Friday, December 17, 2010

អង់គ្លេស​ផ្តល់ជំនួយ សង្គ្រោះ​វិបត្តិ​ថវិកា​នៅ​តុលាការ​ខ្មែរក្រហម ក្នុង​ខែ​ធ្នូ​នេះ​

ដោយ : លីហូវ
 រដ្ឋាភិបាល​នៃ​ចក្រភព​អង់គ្លេស បាន​អះអាង​បញ្ជាក់​ពី​ការផ្តល់​ជំនួយ​ថវិកា​ចំនួន ២១៥.០០០ ផោន ស្មើ​ប្រមាណ ៣៣៤.០០០ ដុល្លារ​អាមេរិក ដល់​តុលាការ​ខ្មែរក្រហម ដើម្បី​បំពេញ​តម្រូវការ​ខាង​ភាគី​កម្ពុជា ក្នុង​ចន្លោះ​រយៈពេល​រង់ចាំ​ការមកដល់​នៃ​ជំនួយ​ពី​ប្រទេស​ផ្តល់​ជំនួយ​ផ្សេងៗ​ទៀត​។ នេះ​បើ​តាម​សេចក្តីប្រកាស​ព័ត៌មាន របស់​តុលាការ​ខ្មែរក្រហម នា​រសៀល​ថ្ងៃ​ទី​១៧ ខែ​ធ្នូ ឆ្នាំ​២០១០​។​

​    ​សេចក្តីប្រកាស​ព័ត៌មាន បាន​លើកឡើង​ថា ក្នុង​លិខិត​ផ្ញើរ​ជូន​លោក ក្រាញ់ តូ​នី ប្រធានការិយាល័យ​រដ្ឋ​បាល​ស្តីទី​នៃ​តុលាការ​ខ្មែរក្រហម លោក​ឯកអគ្គរាជទូត​អង់គ្លេស អេន​ឌ្រូ ម៉េស បាន​ជម្រាបជូន​ថា រាជរដ្ឋាភិបាល​អង់គ្លេស មាន​ឆន្ទៈ​ខ្ពស់​ក្នុង​ការគាំទ្រ​កិច្ចការ​របស់​តុលាការ​ចម្រុះ​កាត់ទោស​មេដឹកនាំ​ខ្មែរក្រហម ក្នុង​ខណៈ​ដែល​តុលាការ​នេះ កំពុងតែ​បោះជំហាន​ទៅរក​ដំណាក់កាល​ដ៏​សំខាន់​មួយទៀត​នៃ​អាណត្តិ​ការងារ​របស់​ខ្លួន​។​
​    ​សេចក្តីប្រកាស​ដដែល បាន​កត់សម្គាល់​ថា ចក្រភព​អង់គ្លេស ស្ថិតក្នុង​ចំណោម​ប្រទេស​ម្ចាស់​ជំនួយ​សំខាន់ៗ ដែល​បាន​ផ្តល់​ការគាំទ្រ​ចំពោះ​តុលាការ​ចម្រុះ​កាត់ទោស​មេដឹកនាំ​ខ្មែរក្រហម តាំង​ពី​តុលាការ​នេះ បាន​បង្កើតឡើង នៅ​ឆ្នាំ​២០០៦​។ មកដល់​បច្ចុប្បន្ន ថវិកា​ដែល​តុលាការ​កាត់ទោស​មេដឹកនាំ​ខ្មែរក្រហម បាន​ទទួល​ពី​ចក្រភព​អង់គ្លេស មាន​ចំនួន ៣,៧ លាន​ដុល្លារ​អាមេរិក​។​
