Monday, February 07, 2011

Expéditeur Son Excellent SOK An Président de la Commission Nationale Vice-Premier Ministre Destinataire Son Excellence la Directrice Générale de l’UNESCO Madame IRINA BOKOVA Maison de l’UNESCO – PARIS

អត្ថបទបកប្រែក្រៅផ្លូវការ

ព្រះរាជាណាចក្រកម្ពុជា

ជាតិ សាសនា ព្រះមហាក្សត្រ

ភ្នំពេញថ្ងៃទី០៥ ខែកុម្ភៈ ឆ្នាំ២០១១
លោក​ជំទាវ​​អគ្គនាយកអង្គការយូណេស្កូ
លោកជំទាវ ​ IRINA BOKOVA
ការិយាល័យកណ្តាល​យូណេស្កូ - ប៉ារីស
លោក​ជំទាវ​អគ្គនាយក​
កម្មវត្ថុៈ ប្រាសាទព្រះវិហារ​ដែលបាន​ចុះក្នុង​បញ្ជី​បេតិកភណ្ឌពិភពលោក​ ប្រឈម    នូវការ​ខូច​ខាត​យ៉ាង​ធ្ងន់ធ្ងរ
ដោយ​​ក្តីសោក​សៅ​យ៉ាងខ្លាំង​ និង​សេចក្ដី​បារម្ភ​យ៉ាង​ធំធេង​ ​ខ្ញុំ​សូម​ជម្រាបជូន​​ដល់​លោក​​ជំទាវ​ ស្ដី​ពី​ព្រឹត្តិការ​ណ៍ដ៏​ថ្មី​ៗបំផុត​​ទាំងឡាយ​ ដែល​កើតឡើង​កាល​ពី​ថ្ងៃ​ទី​ ៤ និង​ទី​៥ ខែ​កុម្ភៈ កន្លងទៅ​នេះ​ ក្នុង​​តំបន់​​ប្រាសាទព្រះវិហារ និងតំបន់​នៅ​ជុំវិញ​វត្ត​កែវសិក្ខាគិរីស្វារៈ។​

ស្មោះត្រង់​ទៅ​នឹង​មាគ៌ា​ដឹក​នាំ គោរព​យ៉ាង​ខ្ជាប់ខ្ជួននូវ​ច្បាប់អន្ដរជាតិ និង​ការ​​
ប្រកាន់​​ខ្ជាប់នូវគោលជំហរសន្ដិភាព​ និងទំនាក់ទំនង​​ល្អជាអ្នក​ជិតខាង​ ជាមួយមិត្ត​ថៃ ព្រះរាជាណាចក្រកម្ពុជា​​ សូម​ធ្វើការ​កត់​សម្គាល់​ជាបឋមថា ក្នុង​សំណុំឯកសារ​ប្រាសាទព្រះវិហារ ថៃ​គ្មាន​អ្វីដើម្បី ធ្វើការ​ទាម​ទារ​មក​វិញ​ទេ ប្រាសាទ​​ស្ថិតក្នុង​ដែន​ដី​ក្រោម​អធិបតេយ្យ​ភាព​របស់​កម្ពុជា​ ដែល​អន្ដរ​ជាតិទទួល​ស្គាល់។​ ព្រំដែន​ដែល​ឆ្លងកាត់​ក្នុង​រង្វង់​ប្រាសាទនេះ ​ត្រូវបាន​កំណត់ - មិនមែន​ជា​ចំណុច​ឯកតោ​ភាគីទេ​ ប៉ុន្ដែ​យោង​តាម​ឯកសារ​នានា ​ដែលមាន​​អានុភាជា​អន្ដរជាតិ​ - គឺវានៅ​សល់តែការ ព្រមព្រៀង​គ្នា​ក្នុង​ការ​ដាំបង្គោល ​បញ្ជាក់​​នូវ​គំនូស​​​​​ព្រំដែន​​ជាមួយ​រាជាណា​ចក្រ​​ថៃតែប៉ុណ្ណោះ​។ ព្រះរាជាណាចក្រកម្ពុជាមានលទ្ធភាពគ្រប់គ្រាន់​ដើម្បីរៀបចំចាត់​ចែងបោះ​បង្គោល​ព្រំដែន។

