Friday, November 19, 2010

ឯកឧត្តមបណ្ឌិត​សភាចារ្យ សុខ អាន ជួប​សំណេះសំណាល ជាមួយកីឡាករ ចំណុះ​ទូកមក​ពី​ខេត្ត​តាកែវ​

ឯកឧត្តមបណ្ឌិត​សភាចារ្យ​ សុខ អាន ឧបនាយករដ្ឋមន្ត្រី រដ្ឋមន្ត្រី​ទទួល​បន្ទុក​ទី​ស្តីការ​គណៈ រដ្ឋមន្រ្តី​ បានសំណូមពរដល់កីឡាករប្រណាំង​ទូក​ឲ្យប្រឹងប្រែងយកឈ្នះការប្រកួត ដោយ​​ប្រើបច្ចេកទេស គោរពវិន័យ និង​រក្សាសុខភាពឲ្យបានល្អ ព្រោះថាវិន័យ និង​សុខភាព​គឺជាកត្តាសំខាន់បំផុតសំរាប់ ឲ្យទទួលបានជ័យជំនះ ពិសេសជៀសវាងការនាំអេដស៍ចូលផ្ទះ ។
នៅ​ក្នុង​ឱ​កាស​​អញ្ជើញទៅសាកសួរសុខទុក្ខ , សំណេះ សំណាល និង ពិនិត្យមើល ការហ្វឹកហាត់បំប៉នបច្ចេកទេស របស់ កីឡាករ ចំណុះទូក​មក​ពីខេត្ត​តាកែវ​នាព្រឹក​ថ្ងៃ​ទី​ ១៨ ខែវិច្ឆិកា ឆ្នាំ​២០១០ នៅ​មាត់​ទន្លេ វត្តអម្ពរវ័ន្ត ស្ថិត​នៅ​ឃុំ​ ឬស្សីជ្រោយ​ ស្រុក​​មុខ​កំពូល​ ខេត្ត​កណ្តាល​ ឯកឧត្តមបណ្ឌិត​ សុខ អាន  បានសរសើរ និង ថ្លែងអំណរគុណ ចំពោះ គណៈកម្មការរៀបចំ គ្រូបង្វឹក ព្រមទាំង ថ្នាក់ដឹកនាំ ក្រសួង ស្ថាប័ន មន្ត្រីរាជការ និងសប្បុរសជន តំណាងក្រុមហ៊ុននានា ដែលបានផ្តល់ការឧបត្ថម្ភ ជាសម្លៀកបំពាក់ថវិកា និងគ្រឿងឧបភោគបរិភោគ រួមចំណែក ជួយដល់ការស្នាក់នៅហ្វឹកហាត់ បំប៉ន បច្ចេកទេស របស់ចំណុះទូកឲ្យទទួលបានជ័យជំនះរាល់ៗឆ្នាំ ជាបន្តបន្ទាប់​។
ទាក់ទិននឹង ពិធីបុណ្យអុំទូក ដែលជាបុណ្យប្រពៃ​ណីជាតិ​ ដ៏ធំប្រចាំឆ្នាំ របស់ ព្រះរាជាណាចក្រ​​​កម្ពុជានោះ ឯកឧត្តម ឧបនាយករដ្ឋមន្ត្រី បញ្ជាក់ថា ពិធីបុណ្យអុំទូកដែលបានរៀបចំឡើងជារៀងរាល់ ឆ្នាំនេះ  គឺជាផ្នែកមួយនៃ ទេសចរណ៍ វប្បធម៌ ដែលមានតម្លៃ ខាងសេដ្ឋកិច្ច ។ គួរកត់សំគាល់ដែរថា នៅលើ ពិភពលោក គេពិបាក រកបានណាស់ នូវពិធីបុណ្យមួយ ដែលប្រមូលផ្តុំប្រជាជនចូលរួមច្រើន រហូតដល់ ៣ ទៅ ៤ លាននាក់ បែបនេះ​ ណាស់​ ហើយ​​ព្រឹត្ដិការណ៍នេះ កាន់តែផ្តល់ការចាប់់អារម្មណ៍ ខ្លាំង បំផុត គឺនៅក្នុង​ពិធីចាប់កូនខ្លែង ពេលបញ្ចប់ពិធី ដែលមានទូក រាប់រយបណ្ដែត លើ ទន្លេ មុខ ៤  ដង្ហែកាត់ព្រ័ត្រ យ៉ាងកងរំពងនោះ ។
គួរកត់សំគាល់ថា បច្ចុប្បន្ននេះកម្ពុជា កំពុងទទួលបាន​ប្រយោជន៍ អំពីសក្តានុពល វិស័យទេសចរ​ណ៍​ ដែលកម្ពុជាមាន នោះគឺទេសចរណ៍វប្បធម៌ ។ ដោយសារទេសចរណ៍ គឺជាប្រភព ចំណូលដ៏ធំ ក្នុងសេដ្ឋកិច្ចជាតិ ដូច្នេះហើយ ទើប រាជរដ្ឋាភិបាល កម្ពុជា ក៏ដូចជាក្រសួងស្ថាប័នពាក់ព័ន្ធ ដូចជាក្រសួង ទេសចរណ៍ ជាដើមនោះ បានខិតខំធ្វើឲ្យព្រឹត្តិការណ៍ប្រពៃណី ជាប្រវត្តិសាស្ត្រ​ នៃពិធីបុណ្យអុំទូកប្រចាំឆ្នាំ ក្លាយទៅជាព្រឹត្តិការណ៍ ទេសចរណ៍ សំរាប់ ពិភពលោក ។
