកាសែត វិជ្ជាជីវៈមួយឲ្យ ធ្វើការចុះផ្សាយ អត្ថបទ​កែតម្រូវ ជាបន្ទាន់មួយ ចំពោះអត្ថបទដែល ​បាន​ដក​ស្រង់​សម្ដី​ខុស ក្រោម​ចំណង​​​ជើងថា «តុលាការបានបន្ថែម ទោស ជនជាតិថៃ ២នាក់លើ ករណីចារកម្ម» ដែល​បាន​ចុះ​ផ្សាយ​ កាល​ពី​ថៃ្ងទី ១១ ខែមករា ឆ្នាំ ២០១១ នៅវេលាម៉ោង ១២យប់ នៅ​ក្នុង​ទំព័រ​មួយ​របស់​ កាសែត​បាងកកប៉ុស្តិ៍ដែលបាន សរសេរថា «… ហ៊ុន សែន បាន​មាន ​ប្រសាសន៍ថា កាលពីយប់ថ្ងៃទី ២៩ ខែធ្នូ ឆ្នាំ ២០១០ រដ្ឋមន្រ្តីការបរទេស ថៃ កាស៊ីត ភិរម្យ៉ា បាន​ទូរ​ស័ព្ទ​មក សម្តេចប្រមាណ ១០ ដង ក៏ប៉ុន្តែលោក​មិនបានឆ្លើយការ ហៅចូលនោះ ទេ។» តាម​ការ​ពិតនេះ គឺជាការ​ចុះផ្សាយ ​នូវ​ព័ត៌មាន​ខុសការ​ពិត​ ធ្វើឲ្យភ័ន្តច្រឡំ និងជាការស្មាន ​មិន​ប្រាកដ​​ដែល​នាំបង្កើត​ឲ្យមាន ការច្របូក​ច្របល់​ និង​យល់​ខុស​រវាង​ រាជ​រដ្ឋាភិបាលកម្ពុជា និងរដ្ឋាភិបាល​ថៃ។

ការពិតនោះគឺថា សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា ដែលនៅក្នុងសុន្ទរកថា របស់សម្តេច ក្នុងពីធីប្រគល់សញ្ញាបត្រនៅ វិទ្យាស្ថានជាតិអប់រំ កាលពីថ្ងៃទី ១០ ខែមករា ឆ្នាំ២០១១ បានមាន ប្រសាសន៍យ៉ាងច្បាស់ថា «... សម្តេច បានឃើញមាន ការ ហៅចូលពីបរទេស ចំនួនប្រហែល ១០ ដង ក្នុងទូរស័ព្ទដៃ​ របស់​សម្ដេច​ នៅរាត្រីថ្ងៃទី ២៩ ខែធ្នូ ឆ្នាំ ២០១០។សម្តេច លោក​ខកខាន​ក្នុង​ការ​ ឆ្លើយការ​ហៅ​ចូលទាំង​នោះ ដោយ​សារតែ​មុននេះ ​លោក​បាន​ដាក់​ ទូរស័ព្ទមិន​ឲ្យ​ឮសំឡេង ​រោទិ៍»។សម្តេច​នាយក​រដ្ឋ​មន្ត្រី​ លោក​មិនបានមាន ​ប្រសាសន៍ថា​ តើអស់​លោក​ពី​ ខាងណា​ព្យាយាម​​ទូរ​ស័ព្ទ មក​រកសម្ដេច​​​នោះទេ ជាពិសេស សម្តេច មិន​បាន​មាន​ប្រសាសន៍​​ សូម្បីតែពាក្យ​ មួយម៉ាត់ណាទៅ​ដល់ ​​ឈ្មោះ​របស់​ លោក​រដ្ឋមន្ត្រីការ បរទេសថៃ កាស៊ីត ភិរម្យ៉ា​នោះ​ឡើយ។

ដើម្បី​រក្សាទុក​ ឯកសារ​ជា​ផ្លូវការ​ អង្គភាពព័ត៌មាន​ និងប្រតិកម្មរហ័ស​ ទាមទារ​ដោយ​ ទទូចឲ្យមាន ការចុះផ្សាយនូវការ កែតម្រូវឡើងវិញជាបន្ទាន់ នៅទំព័រដដែលដើម្បី ឲ្យសាធា​រណ​មតិ​ថៃ និង អន្តរជាតិ អាច​ទទួល​បាន​ហេតុការ ​ពិតដើម្បី​ជួយ​ពួក​គេ​ បង្កើតបាន​នូ​វទស្សនៈ​ ត្រឹមត្រូវ​មួយ​ទាក់​ទង​ ទៅ​នឹងការ​ឃាត់ខ្លួន​ និង​បទចោទប្រកាន់​ លើ​ជន​ជាតិថៃទាំង ៧នាក់ ដែល​បាន​ឆ្លងដែន ខុសច្បាប់ចូលមកក្នុង ទឹកដីកម្ពុជា កាលពី ថ្ងៃទី ២៩ ខែធ្នូ ឆ្នាំ ២០១០។

សូម​លោក​ទទួល​នូវការ​រាប់អានអំពីយើង​ខ្ញុំ។
រាជធានីភ្នំពេញ ថ្ងៃទី ១១ ខែមករា ឆ្នាំ ២០១១
អង្គភាពព័ត៌មាន និងប្រតិកម្មរហ័ស

Letter to the Editor BANGKOK POST NEWSPAPER

Letter to the Editor
BANGKOK POST NEWSPAPER
136 NA RANONG ROAD,
KLONG TOEY, BANGKOK 10110
Fax: +02 2403666,

Dear Editor,
The Press and Quick Reaction Unit (PRU) of the Office of the Council of Ministers (OCM) of the Royal Government of Cambodia (RGC) demands vigorously that the Bangkok Post, which is a professional newspaper, to publish immediately a correction to the misquoted article under the title: “Court slaps 2 Thais with spying charge,” published on 11 January 2011 at 12:00AM in the Newspaper section: News, stating that “...... Hun Sen said that on the night of December 29, Thai Foreign Minister Kasit Piromya called him about 10 times, but he did not answer the phone.” This was in fact wrong, misleading, and speculative, which led to create confusion and misunderstanding between the Royal Government of Cambodia and the Thai Royal Government. 

The truth is that Samdech Akka Moha Sena Padei Techo Hun Sen, Prime Minister of the Kingdom of Cambodia, in his address during the degree conferment at the National Institute of Education on the 10th January, 2011, had clearly stated that "... He had found about 10 missed international incoming calls in his mobile phone on the night of December 29, 2010. He failed to answer those calls given the fact that he had earlier set his cell phone on silent mode".Prime Minister Hun Sen did not reveal who were trying to call him, especially he did not say even a single word referring to the name of Thai Foreign Minister Kasit Piromya.  

To put the record straight, the Press and Quick Reaction Unit (PRU) insists that a correction must be published immediately the clarified article on the same page so that the Thai and international public could obtain the factual situation on the ground in order to help them to make their proper opinions concerning the arrests and charges of the 7 Thai trespassers who had illegally intruded into Cambodian territory on December 29, 2010.

Sincerely,
Phnom Penh January 11, 2011
The Press and Quick Reaction Unit

ជនជាតិសៀម​​២នាក់​ដែលជាប់​​​ចោទ​ចូល​​​ប្រមូល​ព័ត៌​មាន​​​ក្នុងជំរំ​យោធា​កម្ពុជា កំពុងត្រូវ​បានចៅក្រម​​សួរបន្ថែម


(រូបថត ចោមចៅ)
ជនជាប់​ចោទ​​២​នាក់រង​ការ​ចោទ​​ប្រកាន់​​បន្ថែម​​នេះ​គឺ​​ឈ្មោះ​​វីរៈ​ ស៊ុម​ខ្វាម​ឃីត

រាជធានីភ្នំពេញ ៖ ​​ជនជាតិសៀម​​២នាក់​ ក្នុងចំណោម​​៧​នាក់​​ដែលរងការ​ចោទប្រកាន់​​បន្ថែម​​កំពុងត្រូវ​​បាន​​ចៅក្រម​​សាកសួរ​នៅក្នុង​បន្ទប់​នៃអគារ​តុលាការរាជធានីភ្នំពេញ ​​នា​វេ​លា​ម៉ោង​៨ព្រឹកថ្ងៃទី​​១២ មករា ២០១១ ដើម្បី​បញ្ជាក់​អំពីស្ថាន​ទម្ងន់​​បទល្មើស​​របស់​ពួកគេ​​មុន​ពេល​​ឈានទៅ​បើកសវនាការ​​ជំនុំ​ជម្រះ​​នៅ​​ពេល​ខាង​មុខ ។​ ជនជាប់​ចោទ​​២​នាក់​​ដែលរង​ការ​ចោទ​​ប្រកាន់​​បន្ថែម​​នេះ​គឺ​​ឈ្មោះ​​វីរៈ​ ស៊ុម​ខ្វាម​ឃីត ​ជា​មេ​ដឹកនាំ​បណ្តាញ​​អ្នកស្នេហា​​ជាតិថៃ ​ឬ​ក្រុម​​​អាវ​លឿង និង​ជន​ជាប់ចោទឈ្មោះ Ratree Taiboon ដែលគេ​ដឹង​ថា ជា​លេខា​របស់​​លោក​​វីរៈ​​ត្រូវ​​ចោទប្រកាន់​​បន្ថែមទៀត ​ពីបទ​ប៉ុន​ប៉ង​​ប្រមូល​ព័ត៌មាន​​​ធ្វើ​ឱ្យ​ប៉ះ​ពាល់​​សន្តិសុខ​​ជាតិរបស់​កម្ពុជា ​អាចជាប់​ពន្ធនាគារ​ពី​៥​ឆ្នាំ​​ទៅ​១០​ឆ្នាំ ​ប្រសិន​បើ​​ពួកគេ​ត្រូវ​​បានរកឃើញ​​ថា មានទោស​កំហុស​ ។​
នាយករដ្ឋ​មន្ត្រី​​ថៃ លោកអាប់ភីស៊ីត វ៉េ​ចាជី​វ៉ា ​ថ្លែង​ថា ពលរដ្ឋ​ថៃ​​ទាំង​៧​នាក់នោះ​ពុំ​មាន​ចេត​នា​​បង្កបញ្ហា​​ដល់កម្ពុជា​នោះទេ ហើយ​ពេល​នេះ​លោក​កំពុង​ស្វះស្វែង​សុំ​ឱ្យ​កម្ពុជា​ដោះលែង​ដោយ​​ការបង់​​​​ប្រាក់​ធានា ។ ប៉ុន្តែ​​សម្តេច​អគ្គ​មហា​សេនាបតីតេជោហ៊ុន សែន ​នាយករដ្ឋ​មន្ត្រី​​នៃ​ព្រះ​រាជាណាចក្រ​កម្ពុជា ​បាន​មានប្រសាសន៍​​​បញ្ជាក់​​ម្តងហើយ​ម្តងទៀតថា​​ ពុំ​មាន​អ្នកណា​អាច​ធ្វើ​​​អន្តរាគមន៍​​ក្នុងករណីនេះ​បានទេ ដោយ​​ករណី​​នេះស្ថិត​​ក្រោម​សិទ្ធិ​​សំរេច​​របស់តុលាការ​​កម្ពុជា យើង​​មិនអាច​លូកដៃ​ទៅបង្គាប់​​បញ្ជា​តុលាការ​​បានឡើយ​​ ព្រោះតុលាការ​​ឯករាជ្យ។
ក្រុម​​អ្នក​តាមដាន​បានលើក​ឡើង​ថា ការឆ្លង​​ចូលទឹកដីកម្ពុជា​​ដោយចេតនា​ ឬ​អចេតនា​ក៏​ដោយ ​មិនមែន​​ជនជាតិថៃ​​ទាំង​៧​នាក់​នោះ​មិន​​ដឹង​ថា ខ្សែបន្ទាត់ព្រំដែន​​នៅត្រង់​​ណា​នោះទេ ព្រោះ​​​ថា មានបង្គោល​សីមា​លេខ​៤៦ ​និង​​៤៧ បង្ហាញ​​យ៉ាង​ជ្រងរៗ ហេតុអ្វីពួកគេ​​មិន​ប្រុង​ប្រយ័ត្ន​​​? នេះ​គឺ​មកពីពួកគេ​​ប្រព្រឹត្ត​​ទាំង​បំពាន​​មក​លើ​​ទឹកដីកម្ពុជា​​យ៉ាង​គឃ្លើន​​តែម្តង ។​
គេ​បានកត់​សំគាល់​ថា ​នៅ​ចំពោះ​មុខ​សមត្ថ​កិច្ច​​សួរ​ចម្លើយ​ ជនជាតិ​សៀម​ទាំង​៧​នាក់​​នេះ​បង្ហាញ​​នូវ​​អាកប្បកិរិយា​មួយ​ ដែល​ខ្មែរ​យើង​ហៅ​ថា ​«​ឈ្លើយណាស់​»​ និយាយ​ស្តី​គ្មាន​ការ​គួរសម​ក្នុង​នាម​ជា​មនុស្ស ​​មាន​សុជីវធម៌​​សោះ ។ ដំណើរ​ការ​នាំ​ខ្លួន​​ជន​​ជាប់​​ចោទ​ជនជាតិ​សៀម​ទាំង៧​​នាក់​នេះ​ ក៏​មាន​ការ​តាម​ដាន​យ៉ាង​ដិត​ដល់​ពីឯក​អគ្គ​រាជទូត​​ថៃ​ប្រចាំ​ប្រទេស​កម្ពុជា​ផងដែរ ។ ភាពខុស​ប្លែ​កគ្នា​​រវាង​ចំណាត់​ការ​របស់​តុលាការ​​ថៃ និង​កម្ពុជា​ត្រូវបាន​គេ​មើលឃើញ​​ថា ជនជាប់​​ចោទ​​កម្ពុជា ដែលតុលាការ​​​ថៃ​ហៅមក​​សាក​សួរ​ ឬបើក​សវនាការ​​គឺសុទ្ធ​​តែដាក់ខ្នោះដៃ ​និង​ច្រវាក់​ជើង...​ចំណែក​​ជន​​ជាប់ចោទ​ថៃ​​វិញ ពេល​តុលាការ​​កម្ពុជាហៅ​មកសាកសួរ​​ ឬ​បើក​សវនា​ការ​​ គឺ​ដើរ​​បង់បោយ​​ឱ្យរំភើយ គ្មានដាក់​ខ្នោះ​​ច្រវាក់​​អ្វីទេ​... ដូចយើង​​ឃើញ​រូបភាព​​នេះ​ជាក់​ស្តែង​ហើយ ។​
សូម​បញ្ជាក់​ថា ក្រុមជ្រុល​និយម​អាវលឿង ​សៀម​៧​នាក់​​នេះមាន​ស្រី​២ ប្រុស​៥ ត្រូវបាន​​​កំលាំង​​ការពារព្រំដែន​ជួរមុខ​ចាប់​​​ឃាត់ខ្លួន​​ ខណៈ​​ពួក​​​គេ​​​ចូលលុកលុយ​​ក្នុង​​ទឹ​កដី​​កម្ពុជា​​​​ដោយ​ខុស​ច្បាប់​​​កាលពីវេលាម៉ោង​​១០​និង​​៣០​​នាទីព្រឹក​ថ្ងៃទី​​២៩ ធ្នូ ​២០១០ ស្ថិត​​ក្នុងភូមិ​​​ជោគជ័យ ឃុំ​​អូរបីជាន់ ស្រុកអូរជ្រៅ ​ខេត្ត​​បន្ទាយមានជ័យ៕ ដោយ ៖ កោះឯករាជ្យ