នៅក្នុងខណៈនោះ ប្រទេសថៃគិតតែតវ៉ា​ទៅគណៈកម្មាធិការ​បេតិកភណ្ឌពិភពលោក​ ជា​ច្រើនលើក​ច្រើន​សា​ (ក្នុង​កិច្ច​ប្រជុំនៅ ក្រាយឈឺត ឆ្នាំ ២០០៧  នៅទីក្រុង​កេប៊ិច ឆ្នាំ២០០៨ នៅ​សេវីល ឆ្នាំ ២០០៩ និង​នៅ​ប្រេស៊ីលីយ៉ា ឆ្នាំ ២០១០) ដោយ​លើក​ហេតុផល​ថា​ ការ​ចុះបញ្ជី​ប្រាសាទព្រះវិហារ​ គឺជា​ការ​ចុះបញ្ជី​ «ឯកតោភាគី» ដែល​ជាដើមចម​នៃទំនាស់​រវាង​កម្ពុជា​ និង​ថៃ។​ តាមការ​ពិត ប្រភនៃ​ជម្លោះ​ដ៏​​ខ្លាំងក្លា គឺជា​ផែនការ​​ និងការរៀបចំឡើង​ដោយ​រដ្ឋាភិបាលថៃ​ ដែល​កើតចេញពី​ផែនទី​សម្ងាត់ឯកតោភាគីគ្មានការ​ទទួល​ស្គាល់ជាអន្ដរជាតិ​ ​ហើយ​ដែលញ៉ាំង​ឲ្យ​មាន​ការវាយប្រហារ​បែបយោធា​ជាបន្ដបន្ទាប់ ​ដើម្បី​​សម្រេច​គោល​បំណងនៃ​មហិច្ឆតា​ឈ្លាន​ពានលើទឹកដី​កម្ពុជា​។ ជានិច្ចកាល រាល់រដ្ឋអំណាច​ថៃ​តែង​តែយកលេសដោយ​​គ្មាន​មូល ដ្ឋាន​គ្រឹះ​ថា​ ការ​អភិរក្ស និង​ការការពារ​របស់យើងបានសម្រេច​ធ្វើ​ឡើងដោយ​ «តាំងខ្លួន»​​ នៅ​លើ​ទឹកដីរបស់​ថៃ។​​​ ការ​គំរាម​កំហែង​ដោយ​យោធាថៃ​ក្នុង​តំបន់​ប្រាសាទ​បានឈាន​​​​ដល់​ការ​បាញ់គ្នា​នៅថ្ងៃទី៤ ខែកុម្ភៈ ឆ្នាំ២០១១។ កងទ័ពជាតិ​កម្ពុជា​បាន​សម្រេច​ទប់ទល់​ក្នុង​ការ​វាយប្រហារ​ ហើយ​បាន​រារាំង​ ការ​​ចូល​កាន់កាប់​ទឹកដី​ក្នុងព្រំដែន​របស់​យើងខ្ញុំ។​ រាល់ការ​បាញ់គ្រាប់​កាំ​ភ្លើង​និងគ្រាប់ផ្លោង​របស់​ទាហាន​ថៃ បាន​បញ្ជាក់​យ៉ាង​ច្បាស់​ពី​ការ​ប៉ុនប៉ង​ចូលកាន់កាប់​ និង​បំផ្លាញ​តំបន់​រមណីយ​-ដ្ឋាន​ប្រាសាទ​ព្រះវិហារៈ

·         តាម​ការ​ពិនិត្យ​​បឋមៈ គ្រាប់កាំភ្លើង​និង​គ្រាប់​ផ្លោង​ដែល​កើត​ចេញ​ពីការ​បាញ់​ផ្តក់​ដោយ​ ( បេ៤០ ដេកា៧៥មម ៨១មម ១០៥មម ១២០មម) គឺសំដៅ​មក​លើ​ប្រាសាទ​ និង​វត្ត​​បាន​ធ្វើ​ឲ្យ​មាន​ការ​ខូច​ខាត​ផ្នែក​ជា​ច្រើន​នៃ​ប្រាសាទ។
·         កន្លែង​ប្រារព្ធ​ពិធីសាសនា និង​ផ្នែក​ដទៃទៀត​របស់​វត្ត​កែវ​សិក្ខាគិរីស្វារៈ​ ​ត្រូវ​បាន​កម្ទេច​ដោយ​​គ្រាប់​កាំភ្លើង​និង​គ្រាប់​ផ្លោង​។
·         នៅគោបុរៈ​ទី១ គ្រាប់កាំភ្លើង​ផ្លោង​ ១០៥មម និង​១២០មម​ បានធ្លាក់​នៅកន្លែង​ផ្សេងៗ គ្នា​​ចម្ងាយ​ ៥ម៉ែត្រ និង​ ២០ម៉ែត្រ ហើយ​អំបែង​គ្រាប់បាន​ខ្ទាតទៅ​ប៉ះ​ជញ្ជាំង​ប្រាសាទ។
·         នៅ​គោបុរៈ ទី៣ និង​ទី​៥  គ្រាប់កាំភ្លើង​ផ្លោង ១០៥មម និង​ ១២០មម ​បាន​ធ្លាក់ចម្ងាយ​ ពី៥ម៉ែត្រ ម៉ែត្រ និង​ធ្វើ​ឲ្យ​ប៉ះពាល់ទៅ​លើ​ជញ្ជាំងប្រាសាទ និង​ទៅ​លើថ្ម​នៃទីលានខាងមុខ។​
លោកជំទាវជាទីគោរព

