Thursday, December 16, 2010

សម្តេចហ៊ុនសែននឹងមកដល់វិញ នៅថ្ងៃស្អែកនេះ

ចិនសន្យាថានឹងជួយអោយ ក្រុមហ៊ុនចិនជួយពង្រីកការ អភិវឌ្ឍន៍កម្ពុជា និងជួយអោយក្រុមហ៊ុនចិនកសាងតំបន់ សេដ្ឋកិច្ចពិសេសៗ សម្រាប់កម្ពុជា។ កម្ពុជានិងចិនបាន ជំរុញកិច្ចវិនិយោគអោយ ឡើងខ្ពស់ដល់ចំនួន២ចុច៥ពាន់ លានដុល្លារអាមេរិកទៅ ដល់ឆ្នាំ ២០១៥។ ចិនបានសន្យាថា នឹងបន្តជួយកម្ពុជាក្នងការអភិវឌ្ឍន៍ សេដ្ឋកិច្ចថែម ទៀត។ នៅប្រទេសចិនសម្តេចនជួប មេដឹកនាំចិន និងបាន ចុះហត្ថលេខា លើកិច្ច ព្រម ព្រៀងចំនួន១៣ ដើម្បីការអភិវឌ្ឍន៍ហេដ្ឋារចនាសម្ព័ន្ធ ហិរញ្ញវត្ថុ កិច្ច សហប្រតិបត្តិ ការណ៍ភាពជាដៃគូកិច្ច សហប្រតិ បត្តិការយុទ្ធសាស្ត្រ ច្បាស់លាស់រឹងមាំ ។ សម្តេចបានជួបជាមួយនឹងនាយករដ្ឋមន្ត្រីចិន លោកវិន ជាបាវ ប្រមាណ ៨០នាទី នៅថ្ងៃទី១៣ធ្ន។ កិច្ចព្រមព្រៀង ទាក់ទងនឹងជំនួយ របស់ចិនកសាងផ្លូវជាតិប្រវែង៣០០គីឡូម៉ែត្រ ពីផ្លូវជាតិលេខ៤ទៅ ជុំគីរី ខេត្តកំពត និងប្រឡាយមួយខ្សែ។ កិច្ចព្រម ព្រៀងរួមទាំងកសាង ស្ពានជ្រោយចង្វារមួយទៀត និងស្ពានមួយដែល ឆ្លងកាត់តាខ្មៅនិង ទន្លេបាសាក់ និងការកសាងរោងចក្រអគ្គិសនី ប្រើឋាមពលធ្យូងថ្ម។ កម្ពុជា នឹងយកផលិតផលដំឡូងមី ចូលទៅប្រទេសចិនវិញ និងបានស្នើលើការនាំពោតចូលថែម ទៀតផងដែរ។
ក្នុងអំឡុងទស្សនកិច្ចនេះដែរ សម្តេចនិងគណៈប្រតិភូ បានគាល់ព្រះ មហាវីរៈក្សត្រនិងសម្តេចម៉ែ ដែលកំពុងគង់នៅប៉េកាំង។ ព្រះមហា វីរក្សត្រ នាពេលនោះ បានមានបន្ទូលសម្តែងការគាំទ្រសម្តេចហ៊ុន សែនបន្តធ្វើជាប្រមុខដឹកនាំរាជរដ្ឋាភិបាល រហូតដល់ព្រះអង្គអស់ ព្រះជន្ម។

ស្ថានការណ៍​នៅ​ព្រះវិហារ​ស្ថិតក្នុង​សភាព​ប្រុង​ជើងការ​ឡើងវិញ​

នៅថ្ងៃនេះ ទាហាន​ថៃ​បាន​ព្យាយាម​ចូល​មក​វត្ត​កែវ​សិក្ខា​គី​រី​ស្វារៈជាថ្មី បន្ទាប់ពី​បាន​ដកថយ​អស់​រយៈពេល​ពីរ​សប្តាហ៍​មក​។ នេះ​បើ​យោងតាម​ប្រភព​ពី​ព្រះវិហារ និង​មន្ត្រី​រដ្ឋាភិបាល​។ 