សម្ដេចតេជោ​សុំ​ឲ្យ​​ឯកអគ្គ​រដ្ឋ​ទូតថ្មី​ប្រទេសអូស្ដ្រាលីប្រចាំកម្ពុជាជម្រុញ​កិច្ច​ សហប្រតិបត្តិការ​ប្រទេស​ទាំង​ពីរ​កម្ពុជា-អូស្រ្តាលី​កាន់​តែរឹង​មាំ​


សម្ដេចអគ្គមហាសេនាបតីតេជោ ហ៊ុន សែន​ បាន​ស្នើសុំលោកជំទាវ​ឯកអគ្គរដ្ឋទូត ថ្មី​នៃ​ប្រទេស​អូស្ត្រាលី​ប្រចាំ​នៅ​កម្ពុជា​ឲ្យ​ បន្ដពិនិត្យមើល ពីចំណុចថ្មីៗថែមទៀត ដើម្បីធ្វើយ៉ាង ណា​ ជំរុញ​កិច្ច​សហប្រតិ-បត្ដិការ​រវាងប្រទេស ទាំងពីរកម្ពុជា-អូស្ដ្រាលីឱ្យកាន់តែរឹងមាំ ពោល​គឺមិនគ្រាន់​ តែក្នុង ន័យទ្វេភាគី​នោះ​ទេ​ប៉ុន្ដែ​​គឺតាមរយៈពហុភាគី តំបន់ និង អន្ដរជាតិ ដែលមានការយកចិត្ដទុកដាក់ ដូចគ្នានោះ។

ប្រសាសន៍​របស់​សម្តេច​តេជោ​បាន​ធ្វើ​ឡើង​ក្នុង​ឱកាស​ ទទួល​ជួប​សវនាការ​ជាមួយ​លោកជំទាវ​ PENELOPE ANN RECHARDS ដែលទើបត្រូវបានតែងតាំងជា ឯកអគ្គរដ្ឋទូតថ្មី របស់ប្រទេស​ អូស្ដ្រាលីប្រចាំនៅព្រះរាជា ណាចក្រម្ពុជា នាព្រឹក​ថ្ងៃទី ១១ ខែ​មករា ឆ្នាំ​២០១១ នៅវិមាន សន្ដិភាព​ក្នុង ​រាជធានីភ្នំពេញ។

ឯកឧត្តម​ អ៊ាង សុផល្លែត ជំនួយការសម្ដេចតេជោឱ្យដឹងថា ក្នុង​ជំនួបនោះ​សម្ដេច​តេជោ​ នាយករដ្ឋមន្ដ្រី​មានប្រសាសន៍ ថ្លែងអំណរគុណចំពោះការប្ដេជ្ញាចិត្ដរបស់លោកជំទាវឯកអគ្គរដ្ឋទូត និង បាន​ថ្លែង​នូវអំណរគុណ យ៉ាងជ្រាលជ្រៅចំពោះ រដ្ឋាភិបាលក៏ដូចជាប្រជាពលរដ្ឋអូស្ដ្រាលី ដែល​បានជួយ​ ដល់​ប្រទេសកម្ពុជាចាប់តាំងពី ឆ្នាំ១៩៨២ រហូតមកដល់បច្ចុប្បន្ន ពោលគឺបានជួយដល់ប្រទេសកម្ពុជា ចាប់​តាំងពីប្រទេសកម្ពុជា ជួបប្រទះនូវការ លំបាក គ្រប់បែបយ៉ាង តាមរយៈរដ្ឋាភិបាល អង្គការ​ក្រៅ​ រដ្ឋាភិបាល ពិសេសបានសហការគ្នាយ៉ាងល្អលើវិស័យជាច្រើន ដូចជាវិស័យកសិកម្ម ពាណិជ្ជកម្ម និង​វិស័យ ផ្សេងៗទៀតផង ហើយ​ថ្មីៗនេះអូស្ដ្រាលីក៏បានរួម​ចំណែក​ជួយតាម​រយៈ​ ការជំរុញ​ការ​ វិនិយោគ​មកកាន់​ប្រទេស​កម្ពុជាផងដែរ។

លោកជំទាវ​ PENELOPE ANN RECHARDS ដែលទើបត្រូវបានតែងតាំងជា ឯកអគ្គរដ្ឋទូតថ្មី របស់ប្រទេស​អូស្ដ្រាលីប្រចាំនៅ ព្រះរាជាណាចក្រម្ពុជា បាន​មាន​ប្រសាសន៍​​ជម្រាប​សម្តេច​តេជោ​ នាយករដ្ឋ​មន្រ្តី​ថា បេសកកម្មការ ទូតរបស់ លោកស្រីមកកាន់ប្រទេសកម្ពុជានៅ ពេលនេះ គឺមាន​គោល បំណង​ពង្រឹង​ទំនាក់​ទំនងកិច្ចសហប្រតិបត្ដិការ សំរាប់ប្រទេសទាំងពីរកម្ពុជា-អូស្ដ្រាលី ឱ្យកាន់តែរឹង មាំ ថែមទៀតនោះ ។
 

សម្ដេចតេជោទទួលជួបជាមួយឯកអគ្គរដ្ឋទូតថ្មីទី១​របស់ប្រទេសស៊ុយអ៊ែត


នៅ​ក្នុង​ឱ​កាស​​ចូល​ជួប​សំដែង​ការ​គួ​សម​​ ចំពោះ​សម្តេច​អគ្គ​មហា​សេនាបតីតេជោ ហ៊ុន សែននៅវិមានសន្ដិភាព នាព្រឹក​ថ្ងៃទី ១១ ខែ​មករា ឆ្នាំ​២០១១ លោកជំទាវ​ ANNE HOGLUND ឯកអគ្គ​ រដ្ឋទូត​ថ្មី​របស់ប្រទេសស៊ុយអ៊ែត បាន​មានប្រសាសន៍ឲ្យដឹង​ថា លោកជំទាវ​គឺជាឯកអគ្គរដ្ឋទូតទី ១ របស់​ ប្រទេស​ស៊ុយអ៊ែត ដែលបានមកបំពេញបេសកកម្មការទូត នៅក្នុងប្រទេសកម្ពុជា ស្រប​ពេល​ជា​មួយ ​នឹង​ការបើក​ស្ថាន​ឯកអគ្គរដ្ឋទូតក្នុងពេលដ៏ខ្លីខាងមុខនេះនៅក្នុងរាជធានីភ្នំពេញ ។
ឯកឧត្តម​ អ៊ាង សុផល្លែត ជំនួយការសម្ដេចតេជោនាយករដ្ឋមន្ដ្រីឱ្យដឹងថា លោកស្រី ANNE HOGLUND មានប្រសាសន៍ជំរាបជូនសម្ដេចតេជោថា បេសកកម្មការទូតរបស់​លោកស្រី​មកកាន់​ ប្រទេស​កម្ពុជា​នៅ ពេលនេះ គឺដើម្បីធ្វើយ៉ាងណាពង្រឹង និង ពង្រីកទំនាក់​ទំនងកិច្ច​សហ​ប្រតិបត្ដិការ ​ជាមួយ​ប្រទេស​​កម្ពុជា លើវិស័យពាណិជ្ជកម្ម ក៏ដូចជាគាំទ្រកម្ពុជាឱ្យកាន់​តែទទួល​បាន ជោគ​ជ័យ​លើ​ រាល់​កម្មវិធី​ទាំង​ឡាយ​ដែលរាជរដ្ឋាភិបាលកម្ពុជាបានដាក់ចុះ ។
ឯកឧត្តម​ជំនួយ​ការ​ឱ្យដឹងបន្ដថា នៅក្នុងជំនួបនោះ សម្ដេចតេជោ​នាយករដ្ឋមន្ដ្រី​បានស្វាគមន៍​ ចំពោះ​វត្ដមាន លោកជំទាវ​ឯកអគ្គរដ្ឋទូតព្រមជាមួយនឹង​ការបើកស្ថាន​ឯកអគ្គរដ្ឋទូត​ជាលើក​ ដំបូងរបស់​ ប្រទេស​ស៊ុយ​អ៊ែតនៅកម្ពុជា។ សម្ដេចតេជោ​​នាយករដ្ឋមន្ដ្រី​បានថ្លែង​នូវអំណរ​គុណ​យ៉ាង ​ជ្រាល​ជ្រៅ​ ជូន​ចំពោះ​​រដ្ឋាភិបាល​ស៊ុយអ៊ែត ដែលបានជួយដល់ ប្រទេសកម្ពុជាចាប់តាំងតែពីទសវត្ស ៨០ រហូត ​មក​ដល់​បច្ចុប្បន្ន ។ នៅក្នុងជំនួបពិភាក្សាគ្នានេះដែរ សម្ដេចតេជោនាយករដ្ឋមន្ដ្រីបាន​ស្នើឱ្យលោកជំទាវ​ ឯកអគ្គ​រដ្ឋទូត​បន្ដជួយជំរុញ និង លើកទឹកចិត្ដអ្នកវិនិយោគ និង អ្នកទេសចរណ៍ស៊ុយអ៊ែត  មកកាន់ ប្រទេស​កម្ពុជា​ឱ្យ​កាន់​តែច្រើនឡើង ព្រោះថាទាំងអស់នោះគឺជាការចូលរួមចំណែក ដល់ការអភិវឌ្ឍ ប្រទេស កម្ពុជា​ឡើង​វិញ​ ។/

ឯកឧត្តម​ វ៉ា គឹមហុង​ ជួប​សំណេះ​សំណាល​ជាមួយ​ប្រធាន​ថ្មី​ នៃ​គណៈកម្មការ​ចំរុះ​ខ័ណ្ឌ​សីមា ព្រំដែន​គោក​ថៃ​-កម្ពុជា​


នា​ព្រឹក​ថ្ងៃទី​១១ ខែមករា ឆ្នាំ​២០១១ នៅ​ទី​ស្តី​ការគណៈរដ្ឋមន្រ្តី ​ឯកឧត្តម​ វ៉ា គឹមហុងទេសរដ្ឋមន្ត្រី​ទទួល​បន្ទុក​កិច្ច​ការ​ព្រំដែន​ បាន​ទទួល​ជួប​សមភាគីថៃ​ឯកឧត្តម អាសាដា ឆៃយ៉ាណម​(Asda Jayanama)​ដែល​​​ត្រូវ​បាន​តែង​តាំង​​ជា​ប្រធាន​ថ្មី​ នៃ​គណៈកម្មការ​ចំរុះ​ខ័ណ្ឌ​សីមា ព្រំដែន​ គោក​ថៃ-កម្ពុជា​។
            ឯកឧត្តម វ៉ា គឹមហុង ​បាន​មាន​ប្រសាសន៍​ឲ្យ​ដឹង​ថា នេះ​ជា​ជំនួប​ធម្មតា​ រវាង​ឯកឧត្តម​​​ និង​ឯកឧត្តម​ អាសាដា ឆៃយ៉ាណម​(Asda Jayanama)​​ ដែល​ទើប​នឹងត្រូវ​​តែង​តាំង​ថ្មី​ ហើយ​បាន​ដឹក​នាំ​ប្រតិភូ​​គណៈកម្មការ​​ចំរុះ​ខ័ណ្ឌ​សីមា ព្រំដែន​គោក​ថៃ-កម្ពុជា មក​សំដែង​ការ​គួសម​។​
            ​ឯកឧត្តម​ វ៉ា គឹម​ហុង បាន​មាន​ប្រសាសន៍​ចាត់​ទុក​ថា ជំនួប​នៅ​ពេល​នេះ​គឺ​ជា​ចំនុច​ល្អ​ ដែល​នឹង​នាំ​ឲ្យ​មាន​ការ​ជួប​គ្នា​​រវាង​​គណៈកម្មការ​ចំរុះ​ខ័ណ្ឌ​សីមា ព្រំដែន​គោក​ប្រទេស​ទាំង​ពីរ​​កម្ពុជា​​-ថៃ​ នាពេលក្រោយ​បន្ត​បន្ទាប់​ទៀត​។​ ឯកឧត្តម អាសាដា ឆៃយ៉ាណម​(Asda Jayanama)​​ បាន ​ស្វាគមន៍​ ដោយ​បាន​លើក​ឡើង​ថា គណៈកម្មការ​ចំរុះ​ខ័ណ្ឌ​សីមា ព្រំដែន​គោក​ប្រទេស​ទាំង​ពីរ ​​ត្រូវ​តែ​ ជួប​ធ្វើ​ការងារ​ជាមួយ​គ្នា​បន្ត​ទៀត​។
​​            សូម​រំលឹក​ផង​ដែរ​ថា គណៈកម្មការ​ចំរុះ​ខ័ណ្ឌ​សីមាព្រំដែន​គោកកម្ពុជា​ដឹក​នាំ​ដោយ​ ឯកឧត្តម វ៉ា គឺមហុង ​និង​ ​ឯកឧត្តម​ វ៉ា​ស៊ីន ទីរ៉ា​វិឈីយ៉ាន​(Vasin Teeravechyan)  អតីត​ប្រធាន​ គណៈ​កម្មការ​ចំរុះ​ខ័ណ្ឌ​សីមាព្រំដែន​គោកថៃ ​ បាន​ជួប​ប្រជុំ​ជា​មួយ​គ្នា​ជា​លើក​ចុង​ក្រោយ​នៅ​រាជធានី​ ភ្នំ​ពេញ​កាល​​ពី​​ឆ្នាំ​២០០៩ កន្លង​មក ហើយ​ត្រូវ​បាន​អាក់​ខាន​ដោយ​សារ​តែ​ កំណត់​ហេតុ​នៃ​ការ ​ប្រជុំ​​នា​ពេល​កន្លង​មក​ មិន​ត្រូវ​បាន​អនុម័ត​ ដោយ​រដ្ឋសភា​ថៃ​។​ ទាក់ទិន​នឹង​បញ្ហា​នេះ​ ឯកឧត្តម អាសាដា ឆៃយ៉ាណម​(Asda Jayanama)​​ បាន​ឲ្យ​ដឹង​ថា រដ្ឋ​សភាថៃ​បាន​ពន្យារ​ពេល​នៃ​ការ​ពិភាក្សា​ បញ្ហានេះ​ក្នុង​រយៈ​ពេល​ ៣០ ថ្ងៃ​ ដើម្បី​សុំ​ការ​អនុម័ត​ពី​​តុលាការ​ធម្មនុញ្ញ​របស់​ថៃ​។​ ឯកឧត្តម អាសាដា ឆៃយ៉ាណម​(Asda Jayanama)​​ បាន​បញ្ជាក់​ថា នៅ​ក្នុង​ខណៈ​ដែល​​រដ្ឋ​សភា​ និង​រដ្ឋាភិបាល ​ថៃ​មិន​ទាន់​បាន​សម្រេច​យ៉ាង​ណា​នោះ​​ ​ខ្ញុំ​បាន​គិត​ថា គណៈកម្មការ​ចំរុះ​ខ័ណសីមា ព្រំដែន​គោក​ប្រទេស ​ទាំង​ពីរ​​ត្រូវ​តែបន្ត​​ជួប​ធ្វើ​ការងារ​ជាមួយ​គ្នា​ទៀត​។

