Wednesday, December 08, 2010

H.E. Dr. Sok An Meets H.E. Mr. Piérre Lellouch (08/12/2010)

In the morning of 8 December 2010, at the Office of the Council of Ministers, H.E. Dr. Sok An, Deputy Prime Minister, Minister in Charge of the Office of the Council of Ministers, granted a courtesy call to H.E. Mr. Piérre Lellouch, Secretary of State for Foreign Trade of the Ministry of Economy, Finance and Industry of the Republic of France.
In the meeting, H.E. Mr. Piérre Lellouch, accompanied by H.E. Ambassador of France to Cambodia and 4 representatives of French potential investors, informed H.E. Dr. Sok An the purposes of his two-day visit to Cambodia, 7th- 8th December, to explore and promote bilateral economic cooperation between Cambodia and France.
H.E. Mr. Piérre Lellouch said that, having relationship with Cambodia, France is currently conducting the studies on three sectors, namely energy, infrastructure and communication including the flight of France Airline to Cambodia in the coming March 2011 and the production of food in agricultural sector.
On that occasion, H.E. Dr. Sok An told the French delegation that the policy of the Royal Government of Cambodia under the wise leadership of Samdech Akka Moha Sena Padei Techo Hun Sen is to support all investors without discrimination. H.E. Deputy Prime Minister said that Cambodia is a country of great potentiality in agricultural sector, for more than 80 percent of the Cambodian people are doing farming, including rice, rubber and other agricultural products. H.E. Dr. Sok An also informed the delegates that, currently, what the Cambodian people have as additional productions are vegetables and fruits, and requested the French counterpart to help facilitate these products to get into the European markets.