​ការប៉ុនប៉ង​ចូល​មក​បោះ​ទីតាំង​នៅក្នុង​វត្ត​កែវ​សិក្ខា​គី​រី​ស្វា​រៈពីសំណាក់​ទាហាន​ថៃ​ត្រូវ​បាន​រារាំង​ដោយ​ទាហាន​កម្ពុជា​។  ហេតុការណ៍​នេះ​បាន​នាំ​ឲ្យ​ថៃ​បន្ថែម​កម្លាំង​ទ័ព​កាន់តែ​ច្រើន​នៅ​តាម​ជាយដែន​ដែល​នាំ​ឲ្យ​ស្ថានការណ៍​ស្ថិតក្នុង​ភាព​ប្រុង​ជើងការ​រៀងៗ​ខ្លួន​ម្តងទៀត​។ យ៉ាងណាក៏ដោយ មន្ត្រី​រដ្ឋាភិបាល​អះអាង​ថា ស្ថានការណ៍​មិនជា​តឹងតែង​ពេក​ទេ​។​

​គួររំលឹកថា បន្ទាប់​ពី​ជំនួប​៤​លើក​រវាង​នាយករដ្ឋមន្ត្រី​កម្ពុជា​និង​ថៃ ទំនាក់ទំនង​ការទូត​រវាង​ប្រទេស ទាំងពីរ​បាន​ឈានទៅរក​ភាព​ធូរស្រាល​ជា​បន្តបន្ទាប់​រហូត​ដល់​ភាគី​ទាំងពីរ​បាន​ព្រមព្រៀង​ដក​ទព័​ចេញពី​វត្ត​កែវ​សិក្ខា​គី​រី​ស្វា​រៈ​។ សម្តេច​តេជោ​ហ៊ុន សែន​បាន​មានប្រសាសន៍​កាលពី​សប្តាហ៍​មុន​ថា ស្ថានការណ៍​នៅ​ព្រះវិហារ​បាន​វិល​ទៅរក​មុន​ថ្ងៃ​១៥​កក្កដា​ឆ្នាំ​២០០៨​វិញ​ហើយ​។ 

​តែ​ឥឡូវនេះ​ស្រាប់តែ​មាន​ព័ត៌មាន​មិន​សូវ​ល្អ​ឡើងវិញ​។ អ្វី​ដែល​គួរឲ្យ​កត់សម្គាល់​នោះ​គឺ​កម្ពុជា​និង​ថៃ​កំពុង​រៀបចំ​រំលឹក​ខួប​ទី​៦០​ឆ្នាំ​នៅ​ចុង​សប្តាហ៍​នេះ​ដែល​នឹង​មាន​ការប្រគុំ​តន្ត្រី​រួមគ្នា​នៅ​សាលសន្និសីទ​ចតុមុខ ហើយក៏​មាន​ការផ្សាយ​បន្ត​ផ្ទាល់​តាម​ទូរទស្សន៍​ទៅ​ប្រទេស​ថៃ​ផងដែរ​៕

ប្រជាជនបានអបអរសាទរចំពោះ ការចាត់វិធាន ការណ៍ដាក់ទោស ប្រធានពន្ធនាគារ ខេត្តបន្ទាយមានជ័យ

អាជ្ញាធរបានចាប់ខ្លួនមន្ត្រីសង្ស័យ ស៊ីសំណូកពុករលួយម្នាក់ទៀត ដែលជាជនសង្ស័យទី២បន្ទាប់ ពីការចាប់ខ្លួនព្រះរាជអាជ្ញា ខេត្តពោធិសាត់ ។ មន្ត្រីជាប់ពីបទស៊ីសំណូកពុករលួយ ដែលអាជ្ញាធរចាប់ខ្ញួន ឈ្មោះ នួន វណ្ណាដែលជាប្រធានពន្ធនាគារ ខេត្ត បន្ទាយមានជ័យ មានអាយុ៤៩ឆ្នាំ មានទីលំនៅនៅភូមិគាប សង្កាត់ ទឹក ថ្លា ក្រុងសេរីសោភ័ណ ខេត្តបន្ទាយមានជ័យ ត្រូវគេចោទពីបទ ទទួលសំណូករាប់ពាន់ដុល្លារដើម្បីដោះលែងទណ្ឌិតម្នាក់ដែលមានទោសពី បទឧក្រិដ្ឋ។ អាជ្ញាធរបានចាប់ខ្លួន ឈ្មោះនួនវណ្ណានេះ តាំង ពីថ្ងៃទី៨ធ្ន ឆ្នាំ ២០១០នោះមក។ មិនមានសេច ក្តីរាយការណ៍បញ្ជាក់ ថា ហេតុអ្វី បានជាឈ្មោះនួនវណ្ណាដែលមាន ទីលំនៅក្នងខេត្តបន្ទាយ មានជ័យ ត្រូវគេបញ្ជូនទៅដាក់ឃុំក្នងខេត្ត សៀមរាបនោះឡើយ។ ជន ជាប់ចោទ នួនវណ្ណា ជាប់ពាក់ព័ន្ធពីបទ ដោះលែងឧក្រិដ្ឋជនជាទណ្ឌិត ម្នាក់ដែលជាខ្មែរសញ្ជាតិអាមេរិក ឈ្មោះ អាឡិចសាន់ឌ័រ ព្រឿនដែល មានទោស ពីបទបង្ខាំងមនុស្សខុសច្បាប់ ។ សេចក្តីរាយការណ៍ថា ឈ្មោះនួនវណ្ណានេះ បានបដិសេធថាមិនបានទទួលលុយរាប់ពាន់ ដុល្លារនោះទេ ចំណេកឧក្រិដ្ឋ ជនឈ្មោះអាឡិចសាន់ឌ័រ ព្រឿងនោះ គឹបានរត់ចេញនៅពេលអនុញ្ញាតអោយចេញទៅព្យាបាលធ្មេញ នៅ ក្រៅគុក។សេចក្តីរាយការណ៍ពីអង្គការសិទ្ធិមនុស្ស និយាយថាទណ្ឌិត អាឡិច សាន់ឌ័រ ព្រឿង ត្រូវគេប្រទះឃើញច្រៀងខារ៉ាអូខេ នៅក្លឹប កំសាន្តមួយ ឈ្មោះ ហ្គោលថោន ក្នុងខេត្តបន្ទាយមានជ័យ។
មិនមានសេចក្តីរាយការណ៍ថាតើ អាឡិច សាន់ឌ័រ ព្រឿន ដែលគេ បានដោះលែងដោយសារតែផ្តល់ សំណូកនោះ កំពុងស្ថិតនៅទីណា ពិតប្រាកដនោះទេ។ ការចាប់ខ្លួនមន្ត្រីសង្ស័យ ប្រព្រឹត្តិអំពើពុករលួយ ស៊ីសំណូកនេះ បានធ្វើអោយមានការអបអរសាទរជាខ្លាំងពីប្រជាជន នៅខេត្តបន្ទាយមានជ័យ។