(រូបភាព៖ ស៊ឹម លាភ

            ឯកឧត្តមទេសរដ្ឋមន្រ្តី​ វ៉ា គឺមហុង​ ​បាន​មាន​ប្រសាសន៍​ឲ្យ​ដឹង​ថា ក្នុង​ជំនួប​នេះ​ភាគី​ ទាំង​ពីរ​បាន​ពិភាក្សា​លើ​បញ្ហា​ធម្មតា​ ​ដែល​មិន​ទាក់​ទង​ដល់​ការ​​សុំ​ការ​អនុម័ត​ពីរដ្ឋ​សភាថៃ ​គឺ​ការ​បញ្ជូន​ អ្នក​បច្ចេកទេស​ នៃ​គណៈ​កម្មការ​ចំរុះ​ខ័ណ្ឌ​សីមា ព្រំដែន​គោក​ប្រទេស​ទាំង​ពីរ​កម្ពុជា​-ថៃ​ ដើម្បី​ទៅ​ពិនិត្យ​ មើល​បង្គោល​លេខ​១ នៅច្រក​​ ជាំសាងាំ​ និង​ទៅ​បង្គោល​លេខ ២៣ ជា​ដើម​។​

កម្លាំងការពារព្រំដែនវរៈ ៩១១ ចាប់ខ្លួនថៃម្នាក់ ដើរក្នុងព្រៃទឹកដីខ្មែរ

ការចាប់ឃាត់នេះបានធ្វើឡើង កាលពីវេលាព្រឹកថ្ងៃអង្គារទី១១មករានេះ។ មេបញ្ជាការការពារព្រំដែនវរៈ ៩១១លោក ឈូក អាង បានមានប្រសាសន៍ថា បុរសថៃរូបនេះមានវ័យ៧៦ឆ្នាំ មាន ឈ្មោះ ភុក ព្រី ឆាតថុល នៅលើខ្លួនបុរស រូបនោះមានលិខិតឆ្លងដែនស្របច្បាប់ ហើយត្រូវចាកចេញពីកម្ពុជាវិញកាលពីម្សិលមីញ ប៉ុន្តែកាលពីយប់មិញមិនដឹងជាយ៉ាងម៉េចបែរជាមកដើរនៅ ក្នុងព្រៃ ក្នុងទឹកដីខ្មែរ ហើយក៍ត្រូវចាប់ខ្លួនមកសួរនាំ តែម្តង ។
សូមបញ្ជាក់ថា កាលពីថ្ងៃទី១០ បុរសថៃរូមនេះបានចូលមកលេងកាស៊ីណូប៉ោយប៉ែតម្ដងរួច មកហើយ លុះរសៀលថ្ងៃដដែល គាត់បានចេញត្រឡប់ទៅដីថៃវិញ រហូតទល់ម៉ោង២រំលងអធ្រាត្រចូលថ្ងៃទី១១ ខែមករា ឆ្នាំ២០១១ គាត់បានពឹងពាក់ជនជាតិថៃ ដើម្បីជួយនាំផ្លូវមកកាន់កាស៊ីណូប៉ោយប៉ែតជាថ្មីម្ដងទៀត ដោយឱ្យ ឈ្នួល៧០០បាតក្នុងការនាំផ្លូវ ។ លុះមកដល់ចំណុចព្រៃព្រិច ភូមិក្បាលស្ពាន សង្កាត់ប៉ោយប៉ែត ក្រុមអ្នកនាំផ្លូវគាត់ បានព្រួតគ្នាវាយតប់ប្លន់យកលុយអស់ចំនួន២ពាន់បាត និង នាឡិកាដៃមួយគ្រឿង រួចគេចខ្លួនទាំងយប់បាត់អស់ ធ្វើឱ្យ រូបគាត់ដើរ វង្វេង ក្នុង ព្រៃ នោះរហូតទល់ភ្លឺ ហើយត្រូវបាននគរបាលការពារព្រំដែនកម្ពុជាចាប់ឃាត់ខ្លួនតែម្ដង ។

CamBN

លោកស៊ូថេប ៖ ​អត្ថាធិប្បាយ​​របស់​សម្តេច​តេជោហ៊ុន សែន ​មិនប៉ះពាល់​​ដល់ទំនាក់ទំនង​​ទ្វេភាគី

យោង​តាមគេហទំព័រ MCOT កាលពីថ្ងៃទី​​១១ មករា ថា លោក​ស៊ូថេប ធឿ​កស៊ូបាន់ ​​ឧប​នាយករដ្ឋ​មន្ត្រី​​ថៃ នៅថ្ងៃទី​១១ មករា ​នោះថ្លែង​​ថា រូបលោក​មានជំនឿ​ថា ​អត្ថាធិប្បាយ​​របស់​​សម្តេច​​តេជោហ៊ុន សែន ​​នាយករដ្ឋ​មន្ត្រី​​​កម្ពុជា​ ដែលថា គ្មាន​អ្នក​ណា​ម្នាក់​​ រួមទាំង​​អង្គ​ការ​​សហ​ប្រជាជាតិ​​ផង​មិនអាច​ធ្វើអន្តរាគមន៍​​​ក្នុង​ដំណើរ​​ការ​កាត់ក្តី​របស់​តុលាការ​កម្ពុជា​ចំពោះ​ករណី​​ជន​ជាតិសៀម​​​៧​នាក់ ដែលកំពុង​​ឃុំខ្លួន​បណ្តោះ​អាសន្ន​​ក្នុង​ប្រទេស​កម្ពុជានោះមិនធ្វើ​ឱ្យ​ប៉ះពាល់​​ដល់ទំនាក់ទំនង​​ទ្វេភាគី​​រវាង​ប្រទេសថៃ​​និង​ប្រទេស​កម្ពុជា​​ទេ គឺ​សម្តេច​តេជោ​ធ្វើ​​តាម​គោលការណ៍​​នីតិវិធី​ច្បាប់ប៉ុណ្ណោះ ។​
គេហទំព័រ​​ថៃដដែល​​បានចេញផ្សាយ​​​ព័ត៌មាន​​​ដោយដកស្រង់​​សំដី​​លោកស៊ូថេប​​ ដែលថ្លែង​​ថា ឥឡូវនេះ​​​​ភាគីថៃ​​មិនអាចធ្វើ​​អ្វីបានឡើយ​​​ក្រៅ​ពី​រង់ចាំ​​ការចេញ​សាលក្រម​របស់​តុលាការ​ ហើយ​​​លោកស៊ូថេប ​ក៏បាន​​ណែនាំ​ដល់ភាគី​​ពាក់ព័ន្ធ​​ទាំងអស់​​កុំ​ឱ្យធ្វើ​អ្វីដែល​បង្ក​ឱ្យ​មាន​ផលប៉ះពាល់​​​ជា​អវិជ្ជមាន​​ដល់​​ករណី​​​ពលរដ្ឋថៃ​​៧​នាក់ ។​
សម្តេច​​អគ្គ​មហាសេនាបតីតេជោហ៊ុន សែន ​​នាយករដ្ឋ​មន្ត្រីនៃព្រះរាជាណាចក្រ​កម្ពុជា ​មាន​ប្រសាសន៍​​កាលពីព្រឹកថ្ងៃទី​​១០ មករា ​កន្លងមក​​ថា ​ពុំ​មាន​នរណាម្នាក់​អាចធ្វើ​អន្តរាគមន៍​​ក្នុង​​ករណី​​​របស់​​ជន​ជាតិ​​សៀម​​ទាំង​​៧​នាក់នោះ​បាន​ឡើយ ។
លោក​ស៊ូថេប ថ្លែង​ទទួល​​ស្គាល់​ថា នីតិវិធី​​របស់តុលាការ​​កម្ពុជា​មិនខុស​ពី​នីតិវិធី​​របស់​តុលា​ការ​​ថៃ​ទេ ​គឺ​មិនត្រូវ​​ដាក់​​សម្ពាធ​​លើ​តុលាការ​​​ទេ ហើយ​អ្វីដែល​​សម្តេចតេជោហ៊ុន សែន ​បានថ្លែង​​នោះ​គឺគ្រាន់តែ​​ជាគោលការណ៍​​នីតិ​វិធីច្បាប់​ប៉ុណ្ណោះ ​ដោយសម្តេច​តេជោពុំ​មាន​ចេតនា​​បង្ក​ឱ្យ​មានផលប៉ះពាល់​​ដល់​​ទំនាក់ទំនង​​ទ្វេ​ភាគី​​នោះ​​ទេ ។
ឧបនាយករដ្ឋ​មន្ត្រី​​​ថៃ​រូបនេះ​​​អះអាង​បញ្ជាក់​សារ​ជាថ្មី​​ថា ពេល​នេះអាជ្ញាធរ​ថៃ​កំពុង​ប្រើ​ប្រាស់​ និងរិះរកគ្រប់​​មធ្យោបាយ​​ទាំងអស់​ ដើម្បី​ជួយពលរដ្ឋថៃ​​ទាំង​៧​នាក់ ដែល​កំពុង​​ជាប់ឃុំ​ឃាំង​​នៅ​ក្នុង​ប្រទេសកម្ពុជា ។​
សម្តេច​​តេជោហ៊ុន សែន ​ត្រូវបាន​ដក​ស្រង់​សំដីដោយ​​ទីភ្នាក់ងារ​​សារព័ត៌មាន​​ផ្លូវការ​​ចិន​ស៊ីន​ហួ​​​ដែល​ថ្លែង​ថា «វាមិនអាច​​​ឡើយ សូម្បីតែ​​អង្គ​ការ​​សហប្រជាជាតិ​ចំពោះ​​ការធ្វើអន្តរាគមន៍​ក្នុង​​ករណីនេះ ។ ខ្ញុំ​គ្រាន់តែ​​អះអាង​​​បញ្ជាក់​ថា គ្មាន​នរណា​ម្នាក់​​អាចធ្វើ​​អន្តរាគមន៍​ក្នុង​​ប្រព័ន្ធ​តុលា​ការ​​កម្ពុជា​ឡើយ» ។ ​សម្តេចតេជោថ្លែង​​បន្ត​ទៀត​ថា ​ក្រោយពី​ការកាត់ទោស​​​ជនជាប់​ចោទ​ទាំង​​៧​នាក់ ​អាច​ប្តឹង​​ឧទ្ធរណ៍​​ ប្រសិន​បើ​​ពួកគេ​មិន​​​ឯកភាព​​ចំពោះ​​សាលក្រម​នៃ​ការកាត់​​ទោស​ពួកគេ ។​
ដោយឡែក​ កាលពីថ្ងៃទី​១០ មករា ​លោក​នាយករដ្ឋ​មន្ត្រី​​អាប់ភីស៊ីត ​វ៉េចាជីវ៉ា បានកោះ​​ឱ្យ​​មានកិច្ច​​ប្រជុំ​​បន្ទាន់មួយ​ជាមួយ​មន្ត្រីសន្តិសុខ​​ជាន់​ខ្ពស់​​​​ ដើម្បីរិះ​រកវិធានការ និង​​មធ្យោបាយជួយ​ពលរដ្ឋ​​ថៃ​​៧​នាក់ ​ដែល​​កំពុងជាប់​ឃុំឃាំង​​នៅ​ពន្ធនាគា​រព្រៃ.សរបស់​កម្ពុជា ។ កិច្ចប្រជុំ​​នោះ​ចូល​រួម​ដោយលោក​​ឧប​នាយករដ្ឋ​មន្ត្រី​​​ស៊ូថេប ​ធឿក​ស៊ូ​បាន់ ​លោក​ប្រាវីត វង្ស​ស៊ូវុន ​រដ្ឋ​មន្ត្រី​​​ក្រសួង​​ការពារ​​ប្រទេស និង​​លោក​​កាស៊ីត ​ភីរម្យ ​រដ្ឋ​​មន្ត្រី​​ក្រសួង​ការបរទេស ។​
នៅពេល​​ថ្លែងទៅកាន់​​សារព័ត៌មាន​​ក្រោយពី​​កិច្ច​ប្រជុំ​​នោះ ​​លោក​អាប់ភីស៊ីត ​ពោល​ថា កិច្ច​ប្រជុំ​​ត្រូវ​បានរៀបចំឡើង​ដើម្បីពិភាក្សា​​​អំពី​​វិធានការ​​​ និង​​រិះរក​មធ្យោ​បាយ ដើម្បី​ជួយ​ពល​រដ្ឋ​​​ថៃ​ទាំង​៧​នាក់ ​ក្រោយ​ពី​តុលាការ​​កម្ពុជា​ចេញ​​សាល​ក្រម​​របស់​ខ្លួន ។ លោក​​អាប់​ភីស៊ីត ​ថ្លែង​ដូច្នេះ​​ក្រោយ​ពីសម្តេច​តេជោហ៊ុន សែន ​ថ្លែង​ថា ​មាន​តែ​តុលា​ការ​​ប៉ុណ្ណោះ​​ដែល​​​នឹង​សំរេច​​ពី​​ជោគ​វាសនា​​របស់​ជន​​ជាប់​ចោទ​សៀម​ទាំង​​៧​នាក់
នោះ ។
ទន្ទឹមគ្នានេះ​​ អ្នក​នាំ​ពាក្យ​​ក្រសួង​ការបរទេស​ថៃ​​ លោកថានី ​ថុង​ភក្តី ​ថ្លែង​អះ​អា​ង​ថា ​មេ​ធាវី ​បានដាក់​សំណើ​​សុំ​ការ​នៅក្រៅឃុំ​​ដោយការ​បង់​ប្រាក់​​ធានា​​សំរាប់ពលរដ្ឋ​​ថៃ​​៧​នាក់​នោះ​រួចហើយ ​ហើយ​ប្រសិនបើ​​តុលាការ​​កម្ពុជាយល់ព្រម​ចំពោះ​សំណើ​នេះ ហើយ​កំណត់​លក្ខខណ្ឌ​ពីការបង់ប្រាក់​​ធានានេះ ស្ថានទូត​​ថៃ​ប្រចាំ​​ទីក្រុងភ្នំពេញ ​​នឹង​ត្រៀម​​ខ្លួន​ផ្តល់​ជំនួយ​ដល់ពួកគេ ៕