ខ្ញុំសូមជម្រា​លោកជំទាវថា ការ​ប្រយុទ្ធគ្នា​នេះបាន​កើតឡើង​ក្នុង​ខណៈ​ដែល​រដ្ឋមន្ដ្រី​ការបរទេស​ថៃ​កំពុង​ស្នាក់នៅ​ខេត្ត​សៀម​រាប។ តើ​គេ​អាចយល់​យ៉ាង​ដូចម្តេច​អំពីកិច្ច​ចរចា!!!​ ហើយ​តើគេយល់យ៉ាងដូចម្តេចអំពី ប្រទេស​ហត្ថលេខី​មួយ​នៃ​អនុសញ្ញា​ក្រុង​ឡាអេ ​ឆ្នាំ ១៩៥៤ និង​អនុសញ្ញា​ឆ្នាំ ១៩៧២ មិនបាន​​លើកលែង​ចំពោះ​រមណីយដ្ឋាន​បេតិកភណ្ឌ​ពិភពលោក និង​កន្លែង​ប្រារព្ធ​ពិធីសាសនា​​ ដូចជា​វត្ត​កែវសិក្ខាគិរីស្វារៈ​​។​ ការគំរាម​កំហែង​យោធាទាំងនោះ​ អាច​​នឹងបណ្ដាល​​ឲ្យ​មានការខូច​ខាតធ្ងន់ធ្ងរ​ជាង​នេះទៅទៀត។​
លោកជំទាវ​អគ្គនាយក​

យើងខ្ញុំមាន​ការ​បារម្ភយ៉ាងខ្លាំង​ចំពោះប្រាសាទព្រះវិហារ!

យើង​ខ្ញុំសូមអំពាវនាវ​យ៉ាងឱឡារឹក និងជា​បន្ទាន់​ដល់​អ្នកការពារ​អនុសញ្ញា​ឆ្នាំ ១៩៧២ និង​ដល់​អ្នកការ​ពារ​បេតិកភណ្ឌ​មនុស្សជាតិ​។ ​ប្រាសាទ​ព្រះ​វិហារ​​ត្រូវបាន​ដាក់​​ក្រោមការការពាររបស់អង្គការយូណេស្កូ ហើយវាបានបង្ហាញ​ពីការ​ទទួលខុស​ត្រូវ​របស់​លោកជំទាវអគ្គនាយក។ យើងខ្ញុំស្នើ​សុំដល់លោកជំទាវឲ្យមានការរៀប​ចំ​បេសកកម្មជាបន្ទាន់មួយក្នុងការពិនិត្យវាយតម្លៃទៅលើ​​ការ​​ខូចខាត​របស់​ប្រាសាទ​ព្រះវិហារ​។

            រាជរដ្ឋាភិបាលកម្ពុជារងចាំការសម្រេចក្នុងការធ្វើអន្តរាគមន៍របស់លោក​ជំទាវ​សម្រាប់ ការការពារនូវវត្ថុ ដ៏មានតម្លៃ  ដែលគ្មានអ្វីអាចជំនួសបាន   ហើយក៏​ជា  សម្បត្តិ
​បេតិកភណ្ឌ​​ពិភពលោក ផងដែរ។

សូម​ លោកជំទាវ អគ្គនាយក ​​ទទួល​នូវ​សេចក្ដី​​គោរព​រាប់អាន ​ដ៏ខ្ពង់ខ្ពស់​​​​​​អំពីខ្ញុំ

ប្រធានគណៈកម្មការជាតិយួណេស្កូកម្ពុជា
ឧបនាយករដ្ឋមន្រ្តី

ហត្ថលេខា

សុខ អាន




Expéditeur Son Excellent SOK An Président de la Commission Nationale Vice-Premier Ministre Destinataire Son Excellence la Présidente du Comité du Patrimoine Mondial Madame MAI BINT MUHAMMAD AL KHALIFAMANAMA (Bahreïn)