​    ​លោក ឌឹ​ម សុ​វណ្ណា​រុំ អ្នកនាំពាក្យ​តុលាការ​ខ្មែរក្រហម បានបញ្ជាក់​ថា ថវិកា​ជំនួយ​របស់​ចក្រភព​អង់គ្លេស​នេះ បាន​ជួយ​បំពេញ​នូវ​កង្វះ​ថវិកា​របស់​ភាគី​កម្ពុជា នៅក្នុង​ខែ​ធ្នូ​នេះ​។​
​    ​ភាគី​កម្ពុជា ក្នុង​តុលាការ​ខ្មែរក្រហម ត្រូវ​ចំណាយ​មួយ​ខែៗ​ប្រមាណ ៤៨៥,០០០ ដុល្លារ​អាមេរិក លើ​ប្រាក់ខែ​បុគ្គលិក​កម្ពុជា​ប្រមាណ ២៩៤ នាក់​។​
​    ​តាមរយៈ​ការអំពាវនាវ​របស់​អគ្គ​លេខាធិការ​អង្គការសហប្រជាជាតិ លោក បាន គីមូន នៅក្នុង​កិច្ចប្រជុំ ស្តីពី ការសន្យា​ផ្តល់​ជំនួយ ដល់​សាលាក្តី​ខ្មែរក្រហម នៅ​ទីស្នាក់ការ​អង្គការសហប្រជាជាតិ នា​បូរី​ញូវយ៉ក សហរដ្ឋអាមេរិក កាលពី​ថ្ងៃ​ទី​២៥ ខែ​ឧសភា ឆ្នាំ​២០១០ ប្រទេស​ម្ចាស់​ជំនួយ បានប្រកាស​សន្យា​ផ្តល់​ថវិកា​ដល់​សាលាក្តី​ខ្មែរក្រហម ចំនួន ១៦,៩ លាន​ដុល្លារ​អាមេរិក​។ ក្នុងនោះ ភាគី​កម្ពុជា ទទួលបាន​ប្រាក់​ចំនួន ៣,៤ លាន​ដុល្លារ​។ ចំណែក​ភាគី​អង្គការសហប្រជាជាតិ ទទួលបាន​ប្រាក់ ១៣,៥ លាន​ដុល្លារ​អាមេរិក​។​    ​    ​    ​
​    ​តុលាការ​ឧក្រិដ្ឋកម្ម ដែល​គាំទ្រ​ដោយ​អង្គការសហប្រជាជាតិ​នេះ ត្រូវការ​ថវិកា​ជាង ២១ លាន​ដុល្លារ​អាមេរិក នៅ​ឆ្នាំ​២០១០​នេះ ដែល​រួមមាន ថវិកា ១៤,៦ លាន​ដុល្លារ​អាមេរិក សម្រាប់​ភាគី​អន្តរជាតិ និង​ថវិកា​ជិត ៦,៥ លាន​ដុល្លារ​អាមេរិក សម្រាប់​ភាគី​កម្ពុជា​៕