(ប្រុសកោះ)

សហភាព​អឺរ៉ុប ផ្ដល់​ជំនួយ​​ចំនួន ២ លាន​ដុល្លារ ដល់​គម្រោង​សិទ្ធិមនុស្ស​ថ្មី​ចំនួន ៨

ភ្នំពេញ: ​សហភាព​អឺរ៉ុប​ប្រចាំ​នៅ​កម្ពុជា​បាន​ប្រកាស​ពី​ការផ្តល់​ថវិកា​ចំនួន​ប្រមាណ​១,៦​លាន​អឺរ៉ូ​ឬ​ប្រហែល​ជាង​២​លាន​ដុល្លារ​អាមេរិក​ដល់​អង្គកា​រ​ក្រៅ​រដ្ឋាភិបាល​ចំនួន​៨ នៅ​កម្ពុជា​សំរាប់​គំរោង​អ្វី​ដែល​គេ​ពិពណ៌នា​ថា បំរើ​ឲ្យ​សកម្មភាព​សិទ្ធមនុស្ស​។​

     ​យោងតាម​សេចក្តីប្រកាស​ពត៌មាន​ដែល​បាន​ផ្សព្វផ្សាយ​នៅ​ព្រឹក​នេះ ថ្ងៃទី ១១ ខែ មករា ឆ្នាំ ២០១១ នេះ​បាន​និយាយថា សហភាព​អឺរ៉ុប​បានសំរេច ផ្ដល់​ជំនួយ​ជា​ទឹក ប្រាក់​ប្រមាណ ១,៦ លាន​អឺរ៉ូ (​ប្រមាណ​ជា​ជាង ២ លាន​ដុល្លារ​សហរដ្ឋអាមេរិក​) ដល់​គម្រោង​ថ្មី​ចំនួន ៨​ដែល​ធ្វើ​កិច្ចការ​ដើម្បី​លើកកម្ពស់​សិទ្ធិមនុស្ស ប្រជាធិបតេយ្យ និង​និតិរដ្ឋ​នៅ​កម្ពុជា ។ គម្រោង​ទាំងនេះ នឹង​ត្រូវ​អនុវត្ដ ភាគច្រើន ដោយអង្គការក្រៅ រដ្ឋាភិបាល​ក្នុងស្រុក ។​
​    ​សេចក្តីប្រកាស​ដដែល​បាន​និយាយ​​ឲ្យ​ដឹងទៀត​ថា គម្រោង​ទាំង​ប្រាំបី  នេះ ត្រូវបាន​ជ្រើសរើស​ចេញពី​ក្នុងចំណោម​សំណើសុំ​ថវិកា ចំនួន​២៣​ដែល​ត្រូវបាន ធ្វើឡើង​តាមរយៈ​ការប្រកាស់​ឱ្យ​ដាក់​សំណើរ​សុំ​ថវិកា​របស់​ប្រតិភូ​នៃ​សហភាព​អឺរ៉ុប​ប្រចាំ​ព្រះរាជាណាចក្រ​កម្ពុជា​កាល​ពី​ឆ្នាំ​មុន​និង​តាមរយៈ​កម្មវិធី​សិទ្ធិ​មនុស្ស​ជា​សាកល​របស់​សហភាព​អឺរ៉ុប​។    
​    ​គំរោង​ទាំង​៨ ដែល​បាន​ទទួល​ថវិកា​នេះ​មាន ទី​១-​មជ្ឈមណ្ឌល​សិទ្ធិមនុស្ស​កម្ពុជា ទទួលបាន​ជំនួយ​ជា​ទឹកប្រាក់​ចំនួន​ជាង ៩៥.០០០ អឺរ៉ូ ដើម្បី​អនុវត្ដ គម្រោង​មួយ​ដែល​មាន​រយៈពេល ២៤ ខែ នៅ​ទូទាំង​ព្រះរាជាណាចក្រ​កម្ពុជា ក្នុង​គោលបំណង​ផ្ដល់​សិទ្ធិ​អំណាច​ដល់​សហគម​ន៍ ដែល​ងាយ​ទទួល​រងគ្រោះ ដើម្បី​ទប់ស្កាត់​ការរំលោភ​យក​ដីធ្លី​របស់​ពួក​គេ​ដោយ​ខុសច្បាប់ និង ធានា​ធ្វើយ៉ាងណា​ឱ្យមាន​ដំណោះ ស្រាយ​ដោយ​សន្ដិវិធី​និង​សមស្រប​ចំពោះ​ជម្លោះដីធ្លី ។ ទី​២-​គណៈកម្មាធិការ​ដើម្បី​ការបោះឆ្នោត​ដោយ​សេរី​និង​យុត្ដិធម៌​នៅ​កម្ពុជា​ទទួលបាន​ជំនួយ​ជា​ទឹកប្រាក់​ចំនួន​ជាង​១៣១.០០០​អឺរ៉ូ​សម្រាប់​អនុវត្ដ​គម្រោង​មួយ​ដែល មាន​រយៈពេល​២២​ខែ​ដើម្បី​លើកកម្ពស់​ការយល់ ដឹង​អំពី​សារៈសំខាន់​នៃ​លទ្ធិប្រជាធិបតេយ្យ​នៅ​មូលដ្ឋាន​និង​ការចូលរួម​ក្នុង​ដំណើរការ​ប្រជាធិបតេយ្យ​នៅក្នុង​អំឡុង​និង​ក្រោយពេល​បោះឆ្នោត​។​ទី​៣-​ជំនួយ​ជា​ទឹកប្រាក់​ចំនួន​៣០០.០០០​អឺរ៉ូ​ត្រូវបាន​ផ្ដល់​ដល់​អង្គការ​គាំទ្រ​សហគមន៍​ជនជាតិដើម​ភាគតិច​ដើម្បី​អនុវត្ដ​គម្រោង​មួយ​ដែល មាន​រយៈ ពេល​ចំនួន ៣៦ ខែ នៅក្នុង​ខេត្ដ​រតនគីរី​។ ទី​៤-​អង្គការ​សីល​កា តាមរយៈ​អង្គការ​ដៃគូ​ដែល​មានឈ្មោះ​ថា Dan Church Aid​ទទួលបាន​ជំនួយ​ជា​ទឹកប្រាក់ ចំនួន ២៨៥.០០០ អឺរ៉ូ សម្រាប់​គម្រោង​មួយ​ដែល​មាន​រយៈពេល ៣៦ ខែ  ដែល​ផ្ដោត​ទៅលើ​ការផ្ដល់​សិទ្ធិ អំណាច​ដល់​ស្ដ្រី​កម្ពុជា​ដែល​ជា​អ្នក​ដឹកនាំ​នៅ​ថ្នាក់ក្រោម​ជាតិ និង ផ្ដល់​សេវា​សង្គមកិច្ច​ដែល​ចាំបាច់ ដល់​ក្រុម​ងាយ​រងគ្រោះ​បំផុត នៅ​កម្ពុជា ។​ទី​៥- ទឹកប្រាក់​ចំនួន​ជាង ២៧៧.០០០​អឺរ៉ូ​ត្រូវបាន​ផ្ដល់​ដល់​អង្គការ​ការពារ​យុត្ដិធម៌​កុមារ​ដើម្បី​អនុវត្ដ​គម្រោង​មួយ​ដែល​មាន​រយៈពេល​២៤​ក្នុងការ​ដំណើរការ​លើកកម្ពស់​កា​រ​គោរព​សិទ្ធិ​របស់​កុមារ​ដែល​ជាប់​ពន្ធនាគា​រ ។​ទី​៦- ជំនួយ​ផ្នែក​ច្បាប់​នៃ​កម្ពុជា  តាមរយៈ​អង្គការ​ដៃគូ REDD BARNA (​អង្គការ​សង្គ្រោះ​កុមារ​ណរ​វ៉េ​) ទទួលបាន​ជំនួយ​ជា​ទឹកប្រាក់​ចំនួន​ជាង ៤៨០.០០០ អឺរ៉ូ សម្រាប់​អនុវត្ដ​គម្រោង​មួយ​ដែល​មាន​រយៈពេល ៣៦ ខែ នៅ​ខេត្ដ​បន្ទាយមានជ័យ​និង​សៀមរាប​ដើម្បី​រួមចំណែក​ដល់​ការអភិវឌ្ឍន៍​នៃ​ដំណើរ​យុត្ដិធម៌ មួយ​ដែល​មាន​លក្ខណៈ​សមស្រប​សំរាប់​កុមារ និង ការពង្រឹង​ការ​អនុវត្ដ​ន៍​សិទ្ធិ​របស់​កុមារ ដោយ​ផ្អែក​លើ​ច្បាប់​នៃ​ព្រះរាជាណាចក្រ​កម្ពុជា និង ច្បាប់​អន្ដរជាតិ ។​ទី​៧- ​ក្លឹប​អ្នកកាសែត​កម្ពុជា​ទទួល​បាន​ទឹកប្រាក់​ប្រមាណ​១០.០០០​អឺរ៉ូ​សម្រាប់​ការរៀបចំ​កិច្ចពិភាក្សា​តុមូល​លើ​បញ្ហា​សិទ្ធិមនុស្ស​និង​វគ្គ​បណ្ដុះបណ្ដាល​ស្ដីពី​សិទ្ធិ​មនុស្ស​ដល់​អ្នក​សារពត៌មាន​កម្ពុជា​ប្រមាណ ៥០ រូប ដើម្បី​ជំរុញ​ឱ្យមាន​យក​ចិត្ដទុក​ពិភាក្សានិង​រាយការណ៍​អំពី​បញ្ហា​សិទ្ធិមនុស្ស​និង​ទី​៨-​គណៈកម្មាធិកា​រប្រព្រឹត្ដិ​កម្ម​នៃ​អង្គការ​- សមាគម​ការពារ​សិទ្ធិមនុស្ស​កម្ពុជា​ទទួល​បាន​ជំនួយ​ជា​ទឹកប្រាក់​ប្រមាណ​១០.០០០​អឺរ៉ូ​សម្រាប់​ការរៀបចំ​សិក្ខាសាលា​រយៈពេល​ពីរ​ថ្ងៃ​ដើម្បី​លើកកម្ពស់​ការយល់ដឹង​អំពីបញ្ហា​ដីធ្លី​នាពេល បច្ចុប្បន្ន និង ក្របខ័ណ្ឌ​ច្បាប់​ស្ដី​ពី​យន្ដការ​ដោះស្រាយ​ជម្លោះ​ដីធ្លី ។​

CEN

លោកស្រី​មួរ សុខ​ហួរ ទាមទារ​អភ័យឯកសិទ្ធិ​សភា​វិញ​បន្ទាប់​ពី​បង់លុយ​គ្រប់​ចំនួន​

ភ្នំពេញ​: ​លោកស្រី​មួរ សុខ​ហួរ តំណាងរាស្ត្រ​គណបក្ស​សម រង្ស៊ី បាន​អះអាង​នៅ​ថ្ងៃ​នេះ​ថា លោកស្រី​សុំ​ទាម ទារ​អភ័យឯកសិទ្ធិ​សភា​រប​ស់លោក​ស្រី​មក​វិញ ហើយ​សូមឲ្យ​រដ្ឋសភា​ផ្តល់​អភ័យឯកសិទ្ធិនេះ​វិញ ឲ្យបាន​ឆាប់​ពីព្រោះថា លោកស្រី​បាន​បង់លុយ​គ្រប់​ចំនួន​ជូន​លោកនាយក​រដ្ឋមន្ត្រី​ហ៊ុន សែន រួចហើយ​។​

​ការទាមទារ​នេះ​បាន​ធ្វើឡើង​បន្ទាប់​ពី​រដ្ឋសភា​បាន​កាត់​ប្រាក់ខែ​របស់​លោកស្រី​គ្រប់​ចំនួន ១៦​លាន ៥​សែន​រៀល​ដើម្បី​សងជំងឺចិត្ត​សម្តេច ហ៊ុន សែន និង​បង់​ការផាកពិន័យ​ចូល​ថវិកា​ជាតិ​រួចមក​។​

​លោកស្រី​តំណាងរាស្ត្រ​ខេត្ត​កំពត​ត្រូវបាន​តុលាការ​រាជធានី​ភ្នំពេញ​កាត់ទោស​ឲ្យ​ចាញ់​ក្តី​សម្តេច ហ៊ុន សែន​ពី​បទ​បរិហារកេរ្តិ៍ និង​តម្រូវឲ្យ​បង់​ប្រាក់​សង​ជំងឺ​ចិត្ត​ជូន​ដើមបណ្តឹង​ចំនួន ៨​លាន​រៀល និង​បង់ ប្រាក់​ពិន័យ​ចំនួន​៨​លាន​៥​សែន​រៀល​ដែល​សរុប​ទាំងអស់​មាន​១៦​លាន​៥​សែន​រៀល​។​