អត្ថបទបកប្រែក្រៅផ្លូវការ

ព្រះរាជាណាចក្រកម្ពុជា

ជាតិ សាសនា ព្រះមហាក្សត្រ


ភ្នំពេញថ្ងៃទី០៥ ខែកុម្ភៈ ឆ្នាំ២០១១
លោកជំទាវប្រធានគណៈកម្មាធិការបេតិកភណ្ឌពិភពលោក
លោកជំទាវ MAI BINT MUHAMMAD ALKHALIFA
MANAMA (បារ៉ែន)
លោកជំទាវប្រធាន

កម្មវត្ថុៈ ប្រាសាទព្រះវិហារដែលចុះបញ្ជីបេតិកភណ្ឌពិភពលោក ប្រឈមនូវការខូច      ខាតយ៉ាងធ្ងន់ធ្ងរ
         
          ខ្ញុំមានការសោកស្តាយ ដែលត្រូវធ្វើការស្នើសុំឲ្យមានជំនួយជាបន្ទាន់ដើម្បី
ការពារប្រាសាទព្រះវិ​ហារ​ដែលជាសម្បត្តិ​បេតិកភណ្ឌពិភពលោក។

          ដោយក្តីសោកសៅដ៏ជ្រាលជ្រៅ​ និងសេចក្តីបារម្ភយ៉ាងធំធេង ខ្ញុំសូមជម្រាប ជូន​ដល់​លោក​ជំទាវ​ អំពីព្រឹត្តិការណ៍ថ្មីៗបំផុតដែលកើតឡើងកាលពីថ្ងៃទី៤ និងទី៥ ខែកុម្ភៈ ក្នុង​តំបន់​ប្រាសាទ​ព្រះវិហារ​ និងតំបន់ជុំវិញវត្តកែវសិក្ខាគិរីស្វារៈ។

          ការគំរាមកំហែងទាំងឡាយពីសំណាក់ទាហានថៃបានឈានដល់ការផ្ទុះអាវុធ​កាល​ពីថ្ងៃទី៤ និងទី៥​ ខែកុម្ភៈ ឆ្នាំ២០១១ ហើយកងទ័ពជាតិកម្ពុជាបានសម្រេច​ទប់​ទល់​​ក្នុង​ការ​វាយប្រហារ និង​បាន​រារាំងដល់ការចូលកាន់កាប់​ទឹកដីក្នុងព្រំដែន​របស់​​យើងខ្ញុំ។​ គ្រាប់កាំភ្លើង និងគ្រាប់ផ្លោងជា​ច្រើន​គ្រាប់ដែល​កើតចេញមក​ពី​ការ​បាញ់ ដោយទាហានថៃ (បេ៤ ​ដេកា៧៥មម ៨១មម ១០៥មម ១២០មម) ត្រូវបាន​ធ្លាក់​ជា​បន្តបន្ទាប់​ចម្ងាយពី៥​ម៉ែត្រ ទៅ​៧ម៉ែត្រ និង១០ម៉ែត្រ ​ពីជញ្ជាំងប្រាសាទ​ហើយ អំបែងរបស់វា​បានធ្វើឲ្យ​មាន​​​​​​ប្រហោង​​​មួយ​​ចំនួ​ន​នៅលើ​ជញ្ជាំង​។ ចំណែកឯកន្លែងសម្រាប់ប្រារព្ធពិធី និង កន្លែង​​ជា​​​ច្រើន​​ទៀត​របស់វត្តកែវសិក្ខាគិរីស្វារៈ​ត្រូវ​បានបំផ្លាញដោយគ្រាប់កាំភ្លើងនិង​គ្រាប់​​​​ផ្លោង។

          លោកជំទាវប្រធាន

            ខ្ញុំសូមជម្រាបលោកជំទាវថា ការប្រយុទ្ធគ្នាបានកើតឡើង​ក្នុងខណៈពេល​ដែល​​រដ្ឋមន្ត្រី​​ការ​បរទេសថៃកំពុងស្នាក់នៅក្នុងខេត្តសៀមរាប ដែលជាទីក្រុងមួយ របស់​ប្រទេស​កម្ពុជា។ ការឈ្លាន​ពានដោយកម្លាំងទាហានថៃសំដៅទៅលើ ប្រាសាទ​ព្រះវិហារ​​ដែល​ត្រូវបាន​ការពា​រ​​ដោយ​​អនុសញ្ញា​​ ​ឆ្នាំ១៩៧២ ជាការបំពានយ៉ាងជាក់​ស្តែង​ទៅ​​លើសន្ធិសញ្ញាទីក្រុងឡាអេ ឆ្នាំ១៩៥៤ ស្តីពីការការ​ពារ​សម្បត្តិ​វប្បធម៌​ក្នុង​​ករណី​មានការប៉ះទង្គិចប្រដាប់​អាវុធ។ សូម្បីតែរមណីយដ្ឋាន បេតិកភណ្ឌ​ពិភព​លោក និង​កន្លែងប្រមូលផ្តុំសាសនា (វត្តកែវសិក្ខាគិរីស្វារៈ) មិនត្រូវបាន​លើក​លែង​ដោយការ​ឈ្លាន​ពាន​នេះទេ។