H.E. Dr. Sok An also informed the guests about the success of the International Conference of Asian Political Parties (ICAPP), which had just been ended in Phnom Penh, under the organization of the Cambodian People’s Party. The delegates attending the ICAPP conference had highly appreciated the brilliant leadership of Samdech Akka Moha Sena Padei Techo Hun Sen, Prime Minister of the Kingdom of Cambodia, in building the country and building peace and uniting the nation. They considered Cambodia’s experience as a model for problem-solving in other countries.
Furthermore, the Deputy Prime Minister told H.E. Piérre Lellouch that the situation along the border area of the Preah Vihear Temple had eased and returned to what it was like before 15 July 2008 after four rounds of meetings between Samdech Techo Hun Sen and Thai Prime Minister, Abhisit Vejjajeva.  
H.E. Dr. Sok An also expressed his gratitude to France for her aid and investment contributing to economic and human resource development in Cambodia.
In 2010, in the framework of cooperation between Cambodia and France, there have been three signed agreements, one of which is Supplementary Agreement on Angkor Heritage Project and Sustainable Development with supplementary fund of 400,000 Euro in order to complete the repair work of Bapoun Temple in Angkor Thom area. The second one is Cooperation Convention on Project against Fake Products Harmful to Health and Security in the Mekong sub-region with 123,500-Euro fund, signed on 22 June 2010. The third one is Roadmap on Cooperation between Cambodia and France from 2011-2013, singed on 01 October 2010 between both Foreign Ministers of the two countries, with the aim of advancing development cooperation to economic cooperation.

ឯក​ឧត្តម​បណ្ឌិត​ សុខ អាន ជួប​ពិភាក្សាការងារ​ជាមួយ​ឯកឧត្តម​​​ ព្យែរ​ ឡឺលូស​រដ្ឋលេខាធិការ​ទទួល​បន្ទុក​ពាណិជ្ជកម្ម​ក្រៅ​ប្រទេស​បារាំង​ (០៨/១២/២០១០)


 