បន្ទាយមានជ័យ​.​ស្រះកែវ​ ​ប្រារព្ធ​ការ​សាទរ​នឹង​ការលើកលែង​ទិ​ដ្ឋ​ការ

ដោយ : សុផុន
 នៅ​ព្រឹក​ថ្ងៃទី​១៦ ធ្នូ​នេះ ត្រង់​ស្ពាន​មិត្តភាព​កម្ពុជា​.​ថៃ ​(​ស្ពាន​អូរជ្រៅ​) បាន​ប្រារព្ធ​នូវ​ការអបអរសាទរ​នូវ​ការលើកលែង​ទិ​ដ្ឋ​ការចូល​ប្រទេស​ថៃ ដោយមាន​ការចូលរួម​ពី មន្ត្រី​ និង​ពលរដ្ឋ​កម្ពុជា​-​ថៃ ជាច្រើន​រយ​នាក់​ផងដែរ​។​
​    ​
​លោក អ៊ុង អឿន អភិបាលខេត្ត​បន្ទាយមានជ័យ ដែល​បានស្នើ​រថា​នៅ​ម៉ោង ៨​ព្រឹក​ថ្ងៃទី​១៦ ធ្នូ ២០១០​នេះ លើ​ស្ពាន​មិត្តភាព​អូរជ្រៅ និង​ប្រារព្ធ​ពិធី​អបអរសាទរ​នូវ​ការលើកលែង​ទិ​ដ្ឋ​ការ ​(visa) ​ចូល​ប្រទេស​ថៃ​ ។ មន្ត្រី​និង​ពលរដ្ឋ​នៃ​ភាគី​ទាំងពីរ នឹង​តម្រង់​ជួរ​រួច​បោះត្រា លើ​លិខិតឆ្លងដែន​ដើម្បី​ជា​និមិត្តរូប នៃ​ការបើក​ទូលាយ​ឡើង​នេះ​ស្របតាម​កិច្ចព្រមព្រៀង​លើកលែង​ទិ​ដ្ឋ​ការ​របស់​ក្រសួងការបរទេស​កម្ពុ​ជា​-​ថៃ ធ្វើ​នៅ​រាជធានី​ភ្នំពេញ ក្រោម​អធិបតី​នាយករដ្ឋមន្ត្រី​កម្ពុជា​សម្ដេច ហ៊ុន សែន និង​នាយករដ្ឋមន្ត្រី​ថៃ លោក អាប់​ភី​ស៊ីត វាចា​ជីវ៉ា កាលពី​ថ្ងៃទី ១៧ វិច្ឆិកា ២០១០​ ។​
​    ​
​ក្នុងឱកាស​នោះ​ដែល អភិបាលខេត្ត​ទាំងពីរ​បាន ​និង​ឯកភាពគ្នា​ចុះ​ពិនិត្យ​គម្រោង​បើក​ច្រកព្រំដែន​អន្តរជាតិ​ថ្មី​មួយទៀត គឺ​ច្រក​ស្ទឹង​បត់ (​កម្ពុជា​) និង​ណង​អៀន (​ថៃ​) កាលពី​ថ្ងៃទី​១៤ ធ្នូ ២០១០ ​។ 