​លោកស្រី​ត្រូវបាន​តុលាការ​សម្រេច​បង្ខំ​ឲ្យ​កាត់​ប្រាក់ខែ​សង​រហូត​គ្រប់​ចំនួន​ពី​ព្រោះតែ​លោកស្រី មិន​ព្រម​បង់​ប្រាក់​នោះ​ដោយ​សំរួល​។ តែ​ឥឡូវនេះ ការ​កាត់​ប្រាក់ខែ​បាន​គ្រប់​ចំនួន​ហើយ​។ លោក​ជាម យៀប តំណាងរាស្ត្រ​គណបក្ស​ប្រជាជន​បានឲ្យដឹងថា សភា​ត្រូវ​រង់ចាំ​សំបុត្រ​ពី​តុលាការ ដើម្បី​ចាត់ការ​រឿងនេះ ពោល​គឺ​ចូល​តាម​ច្រក​ណា​ត្រូវ​ចេញ​តាម​ច្រក​នោះ​វិញ​។ 

​មានន័យ​ថា ប្រសិនបើ​តុលាការ​សរសេរ​លិខិត​ទៅ​រដ្ឋសភា​បញ្ជាក់ថា​លោកស្រី​រួច​ទោស​ពេល​ណា រដ្ឋសភា​នឹង​ព្រគ​ល់​អភ័យឯកសិទ្ធិ​ជូន​លោកស្រី​មួរ សុខ​ហួរ​ភ្លាម​ដែរ​៕

CEN

ម​ន្ត្រី​ទូត​ខ្មែរ​នៅ​ប្រទេស​ម៉ា​ឡេ​ស៊ី​ ​នឹង​ជួប​ពល​ករ​ខ្មែរ​ ​ទាំង​៧៤នាក់​ ​នៅ​ថ្ងៃ​ស្អែក​ ​រក​ការ​ជួយ​ដល់​ពួក​គេ

ម​ន្ត្រី​ទូត​ខ្មែរ​ប្រចាំ​នៅ​ប្រទេស​ម៉ា​ឡេ​ស៊ី​ ​នឹង​ជួប​ពល​ករ​ខ្មែរ​ទាំង​៧៤នាក់​ ​ដែល​ត្រូវ​គេ​ចាប់​នៅ​ប្រទេស​ម៉ា​ឡេ​ស៊ី​នោះ​ ​នៅ​វេលា​ថ្ងៃ​ស្អែក​នេះ​ហើ​យ​។​
អ្នក​នាំ​ពាក្យ​ក្រសួង​ការ​បរទេស​ ​និង​សហ​ប្រតិបត្តិ​ការ​អន្តរ​ជាតិ​ ​លោក​ ​កុយ​ ​គួ​ង​ ​បាន​មាន​ប្រសាសន៍​ថា​ ​ស្ថាន​ទូត​ខ្មែរ​ប្រចាំ​នៅ​ប្រទេស​ម៉ា​ឡេ​ស៊ី​ ​កំពុង​ខិតខំ​ពិ​និត្យ​លទ្ធ​ភាព​ ​យ៉ាង​ណា​ឲ្យ​ពលរដ្ឋ​ខ្មែរ​ ​ទាំង​នោះ​ ​បាន​វិល​មក​កម្ពុ​ជា​វិ​ញ​។​
លោក​ ​កុយ​គួ​ង​ ​ក៏​បាន​បញ្ជាក់​រួច​ទៅ​ហើយ​ថា​ ​ប្រជា​ពលរដ្ឋ​ ​ដែល​ត្រូវ​គេ​ចាប់​ទាំង​នោះ​ ​ភាគ​ច្រើន​គឺ​ជា​កុ​មា​រ​។​ ​លោក​បញ្ជាក់​ទៀត​ថា​ ​ការ​ចាប់​ពួក​គេ​នោះ​ ​គឺ​ដោយសារ​តែ​គ្មាន​ឯក​សារ​ត្រឹម​ត្រូវ​ ​និង​ការ​ស្នា​ក់​នៅ​ហួស​កាល​កំ​ណ​ត់​។​

ដោយ​ ៖ យុង ខេមរា

កម្ពុ​ជា​-ថៃ​ ​កំពុង​ស្វែង​រក​កម្ម​ករ​នេសាទ​ជន​ជាតិ​ខ្មែរ​១៥នាក់​

ស្ថាន​ទូត​កម្ពុ​ជា​ប្រចាំ​ប្រទេស​ថៃ​ ​កំពុង​ធ្វើ​ការងារ​ជាមួយ​ទូត​ថៃ​ ​ដើម្បី​ស្វែង​រក​កម្ម​ករ​នេសាទ​ ​ជន​ជាតិ​ខ្មែរ​ ​១៥រូប​ ​ដែល​ត្រូវ​បាន​ជួយ​សង្គ្រោះ​ ​នៅ​ឯ​ប្រទេស​អូ​ម៉​ង់​ ​បន្ទាប់​ពី​ត្រូវ​ចោរ​សមុទ្ទ​ ​សុ​ម៉ា​លី​ ​ប្លន់​កាល​ពី​ដើម​ខែ​ ​វិ​ច្ចិ​កា​ ​ឆ្នាំ​២០១០កន្លង​ទៅ​។​
សូម​ជំ​រាប​ថា​ ​គិត​រហូត​មក​ទល់​នឹង​ពេល​នេះ​ ​គឺ​រយះ​ពេល​ ​ជិត​ ​៣ខែ​ទៅ​ហើយ​ ​ដែល​ថៃ​សន្យា​ថា​ ​នឹង​នាំ​កម្ម​ករ​នេសាទ​ខ្មែរ​ ​ទាំង​១៥នាក់​នោះ​ ​ត្រលប់​មក​កាន់​ ​ប្រទេស​ថៃ​វិ​ញ​។​
ម​ន្ត្រី​អ្នក​នាំ​ពាក្យ​ក្រសួង​ការ​បរទេស​ ​និង​សហ​ប្រតិបត្តិ​ការ​អន្តរ​ជាតិ​ ​លោក​កុយ​គួ​ង​ ​បាន​ប្រាប់​វិទ្យុ​ន​រ​គ​វត្ត​ ​នៅ​ព្រឹក​ថ្ងៃ​ទី​១១ មក​រា​នេះ​ថា​ ​យើង​កំពុង​តែ​ទន្ទឹង​រង​ចាំ​ព័​ត៏​មាន​ ​ជុំ​វិញ​ប្រជា​នេសាទ​ទាំង​ ​១៥នាក់​នោះ​។​


ដោយ​ ៖ លុយ លីដា

អាប់​ភី​ស៊ី​ត​ ​កោះ​ប្រជុំ​ម​ន្ត្រី​រក្សា​សន្តិ​សុខ​ជាតិ​ ​រក​វិធី​ជួ​ថៃ​ទាំង​៧

នាយក​រដ្ឋ​ម​ន្ត្រី​ថៃ​ ​លោក​អាប់​ភី​ស៊ី​ត​វេចា​ជី​វ៉ា​ ​បាន​កោះ​ប្រជុំ​ ​ម​ន្ត្រី​រក្សា​សន្តិ​សុខ​ជាតិ​ ​ដើម្បី​ពិភាក្សា​រក​មើល​វិធី​ ​ដើម្បី​ជួយ​ជន​ជាតិ​ថៃ​ទាំង​៧ ដែល​កម្ពុ​ជា​ ​បាន​ចាប់​ឃុំ​ខ្លួ​ន​។​
ការ​កោះ​ហៅ​ម​ន្ត្រី​រក្សា​សន្តិ​សុខ​ជាតិ​ ​ដែល​ចូល​រួម​ដោយ​ឧបនាយក​រដ្ឋ​ម​ន្ត្រី​ថៃ​ ​លោក​ស៊ូ​ថេ​ប​ថង​ស៊ូ​បាន​ ​ ​លោក​រដ្ឋ​ម​ន្ត្រី​ក្រសួង​ការពារ​ជាតិ​ ​ប្រា​វិ​ត​វង្ស​ស៊ូ​វ៉ុ​ន​ ​ ​និង​លោក​រដ្ឋ​ម​ន្ត្រី​ក្រសួង​ការ​បរទេស​ ​កា​ស៊ី​ត​ភី​រម្យ​ផង​ដែរ​ ​ ​បាន​ធ្វើ​ឡើង​នៅ​ជាមួយ​នឹង​ ​ស្ថាន​ការណ៍​ ​ដែល​មាន​ការ​គាប​សង្កត់​ពី​ក្រុម​ថៃ​អាវ​លឿង​ ​ដែល​បង្ខំ​អោ​យ​នាយក​រដ្ឋ​ម​ន្ត្រី​ថៃ​ ​អាប់​ភី​ស៊ី​ត​ ​ប្រើ​កម្លាំង​ដាក់​គំនាប​មក​លើ​កម្ពុ​ជា​ ​ដើម្បី​ដោះ​លែង​ជន​ជាតិ​ថៃ​ទាំង​៧។
ពី​ភ្នំពេញ​នេះ​វិញ​ ​ស​ម្តេ​ច​នាយក​រដ្ឋ​ម​ន្ត្រី​ ហ៊ុន​សែន​ ​បាន​ថ្លែង​ដាច់​ណាត់​ ​ប្រឆាំង​រាល់​ការ​ប៉ុន​ប៉ង​ធ្វើ​អន្តរា​គម​ណា​មួយ​ ​ដែល​មាន​បំ​ន​ង​ដាក់​ការ​គាប​សង្កត់​មក​លើ​កម្ពុ​ជា​ ​និង​ ​បញ្ជាក់​ដាច់​ណាត់​ថា​ ​រឿង​ថៃ​ទាំង​៧ នឹង​ត្រូវ​ស្ថិត​ក្នុង​អំណាច​ច្បាប់​ ​របស់​តុលាការ​កម្ពុ​ជា​ ​ដែល​នឹង​មិន​ស្ថិត​ក្រោម​ឥទ្ធិ​ពល​ ​ការ​ធ្វើ​អន្តរាគមន៍​ពី​សំណាក់​បរទេស​ណា​មួយ​នោះ​ឡើ​យ​។​
នាយក​រដ្ឋ​ម​ន្ត្រី​ថៃ​ ​ក្រោយ​កិច្ច​ប្រជុំ​នោះ​ ​បាន​ប្រាប់​អ្នក​កាសែត​ថា​ ​ថៃ​ ​នឹង​ដាក់​ចេញ​នូវ​គោល​ការណ៍​ច្បាស់លាស់​ ​ប៉ុន្តែ​នឹង​មិន​អាច​រៀបរាប់​នា​ពេល​នេះ​បាន​ទេ​។​ ​លោក​នាយក​រដ្ឋ​ម​ន្ត្រី​ថៃ​ ​បញ្ជាក់​ទៀត​ថា​ ​បញ្ហា​នេះ​ ​នឹង​ត្រូវ​គេ​យក​ចិត្ត​ទុកដាក់​ ​និង​សើរើ​ពិ​និត្យ​មើល​សា​ឡើង​វិ​ញ​។​
លោក​នាយក​រដ្ឋ​ម​ន្ត្រី​ថៃ​ ​បញ្ជាក់​ថា​ ​មក​ទល់​ពេល​នេះ​ ​មិន​មាន​ការ​ពិភាក្សា​ ​ក្នុង​ការ​បញ្ចុះ​ទំនាក់​ទំនង​រវាង​ប្រទេស​ទាំង​២នោះ​ទេ​។​

ដោយ​ ៖ នគរវត្ត

ចោទ​ប្រកាន់​ទោស​ដាច់​ដោយ​ឡែក​ ​លើ​ជន​សង្ស័យ​ថៃ​២នាក់​ ​ក្នុង​ចំ​នោម​៧នាក់​

ម​ន្ត្រី​តុលាការ​ ​បាន​ចោទ​ប្រកាន់​ទោស​ដាច់​ដោយ​ឡែក​ ​លើ​ជន​សង្ស័យ​ ​ថៃ​២នាក់​ ​ក្នុង​ចំណោម​ជន​សង្ស័យ​ថៃ​ទាំង​៧ ដែល​ទោស​នោះ​ ​នឹង​អាច​អោ​យ​ប្រឈម​នឹង​ការ​ជាប់​គុក​ ​រវាង​ពី​៥ទៅ​១០ឆ្នាំ​នៅ​កម្ពុ​ជា​។​
សូម​ជំ​រាប​ថា​ ​ជន​សង្ស័យ​ថៃ​ទាំង​៧ នា​ពេល​នេះ​ ​កំពុង​រង​ពី​បទ​ចោទ​ប្រកាន់​ ​២ គឺ​ការ​ឆ្លង​ដែន​ខុស​ច្បាប់​ ​និង​ឆ្លង​កាត់​កន្លែង​យោធា​ ​ដែល​គេ​ហាម​ឃា​ត់​។​ ​ដោយ​ឡែក​ ​កាល​ពី​ថ្ងៃ​សុក្រ​ស​ប្តា​ហ៍​មុន​ ​ចៅក្រម​ស៊ើប​អង្កេត​ ​តុលាការ​រាជ​ធានី​ភ្នំពេញ​ ​បាន​សម្រេច​ចោទ​ប្រកាន់​បន្ថែម​ ​លើ​ជន​សង្ស័យ​ថៃ​២នាក់​ ​ក្នុង​ចំណោម​៧នាក់​នោះ​ ​នូវ​បទ​ល្មើស​មួយ​ទៀត​ ​ដែល​ជាប់​ពាក់​ព័ន្ធ​នឹង​ចេតនា​ ​នៃ​ការ​ប្រមូល​ផ្តុំ​ព័ត៌មាន​បែប​ចារ​ក​ម្ម​។​ ​ជន​ជាតិ​ថៃ​ទាំង​២ ដែល​គេ​បាន​ចោទ​បទ​ល្មើស​បន្ថែម​នោះ​ ​គឺ​មាន​ ​ឈ្មោះ​វី​រ៉ា​ស៊ុម​ក្វា​ម​ឃី​ត​ ​ដែល​ជា​អគ្គ​លេខាធិការ​ ​ប​ណ្តា​ញ​ប្រជា​ជន​ ​ប្រឆាំង​អំពើ​ពុក​រលួយ​ ​និង​ម្នាក់​ទៀត​ឈ្មោះ​ ​រ៉ា​ទ្រី​ ផៃ​ ​ភូ​ថា​ណា​ផៃ​ប៊ូ​ន​ ​ភេទ​ស្រី​ជា​អ្នក​សារ​ព័​ត៌​មា​ន​។​ ​អ្នក​ទាំង​២ ត្រូវ​បាន​ចោទ​ប្រកាន់​បន្ថែម​ ​តាម​មាត្រា​ ​៤៤៦ នៃ​ក្រម​ព្រហ្ម​ទណ្ឌ​ ​ពី​បទ​ប្រមូល​ផ្តុំ​ព័ត៌មាន​ជា​អា​ទិ៍​ ​ដែល​អាច​ធ្វើ​អោ​យ​អន្តរាយ​ ​ការ​ការពារ​ជា​តិ​។​ ​មាត្រា​ច្បាប់​ ​៤៤៦ បាន​ចែង​ថា​ ​អំពើ​ទទួល​ឬ​ប្រមូល​ផ្តុំ​ ដើម្បី​ផ្ត​ល់​អោ​យ​ទៅ​រដ្ឋ​បរទេស​ឬ​ ​ភ្នាក់ងារ​បរទេស​នូវ​ព័ត៌មាន​ ​ ​វិធី​ ​ ​វត្ថុ​តាង​ឯក​សារ​ ​ ​ទិ​ន្ន័​យ​ព័ត៌មាន​វិទ្យា​ ​ ​ឬ​សាលា​កប​ត្រ​ ​ ​ដែល​អាច​ធ្វើ​អោ​យ​អន្តរាយ​ ​ការ​ការពារ​ជាតិ​ ​ត្រូវ​ផ្ត​ន្ទា​ទោស​ដាក់​ពន្ធនាគារ​ពី​ ​៥ទៅ​១០ឆ្នាំ​។​
ដូច្នេះ​ ​បើ​សិន​ជា​អ្នក​ទាំង​២ ត្រូវ​បាន​តុលាការ​រក​ឃើញ​ថា​ ​ពិត​ជា​មាន​កំហុស​នោះ​មែន​ ​ទោស​ធ្វើ​ចារ​កម្ម​ ​ប្រមូល​ព័ត៌មាន​ ​ដែល​នាំ​អោ​យ​អន្តរាយ​ការ​ការពារ​ជាតិ​ ​នឹង​ត្រូវ​ ​ប្រឈម​ការ​ជាប់​គុក​ពីរ​វាង​ ​៥ទៅ​១០ឆ្នាំ​។​