កម្ពុជា​ទទួលបាន​ជំនួយឥតសំណង​និង​កម្ចី​សម្បទាន​សន្ធឹកសន្ធាប់​ពី​ប្រទេស​ចិន​

ដោយ : រតនា
ក្នុង​ដំណើរ​ទស្សនៈកិច្ច​ផ្លូវការ​នៅ​សាធារណៈរដ្ឋ​ប្រជាមានិត​ចិន រយៈពេល​៥​ថ្ងៃ សម្ដេច​តេជោ ហ៊ុន សែន នាយករដ្ឋមន្ដ្រី​កម្ពុជា​បាន​អញ្ជើញ​វិលត្រឡប់​មក​ដល់​មាតុភូមិ​វិញ​នៅ​ម៉ោង​១១​និង​២០​នាទី​ព្រឹក​ថ្ងៃទី ១៧ ខែ ធ្នូ ឆ្នាំ ២០១០ នេះ​ដោយ​ទទួលបាន​ជំនួយ​ឥត​សំណង​របស់​រដ្ឋាភិបាល​ចិន​ចំនួន ១០០ លាន​យន់ និង​កម្ចី​សម្បទាន​ចំនួន​៣០០ លាន​ដុល្លា​អាមេរិក​។​

​លោក ហោ ណាំហុង បាន​មានប្រសាសន៍​ឲ្យដឹងថា ដំណើរ​ទស្សនៈកិច្ច​ផ្លូវការ​របស់​សម្តេច​តេជោ ហ៊ុន សែន នៅ​ប្រទេស​លើក​នេះ បាន ផ្តល់​នូវ​សារៈសំខាន់​យ៉ាងខ្លាំង​ដោយ​មេដឹកនាំ​ចិន​បាន សម្រេច​ប្រែក្លាយ​ភាគ​ជា​ដៃគូ​សហប្រតិបត្តិការ​យុទ្ធសាស្ត្រ ។ លោក ហោ ណាំហុង​បាន​សង្កត់ធ្ងន់ ថា សហប្រតិបត្តិការ​ជា​យុទ្ធសាស្ត្រ​នេះ​មានន័យថា​ជា​កិច្ចសហប្រតិបត្តិការ​គ្រប់​ជ្រុងជ្រោយ ដែល​ចាប់ផ្តើម​ពី​កិច្ចសហប្រតិបត្តិការ​ជិតខាង​គ្នា​ល្អ ឈានដល់​កិច្ចសហប្រតិបត្តិការ​គួរ​ទុកចិត្ត​គ្នា និង ចុងគ្រោយ​នេះ​គឺ​កិច្ចសហប្រតិបត្តិការ​ជា​យុទ្ធសាស្ត្រ ។ 

​លោក ហោ ណាំហុង បានឲ្យដឹង​ថា​កម្ចីសម្បទា​ន​នោះ​សម្រាប់​អនុវត្ត​គំរោង​ចំនួន​៣ នៅក្នុង​ឆ្នាំ ២០១០ ដែល​រួមមាន គំរោង​កសាង​ផ្លូវជាតិ​លេខ​២១៤ ពី​ក្រុង​ត្បែងមានជ័យ ខេត្ត​ព្រះវិហារ  ទៅកាន់ ស្រុក​ថា​ឡា​បរិ​វ៉ាត់ ក្នុង​ខេត្ត​ស្ទឹងត្រែង ដែលមាន ទឹកប្រាក់ ១០០ លាន​ដុល្លា​អាមេរិក , គំរោង​កសាង​ផ្លូវ ជាតិ​លេខ ៧៦ ពី ក្រុង​សែន​មនោ​រម្យ ខេត្ត​មណ្ឌលគិរី ទៅ តា​អង ក្នុង​ខេត្ត​រតនៈគិរី ក្នុង​ទឹកប្រាក់ ១០០ លាន​ដុល្លា​អាមេរិក និង គំរោង​អភិវឌ្ឍន៍​ប្រព័ន្ធធារាសាស្ត្រ ទន្លេ​វ៉ៃកូ ក្នុង​ខេត្ត​ស្វាយរៀង​ជំហាន​ទី ដែល មាន​ទឹកប្រាក់​ចំនួន ១០០ លាន​ដុល្លា​អាមេរិក ហើយ​ដែល​ប្រព័ន្ធ​ធានា​សាស្ត្រ​នៅទីនេះ អាច​ស្រោច ស្រព​ផ្ទែដី​ស្រែ​ចំនួន ៣ សែន​ហិច​តា ទាំង ប្រាំង វស្សា ។ 

​ជាមួយគ្នា​នេះ​មេដឹកនាំ​ប្រទេស​ទាំង​ពីរ​បាន ឯកភាព​គ្នា​ថា​និង​ជំរុញ​ពាណិជ្ជកម្ម​ប្រទេស​ទាំង​ពីរ ដែល​ក្នុង​ឆ្នាំ ២០១០ នេះ​ទទួលបាន​ទឹកប្រាក់​ចំនួន ១១០០ លាន​ដុល្លា​ហើយ ៗ ភាគី​ទាំងពីរ​បាន​ឯកភាព​គ្នា​ថា ឆ្នាំ ២០១៥ ខាងមុខ​និង​ជម្រុញ​ការផ្លាស់ប្តូរ ពាណិជ្ជកម្ម​រវាង​ប្រទេស​ទាំងពី​ឲ្យបាន​កើន​ដល់ ២៥០០ លាន​ដុល្លា​អាមេរិក ៕
  
​លោក ហោ ណាំហុង បាន​ធ្វើ​ការកត់សំគាល់​ទៀត​ថាៈ​ប្រទេស​ចិន​បាន​សំរេច​ក្នុងការ​ទិញយក ផលិតផល​កសិកម្ម​ពី​កម្ពុជា​ឲ្យបាន ច្រើន​ដែល​ក្នុងនោះ​បាន​ចុះ​កិច្ចព្រមព្រៀង​រួចហើយ​ទី​១ នាំ​អង្ករ​ចូល បន្ទាប់​មក​ដំឡូង​មី  ពោត និង សណ្តែក ។ លោក​បន្តថា​ប្រទេស​ចិន​មាន​ប្រជាជន​ចំនួន ១៣០០ លាន នាក់​ដូចនេះ​ជា​ទីផ្សារ​កសិកម្ម​ដ៏​ធំ​មួយ សំរាប់​កសិករ​កម្ពុជា ។​