​គួររំលឹកថា ក្រសួងការបរទេស​ក​ម្ពុ​ជា​បាន​ជូនដំណឹង​ថា :  ការលើកលែង​ទិ​ដ្ឋ​ការចូល​ថៃ សំរាប់​ពលរដ្ឋ​កម្ពុជា​នឹងធ្វើ​ពីថ្ងៃ​ទី​១៦ ធ្នូ ២០១០ តទៅ​ហើយ​មាន​សុពលភាព​ស្នាក់នៅ​ថៃ​ចំនួន ១៤​ថ្ងៃ​ (២​សប្ដាហ៍​) ​ប៉ុណ្ណោះ​ ។ បើ​ស្នាក់នៅ​លើសពី ១៤​ថ្ងៃ ត្រូវ​ទៅសុំ​ទិ​ដ្ឋ​ការចូល​ថៃ​ពី​ស្ថានទូត​ថៃ​នៅ​ភ្នំពេញ​ដដែល​ ។​
 
​សូម​បញ្ជាក់ដែរថា ធម្មនុញ្ញ​អាស៊ាន មានចែង​ពី​ការលើកលែង​ទិ​ដ្ឋ​ការ​នេះ​ក្នុងចំណោម​ប្រទេស​សមាជិក អាស៊ាន មុន​ក្លាយជា​សហគម​អាស៊ាន នៅ ឆ្នាំ​២០១៥ ខាងមុខ​ ។ ក្នុងប្រទេស​អាស៊ាន នៅមាន​ប្រទេស​ព្រុយ​ណេ និង​ភូមា ពុំទាន់​លើកលែង​ទិ​ដ្ឋ​ការចូល​ប្រទេស​ពួកគេ ដល់​ពលរដ្ឋ​កម្ពុជា​នៅឡើយ​ ។ ឥណ្ឌូនេស៊ី វិញ​បាន​ព្រមព្រៀង​លើកលែង​ទិ​ដ្ឋ​ការ តែ​មិនទាន់បាន​អនុវត្ត ​។​
​លំហូរ​វិនិយោគិន ភ្ញៀវទេសចរ​ធុរជន រវាង​ប្រទេស​ដែល​លើកលែង​ទិ​ដ្ឋ​ការ​នឹង​កើនឡើង​ជាមិនខាន ​៕

សម្តេច​ហ៊ុន សែន​ជួប​សំដែង​ការគួរសម​ប្រធានាធិបតី និង​ប្រធាន​សភា​ប្រជាជន​ចិន​

ដោយ : សំអូ
សម្តេច​តេជោ ហ៊ុន សែន នាយករដ្ឋមន្ត្រី​កម្ពុជា និង​គណៈប្រតិភូ​ជាន់ខ្ពស់​បាន​អញ្ជើញ​ចូល​ជួប​សំដែង​ការគួរសម ឯកឧត្តម ហូ ជិន​តាវ ប្រធានាធិបតីនៃ​សាធារណរដ្ឋ​ប្រជាមានិត​ចិន និង​ឯកឧត្តម វ៉ូ បាង​ហ្គ័​រ ប្រធាន​គណៈកម្មាធិការ​អចិន្ត្រៃយ៍​សភា​ប្រជាជន​ចិន នៅ​មហាសាល​នៃ​វិមាន​ប្រជាជន​ចិន ក្នុង​ទីក្រុង​ប៉េកាំង នៅវេលា រសៀល​ថ្ងៃ​ ទី​១៥​ ធ្នូ​ ដែល​ជា​ថ្ងៃ ទី​៣ ​នៃ​ដំណើរ បំពេញ​ទស្សនកិច្ច​ជា​ផ្លូវការ​នៅ​សាធារណរដ្ឋ​ប្រជាមានិត​ចិន​។ 

​នៅក្នុង​ជំនួប​នេះ ឯកឧត្តម​ប្រធានាធិបតី ហ៊ូ ជិន​តាវ និង​សម្តេច​នាយករដ្ឋមន្ត្រី មានប្រសាសន៍ សំដែង​នូវ​ការរីករាយ​ដែល​បាន​ជួបគ្នា​សា​ជា​ថ្មី​ម្តង​ទៀត​បន្ទាប់ពី​បាន​ជួបគ្នា​នៅ​ទីក្រុង​សៀង​ហៃ ប្រទេស​ចិន កាលពី​ថ្ងៃ ​ទី​១ ​ឧសភា ឆ្នាំ ២០១០​។ 