 នៅ​ទី​ស្តីការ​គណៈរដ្ឋ​មន្ត្រី​នាព្រឹក​ថ្ងៃទី​៨ ខែ​ធ្នូ​ ឆ្នាំ​២០១០ ​ឯកឧត្តម​បណ្ឌិត​ សុខ អាន ​ឧបនាយក​រដ្ឋ​មន្ត្រី​ រដ្ឋមន្ត្រី​​ទទួល​បន្ទុក​ទីស្តីការ​គណៈរដ្ឋមន្ត្រី​ បាន​ទទួល​ជួប​ពិភាក្សា​ការងារ ​ជាមួយ​ឯកឧត្តម​ ព្យែរ​ ឡឺលូស ​(Piérre Lellouch) ​រដ្ឋ​លេខាធិការ​ក្រសួង​ សេដ្ឋ​កិច្ច​ ហិរញ្ញវត្ថុ​ និង​ឧស្សាហកម្ម​ នៃ​សាធារណៈរដ្ឋ​បារាំង​ទទួល​បន្ទុក​ការងារ​ពាណិជ្ជកម្ម​ ក្រៅ​ ប្រទេស​។
 នៅក្នុង​ជំនួប​នា​ឱ​កាស​នោះ​​ ឯកឧត្តម​​​ ព្យែរ ឡឺលូស ​ដែល​មាន​ការ​អម​ដំណើរ​ពី​​ឯកឧត្តម ​ឯកអគ្គរដ្ឋ​ទូត​​សាធារណៈ​រដ្ឋ​បារាំង​ប្រចាំ​ប្រទេស​កម្ពុជា​ និង​តំណាង​ក្រុម​ហ៊ុន​វិនិយោគ​ទុន​ បារាំង​ធំៗ​​ចំនួន​ ៤ ផងនោះ​ បាន​មាន​ប្រសាសន៍​ឲ្យដឹង​អំពី​គោល​បំណង​នៃ​ទស្ស​ន​កិច្ច​ ២ ថ្ងៃ​​ (ថ្ងៃទី​៧-៨ ខែធ្នូ ឆ្នាំ​២០១០​) នៅ​កម្ពុជា​គឺ​ដើម្បី​ស្វែង​យល់​ និង​ជម្រុញ​កិច្ច​សហប្រតិបត្តិការ​ សេដ្ឋកិច្ច​រវាង​ប្រទេស​ទាំង​ពីរ​បារាំង​-កម្ពុជា​ឲ្យ​បាន​កាន់​តែ​ប្រសើរ​។
​ ឯកឧត្តម​​រដ្ឋ​លេខាធិការ​នៃ​សាធារណៈរដ្ឋ​បារំាង​បាន​ឲ្យ​ដឹង​ថា បច្ចុប្បន្ន​បារាំង​កំពុង​ធ្វើ​ការ ​សិក្សា​ និង​មាន​ទំនាក់​ទំនង​នៅ​កម្ពុជា​លើ​វិស័យ​ ៣ ​គឺ​ វិស័យ​ថាមពល​, វិស័យ​ហេដ្ឋារចនា សម្ព័ន្ធ​ និង​​សារគមនាគមន៍ ​ក្នុង​នោះ​មាន​ការ​ហោះ​ហើរ​របស់​យន្ត​ហោះ​ នៃ​ក្រុម​ហ៊ុន អាកាស​ចរណ៍​បារាំង​មក​កម្ពុជា​ នាខែ​ មិនា ឆ្នាំ​២០១១ ខាង​មុខ​​ និង​លើ​បញ្ហា​កសិកម្ម​ ផលិត​ស្បៀង​អាហារ​​ផងដែរ​។
​មាន​ប្រសាសន៍​នា​ឱកាស​នោះ​​ឯកឧត្តម​បណ្ឌិត​ សុខ អាន​ ​បាន​ជម្រាប​ជូន​ប្រតិភូ​នៃ​ សាធារណៈ​រដ្ឋ​បារាំង​ថាៈ គោល​នយោបាយ​នៃ​រាជរដ្ឋាភិបាល​កម្ពុជា​​ក្រោម ​ការ​ដឹក​នាំ​របស់​សម្តេច​អគ្គមហាសេនា​បតី​តេជោ ហ៊ុន សែន ​គឺ​គាំទ្រ​គ្រប់​បណ្តា​អ្នក​វិនិយោគទុន​ដោយ​​ គ្មាន​ការ​រើស​អើង​។ ឯកឧត្តម​ឧ​បនាយករដ្ឋ​មន្ត្រី​​​បាន​មាន​ប្រសាសន៍​ថាៈ ព្រះ​រាជាណាចក្រ កម្ពុជា​មាន​សក្តានុពល​លើ​វិស័យ​កសិកម្ម​​ព្រោះ​ប្រជាពលរដ្ឋ​កម្ពុជា​៨០ ភាគរយ​ប្រកប ​របបរ​​ កសិកម្ម​រួម​មាន ស្រូវ​ កៅស៊ូ និង​កសិផល​​ផ្សេង​ៗ​ទៀត​។ បច្ចុប្បន្ន​អ្វី​ដែល​កម្ពុជា​ផលិត​បាន​ថ្មី​ គឺ​បន្លែ​ និង​ផ្លែ​ឈើ​ ​ហើយ​សុំ​ឲ្យ​ភាគី​បារំាង​ជួយ​ឲ្យ​​​ផលិត​ផល​ទាំង​នេះ​បាន​​ចូល​ទៅ​ក្នុង​ទី​ផ្សារ​ នៃ​សហគមន៍​អឺរ៉ុប​ផង​​។