ចាប់ជនជាតិថៃម្នាក់ដែលចូលដីខ្មែរទាំងយប់

ប៉ោយប៉ែត ៖ នគរបាលការពារព្រំដែនម្នាក់បានប្រាប់ឱ្យដឹងថា ព្រឹកថ្ងៃទី១១នេះ នគរបាលការពារព្រំដែនវរៈលេខ ៩១១ បានប្រទះឃើញជនជាតិថៃម្នាក់ដើរក្នុងព្រៃ ដោយមានស្នាមរបួសលើផ្ទៃមុខផង ហើយបាននាំយកមកស្នាក់ ការដើម្បីសាកសួរព័ត៌មានលំអិត ។
ជនជាតិថៃម្នាក់នេះបានសារភាពប្រាប់នគរបាលថា ខ្លួនឈ្មោះ ភុក ព្រីឆាតថុល អាយុ៧៦ឆ្នាំ អតីតតម្រួតថៃ បច្ចុប្បន្ន ចូលនិវត្ដរ៍ ហើយមានការងារម៉ៅការសំណង់ ។ កាលពីថ្ងៃទី១០ គាត់បានចូលមកលេងកាស៊ីណូប៉ោយប៉ែតម្ដងរួច មកហើយ លុះរសៀលថ្ងៃដដែល គាត់បានចេញត្រឡប់ទៅដីថៃវិញ រហូតទល់ម៉ោង២រំលងអធ្រាត្រចូលថ្ងៃទី១១ ខែមករា ឆ្នាំ២០១១ គាត់បានពឹងពាក់ជនជាតិថៃ ដើម្បីជួយនាំផ្លូវមកកាន់កាស៊ីណូប៉ោយប៉ែតជាថ្មីម្ដងទៀត ដោយឱ្យ ឈ្នួល៧០០បាតក្នុងការនាំផ្លូវ ។ លុះមកដល់ចំណុចព្រៃព្រិច ភូមិក្បាលស្ពាន សង្កាត់ប៉ោយប៉ែត ក្រុមអ្នកនាំផ្លូវគាត់ បានព្រួតគ្នាវាយតប់ប្លន់យកលុយអស់ចំនួន២ពាន់បាត និងនាឡិកាដៃមួយគ្រឿង រួចគេចខ្លួនទាំងយប់បាត់អស់ ធ្វើឱ្យ រូបគាត់ដើរវង្វេងក្នុងព្រៃនោះរហូតទល់ភ្លឺ ហើយត្រូវបាននគរបាលការពារព្រំដែនកម្ពុជាចាប់ឃាត់ខ្លួនតែម្ដង ។
មន្ដ្រីនគរបាលបានបញ្ជាក់ថា ជនជាតិថៃរូបនេះកំពុងស៊ើបសួរយ៉ាងលំអិត ដើម្បីឱ្យដឹងច្បាស់ថា មូលហេតុពិតប្រាកដ ជាអំពើប្លន់មែន ឬយ៉ាងណា ?

ដោយ​ ៖ ប៊ុន ថន

សហភាព​អឺរ៉ុប ផ្ដល់​ជំនួយ​​ចំនួន ២ លាន​ដុល្លារ ដល់​គម្រោង​សិទ្ធិមនុស្ស​ថ្មី​ចំនួន ៨

ភ្នំពេញ: ​សហភាព​អឺរ៉ុប​ប្រចាំ​នៅ​កម្ពុជា​បាន​ប្រកាស​ពី​ការផ្តល់​ថវិកា​ចំនួន​ប្រមាណ​១,៦​លាន​អឺរ៉ូ​ឬ​ប្រហែល​ជាង​២​លាន​ដុល្លារ​អាមេរិក​ដល់​អង្គកា​រ​ក្រៅ​រដ្ឋាភិបាល​ចំនួន​៨ នៅ​កម្ពុជា​សំរាប់​គំរោង​អ្វី​ដែល​គេ​ពិពណ៌នា​ថា បំរើ​ឲ្យ​សកម្មភាព​សិទ្ធមនុស្ស​។​

     ​យោងតាម​សេចក្តីប្រកាស​ពត៌មាន​ដែល​បាន​ផ្សព្វផ្សាយ​នៅ​ព្រឹក​នេះ ថ្ងៃទី ១១ ខែ មករា ឆ្នាំ ២០១១ នេះ​បាន​និយាយថា សហភាព​អឺរ៉ុប​បានសំរេច ផ្ដល់​ជំនួយ​ជា​ទឹក ប្រាក់​ប្រមាណ ១,៦ លាន​អឺរ៉ូ (​ប្រមាណ​ជា​ជាង ២ លាន​ដុល្លារ​សហរដ្ឋអាមេរិក​) ដល់​គម្រោង​ថ្មី​ចំនួន ៨​ដែល​ធ្វើ​កិច្ចការ​ដើម្បី​លើកកម្ពស់​សិទ្ធិមនុស្ស ប្រជាធិបតេយ្យ និង​និតិរដ្ឋ​នៅ​កម្ពុជា ។ គម្រោង​ទាំងនេះ នឹង​ត្រូវ​អនុវត្ដ ភាគច្រើន ដោយអង្គការក្រៅ រដ្ឋាភិបាល​ក្នុងស្រុក ។​
​    ​សេចក្តីប្រកាស​ដដែល​បាន​និយាយ​​ឲ្យ​ដឹងទៀត​ថា គម្រោង​ទាំង​ប្រាំបី  នេះ ត្រូវបាន​ជ្រើសរើស​ចេញពី​ក្នុងចំណោម​សំណើសុំ​ថវិកា ចំនួន​២៣​ដែល​ត្រូវបាន ធ្វើឡើង​តាមរយៈ​ការប្រកាស់​ឱ្យ​ដាក់​សំណើរ​សុំ​ថវិកា​របស់​ប្រតិភូ​នៃ​សហភាព​អឺរ៉ុប​ប្រចាំ​ព្រះរាជាណាចក្រ​កម្ពុជា​កាល​ពី​ឆ្នាំ​មុន​និង​តាមរយៈ​កម្មវិធី​សិទ្ធិ​មនុស្ស​ជា​សាកល​របស់​សហភាព​អឺរ៉ុប​។    
​    ​គំរោង​ទាំង​៨ ដែល​បាន​ទទួល​ថវិកា​នេះ​មាន ទី​១-​មជ្ឈមណ្ឌល​សិទ្ធិមនុស្ស​កម្ពុជា ទទួលបាន​ជំនួយ​ជា​ទឹកប្រាក់​ចំនួន​ជាង ៩៥.០០០ អឺរ៉ូ ដើម្បី​អនុវត្ដ គម្រោង​មួយ​ដែល​មាន​រយៈពេល ២៤ ខែ នៅ​ទូទាំង​ព្រះរាជាណាចក្រ​កម្ពុជា ក្នុង​គោលបំណង​ផ្ដល់​សិទ្ធិ​អំណាច​ដល់​សហគម​ន៍ ដែល​ងាយ​ទទួល​រងគ្រោះ ដើម្បី​ទប់ស្កាត់​ការរំលោភ​យក​ដីធ្លី​របស់​ពួក​គេ​ដោយ​ខុសច្បាប់ និង ធានា​ធ្វើយ៉ាងណា​ឱ្យមាន​ដំណោះ ស្រាយ​ដោយ​សន្ដិវិធី​និង​សមស្រប​ចំពោះ​ជម្លោះដីធ្លី ។ ទី​២-​គណៈកម្មាធិការ​ដើម្បី​ការបោះឆ្នោត​ដោយ​សេរី​និង​យុត្ដិធម៌​នៅ​កម្ពុជា​ទទួលបាន​ជំនួយ​ជា​ទឹកប្រាក់​ចំនួន​ជាង​១៣១.០០០​អឺរ៉ូ​សម្រាប់​អនុវត្ដ​គម្រោង​មួយ​ដែល មាន​រយៈពេល​២២​ខែ​ដើម្បី​លើកកម្ពស់​ការយល់ ដឹង​អំពី​សារៈសំខាន់​នៃ​លទ្ធិប្រជាធិបតេយ្យ​នៅ​មូលដ្ឋាន​និង​ការចូលរួម​ក្នុង​ដំណើរការ​ប្រជាធិបតេយ្យ​នៅក្នុង​អំឡុង​និង​ក្រោយពេល​បោះឆ្នោត​។​ទី​៣-​ជំនួយ​ជា​ទឹកប្រាក់​ចំនួន​៣០០.០០០​អឺរ៉ូ​ត្រូវបាន​ផ្ដល់​ដល់​អង្គការ​គាំទ្រ​សហគមន៍​ជនជាតិដើម​ភាគតិច​ដើម្បី​អនុវត្ដ​គម្រោង​មួយ​ដែល មាន​រយៈ ពេល​ចំនួន ៣៦ ខែ នៅក្នុង​ខេត្ដ​រតនគីរី​។ ទី​៤-​អង្គការ​សីល​កា តាមរយៈ​អង្គការ​ដៃគូ​ដែល​មានឈ្មោះ​ថា Dan Church Aid​ទទួលបាន​ជំនួយ​ជា​ទឹកប្រាក់ ចំនួន ២៨៥.០០០ អឺរ៉ូ សម្រាប់​គម្រោង​មួយ​ដែល​មាន​រយៈពេល ៣៦ ខែ  ដែល​ផ្ដោត​ទៅលើ​ការផ្ដល់​សិទ្ធិ អំណាច​ដល់​ស្ដ្រី​កម្ពុជា​ដែល​ជា​អ្នក​ដឹកនាំ​នៅ​ថ្នាក់ក្រោម​ជាតិ និង ផ្ដល់​សេវា​សង្គមកិច្ច​ដែល​ចាំបាច់ ដល់​ក្រុម​ងាយ​រងគ្រោះ​បំផុត នៅ​កម្ពុជា ។​ទី​៥- ទឹកប្រាក់​ចំនួន​ជាង ២៧៧.០០០​អឺរ៉ូ​ត្រូវបាន​ផ្ដល់​ដល់​អង្គការ​ការពារ​យុត្ដិធម៌​កុមារ​ដើម្បី​អនុវត្ដ​គម្រោង​មួយ​ដែល​មាន​រយៈពេល​២៤​ក្នុងការ​ដំណើរការ​លើកកម្ពស់​កា​រ​គោរព​សិទ្ធិ​របស់​កុមារ​ដែល​ជាប់​ពន្ធនាគា​រ ។​ទី​៦- ជំនួយ​ផ្នែក​ច្បាប់​នៃ​កម្ពុជា  តាមរយៈ​អង្គការ​ដៃគូ REDD BARNA (​អង្គការ​សង្គ្រោះ​កុមារ​ណរ​វ៉េ​) ទទួលបាន​ជំនួយ​ជា​ទឹកប្រាក់​ចំនួន​ជាង ៤៨០.០០០ អឺរ៉ូ សម្រាប់​អនុវត្ដ​គម្រោង​មួយ​ដែល​មាន​រយៈពេល ៣៦ ខែ នៅ​ខេត្ដ​បន្ទាយមានជ័យ​និង​សៀមរាប​ដើម្បី​រួមចំណែក​ដល់​ការអភិវឌ្ឍន៍​នៃ​ដំណើរ​យុត្ដិធម៌ មួយ​ដែល​មាន​លក្ខណៈ​សមស្រប​សំរាប់​កុមារ និង ការពង្រឹង​ការ​អនុវត្ដ​ន៍​សិទ្ធិ​របស់​កុមារ ដោយ​ផ្អែក​លើ​ច្បាប់​នៃ​ព្រះរាជាណាចក្រ​កម្ពុជា និង ច្បាប់​អន្ដរជាតិ ។​ទី​៧- ​ក្លឹប​អ្នកកាសែត​កម្ពុជា​ទទួល​បាន​ទឹកប្រាក់​ប្រមាណ​១០.០០០​អឺរ៉ូ​សម្រាប់​ការរៀបចំ​កិច្ចពិភាក្សា​តុមូល​លើ​បញ្ហា​សិទ្ធិមនុស្ស​និង​វគ្គ​បណ្ដុះបណ្ដាល​ស្ដីពី​សិទ្ធិ​មនុស្ស​ដល់​អ្នក​សារពត៌មាន​កម្ពុជា​ប្រមាណ ៥០ រូប ដើម្បី​ជំរុញ​ឱ្យមាន​យក​ចិត្ដទុក​ពិភាក្សានិង​រាយការណ៍​អំពី​បញ្ហា​សិទ្ធិមនុស្ស​និង​ទី​៨-​គណៈកម្មាធិកា​រប្រព្រឹត្ដិ​កម្ម​នៃ​អង្គការ​- សមាគម​ការពារ​សិទ្ធិមនុស្ស​កម្ពុជា​ទទួល​បាន​ជំនួយ​ជា​ទឹកប្រាក់​ប្រមាណ​១០.០០០​អឺរ៉ូ​សម្រាប់​ការរៀបចំ​សិក្ខាសាលា​រយៈពេល​ពីរ​ថ្ងៃ​ដើម្បី​លើកកម្ពស់​ការយល់ដឹង​អំពីបញ្ហា​ដីធ្លី​នាពេល បច្ចុប្បន្ន និង ក្របខ័ណ្ឌ​ច្បាប់​ស្ដី​ពី​យន្ដការ​ដោះស្រាយ​ជម្លោះ​ដីធ្លី ។​