​ទាក់ទិន​ទៅ​នឹង​ទំនាក់ទំនង​នៃ​ប្រទេស​ទាំង​ពីរ ឯកឧត្តម​ប្រធានាធិបតី និង​សម្តេច​ហ៊ុន សែន​មានប្រសាសន៍ថា មិត្តភាព​នៃ​ប្រទេស​យើង​ទាំង​ពីរ បាន​កសាង​ឡើង​យ៉ាង​រឹងមាំ តាម​ការត្រួសត្រាយ​របស់​មេដឹកនាំ នៃ​ប្រទេស​ទាំង​ពីរ​ជា​បន្តបន្ទាប់ គឺ​រវាង​មេដឹកនាំ​ចិន​ជាមួយនិង អតីតៈព្រះមហាក្សត្រ សម្តេច​ព្រះ​មហា​វររាជ​បិតា​ជាតិខ្មែរ និង​ត្រូវបាន​ពួន​ជ្រុំ​ជា​បន្តបន្ទាប់ ដោយ មេដឹកនាំ​ប្រទេស​ទាំង​ពីរ និង​បាន​ជ្រួតជ្រាប​ដល់​ចិត្ត​គំនិត​នៃ​ប្រជាជន​ទាំង​ពីរ​។ 

​សម្តេច​តេ​ជោនា​យករ​ដ្ឋ មន្ត្រី មានប្រសាសន៍​ថ្លែង​នូវ​អំណរគុណ​សា​ជា​ថ្មី​ម្តងទៀត ជូន​ចំពោះ​ឯកឧត្តម​ប្រធានាធិបតី​ចិន ដែល​បាន​ផ្តល់​ជំនួយ​រថយន្ត​យោធា ចំនួន​២៥៧​គ្រឿង និង​ឯកសណ្ឋាន​យោធា​ចំនួន​៥​ម៉ឺន​កំ​ប្ល៉េ​ដល់កម្ពុជា គឺ​ក្រោយ​រយៈពេល​៤៨​ថ្ងៃ​ជំនួយ​ទាំងអស់នោះ បាន​មកដល់ ប្រទេស​កម្ពុជា​។ 

​នៅ​ចំពោះមុខ​ថ្នាក់ដឹកនាំ​កំពូល​របស់​ប្រទេស​ចិន សម្តេច​តេជោ​មានប្រសាស​ន៍​សង្កត់ធ្ងន់​ថា សម្តេច​ផ្ទាល់​ និង​រាជ​រដ្ឋាភិបាល​កម្ពុជា នៅ​តែ​បញ្ជាក់​អះអាង​ពី​គោលជំហ​របស់​ខ្លួន ក្នុងការ​ប្រកាន់ខ្ជាប់​ន​យោ​បាយ​ចិន​មួយ​ដោយ​ឥត​ងាករេ ពិសេស​រារាំងដាច់ខាត មិន​ឱ្យ​កំលាំង​អមិត្ត​ណា​មួយ​ប្រើប្រាស់​ទឹកដី​កម្ពុជា ប្រឆាំង​និង​ប្រទេស​ចិន​នោះឡើយ​។ 

​ទន្ទឹម​និង​នេះ​កម្ពុជា​រក្សា​ជំហរ យ៉ាង​ម៉ឺងម៉ាត់ ក្នុង​ការទប់ស្កាត់​ការធ្វើ​អន្តរ​ជា​តូបនីយកម្ម លើ​បញ្ហា​សមុទ្រ​ចិន​ខាងត្បូង និង​គាំទ្រ​ឱ្យមាន​ការដោះស្រាយ​បញ្ហា​ដោយ សន្តិវិធី​តាម​ DOC ​ដែល​បាន​ចុះហត្ថលេខា​នៅ​ទីក្រុង​ភ្នំពេញ​នៅ​ឆ្នាំ​២០០២ ​។ 

​ជា​កិច្ច​ឆ្លើយតប​ឯកឧត្តម​ប្រធានាធិបតី ចិន ហ៊ូ ជិន​តាវ មានប្រសាសន៍​វាយ​តំលៃ​ខ្ពស់ និង​កោតសរសើរ​ចំពោះ​លទ្ធផល​នៃ​ជំនួប​ពិភាក្សា​រវាង សម្តេច​តេជោ​នាយករដ្ឋមន្ត្រី និង​ឯកឧត្តម​នាយករដ្ឋមន្ត្រី​ចិន ដែល​បាន​ពិភាក្សាគ្នា​យ៉ាង​ស្មោះត្រង់​បំផុត កាលពី​ល្ងាច​ថ្ងៃទី​១៣​ធ្នូ​កន្លង​ទៅ ​។​

