អ្នកទោសនៅក្នុងពន្ធនាគារខេត្តព្រះសីហនុ កំពុងទទួលបានការបណ្តុះបណ្តាល (រូបភាពឯកសារ)
ភ្នំពេញ: មន្ត្រីនាយកដ្ឋានពន្ធនាគារម្នាក់បាននិយាយប្រាប់អ្នកកាសែតថា អ្នកទោស៨៤នាក់បានស្លាប់នៅទូទាំងប្រទេសក្នុងឆ្នាំ២០១០ ក្នុងចំណោមអ្នកទោសជាង ១៤.០០០នាក់ដែលកំពុងជាប់ពន្ធនាគារ។
យោងតាមតួលេខនាយកដ្ឋានពន្ធនាគារ មានអ្នកទោស៣៥នាក់ស្លាប់ក្នុងឆ្នាំ២០០៧ និង៥៩នាក់ស្លាប់ក្នុងឆ្នាំ២០០៨ ហើយ៦០នាក់ស្លាប់ ឆ្នាំ២០០៩ ។ ក្រុមមន្ត្រីរដ្ឋាភិបាល បាននិយាយកាលពីឆ្នាំមុនថា ពន្ធនាគារចំនួន២៤ នៅក្នុងប្រទេសកម្ពុជា អាចផ្ទុកអ្នកទោសច្រើនបំផុតបានចំនួនប្រហែល ៨.០០០ នាក់ ។
មន្ត្រីនៃអគ្គនាយកដ្ឋានពន្ធនាគារក្រសួងមហាផ្ទៃឲ្យដឹងថា ពន្ធនាគារខេត្តកំពង់ចាម និងមណ្ឌលកែប្រែ ម១ ក្នុងពន្ធនាគារព្រៃស មានអ្នកទោស ស្លាប់ច្រើនជាងគេបំផុតកក្នុងឆ្នាំ២០១០ ពោលគឺពន្ធនាគារខេត្តកំពង់ចាម មានអ្នកទោសស្លាប់ចំនួន ១៥នាក់ និងមណ្ឌលកែប្រែ ម១ ក្នុងពន្ធនាគារព្រៃស មានអ្នកទោសស្លាប់ចំនួន ១០នាក់ ។
អ្នកទោសដែលស្លាប់ភាគច្រើនដោយសារជំងឺលើសឈាម និងជំងឺដាច់សរសៃឈាមក្នុងខួរក្បាល ។ អ្នកទោសភាគច្រើនមានជំងឺរ៉ាំរ៉ៃ នៅពេលពួកគេត្រូវបញ្ជូនទៅពន្ធនាគារ ។ នៅពេលដែលពួកគេត្រូវឃុំខ្លួន សិទ្ធិរបស់ពួកគេមានកំណត់ដូច្នេះពួកគេមានការព្រួយបារម្ភ ។ ការព្រួយបារម្ភរបស់ពួកគេបណ្តាលឲ្យមានជំងឺលើសឈាមហើយងាយនឹងបង្កឲ្យមានជំងឺដាច់ សរសៃឈាមក្នុងខួរក្បាលណាស់។ នេះបិតាមការអះអាងរបស់មន្ត្រីពន្ធនាគារ។
ប៉ុន្តែ អង្គការសិទ្ធិមនុស្សបានស្តីបន្ទោសលើស្ថានភាពតូចចង្អៀតនៃមន្ទីរឃុំឃាំងនិងកង្វះការយកចិត្តទុកដាក់ ផ្នែកសុខភាព របស់ពន្ធនាគារ៕
No comments:
Post a Comment