ដោយ : សិរី 

រដ្ឋមន្រ្តី​ក្រសួង​ការបរទេស​កូឡុំប៊ី នឹង​មក​ទស្សនកិច្ច​នៅ​កម្ពុជា​ពីថ្ងៃទី​១៦​ដល់​២០ ខែ​មករា

ភ្នំពេញ ៖ លោកស្រី​រដ្ឋមន្រ្តី​ក្រសួង​ការបរទេស កូឡុំប៊ី នឹង​មកបំពេញ​ទស្សនកិច្ច​ផ្លូវការ​នៅ​ព្រះរាជា ណាចក្រ​កម្ពុជា​រយៈពេល​៤​ថ្ងៃ តាម​ការអញ្ជើញ​របស់​លោកហោ ណាំហុង ឧបនាយក​រដ្ឋមន្រ្តី រដ្ឋមន្រ្តី​ក្រសួង ការ​បរទេស​និង​កិច្ចសហប្រតិបត្តិការអន្តរជាតិ​កម្ពុជា។ ការ​អញ្ជើញ​មក​បំពេញ​ទស្សនកិច្ច​នៅកម្ពុជា​លើក​នេះ គឺ​ដើម្បី​រឹត​ចំណង​មិត្តភាព​រវាង​ព្រះរាជាណាចក្រ​កម្ពុជា និង​សាធារណរដ្ឋ​កូឡុំប៊ី ឲ្យ​កាន់​តែខ្លាំង​ថែម​មួយកំរិត ទៀត។
យោង​តាម​សេចក្ដីជូនព័ត៌មាន​របស់ក្រសួងការ​បរទេសកម្ពុជា នៅ​ថ្ងៃទី​១១ ខែមករា ឆ្នាំ២០១១​នេះ បានឲ្យដឹង​ថា លោកស្រី​ម៉ារីយ៉ា អេនជេលឡា ហូលហ្គីន(Maria Angela Holguin) រដ្ឋមន្រ្តី​ការ​បរទេស នៃសា​ធារណរដ្ឋ​កូឡុំប៊ី នឹង​អញ្ជើញ​មក​បំពេញទស្សនកិច្ច​នៅ​កម្ពុជារយៈពេល​៤​ថ្ងៃ គឺ​ចាប់​ពីថ្ងៃទី​១៦​ដល់ថ្ងៃទី​២០ ខែ​មករា ឆ្នាំ​២០១១ តាម​ការ​អញ្ជើញ​របស់​លោក​ឧបនាយករដ្ឋមន្រ្តី ហោ ណាំ​ហុង​ រដ្ឋមន្រ្តី​ក្រសួង​ការ​បរ​ទេស​កម្ពុជា។ សេចក្ដី​ជូនព័ត៌មាន​បានឲ្យដឹង​ថា នៅ​ក្នុង​អំឡុងពេលបំពេញ​ទស្សនកិច្ច​នៅកម្ពុជា លោកស្រី រដ្ឋមន្រ្តី​ក្រសួង​ការ​បរទេស នឹង​ចូល​ក្រាបបង្គំគាល់​ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃ​ព្រះរាជា​ណាចក្រ​កម្ពុជា បន្ទាប់​មក​លោកស្រី​នឹង​ចូល​ជួបសម្ដែង​ការ​គួរសម​ជាមួយ​សម្ដេច​អគ្គមហាសេនាបតី​តេជោ ហ៊ុន សែន នាយក​រដ្ឋមន្រ្តី​នៃ​ព្រះរាជាណាចក្រ​កម្ពុជា។

សេចក្ដី​ជូន​ព័ត៌មាន​បាន​ឲ្យដឹងទៀតថា នៅ​ក្នុងដំណើរ​ទស្សនកិច្ច​នេះ លោកស្រី ម៉ារីយ៉ា អេនជេល​ឡា ហូលហ្គីន(Maria Angela Holguin) រដ្ឋមន្រ្តី​ក្រសួង​ការ​បរទេស នៃ​សាធារណរដ្ឋ​កូឡុំប៊ី គ្រោង​នឹង​ចូល​ជួប ពិភាក្សា​ការងារ​ទ្វេភាគី​ជាមួយ​លោកឧបនាយក​រដ្ឋមន្រ្តី ហោ ណាំហុង រដ្ឋមន្រ្តី​ក្រសួង​ការបរទេស និង​សហ​ប្រតិបត្តិការ​អន្តរជាតិ ដើម្បី​រឹត​ចំណង​ទំនាក់ទំនង​មេត្រី​ភាពរវាង​កម្ពុជា និង​កូឡុំប៊ី ឲ្យ​កាន់​តែមាន​ភាព​ជិតស្និទ្ធ ថែម​មួយ​កំរិតទៀត។ ដំណើរ​ទស្សនកិច្ច​របស់លោកស្រី​រដ្ឋមន្រ្តី ក៏​នឹង​អញ្ជើញ​ទៅ​ទស្សនាសារមន្ទីរ​ប្រល័យ ពូជសាសន៍​ទួលស្លែង នៅ​ក្នុង​រាជធានី​ភ្នំពេញ និង​ទស្សនា​ប្រាសាទអង្គរវត្ត​នៅ​ខេត្តសៀមរាប​ផងដែរ៕
រាជសីហ៍

ជន​ជាប់​ចោទ​សាមិត្ត វីរៈ ត្រូវ​បាន​រក​ឃើញ​បន្ថែម​មួយ​ករណី​ទៀត​ពាក់ព័ន្ធ​នឹង​កង​កម្លាំង​ភេរវកម្មCFF

ភ្នំពេញ ៖ ​សាមិត្ត វីរៈ ជា​ឧត្ដម​សេនីយ៍​យោធា​ផ្កាយ​មួយ ដែល​ត្រូវ​បាន​ចាប់​ខ្លួន​ករណី​ដីធ្លី និង​ក្លែង​បន្លំ ឯកសារ​កាល​ពី​ថ្ងៃ​ទី​១០ ខែ​មករា ឆ្នាំ​២០១១​នេះ ត្រូវ​បាន​អយ្យការ​តុលាការ​យោធា​រក​ឃើញ​ករណី​មួយ​ផ្សេង ទៀត គឺ​ជា​កង​កម្លាំង​ភេរវកម្មCFF ដែល​ប៉ុនប៉ង​ផ្ដួល​រំលំ​រដ្ឋាភិបាល​កម្ពុជា​​កាល​ពី​​ឆ្នាំ​២០០០។
លោក​​នាយ​ឧត្ដមសេនីយ៍​សៅ សុខា អគ្គ​មេ​បញ្ជាការ​រង​កង​យោធពល​ខេមរភូមិន្ទ និង​ជា​មេបញ្ជាការ​កង​រាជ​អាវុធ​ហត្ថ​លើ​ផ្ទៃ​ប្រទេស បាន​មាន​ប្រសាសន៍​នៅ​ព្រឹក​ថ្ងៃ​ទី​១១ ខែ​មករា ឆ្នាំ២០១១​នេះ​ថា ឈ្មោះ​សាមិត្ត វីរៈ កាល​ពី​​អំឡុង​កងកម្លាំង​ភេរវកម្ម​CFF ប្រឆាំង​នឹង​រដ្ឋាភិបាល​កម្ពុជា ត្រូវ​បាន​ចាប់ខ្លួន​ម្ដង​រួច​មក​ហើយ​នៅ​ខេត្ត​បន្ទាយ​មានជ័យ។ ប៉ុន្តែ​មិន​ដឹង​ជាមូល​ហេតុ​យ៉ាង​ម៉េច​បាន​ជា​ឈ្មោះនេះ បាន​ចេញ​នៅ​ក្រៅ​ឃុំ និង​បាន​ចូល​ក្នុង​កង​កម្លាំង​យោធា​រហូត​ពាក់​ផ្កាយ​១​ក្នុង​ជួរ​កង​ទ័ព។ លោក​នាយ​ឧត្ដម​សេនីយ៍ សៅ សុខា បាន​មាន​ប្រសាសន៍​បន្តទៀត​ថា ឈ្មោះ​នេះ​បាន​បង្ក​កម្លាំង​កងទ័ព​មិន​ឲ្យ​​ស្ថិត​នៅ​ក្រោម​ការ​គ្រប់គ្រង​របស់​កងទ័ព​រាជរដ្ឋាភិបាល​កម្ពុជា​នោះ​ទេ ថែម​ទាំង​បន្លំ​ឯកសារ​ពាក់ព័ន្ធ​នឹង​ដីធ្លី និង​ឋានន្តរសក្ដិ​ខ្លួន​ទៀត​ផង។
នៅ​ព្រឹក​ថ្ងៃទី​១១ ខែ​មករា ឆ្នាំ​២០១១​នេះ តំណាង​អយ្យការតុលាការ​យោធា​ក្រុង​ភ្នំពេញ បាន​នាំ​ជន នេះ​ទៅ​ឆ្លើយ​បំភ្លឺ​ករណី​បន្លំ​ឯកសារ និង​ពាក់ព័ន្ធ​ដីធ្លី​មួយ​ចំនួន ក៏​ស្រាប់​តែ​លេច​ចេញ​នូវ​ករណីថ្មី​មួយ​ទៀត គឺ ជន​នេះ​ធ្លាប់​បាន​ជាប់​ពាក់ព័ន្ធ​ជាមួយ​មេ​ភេរវកម្ម​ឈុន យ៉ាសិទ្ធ​ CFF កាល​ពី​ឆ្នាំ​២០០០ ត្រូវ​បាន​ចាប់​ខ្លួន​ម្ដង​រួច មក​ហើយ ប៉ុន្តែ​មិន​ដឹង​ជាមូល​ហេតុ​អ្វី​បាន​ជា​ជន​នេះ​ត្រូវ​បាន​នៅ​ក្រៅ​ឃុំ និង​តម្លើង​ឋានន្តរសក្ដិ​ខ្លួន ​រហូត​មក ដល់​សព្វ​ថ្ងៃ​នេះ។ តុលាការយោធា​កំពុង​សាក​សួរ​និង​ស៊ើប​អង្កេត​ករណី​ឈ្មោះ​សាមិត្ត វីរៈ តាម​នីតិវិធី​​ច្បាប់។
លោក​នាយក​ឧត្ដមសេនីយ៍​ សៅ សុខា បាន​ថ្លែង​ទៀត​ថា កង​កម្លាំង​ប្រដាប់​អាវុធ​យោធា ត្រូវ​បាន​រឹត បន្តឹង​ឲ្យ​បាន​កាន់​តែ​ខ្លាំង​ឡើង ជា​ពិសេស​នៅ​ក្នុង​ជួរ​យោធា​តែម្ដង​ដើម្បី​រក្សាសន្តិភាព​ចៀសវាង​ការ​បង្ក​ភេរវ​កម្ម និង​ការ​បង្កើត​កង​កម្លាំង​ណា​មួយ​ប្រឆាំង​នឹង​រាជរដ្ឋាភិបាល​កម្ពុជា៕
នរា

អាជ្ញាធរខេត្ដស្រះកែវ បញ្ជូនខ្លួនពលរដ្ឋខ្មែរ ៧ នាក់ ទៅតុលាការ ព្រឹកនេះ

កាមសេចក្តីរាយការណ៏នៅរសៀល ថ្ងៃអង្គារ៏នេះពីតំបនជាយដែនស្ថិតនៅ ក្នុងផ្សារ រុងក្លឿង ភូមិខ្លងលឹក ឃុំខ្លងលឹក ស្រុកអារញ្ញ ខេត្ដស្រះកែវ បានអោយដឹងថា អាជ្ញាធរខេត្ដស្រះកែវ និងបញ្ជូនខ្លួនពលរដ្ឋខ្មែរ ៧ នាក់ ទៅតុលាការ នៅព្រឹកនេះអាជ្ញាធរខេត្ដស្រះកែវ
ថា គ្មានបញ្ហារទេ ចំពោះប្រជាពលរដ្ឋខ្មែទាំង៧នាក់ ក្នុងនោះដែរក៏មានសេចក្តីរាយការណ៏បន្ថែមថា អាជ្ញាធរខេត្ដស្រះកែអោយអាជ្ញាធរខាងកម្ពុជា ត្រៀមថវិការ ដើម្បី ដាក់ធានា ក្នុងម្នាក់ ២ពាន់បាតនោះមានការដោះលែងមកវិញ ។
តែទោះជាយ៉ាងណា គេនៅមិនទាន់ជឿរជាក់ចំពោះអាជ្ញាធរថៃបាននៅឡើយទេនៅពេលនេះ ។
ប្រភពបានបញ្ជាក់ថា មូលហេតុដែលអាជ្ញាធរសៀម ចាប់ពលរដ្ឋខ្មែរទាំង ៧នាក់ នៅក្នុងផ្សាររុងក្លឿងខាងលើនេះ ភាគីខាងថៃបានបញ្ជាក់ថាបរជាពលរដ្ឋកម្ពុជា
ស្នាក់នៅដោយខុសច្បាប់ នៅទីនោះ ។ បុរសជនជាតិខ្មែរទាំង ៧ នាក់ ឃុំខ្លួនខាងលើនេះ អាជ្ញាធរកម្ពុជាកំពុងតែស្វះស្វែងអន្ដរាគមន៍ ឱ្យមានការដោះលែង អាជ្ញាធរខេត្ដ ខេត្ដស្រះកែវ ។