​ទាក់ទិន​ទៅ​នឹង​ទំនាក់ទំនង​នៃ​ប្រទេស​ទាំង​ពីរ ឯកឧត្តម​ប្រធានាធិបតី​មានប្រសាសន៍​បន្ត​ថា ទោះបីជា​ប្រទេស​យើង​ទាំង​ពីរ មាន​របប​នយោបាយ​ខុស​គ្នា​ក៏ពិតមែន ប៉ុន្តែ​យើង​មាន​កិច្ចសហប្រតិបត្តិការ​ល្អ​ជាមួយ​គ្នា​ខ្លាំងណាស់ ពិសេស​តាមរយៈ​កិច្ចខិតខំ​ប្រឹងប្រែង យ៉ាងសកម្ម​បំផុត ពី​សម្តេច​តេជោ​នាយករដ្ឋមន្ត្រី​ផ្ទាល់​តែម្តង​។  
 
​ដោយឡែក​នៅ​រសៀល​ថ្ងៃ​ដដែល​នោះ​ដែរ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ កម្ពុជា និង​គណៈប្រតិភូ​ទាំងអស់ អញ្ជើញ​ចូល​ជួប​សំដែង​ការគួរសម ឯកឧត្តម វ៉ូ បាង​ហ្គ័​រ ប្រធាន​គណៈកម្មាធិការ​អចិន្ត្រៃយ៍ សភា ប្រជាជន​ចិន​ ។ ពិធី​ដ៏​មាន​អត្ថន័យ​នេះ ត្រូវបាន​ធ្វើឡើង​នៅ​មហាសាល​អាន​ហ៊ុយ ទីក្រុង​ប៉េកាំង ប្រទេស​ចិន​។ 

​សម្តេច​តេជោ​នាយក រដ្ឋមន្ត្រី មានប្រសាសន៍​សំដែង​នូវ​ការរីករាយ ដោយ​បាន​ជួប​ឯកឧត្តម​ប្រធានសភា​សាជាថ្មី​បន្ទាប់ពី​បាន​ជួប​គ្នា​នៅក្នុង​ដំណើ​រទស្ស​កិច្ច របស់​ឯកឧត្តម​មកកាន់​ប្រទេស​កម្ពុជា កាលពីដើម​ខែ​វិច្ឆិកា​ ឆ្នាំ​២០១០​កន្លង​ទៅ​ថ្មីៗ​នេះ​។ 

​សម្តេច​តេជោ​នាយករដ្ឋមន្ត្រី​មានប្រសាសន៍ បន្តថា ដូចគ្នា​នឹង​ការពិភាក្សា​គ្នា​នៅ​ទីក្រុង​ភ្នំពេញ ពេល​នេះ​សម្តេច​សូម​សំដែង​សាជាថ្មី នូវ​ការពេញចិត្ត​ប្រកប​ដោយ​មោទនភាព ចំពោះ​ការរីកចំរើន នៃ​ទំនាក់ទំនង​មិត្តភាព និង​កិច្ចសហប្រតិបត្តិការ​នៃ​ប្រទេស​ទាំង​ពីរ ដែល​បាន​ឈាន​ដល់​កំរិត​ថ្មី​មួយ ជា​ដៃគូសហ ប្រតិបត្តិការ​យុទ្ធសាស្ត្រ​៕

ឯកឧត្តម​បណ្ឌិត​ សុខ អាន​ ទទួលជួប​ពិភាក្សាការងារ​ជាមួយ​ប្រតិភូ​តំណាង​រាស្រ្ត​គណបក្ស​ប្រជាធិបតេយ្យ​ជប៉ុន