ឯកឧត្តម​បណ្ឌិត​ សុខ អាន ក៏​បាន​ជម្រាប​ជូន​ភ្ញៀវ​ផងដែរ​​ពី​ជោគ​ជ័យ​នៃ​សន្និសីទ​ គណបក្ស​​ នយោបាយ​នៅ​អាស៊ី​(ICAPP) ដែល​ទើប​បញ្ចប់​ទៅ​ថ្មី​ៗ​នេះ​​​ នា​រាជធានីភ្នំពេញ​ ក្រោម​ការ​រៀប​ ចំ​របស់​​គណបក្ស​ប្រជាជន​កម្ពុជា​។ ក្នុង​នោះ​ប្រតិភូ​ ដែ​ល​ចូលរួម​ក្នុង​សន្និសីទ​ ICAPP ​បាន​សរសើរ​ចំពោះ​ការ​ដឹក​នាំ​របស់​សម្តេច​អគ្គមហាសេនាបតីតេជោ​ ហ៊ុន សែន​ ​ក្នុង​ការ​ កសាង​អភិវឌ្ឍ​ប្រទេស​ និង​ការ​កសាង​សន្តិភាព​ បង្រួប​បង្រួម​ជាតិ​ ហើ​យ​បាន​យក​កម្ពុជា​ ធ្វើ​ជា​​គំរូ​សំរាប់​ដោះ​ស្រាយ​បញ្ហា​នៅ​ក្នុង​បណ្តាប្រទេស​ផ្សែង​ទៀត​។
ឯកឧត្តម​ឧបនាយករដ្ឋមន្រ្តី​ក៏​បាន​ជម្រាប​ជូន​ឯកឧត្តម​ ព្យែ​រ​ ឡឺ​លូស ​ផង​ដែរ​អំពី​ការ​វិល​ទៅ​ រក​ប្រក្រតី​ភាព​ដូច​មុន​ថ្ងៃ​ទី​១៥ ខែ​កក្កដា ឆ្នាំ​២០០៨ នៅ​ព្រំដែនតំបន់​ប្រាសាទ​ ព្រះ​វិហារ ​​បន្ទាប់​ពី​មាន​ការ​ជួប​គ្នា​ ៤ដង រវាង សម្តេច​អគ្គ​មហា​សេនាបតីតេជោ​ ហ៊ុន សែន និង​ នាយករដ្ឋមន្រ្តី​​ថៃ​​​​។
ឯកឧត្តម​បណ្ឌិត​ សុខ អាន​ ​ក៏​បាន​ថ្លែង​អំណរ​គុណ​​ចំពោះ​ជំនួយ​ និង​អ្នក​វិនិយោគទុន​នានា​ របស់​បារាំង​​ ដែល​បាន​រួម​ចំណែក​កសាង​អភិវឌ្ឍសេដ្ឋកិច្ច​ និង​បណ្តុះ​បណ្តាល​ធនធាន​ មនុស្ស​​នៅ​កម្ពុជា​ផងដែរ​។
 នៅ​ក្នុង​ឆ្នាំ​២០១០ នេះ​​លើ​កិច្ច​សហប្រតិបត្តិ​ការ​រវាង​កម្ពុជា​ និង​បារាំង​ មាន​កិច្ច​ព្រម​ព្រៀង​៣ ត្រូវ​បាន​ចុះ​ហត្ថលេខា រួម​មាន កិច្ច​ព្រមព្រៀម​បន្ថែម​នៃ​គំរោង​បេតិកភណ្ឌ​អង្គ​រ និងការ​ អភិវឌ្ឍន៍​ប្រកបដោយ ចីរភាព​​លើ​ទឹក​បា្រក់​បន្ថែម​ចំនួន​ ៤៨០ ០០០ អឺរ៉ូ ដើម្បី​បង្ហើយ ​ការដ្ឋាន​ ជុសជុល​ប្រាសាទ​បាពួន​នៅក្នុង​តំបន​អង្គរ​ធំ​ និង​អនុសញ្ញា​សហប្រតិបត្តិការ​លើ​គំរោង​ប្រយុទ្ធ ប្រឆាំង​ផលិតផល​ក្លែងក្លាយ​ដែល​បង្ក​​គ្រោះ​ថ្នាក់​ដល់សុខភាព​ និង​សុវត្ថិភាព​ក្នុង​អនុតំបន់ ទន្លេមេគង្គ​ លើ​ទឹក​ប្រាក់​ចំនួន​១២៣៥០០ អឺរ៉ូ​ ចុះ​ហត្ថលេខា នា​​ថ្ងៃទី​២២ មិថុនា ឆ្នាំ​២០១០។ ឯកសារបង្ហាញ​ផ្លូវ​លើ​កិច្ច​សហប្រតិបត្តិការ​រវាងកម្ពុជា និង​បារាំង​ សម្រាប់​ឆ្នាំ​២០១១-២០១៣ ត្រូវ​បាន​ចុះ​ហត្ថលេខា​នា​ថ្ងៃទី​១ ខែតុលា​ ឆ្នាំ​២០១០ រវាង​រដ្ឋមន្រ្តី​ក្រសួង​ការ​បរទេស​កម្ពុជា​ និង​បារាំង​ក្នុង​គោល​បំណង​​ជម្រុញ​​កិច្ច​សហ​ប្រតិបត្តិ​ការ​ អភិវឌ្ឍ​ឲ្យ​ក្លាយ​ទៅ​ជា​កិច្ច​សហ ប្រតិបត្តិ​ការ​សេដ្ឋកិច្ច​​។​

បញ្ហាពាក់ព័ន្ធ និងករណីសមេ្តចក្រុមព្រះ នរោត្តម រណឫទ្ធិ




បទវិចារណកថា៖​ កម្ពុជា គឺ​ជាស្ថាន​សួគ៌នៃ​សិទ្ធិ​សេរី​ភាព

          បន្ទាប់​ពី​បាន​រួចផុត​ជី​វិត​ពី​ការកាប់​សម្លាប់​នៃបន​ប្រល័យ​ពូជ​សាសន៍ប៉ុល ពត ថ្ងៃ​ទី​៧ខែ​​មករា ឆ្នាំ១៩៧៩ មក កម្ពុជាបាន​ប្រែ​មុខមាត់​ថ្មីដោយ​កិច្ច​ខិត​ខំ​ប្រឹង​ប្រែង​របស់​រាជ​រដ្ឋាភិ​បាល​ក្នុង​ការ​ស្តារ កសាង​ និង​អភិវឌ្ឍប្រទេស​ពីបាតដៃទទេរហូត​ធានាបាន​នូវ​ស្ថេរភាព​នយោបាយ សន្តិសុខ និង​ការ​អភិ​វឌ្ឍរីក​ចំ​រើន​ស្ទើគ្រប់​វិស័យ​។