ទូក ង របស់ខេត្តតាកែវ ដែលត្រៀមចូលរួមការប្រកួតក្នុងឱកាស បុណ្យអុំទូក បណ្តែតប្រទីបអកអំបុក សំពះព្រះខែ ក្នុងឆ្នាំនេះ មានចំនួន ១២ទូក និងមានកីឡាករ សរុប ១០៣៤​នាក់។ គណៈកម្មការ ទូក ង របស់ខេត្តតាកែវ បានរាយការណ៍ដែរថា ក្នុងចំណោមទូកទាំង ១២​​គ្រឿង ក្នុងឆ្នាំនេះ មានទូកចំនួន ៨គ្រឿង នឹងត្រូវបាន ចូលប្រកួត ក្នុងគូពិសេស , ១ គ្រឿង ប្រកួតជាលក្ខណៈ អន្តរជាតិ និង ៣គ្រឿងទៀត ចូលរួមប្រកួតជាទូទៅ។ ទូកទាំង​​១២​គ្រឿង​ ដែល​ទទួល​បាន​​ការ​គាំទ្រ​ឧបត្ថម្ភ​ដោយ​ឯកឧត្តម​ឧបនាយករដ្ឋមន្រ្តី​ សុខ អាន ក្នុងនោះ​មាន​ ទូក​មកពីខេត្តតាកែវ ចំនួន៩  គឺទូក គិរីវង្ស​សុខសែនជ័យ , ទូក តេជោសែនជ័យបារមីពេជ្រមុនី ,​ ទូក តាកែវទ្រាំងសុខសែនជ័យ បូរីជលសារស៊ូសុខសែនជ័យ , កោះអណ្តែត​ ​​សុខសែនជ័យ , អង្គរបុរីច័ន្ទសុខសែនជ័យ , ព្រៃកប្បាសសុខសែនជ័យ , ដូនកែវស៊ូសុខសែនជ័យ , ច័ន្ទសោមសុខសែនមង្គល , សែនពិដោរ, សំរោងសែនជ័យ បារមីភ្នំជីសូរ និងសំរោងតេជោសែនជ័យបារមី៧មករា ​ហើយនិង ទូក៣ទៀតរបស់ ទីស្តីការគណៈរដ្ឋមន្ត្រី គឺ ស្រី​សសុខសែនជ័យ និង អប្សរាសុខសែនជ័យ និងប្រាសាទព្រះវិហារសុខសែនជ័យ ។

H.E. Dr. Sok An gives 'Pep Talk' to Boat Rowers from Takeo Province

H.E. Dr. Sok An, Deputy Prime Minister, Minister in Charge of the Office of the Council of Ministers, called on the boat racers to strive for success through techniques, adhere to full discipline and take care of their health. Discipline and health are the two main
factors for success, especially in avoiding AIDS.
During a “Pep Talk” with the oarsmen from Takeo province, on the morning of 18 November 2010 at the river bank of Amporvan Pagoda, Rosey Chroy Commune, Mok Kompol District, Kandal Province, H.E. Dr.Sok An extended his appreciation and thanks to the organizing
committee, trainers, leaders of institutions and Ministries, officials, charitable donors and companies for their supports which greatly contributed to the training for the enhancement of techniques.
Boat Racing Festival is an integral part of Cambodia's cultural tourism, which has economic value.