CamBn

សម្ពោធ​ដាក់​ឱ្យ​ប្រើ​ប្រាស់​អគារ​ទី​បញ្ជា​ការ​សន្តិ​ភាព​ទិស​ប្រាសាទ​ព្រះ​វិហារ


(រូបថត វន្ថា)
លោក​ឧបនាយករដ្ឋមន្ត្រី​ យឹម ឆៃលី កាត់​ខ្សែបូ​សម្ពោធ​អគារ​ទីបញ្ជាការ​នៅ​ចំណុច​៥​មករា
ខេត្ត​ព្រះ​វិហារ​ ៖ កាល​ពី​ព្រឹក​ថ្ងៃ​ទី​៩ មករា ​នៅ​លើ​ខ្នង​ភ្នំ​ដង​រែក​ចំណុច​៥​មករា ក្បែរ​ជើង​ភ្នំ​ទ្រព្យ​ជាប់​ប្រាសាទ​ព្រះ​វិហារ​ភាគ​ខាង​លិច​ចំងាយ​ប្រមាណ​៤០​០​ម៉ែតបាន​រៀប​ចំ​ពិធី​សម្ពោធ​ដាក់​ឱ្យ​ប្រើ​ប្រាស់​អគារ​ទី​​បញ្ជា​ការ​សន្តិ​ភាព​​ដែល​ជា​អំណោយ​​​របស់​សម្តេច​អគ្គ​មហា​សេនា​បតី​តេជោ​ ហ៊ុន សែន នាយក​រដ្ឋ​មន្ត្រី​​នៃ​ព្រះ​រាជា​ណា​ចក្រ​កម្ពុជា​ និង​លោក​ជំទាវ​បណ្ឌិត​ប៊ុន រ៉ា​នី ហ៊ុន សែន​។ ពិធី​នោះ​​ក្រោម​អធិបតី​ភាព​លោក​ឧប​នាយក​រដ្ឋ​មន្ត្រី​យឹម ឆៃ​លី និង​ជា​ប្រធាន​ក្រុម​ប្រឹក្សា​អភិ​វឌ្ឍន៍​វិស័យ​កសិ​កម្ម​ និង​ជន​បទ​ជា​តំណាង​របស់​សម្តេច​តេជោ​ ហ៊ុន សែន ព្រម​ទាំង​មាន​ការ​ចូល​រួម​ពី​ព្រះ​សង្ឃ ​គណៈ​មេ​បញ្ជា​ការ​ឯក​ភាព​សមរ​ភូមិ​ទិស​ទី​មួយ​ប្រាសាទ​ព្រះ​វិហារ​ លោក​អ៊ុំ​ ម៉ា​រ៉ា អភិ​បាល​ខេត្ត​ព្រះ​វិហារ​ ​បណ្តា​នាយ​ទាហាន​ជាន់​ខ្ពស់​មក​ពី ក្រសួង​ការ​ពារ​ជាតិ​ រដ្ឋ​មន្ត្រី​ក្រសួង​កសិ​កម្ម​ ក្រសួង​បរិ​ស្ថាន​ ក្រសួង​សាធារណ​ការ​ និង​ដឹក​ជញ្ជូន​ ​បណ្តា​នាយ​ទាហាន និង​ពល​ទាហាន​ជា​ច្រើន​រយ​នាក់​ដែល​កំពុង​ឈរ​ជើង​ការ​ពារ​បូរ​ណ​ភាព​ទឹក​ដី​ក្នុង​តំបន់​ប្រាសាទ​ព្រះ​វិហារ​​របស់​ខ្មែរ​ និង​​គ្រួសារ​​ទ័ព​​។​
លោក​នាយ​ឧត្តម​សេនីយ៍​ផ្កាយ​មាស​៤​ជា​តារា​ អគ្គ​មេ​បញ្ជា​ការ​រង​នៃ​កង​យោធ​ពល​ខេមរ​ភូមិន្ទ​ និង​ជាគណៈ​មេ​បញ្ជា​ការ​ឯក​ភាព​សមរ​ភូមិ​ជួរ​មុខ​ទិស​​យោធ​ភូមិ​ភាគ​ទី​៤​បាន​លើក​ឡើង​​ពី​វីរ​ភាព​របស់​នាយ​ ពល​ទាហាន​ទាំង​អស់​ដែលកំពុង​ឈរ​ជើង​ការ​ពារ​បូរ​ណ​ភាព​ទឹក​ដី​តាម​ខ្សែ​បន្ទាត់​ព្រំ​ដែន​កម្ពុជា​-ថៃ​​ ​ពិសេស​នៅ​តំបន់​ប្រាសាទ​ព្រះ​វិហារ​​ដែល​មាន​​ភាព​ក្លាហាន​ហ៊ាន​ប្តូរ​ជីវិត​​ក្នុង​ការ​ប្រយុទ្ធ​ទប់​ទល់​ជាមួយ​ទ័ព​សៀម​ឈ្លាន​ពាន​។ លោក​ឱ្យ​ដឹង​ថា គ្រប់​ពេល​វេលា​សម្តេច​តេជោ​និង​លោក​ជំទាវ​បណ្ឌិត ប៊ុន រ៉ា​នី ​តែង​តែ​​ជួយ​ឧបត្ថម្ភ​សំភារ​បរិក្ខារ​សឹក​ ស្បៀង​អាហារ ​​ថ្នាំ​ពេទ្យ​ ជំរំ​ជំរក​ស្នាក់​នៅ​ អគារ​ការិយាល័យ​ធ្វើ​ការ​។ សមិទ្ធ​ផល​ជា​ច្រើន​​នេះ​​ធ្វើ​ឱ្យ​នាយ​ ពល​ទាហាន​ទាំង​អស់​មាន​ឆន្ទៈ​ និង​គ្រួសារ​កង​ទ័ព​ទាំង​អស់​មាន​លំនឹង​។ លោក​នាយ​ឧត្តម​សេនីយ៍​ថ្លែង​ថា​ នៅ​ថ្ងៃ​ទី​​៩ មករា ឆ្នាំ​២០១១​ គឺ​ជា​ថ្ងៃ​ប្រវត្តិ​សាស្ត្រ​​សំរាប់​ព្រំ​ដែនប្រាសាទ​ព្រះ​វិហារ​របស់​ខ្មែរ​ដែល​មាន​អគារ​​ទី​បញ្ជា​ការ​សន្តិ​ភាព​មួយ​ដែល​ជា​អំណោយរបស់​​សម្តេច​ហ៊ុន សែន​ និង​លោក​ជំទាវ​ប៊ុន រ៉ា​នី ហ៊ុន សែន ​ក្នុង​លក្ខណៈ​ជា​យុទ្ធ​សាស្ត្រ​បំផុត​សំរាប់​បណ្តា​នាយ​ទាហាន​ទាំង​អស់​ធ្វើ​ការ​ងារ​។​ លោក​នាយ​ឧត្តម​សេនីយ៍​គន់​ គីម អគ្គ​មេ​បញ្ជា​ការ​រង​នៃ​កង​យោធ​ពល​ខេមរ​ភូមិន្ទ​ និង​ជា​នាយ​សេនា​ធិការ​ចំរុះ​មាន​​ប្រសាសន៍​ថា​ ការ​ស្ថាប​នា​អគារ​ទី​បញ្ជា​ការ​សន្តិ​ភាព​ទិស​ប្រាសាទ​ព្រះ​វិហារ​នេះ​ឡើង​ គឺ​សំរាប់​ឱ្យ​បណ្តា​នាយ​ទាហាន​កម្ពុជា​ទាំង​អស់​ងាយ​ស្រួល​ក្នុង​ការ​បំពេញ​បេសក​កម្ម​។
លោក​ឧប​នាយក​រដ្ឋ​មន្ត្រី​យឹម ឆៃ​លី បាន​រំលឹក​ដល់​ការ​រស់​ឡើង​វិញ​របស់​ប្រជា​ជន​កម្ពុជា​៣២​ឆ្នាំ​មក​​ហើយ​ ក្រោយ​ថ្ងៃ​រំដោះ​៧​មករា ឆ្នាំ​១៩៧៩​។ ក្រោយ​ថ្ងៃ​រំដោះ​ប្រជា​ជន​ និង​ប្រទេស​​កម្ពុជា​បាន​ប្រែ​មុខ​មាត់​យ៉ាង​ស្រស់​បំព្រង​ពី​មហា​សោក​នាដ​កម្ម​នៃ​​ការ​កាប់​សំលាប់​ដោយ​របប​ប្រល័យ​ពូជ​សាសន៍​ប៉ុល ពត​ មក​។ ក្រោម​ការ​ដឹក​នាំ​ដ៏​ត្រឹម​ត្រូវ​របស់​គណ​បក្ស​ប្រជា​ជន​កម្ពុជា​ បាន​លើក​កំពស់​តំលៃ​​សិទ្ធ​ិ​មនុស្ស​ និង​បាន​ផ្តល់​សិទ្ធិ​ពេញ​លេញ​ជូន​ដល់​ប្រជា​ពល​រដ្ឋ​ក្នុង​ការ​ប្រកាន់​យក​ជំនឿ​សាសនា​ ការ​គោរព​​លទ្ធិ​ប្រជា​ធិប​តេយ្យ​សេរី​ពហុ​បក្ស​ និង​ការ​បើក​ទូលាយ​ក្នុង​​ការ​បញ្ចេញ​មតិ​​សិទ្ធិ​ខាង​នយោ​បាយ​។
លោក​ឧប​នាយក​រដ្ឋ​មន្ត្រី​​ថ្លែងថា ក្នុង​ឱកាស​បុណ្យ​ចូល​ឆ្នាំ​សាកល​ និង​បុណ្យ​ជាតិ​៧​មករា ឆ្នាំ​២០១១ នេះ សម្តេច​​នាយក​រដ្ឋ​មន្ត្រី​ និង​លោក​ជំទាវ​​បណ្ឌិត​បាន​ផ្តល់​ចំណង​ដៃ​ជូន​ដល់​កង​កំលាំង​ដែល​កំពុង​ឈរ​ជើង​ប្រចាំ​ទិស​ប្រាសាទ​ព្រះ​វិហារ​គឺ​អគារ​ដាក់​សម្ពោធឱ្យ​ប្រើ​ប្រាស់​​នា​ពេល​នេះ​​ដែលជា​ការ​រួម​សហ​ការ​គ្នា​ជាមួយ​ក្រុម​ប្រឹក្សា​ស្តារ​ និង​អភិ​វឌ្ឍន៍​​វិស័យ​កសិ​កម្ម​ និង​ជន​បទ​ជាមួយ​ក្រសួង​សាធារណ​ការ​ និង​ដឹក​ជញ្ជូន​។ អគារ​មួយ​នេះ​បាន​ចាប់​ដំណើរ​ការ​សាង​សង់​ពី​ថ្ងៃ​ទី​៩ ខែ​ឧសភា​ ឆ្នាំ​២០១០​ និង​ត្រូវ​បញ្ចប់​ជា​ស្ថាពរនៅ​​ថ្ងៃ​ទី​៣១​ ខែ​ធ្នូ ឆ្នាំ​២០១០ ​មាន​រយៈ​ពេល​៧​ខែ​ និង​២២​ថ្ងៃ​។ អគារ​នេះ​កសាង​ឡើង​តាម​រចនា​បថខ្មែរ​​ មាន​បន្ទប់​សំរាក​ចំនួន​២​ បន្ទប់​​អនា​ម័យ​ចំនួន​៣ និង​ប​ន្ទប់​ដាក់​សំភារ​។ អគារ​១​ខ្នង​នេះ​មាន​បណ្តោយ​២៥,៥០​ម៉ែត្រ​ ទទឹង​១៤​ម៉ែត្រ​ ​សាង​សង់​ដោយ​កង​វិស្វកម្ម​អគ្គ​បញ្ជា​ការ​នៃ​កង​យោធ​ពល​ខេមរ​ភូមិន្ទ​ដឹក​នាំ​ដោយ​លោក​ឧត្តម​សេនីយ៍​ឯក​ខ្វាន់ ស៊ាម មាន​​បំពាក់​សំភារ​ផ្សេងៗ​ ក្នុង​នោះ​មាន​កៅ​អី​១០០ ទូ​រ​ទស្សន៍​៤០​អ៊ីញ​មួយ​គ្រឿង​ មាន​ភ្ជាប់​ប្រព័ន្ធ​​វី​ដេ​អូ​​​ខន់ហ្វើ​រេន​​ មាន​ក្បាល​ចាក់​ស៊ីឌី​១​គ្រឿង ​មាន​ថាស​ផ្កាយ​រណប​ឌី​ធី​វី​១​គ្រឿង​ ​ម៉ាស៊ីន​ភ្លើង​១​គ្រឿង​។ លោក​ឧប​នាយក​រដ្ឋ​មន្ត្រី​បន្ត​ថា អគារ​ទី​បញ្ជា​ការ​សន្តិ​ភាព​ទិស​ប្រាសាទ​ព្រះ​វិហារ​១​ខ្នង​នេះ​គិត​ទាំង​សំភារ​ប្រើ​ប្រាស់​​ដែល​បំពាក់​​ ក្នុង​នោះ​ផងអស់​​ចំនួន​១៣១.៨៨៥​ដុល្លារ​អាមេរិក​។ ក្នុង​ឱកាស​នោះ​​ក៏​មាន​​បំពាក់​មេដាយ​​ការ​ងារ​ជូន​ដល់​មន្ត្រី​សា​ធា​រណ​ការ​ និង​ដឹក​ជញ្ជូន​​ទូ​ទាំង​ប្រទេស​ផង​ដែរ​។ លើស​ពី​នេះ​បាន​ប្រគេន​​ទេយ្យ​ទាន​ដល់​ព្រះ​សង្ឃ​ ព្រម​ទាំង​ចែក​កំណាត់​ស​ សារុង​ និង​ក្រមា​​ដែល​ជា​អំណោយ​ដ៏​ថ្លៃ​របស់​សម្តេច​ហ៊ុន សែន​ និង​លោក​ជំទាវ​ដល់​ដូន​ជី​ តា​ជី​យាយ​ជី​ និង​គ្រួសារ​កង​ទ័ព​ផង​ដែរ ៕