          ទាំង​នេះ ​គឺ​ជា​សក្ខី​ភាព​ប្រវត្តិ​សាស្ត្រ​ដែល​ខ្មែរគ្រប់​រូប​មិន​អាច​បំ​ភ្លេចបាននូវ​សាមគ្គី​ភាព​រវាង​ខ្មែរ​និង​ខ្មែរ ជាពិសេសឥស្សរជន​សំ​ខាន់​ៗជាច្រើនរបស់​គណបក្ស​ប្រជា​ជន​កម្ពុជា​ ដែល​បាន​​​​​តស៊ូ ជំនះគ្រប់​ឧបសគ្គ ប្តូរជី​វិត ដើម្បី​នាំ​មក​នូវ​លំ​នឹង​នយោបាយក្នុង​ប្រទេស​ និង​ការរស់​ឡើងវិញនូវ​ប្រពៃណី​ វប្បធម៌ ក៏ដូចជា​ការ​កើត​មាន​នូវ​លទ្ធិ​ប្រជាធិបតេយ្យ ការគោរព​និង​ការ​លើក​កម្ពស់សិទ្ធិ​សេរី​ភាព​ ក៏ដូចជា​បាន​ពង្រីក​នូវ​ទំ​នាក់​ទំ​នងកិច្ច​សហប្រតិបត្តិ​ការទាំងក្នុង​តំ​បន់​ និង​សកល​លោក។ ប៉ុន្តែ​ គួរឲ្យ​សោក​ស្តាយ​ជាពន់​ពេកក្នុង​ខណៈពេល​​ដែល​រាជ​រដ្ឋាភិបាល​បាន​​​និង​កំ​ពុងគោរពយ៉ាង​​ត្រឹមត្រូវ​តាម​ច្បាប់​រដ្ឋធម្ម​នុញ្ញ និង​ប្រកាន់​ខ្ជាប់​នូវ​របបប្រជា​ធិបតេយ្យ​សេរីពហុបក្សដោយ​យក​ចិត្ត​ទុកដាក់​ជា សំ​ខាន់​បំ​ផុត​ក្នុង​ការ​គោរព​សិទ្ធិ​មនុស្ស​​ បែរជា​មាន​ក្រុម​អង្គការមិន​មែន​រដ្ឋាភិបាលមួយ​ក្រុម​តូចមើលរំ​លង​ពី​ការពិត​ និង​បាន​បន្ទាប​បន្ថោក​តម្លៃ​សិទ្ធិ​មនុស្សនៅ​កម្ពុជាថាដើរ​ថយ​ក្រោយ​ ដោយ​ពួក​គេប្រែ​ក្លាយ​ទិវាសិទ្ធិ​មនុស្ស១០ធ្នូ ដើម្បី​នាំ​គ្នា​ដើរដង្ហែក្បួន​នៅ​តាម​ដង​ផ្លូវ​ ទាម​ទារ​ការ​ប្រែ​ក្លាយ​ប្រព័ន្ធ​យុត្តិ​ធម៌ ​សិទ្ធិ​សេរី​ភាព​ សេចក្តីថ្លៃថ្នូរ និង​ការ​រស់​នៅ​សម​រម្យរបស់​ប្រជាពល​រដ្ឋ​ទៅ​វិញ​។
          ក្នុង​ចំ​ណោម​អង្គការ​ក្រៅ​រដ្ឋាភិបាល​ទាំង​នោះ​ ក៏ឃើញមាន​គណៈកម្មាធិ​ការ​ប្រព្រឹត្តិ​កម្ម​នៃ​អង្គការសមាគមការ​ពារសិទ្ធិ​មនុស្ស​ របស់​លោកធន់​ សារាយ , លោក សុខ សំ​អឿន , លោក​ស្រី​ពុង​ ឈីវ​ហ្កិច ជាមេដឹក​នាំចលនាតវ៉ានោះ​ផង​ដែរ ​។ តើ​សម​គួរនឹង​ពួក​គេបង្កើត​បញ្ហារំ​ខាន​សន្តិសុខ សណ្តាប់​​​​ធ្នាប់​ ក្នុង​​ទិវា​សិទ្ធិ​មនុស្ស​១០ធ្នូ ដែល​ជា​ថ្ងៃ​ឈប់​សម្រាករបស់​ប្រជា​ពល​រដ្ឋ​​នោះ​ដើម្បី​អ្វី​? ជាចំ​លើយ​បឋម​ យើង​អាច​គិត​បាន​ថាសកម្ម​ភាព​ដង្ហែក្បួន​នៅ​តាម​ដង​ផ្លូវ​នេះ​ គឺ​គ្មាន​អ្វី​ក្រៅ​ពី​ការ​មួល​បញ្ហា​ បំ​ផ្លើសការ​ពិត ដើម្បី​​គាប់​គុណ​បរទេស​ចង់​បាន​ប្រាក់​ជំ​នួយ​តែ​ប៉ុណ្ណោះ។ ឬយើង​អាច​និយាយ​ម៉្យាង​ទៀតថា« បើ​ពួក​គេ​សរសើរពី​ការ​រីក​ចំ​រើន​នៃ​ការ​គោរព​សិទ្ធិ​មនុស្ស​ គឺ​ប្រាកដណាស់​ថា​ពួក​គេនឹង​ត្រូវ​ខាត​បង់​ប្រាក់​ជំ​នួយឬអស់​អាជីព​។ជារឿង​ពុំ​គួរ​គប្បី​នោះទេ​ដែល​អង្គការសមាគម​ការពារសិទ្ធិ​មនុស្ស​ក្រៅ​រដ្ឋាភិបាលមួយ​ក្រុម​តូច​បាន​ឆ្លៀត​​ឆក់​យក​ឱកាសនេះ​​ដើម្បី​បរិហាររិះ​គន់មកលើរាជ​រដ្ឋាភិបាល​​ ពាក់​ព័ន្ធ នឹង​សិទ្ធិ​មនុស្ស និង​ជុំ​វិញ​ដំ​ណើ​រការប្រជា​ធិបតេយ្យ​នៅ​កម្ពុជា​» ។ ពួក​គេបាន​​អះ​អាង​ថា សកម្ម​ជនការពារ​​សិទ្ធិ​មនុស្សត្រូវ​រង​ការគំ​រាម​កំ​ហែង​ និង​ចោទ​ថា​ពល​រដ្ឋពុំ​មាន​សិទ្ធិ​គ្រប់​គ្រាន់​ក្នុង​ការ​បញ្ចេញ​មតិជាដើម​។
            ប៉ុន្តែ ការពិត​នៅ​កម្ពុជា គឺ​ប្រៀប​បានទៅ​និង​ឋានសួគ៌នៃ​សិទ្ធិ​សេរី​ភាព​ទៅ​ហើយ​ ពី​ព្រោះ យោង​​​តាមរដ្ឋធម្មនុញ្ញមាត្រា៣១បានចែងថា« ព្រះរាជាណាចក្រកម្ពុជាទទួលស្គាល់និង​គោរពសិទិ្ឋមនុស្ស​ដូចមានចែងក្នុងធម្មនុញ្ញនៃអង្គការសហប្រជាជាតិ សេចក្តីប្រកាសជាសកលស្តីពីសិទិ្ឋមនុស្ស​​​និង​កតិកាសញ្ញា​ព្រមទាំងអនុសញ្ញាទំាងឡាយទាក់ទងទៅនិងសិទ្ឋិមនុស្ស។ ​មាត្រា៤១ គឺប្រជាពលរដ្ឋ​ខ្មែរមានសេរីភាពខាងការបញ្ចេញមតិរបស់ខ្លួន សេរីភាពខាងសាព័ត៌មាន​​សេរីភាព​​ខាងការ​បោះ​ពុម្ភ​ផ្សាយសេរីភាពខាងការប្រជុំ។ មាត្រា៤២ គឺប្រជាពលរដ្ឋមានសិទ្ឋិបង្កើតសមាគម​និងគណបក្ស​នយោ​​​​បាយ។កម្មករមានសិទ្ឋិបង្កើតសហជីព និងនិយោជកមានសិទ្ឋិបង្កើតសមាគមនិយោជក ស្រប​ទៅតាម​ច្បាប់ស្តី​ពី​​ការងារនៅ​​កម្ពុជា ដែល​រហូត​មក​ដល់​ពេល​នេះ​មានសហជីពចំនួនប្រមាណ​១ពាន់​​និងសហព័ន្ឋ​២៧និង​មាន​សមាគម​ ក៏ដូចជាអង្គការសង្គមស៊ីវិលចំនួនជាង៣ពាន់​ បាន​និង​កំ​ពុង​ធ្វើ​សកម្ម​ភាព​ការងាររបស់​ខ្លួន​យ៉ាង​ផុល​ផុស​​ចំណែកវិទ្យុមិនគំាទ្រនិងគំាទ្ររាជរដ្ឋាភិបាលជាច្រើន ​​និង​សាព័ត៌មាន វិទ្យុ គេហទំ​ព័រ ដែល​មាន​ការ​គាំ​ទ្រមក​ពី​ចំ​រុះ​និន្នាការ​ ។ ក្រៅ​ពី​នេះ​រាជ​រដ្ឋាភិបាលកម្ពុជា​តែងតែមានការ​បោះឆ្នោតទៀងទាត់រាល់៥ឆ្នំាម្តងនិងមានការបោះឆ្នោតព្រឹទ្ឋសភា បោះឆ្នោតឃុំ សង្កាត់ រាជធានីយ៉ាងទៀងទាត់។
រាជរដ្ឋាភិបាលកម្ពុជា ប្រកាន់យករបបសភាអាស្រ័យធម្មនុញ្ញ ដែលមានពហុគណបក្ស​នយោ​បាយ​ចូលរួមប្រកួតប្រជែងដោយសេរី​ត្រឹម​ត្រូវ​និង​​យុត្តិធម៌។នៅ​ពេល​យុទ្ឋនាការបោះ​ឆ្នោត​គណ​បក្ស​​​​និមួយៗបានរិះគន់រដ្ឋាភិបាលដោយ​ឥត​សំចៃមាត់​ ហើយ​ការ​បោះឆ្នោតចាប់ពីពេលចាប់ផ្តើម​រហូត​ដល់ការប្រកាសលទ្ឋផលចុងក្រោយពុំមានការរំលោភសិទ្ឋមនុស្ស ឬការសំលាប់មនុស្ស​កើត​ឡើងទេ​​ដោយមានអ្នកសង្កេតការណ៏ការជាតិ អន្តរជាតិរាប់រយនាក់ តាមឃ្លាំ​មើល​គ្រប់ការិយាល័យ។​​                                  ទាំងនេះសបញ្ជាក់ឲ្យឃើញថាប្រទេសកម្ពុជាពោរពេញដោយការ​បើកចំ​ហរ​យ៉ាង​ទូលាយនូវ​សិទ្ឋិ​​សេ​រី​ភាព​និងប្រជាធិបតេយ្យ ដែល​មិន​អាក្រក់​ដូចការ​មួល​បង្កាច់​ដោយ​ក្រុម​សមាគម​សិទ្ធិ​មនុស្ស​មួយចំ​នួន​នោះ​ទេ។ ផ្ទុយ​ទៅ​វិញភាព​ប៉ិន​ប្រសពក្នុង​ការ​ដឹក​នាំ​របស់​សម្តេចអគ្គមហាសេនាបតី​តេ​ជោ ហ៊ុន សែន​ នាយក​រដ្ឋមន្ត្រី បាន​នាំមក​នូវ​ទំ​នុក​ចិត្តដល់​ប្រទេស​ម្ចាស់​ជំ​នួយ ដែល​ក្នុង​ឆ្នាំ​ចុង​ក្រោយ​នេះ​ក្រុម​ប្រទេស​ទាំង​នេះ​បាន​ផ្តល់​ទឹក​ប្រាក់​ចំនួន​១១០០លានដុល្លាអាមេរិកដល់​កម្ពុជា​ នេះ​គឺ​ជា​ជោគ​ជ័យ​ដ៍ធំ​ធេង​របស់​រាជ​រដ្ឋាភិបាល។ ដូច្នេះ​ សកម្ម​ភាព​នាំ​គ្នា​ដង្ហែរក្បួន​តវ៉ា​ក្នុង​ទិ​វា​ សិទ្ធិ​មនុស្សថ្ងៃ​១០ ធ្នូ​ គឺ​ហាក់​បី​ដូច​ជា​ពួក​គេនាំ​គ្នាបំ​ផ្លាញ​សន្តិ​ភាព​នូវ​កម្ពុជា​ ឬអាច​ចាត់​ថា​ជា​ការ​ទាម​ទារ​សិទ្ធិ​សេរី​ផាព​ហួសព្រំ​ដែន​ ដែល​ពួក​គេ​ប្រៀប​បាននឹង​ក្រុម​ជន​ឱកាសនិយម​ ឆ្លៀត​កេង​ផល​ប្រយោជន៍បុគ្គល​សួន​តួតែ​ប៉ុណ្ណោះ គឺ​ពុំ​បាន​គិត​ពី​ផល​ប្រយោជន​ជាតិ​ជាធំ​នោះ​ទេ៕​
រួម ជាតិ

កម្ពុជានឹងធ្វើជាម្ចាស់ផ្ទះនៃកិច្ចប្រជុំសន្ធិសញ្ញា អូតាវ៉ា ស្តីពីបញ្ហាមីន និងកិច្ចប្រជុំអន្តរសភា (០៧/១២/២០១០)


នៅក្នុងពិធីប្រគល់សញ្ញាបត្រដល់ គ្រូបង្រៀន​កម្រិត​ឧត្ដម​(បរិញ្ញា+១)​ជំនាន់ទី ១៥ និង គ្រូ​បង្រៀន​​​កម្រិត​មូលដ្ឋាន ឯកទេស​ភាសា​បារាំង-ខ្មែរ​ជំនាន់ទី ១១ និង ទី១២​ជូន​ដល់​គរុ​និស្សិត និង គរុសិស្សនៃវិទ្យាស្ថានជាតិអប់រំសរុបចំនួន ១២៨០ នាក់ នាថ្ងៃទី០៦ ខែធ្នូ ឆ្នាំ២០១០ នៅ​វិទ្យាស្ថាន​​ជាតិ​​អប់រំ សម្ដេចអគ្គ​មហា​សេនា​បតីតេជោ ហ៊ុន សែន មាន​ប្រសាសន៍​ឲ្យ​ដឹង​ថា កម្ពុជានឹងធ្វើជាម្ចាស់​ផ្ទះនៃ​កិច្ចប្រជុំ​​សន្ធិសញ្ញា​ អូតាវ៉ា ស្ដីអំពី​បញ្ហាមីន និង​កិច្ចប្រជុំ​អន្ដរសភា  នា​ពេល​​ឆាប់ៗ​​ខាងមុខ​នេះ ។ ដោយ​បានមាន​​ប្រសាសន៍​​រំលឹក​អំពី​​ជោគ​ជ័យ​ក្នុងការ​រៀបចំ​ប្រជុំ​កម្រិត​​អន្តរជាតិ​ធំៗនា​ពេល​កន្លង​មក ពិ​សេ​ស​​គឺកិច្ចប្រជុំ​ស្តីពីគណបក្ស​​នយោ​បាយ​នៅ​អាស៊ី ( ICAPP ) ដែលមាន​ប្រតិភូប្រមាណជិត ៥០០ នាក់មក​ពីប្រទេស​ជាង ៤០ មកចូលរួម ក្នុងនោះមាន អតីតប្រធានាធិបតី អតីត​នាយករដ្ឋ​មន្ត្រី នាយករដ្ឋមន្ត្រីក្នុងតំណែងជាច្រើននោះសម្តេចតេជោនាយករដ្ឋ​មន្ដ្រីនៃព្រះរាជាណាចក្រកម្ពុជា បញ្ចាក់ថា កម្ពុជាមាន​លទ្ធភាព និងសមត្ថភាព​គ្រប់គ្រាន់​ក្នុងការទទួល និងរៀបចំធ្វើ​កិច្ច​ប្រជុំ​ផ្សេង​ៗ។