នារសៀល​ថ្ងៃទី​១៥ ខែធ្នូ ឆ្នាំ​២០១០ នៅ​ទីស្តី​ការ​គណៈរដ្ឋមន្ត្រី​ ឯកឧត្តម​បណ្ឌិត​ សុខ អានឧបនាយករដ្ឋមន្ត្រី​ រដ្ឋមន្ត្រី​ទទួល​បន្ទុក​ទីស្តីការគណៈរដ្ឋមន្ត្រី​ បាន​ទទួល​ជួប​ពិភាក្សាការងារ ​ជាមួយ​ឯកឧត្តម​ តាកាស៊ី អ៊ីស៊ីហ្សេគី (Takashi ISHIZEKI) ឯកឧត្តម​ អ៊ីជីរ៉ូ វ៉ាស៊ីយូ (Eiichiro WASHIO) ឯកឧត្តម​ គេរ៉ូ​ គីតាហ្គាមី(Keiro KITAGAMI) តំណាង​រាស្រ្ត​នៃ​គណបក្ស​ ប្រជាធិបតេយ្យ​(DPJ) ដែល​ជា​គណបក្ស​កាន់​អំណាច​នៅ​ប្រទេស​ជប៉ុន​។
       ​​គោល​បំណងនៃ​ជំនួប​នេះ​គឺ​​ពង្រីក​ និង​ពង្រឹង​កិច្ច​សហប្រតិបត្តិ​ការ​ រវាង​កម្ពុជា​ និង​ជប៉ុន​ ពិសេស​លើ​វិស័យ​សេដ្ឋកិច្ច​ ក៏ដូច​ជា​ការ​ស្វែង​យល់​ បទពិសោធន៍​អំពី​ការ​ដោះស្រាយ​បញ្ហា​ ព្រំដែន​ និង​ការ​កសាង​សន្តិភាព​ ស្ថិរភាពនយោបាយ​ និង​ការ​បង្រួបបង្រួម​ជាតិ​នៅ​ កម្ពុជា​ផង​ដែរ​។​
 មាន​ប្រសាសន៍​ក្នុង​ឱកាស​នោះ​ឯកឧត្តម​បណ្ឌិត សុខ អាន បាន​វាយ​តម្លៃ​ខ្ពស់​ចំពោះ​ រដ្ឋាភិបាល​និង​ប្រជាជន​​ជប៉ុន ដែល​ជា​មិត្ត​ល្អ​ក្នុង​ការ​ឈានមុខ​ផ្តល់​ជំនួយ​(ODA)​ ដល់​ប្រទេស កម្ពុជា​​​​។ ក្នុង​នោះ​មាន​ជំនួយ​កសាង​ហេដ្ឋារចនាសម្ព័ន្ធ​ ជំនួយ​ដល់​សាលាក្តី​កាត់ទោស​ មេដឹក​នាំខ្មែរ​ក្រហម​ ហើយ​ជប៉ុន​ជា​សហប្រធាន​នៃ​គណៈកម្មការ​សម្របសម្រួល​ អន្តរជាតិ​ អង្គរ ​(ICC-Angkor) ប៉ុន្តែ​ការ​វិនិយោគ​របស់​ក្រុម​ហ៊ុន​ឯកជន​ជប៉ុននៅកម្ពុជា​នៅ​មាន​កម្រិត​ នៅឡើយ​។​
          ឯកឧត្តម​បណ្ឌិត សុខ អាន ​សំណូមពរ​ឲ្យ​ជប៉ុន​បង្កើន​ការ​វិនិយោគ​ផ្នែក​ឯកជន​(SDI)ថែម​ទៀត​​​នៅ​ក្នុង​ព្រះរាជាណាចក្រកម្ពុជា​​​ រួម​មាន​ បើក​ការ​ហោះ​ហើរ​ដោយ​ផ្ទាល់​រវាង​ជប៉ុន​-កម្ពុជា​ ដោយ​ឯកឧត្តម​បណ្ឌិត​បាន​បញ្ជាក់​ថា ការ​ហោះហើរ​ត្រង់​ជប៉ុន​-កម្ពុជា​ មិន​ត្រឹម​តែ ជួយ​បង្កើន​ភ្ញៀវ​ទេសចរណ៍​រវាង​ប្រទេស​ទាំង​ពីរ​តែប៉ុណ្ណោះ​ទេ​ តែ​ថែម​ទាំង​ជួយ​ជម្រុញ​ការ​ វិនិយោគ​របស់​ជប៉ុន​មក​​កម្ពុជាកាន់​តែ​ច្រើន​​ផង​ដែរ​។​
