រាជធានីភ្នំពេញ ៖ បុរសម្នាក់ជាប់សង្ស័យជាមេខ្លោងចាប់ជំរិតកូនស្រីរបស់មេបញ្ជាការកងរាជអាវុធហត្ថខេត្តសៀមរាប ត្រូវបានចាប់ខ្លួននៅក្បែរភោជនីយដ្ឋានមួយក្នុងទឹកដីខណ្ឌឫស្សីកែវ កាលពីវេលាម៉ោងប្រមាណ៥ល្ងាច ថ្ងៃទី១៨ មករា ២០១១ បន្ទាប់ពីមេខ្លោងម្នាក់នេះគេចខ្លួនអស់រយៈពេលជាង២ឆ្នាំមកហើយ ។
ជនជាប់សង្ស័យជាមេខ្លោងខាងលើនេះមានឈ្មោះចក់ ចន្នី អាយុប្រហែល៣០ឆ្នាំ ត្រូវបានសមត្ថកិច្ចតាមដានជាយូរណាស់មកហើយ តាំងពីនៅខេត្តសៀមរាប រាជធានីភ្នំពេញ និងនៅកន្លែងផ្សេងៗ...កាលអំពើចាប់ជំរិតនោះកើតឡើងបក្សពួករបស់គេ៤នាក់ទៀតត្រូវចាប់ខ្លួន អំឡុងចុងឆ្នាំ២០០៨ កន្លងទៅ បន្ទាប់ពីសកម្មភាពចាប់ជំរិតកើតឡើងបន្តិច ។ នៅព្រឹកថ្ងៃទី១៩ មករា នេះ ជនជាប់សង្ស័យមេខ្លោងចាប់ជំរិតត្រូវបានឃុំខ្លួនសាកសួរនៅទីបញ្ជាការកងរាជអាវុធហត្ថលើផ្ទៃប្រទេស ។
គួររំលឹកឡើងវិញថា អំឡុងចុងឆ្នាំ២០០៨ កន្លងទៅ កូនស្រីរបស់មេបញ្ជាការកងរាជអាវុធហត្ថខេត្តសៀមរាបម្នាក់អាយុប្រហែល២០ឆ្នាំ ត្រូវបានជនសង្ស័យ៦នាក់ឆ្មក់ចាប់ខ្លួនញាត់បញ្ចូលរថយន្តខណៈនារីរងគ្រោះបានធ្វើដំណើរចេញពីសាលារៀនជិះរថយន្តកាមរីមកដល់មុខផ្ទះ ។ ព័ត៌មានលំអិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព
ដោយ ៖ កោះឯករាជ្យ
No comments:
Post a Comment