ឯកឧត្ដម ប្រាក់ សុខុន រដ្ឋមន្ដ្រីប្រតិភូអមនាយករដ្ឋមន្ដ្រី និង ជាអនុប្រធាន​អាជ្ញាធរមីន​កម្ពុជា  បានមានប្រសាសន៍កាលពីថ្ងៃទី ០៥ ខែធ្នូ ឆ្នាំ២០១០ នៅព្រលាន​យន្តហោះអន្តរជាតិ​ភ្នំពេញ​ក្នុង​ឱកាស​វិលត្រឡប់ពីកិច្ចប្រជុំប្រចាំឆ្នាំលើកទី ១០ នៃសន្ធិសញ្ញា អូតាវ៉ា នៅទីក្រុងហ្សឺណែវ ប្រទេស​ស្វីស​ឲ្យ​ដឹងថា ការធ្វើជាម្ចាស់ផ្ទះ និងធ្វើជាប្រធានអង្គប្រជុំនៃកិច្ចប្រជុំលើកទី ១១ នៃសន្ធិសញ្ញាអូតាវ៉ា វាជាឱកាសមួយដើម្បីបង្ហាញពីសមត្ថភាពរបស់កម្ពុជាក្នុងវិស័យមីននេះ ។ ឯកឧត្ដម​ប្រាក់ សុខុន មានប្រសាសន៍ថា វាក៏ជានិមិត្ដ​សញ្ញា​នៃ​ការ​ផ្ដល់​សេចក្ដី​ទុកចិត្ដ​ដ៏ខ្លាំង​មក​លើ​កម្ពុជា ដែលជាប្រទេស​​មួយ​ធ្លាប់​ទទួលរងគ្រោះដោយ​សារគ្រាប់​មីនលំដាប់​ថ្នាក់លេខ ៣ ឬលេខ ៤ នៅលើពិភពលោក ហើយបែរមកក្លាយ​ជា​ប្រទេសទី ១ ដែលជា​ម្ចាស់​ផ្ទះនៃ​កិច្ចប្រជុំស្ដីអំពី​មីន​នេះ ។
ឯកឧត្ដម ប្រាក់ សុខុន ថ្លែងថា ការបង្ហាញ​ពីបទពិសោធន៍​របស់កម្ពុជា​ក្នុងការ​បោសសម្អាតមីន និងលទ្ធផល​ជាក់ស្ដែង​ដែលយើង​អនុវត្ដបាននោះ​បានធ្វើឱ្យប្រទេស​ជាច្រើននៅ​ក្នុងកិច្ចប្រជុំ​លើកទី ១០ គាំទ្រកម្ពុជាជាម្ចាស់​ផ្ទះនៃកិច្ចប្រជុំ​លើកទី ១១ ដែលប្រព្រឹត្ដទៅនៅចុងឆ្នាំនេះ ។
ឯកឧត្ដម ប្រាក់ សុខុន ថ្លែងថា បទពិសោធន៍មួយទៀតដែលនាំឱ្យមានការគាំទ្រ​ឲ្យកម្ពុជា​ធ្វើជាម្ចាស់ផ្ទះសម្រាប់ កិច្ចប្រជុំ​លើក​ទី​ ១១ នៃសន្ធិសញ្ញាអូតាវ៉ា ដែលមានប្រទេសចំនួន ១៥៦ ជា​សមាជិក​​នោះ​គឺការ​ថយចុះ​នៃ​ចំនួន​ជនរង​គ្រោះ​ដោយសារតែគ្រាប់មីននៅកម្ពុជា ។ នៅឆ្នាំ ១៩៩៦ ចំនួនជន​រងគ្រោះ​ដោយសារ​គ្រាប់​មីន​​មានចំនួន ៤៣២០ នាក់ហើយ នៅក្នុងឆ្នាំ ២០០៩ ចំនួនជនរង​គ្រោះ​ដោយ​សារមីនមានចំនួនតែ ២៤៤ នាក់ប៉ុណ្ណោះ ដែលចំនួននេះបានថយចុះជិត ២០ ដងឯណោះ ។
 ឯកឧត្ដមរដ្ឋមន្ដ្រីប្រតិភូអម​នាយក​រដ្ឋ​មន្ដ្រីថ្លែងថា នៅឆ្នាំ ២០០៩ កន្លង មកកម្ពុជាបានបោស​សម្អាត​មីន​លើស ២ ដងនៃផែនការ​ជាង ៣០ គីឡូម៉ែត្រក្រឡា រហូតដល់ជាង ៧០ គីឡូម៉ែត្រក្រឡា និង បានជួយ​ទំនុក​​បម្រុង​ជនរង​គ្រោះ​ដោយ​សារមីន។ នៅក្នុងកិច្ចសហប្រតិបត្ដិការអន្ដរជាតិ និង ក្រោមឆ័ត្រ​អង្គការសហប្រជាជាតិ កម្ពុជាបានបញ្ជូនកងកម្លាំងនៃអង្គភាពដោះមីន​ទៅកាន់ប្រទេស​ស៊ូដង់ សាធា​រណ​​រដ្ឋ​​អាហ្វ្រិក​កណ្ដាល ប្រទេសឆាត និងទៅកាន់ប្រទេសលីបង់ ដែលរួមមានទាំង​គ្រឿង​ចក្រ​ដោះមីន​ផងដែរ ។