 នៅ​ក្នុង​ឱកាស​នោះ​ដែរ​ឯកឧត្តម​ឧបនាយករដ្ឋមន្ត្រី​ ក៏បាន​ជម្រាបជូន​ភ្ញៀវ​តំណាង​រាស្ត្រ​ជប៉ុន​ អំពី​ ជោគជ័យ​នៃ​​សន្និសីទ​អន្តរជាតិ​នៃ​គណបក្ស​នយោបាយ​អាស៊ី​(ICAPP) លើកទី​៦ នៅ​ រាជធានី​ភ្នំពេញ​ ដែល​ក្នុង​នោះ​សម្តេច​អគ្គ​មហាសេនាបតីតេជោ ហ៊ុន សែន​ ត្រូវ​បាន​ ជ្រើស ​តាំង​ជាង​វីរ​ប្រធាន​នៃ​គណបក្ស​នយោបាយ​និយម​កណ្តាលអន្តរ​ជាតិ​អាស៊ី​ប៉ាស៊ីហ្វិក​​(CAPDI) ជា​ពិសេស​ប្រតិភូ​គណបក្ស​នយោបាយ​នានា​ចូលរួម​ប្រមាណ​១០០ គណបក្ស​ នយោបាយ​មក​ពី​ ៤៦ ប្រទេស​បាន​សម្រេច​យក​នយោបាយ​កសាង​សន្តិភាព​ ស្ថិរភាព ​នយោបាយ​ និង​ការ​បង្រួបបង្រួមជាតិ​នៅ​ក្នុង​ព្រះរាជាណាចក្រកម្ពុជា​ធ្វើ​ជា​គំរូ​សម្រាប់​ យក​ ទៅ​ដោះ​ស្រាយ​ជម្លោះ​នយោបាយ​ ក្នុង​​ប្រទេស​ផ្សេង​ៗ​ទៀត​។​
ឯកឧត្តម​បណ្ឌិត​​ សុខ អាន​ ​ក៏បាន​ជម្រាបជូន​ផង​ដែរ​អំពី​បទពិសោធន៍​​របស់​ រាជរដ្ឋាភិបាល ​កម្ពុជា​ក្រោម​ការ​ដឹក​នាំ​របស់​​ សម្តេច​អគ្គ​មហាសេនាបតីតេជោ ហ៊ុន សែន ក្នុងការ ​ដោះស្រាយ ​បញ្ហា​ព្រំដែន​ និង​ជម្លោះ​ជាមួយ​ប្រទេស​ជិត​ខាង​​ ដោយ​សន្តិវិធី​ ​ឈរលើ​ មូលដ្ឋាន​ការទូត​ និង​មូល​ដ្ឋាន​គតិយុត្តិ​​ ដែល​រាជាណាចក្រកម្ពុជា​មាន​។
មាន​ប្រសាសន៍​ក្នុង​ឱកាស​នោះ​ឯកឧត្តម​តំណាង​រាស្រ្ត​ទាំង​បី​រូប​ នៃ​គណបក្ស​ប្រជាធិបតេយ្យ​ ដែល​ជា​គណបក្ស​កាន់​អំណាច​នៅក្នុង​ប្រទេស​ជប៉ុន​ បាន​កោត​សរសើរ​ចំពោះ​ការ​រីក​ចំរើន​ ដ៏ឆាប់រហ័ស​លើ​វិស័យ​សេដ្ឋកិច្ច​នៅ​ក្នុង​ព្រះរាជាណាចក្រកម្ពុជា​​ ហើយ​បាន​សន្យា​ថា នឹង ​ជួយ​ជម្រុញ​រដ្ឋាភិបាល​ជប៉ុន​ និង​អ្នក​វិនិយោគជប៉ុន​ឲ្យ​មក​វិនិយោគ​នៅ​កម្ពុជា​ ក្នុង​នោះ​មាន ​ទាំង​ការ​ហោះហើរ​ត្រង់​ជប៉ុន-កម្ពុជា​ និង​ការ​នាំ​​កសិផលកម្ពុជា​ទៅកាន់​ប្រទេស​ជប៉ុន​ ដើម្បី​ បង្កើន​​ឲ្យ​មាន​ទំនាក់​ទំនង​ការទូត និង​សេដ្ឋ​កិច្ច​​កម្ពុជា-ជប៉ុន​​ឲ្យ​បាន​​កាន់​តែ​ល្អ​ប្រសើរ ​​ថែម ​ទៀត​​ផង​ដែរ​។
ឯកឧត្តម​ តាកាស៊ី អ៊ីស៊ីហ្សេគី (Takashi ISHIZEKI) ក្នុង​នាម​ប្រតិភូ​តំណាង​រាស្ត្រ​ គណបក្ស​ប្រជាធិបតេយ្យ​ ​បាន​ថ្លែង​អំណរគុណ​ចំពោះ​ឯកឧត្តម​បណ្ឌិត សុខ អាន​ ដែល ​បាន​មាន​ប្រសាសន៍​ផ្តល់​ជូន​នូវមេរៀន​​បទពិសោធន៍​ល្អ​ របស់​កម្ពុជា​ក្នុង​ការ ​ដោះស្រាយ ​បញ្ហា​ទឹក​ដី​ជាមួយ​ប្រទេសជិតខាង​ផង​ដែរ​។​