​ហើយ​ចិន​បាន​សំរេច​ជួយ​កសាង​មន្ទីរ ពិសោធន៍​គុណភាព​ផលិតផល​កសិកម្ម​ដល់​កម្ពុជា ដែល​ជា​ការជួយ​ជំរុញ​ឲ្យ​ផលិតផល​កសិកម្ម​កម្ពុ​ជា មាន​ស្តង់ដារ​សំរាប់​បំរើ​ឲ្យ​ការនាំចេញ​។ ជាមួយ​នេះ​ប្រទេស​ចិន​ក៏​បាន​សម្រេច​ផ្តល់​អាហារូបករណ៍​ដល់ និស្សត​កម្ពុជា​ក្នុង ១ ឆ្នាំ​ចំនួន ២០០ នាក់ ។ នៅក្នុង​ជំនួប​នោះ​ដែល លោកនាយក​រដ្ឋមន្ត្រី ចិន ក៏បាន ជម្រាបជូន​សម្តេច​តេជោ ហ៊ុន សែន អំពី​គំរោង​ប្លង់​សិក្សា​ការសាងសង់​ផ្លូវដែក​( សឹង្ហ​បុរី គន់​មី​ញ ) កំណាត់​ផ្លូវ​ដែក​ឆ្លងកាត់​កម្ពុជា​ត្រូវបាន​ចិន​សិក្សា​ចប់​ហើយ ៗ ភាគី​ចិន​និង​ពិភាក្សា​លើ​ការសាងសង់ កំណាត់​ផ្លូវ​នេះ​នៅពេល​ខាងមុខ ។ 

​សម្ដេច​តេជោក៏បាន​លើក​ស្នើ​ទៅ​នាយក​រដ្ឋមន្ត្រី​ចិន​អំពី​បញ្ជី​គំរោង ភិ​វឌ្ឍន៍​ហេ​ដ្ឋា​រចនាសម្ពន្ធ័​រូបវ័ន្ដ​ទាំង ១៦ ដែល​ជា​គំរោង​ពហុ​ឆ្នាំ និង ជា​ផែនការ​សំរាប់​៥​ឆ្នាំ “២០១០-២០១៤”​រួម​មាន​គំរោង​គ្រប់គ្រង​គ្រោះមហន្ដរាយ និង ប្រឆាំង​ភេរវកម្ម គំរោង​សាងសង់​ផ្លូវដែក និង គំរោង​អគ្គិសនី​ជនបទ​មាន​ទឹកប្រាក់​ប្រមាណ​ពី​១៥០០ លាន​ដុល្លា​អាមេរិក ។ 

​នៅក្នុង​ជំនួប​ចរចារ​ទ្វេភាគី លោក  វេន ជា​ប៉ាវ និង សម្ដេច​តេជោ ហ៊ុន សែន បាន​ធ្វើ​ការប្ដេជ្ញា រួម​គ្នា​ថា និង ជំរុញ​កិច្ចសហប្រតិបត្ដិការ​នៃ​ប្រទេស​ទាំង​ពីរ​កម្ពុជា​-​ចិន ឱ្យ​កាន់តែ​រឹងមាំ​ថែម​ទៀត​ទាំង ក្នុង​ក្របខណ្ឌ​ទ្វេភាគី ពហុភាគី តំបន់ និង ពិភពលោក ដែល​មាន​ការ​យកចិត្ដទុកដាក់​ដូច​គ្នា​៕

សម្តេចឪ និង​សម្តេច ហ៊ុន សែន មិន​ពិភាក្សា​រឿង​សម្តេចក្រុមព្រះ​ទេ

ដោយ : រតនា 
ភ្នំពេញ​: សម្តេចឪ និង​សម្តេច​តេជោ ហ៊ុន សែន មិន​បាន​ពិភាក្សា​រឿង​សម្តេចក្រុមព្រះ​ចូល​ធ្វើ​នយោបាយ​វិញ​ទេ​។ នេះ​បើ​យោងតាម​ប្រសាសន៍​របស់​ឯកឧត្តម ហោ ណាំហុង រដ្ឋមន្ត្រីការបរទេស​ដែល​បាន​ថ្លែង​ប្រាប់​ក្រុមអ្នកកាសែត​នៅ​ឯ​ព្រលានយន្តហោះ​ភ្នំពេញ​នៅ​ព្រឹក​មិញ​នេះ​។​

​ការ​ថ្លែង​បែប​នេះ​បន្ទាប់ពី​គណៈប្រតិភូ​ជាន់ខ្ពស់​កម្ពុជា​ដឹកនាំ​ដោយ​សម្តេច​តេជោ ហ៊ុន សែន បាន​វិលត្រឡប់​ពី​ប្រទេស​ចិន​វិញ​មកដល់​កម្ពុជា​ដោយ​សុវត្ថិភាព​នៅវេលា​ម៉ោង​១១​និង​២០​នាទី​ថ្ងៃ​ទី​១៧​ធ្នូ​នេះ​។ មុន​នេះ​បន្តិច​មាន​ការស្ស័យថា សម្តេចឪ នរោត្តម សីហនុ និង​សម្តេច​ហ៊ុន សែន ប្រាកដ​ជា​ពិភាក្សា​អំពី​អនាគត​នយោបាយ​របស់​សម្តេចក្រុមព្រះ​ជាមិនខាន ខណៈ​ដែល​សម្តេច​នាយក​រដ្ឋមន្ត្រី​ចូលគាល់​អតីតព្រះមហាក្សត្រ​នៅ​ព្រះរាជដំណាក់​ប៉េកាំង​។ 

​ប៉ុន្តែ បើ​យោង​តាម​សំដី​របស់​លោក​ហោ ណាំហុង ប្រធានបទ​នេះ​មិន​ត្រូវបាន​លើក​មក​និយាយ​ឡើយ​។ យ៉ាងណាក៏ដោយ លោក​រដ្ឋមន្ត្រី​ការបរទេស​បានបញ្ជាក់​ថា ការចូល​ឆាកនយោបាយ​វិញ​ជា​សិទ្ធិ​របស់​សម្តេច​ក្រុមព្រះ នរោត្តម រណប្ញ​ទ្ធិ ប៉ុន្តែ ព្រះអង្គ​ត្រូវ​តែ​ឈប់​ពី​តំណែង​ប្រធាន​ឧត្តម​ប្រឹក្សា​ព្រះមហាក្សត្រ​ដើម្បី​កុំឲ្យ​ពាក់ពន្ធ័​ដល់​ព្រះរាជវាំង​៕

PRESS RELEASE: United Kingdom contributes £ 215,000 to Cambodian side of the ECCC

17 Dec 2010
  
The British government has confirmed the contribution of £215,000 (approximately US$ 334,000) to the Extraordinary Chambers in the Courts of Cambodia (ECCC) to bridge some of the needs of the national side of the court until other donor contributions come on stream.

In his letter to H.E. Tony Kranh, Acting Director of Administration of the ECCC, H.M. Ambassador Andrew Mace conveyed that the British Government is committed to support the work of the ECCC as it enters upon the next vital phase of its work.

The United Kingdom is one of the ECCC’s key donors and has been supporting the ECCC since the tribunal’s establishment in 2006. To date, the United Kingdom has provided financial contribution exceeding US $3.7 million to the ECCC.

Mr Kranh, in his letter, expressed his “deepest gratitude” to the United Kingdom for the continued support to the ECCC in general and in particular the UK Embassy in Phnom Penh.

For further information please contact:


Reach Sambath
Chief of Public Affairs, ECCC 
Mobile: +855-12 488 156
Fax: +855-23 219 841
Email: reach.sambath@eccc.gov.kh


Dim Sovannarom
Press Officer, ECCC
Mobile: +855-12 488 094
Fax: +855-23 219 841
Email: dim.sovannarom
@eccc.gov.kh