            លោកជំទាវប្រធាន

          យើងខ្ញុំមានការបារម្ភយ៉ាងខ្លាំងចំពោះប្រាសាទព្រះវិហារ!
          ក្នុងនាមរាជរដ្ឋាភិបាលកម្ពុជា ជារដ្ឋភាគីនៃសន្ធិសញ្ញា ខ្ញុំមានកាតព្វកិច្ច​ស្នើ​សុំឲ្យ​​លោក​ជំទាវចាត់​វិធានការចាំបាច់ដើម្បីការពារប្រាសាទ ប្រឆាំងរាល់ការគំរាម កំហែង។
            ការបញ្ជូនបេសកជនពិសេសម្នាក់របស់លោកជំទាវ ក្នុងឋានៈ​ជា​​​ប្រធាន​​​​​នៃ​គណៈកម្មាធិការបេតិកភណ្ឌពិភពលោក គឺជាវិធានការបន្ទាន់​មួយដ៏មាន​ប្រសិទ្ធ​​​ភាព​ដើម្បី​ទៅ​ពិនិត្យ​នៅនឹងកន្លែង នូវការខូចខាត និង គ្រោះ​ថ្នាក់ពីការគំរាម​​កំហែង​នោះ។​

          សូមលោកជំទាវទទួលនូវគារវភក្តីនិងការគោរពដ៏ខ្ពង់ខ្ពស់អំពីខ្ញុំ។
ប្រធានគណៈកម្មការជាតិយូណេស្កូកម្ពុជា
ឧបនាយករដ្ឋមន្រ្តី

ហត្ថលេខា

សុខ អាន





Expéditeur Son Excellent SOK An Président de la Commission Nationale Vice-Premier Ministre Destinataire Son Excellence la Présidente du Conseil Exécutif Madame Eleonora MITROFANOVA Ambassadrice de la Fédération de Russie à l’UNESCO

អត្ថបទបកប្រែក្រៅផ្លូវការ

ព្រះរាជាណាចក្រកម្ពុជា

ជាតិ សាសនា ព្រះមហាក្សត្រ

ភ្នំពេញថ្ងៃទី០៥ ខែកុម្ភៈ ឆ្នាំ២០១១
លោកជំទាវ​​ប្រធានក្រុមប្រឹក្សាប្រតិបត្តិ
លោកជំទាវ ​ Eleonora MITROFANOVA
ឯកអគ្គរដ្ឋទូតសហព័ន្ធរុស្ស៊ីប្រចាំអង្គការយូណេស្កូ


លោកជំទាវ​ប្រធាន

កម្មវត្ថុៈ ប្រាសាទព្រះវិហារ​ដែលបាន​ចុះក្នុង​បញ្ជី​បេតិកភណ្ឌពិភពលោក​ ប្រឈម      នូវការ​ខូច​ខាត​យ៉ាង​ធ្ងន់ធ្ងរ

ដោយ​​ក្តីសោក​សៅ​យ៉ាងខ្លាំង និង​សេចក្ដី​បារម្ភ​យ៉ាង​ធំធេង​ ​ខ្ញុំ​សូម​ជម្រាបជូន​​ដល់​លោក​​ជំទាវ​ ស្ដី​ពី​ព្រឹត្តិការ​ណ៍ដ៏​ថ្មី​ៗបំផុត​​ទាំងឡាយ​ ដែលបាន​កើតឡើង​កាល​ពី​ថ្ងៃ​ទី​ និង​ទី​៥ ខែ​កុម្ភៈ កន្លងទៅ​នេះ​ ក្នុង​​តំបន់​​ប្រាសាទព្រះវិហារ និងតំបន់​នៅ​ជុំវិញ​វត្ត​កែវសិក្ខាគិរីស្វារៈ។​

ស្មោះត្រង់​ទៅ​នឹង​មាគ៌ា​ដឹក​នាំ គោរព​យ៉ាង​ខ្ជាប់ខ្ជួននូវ​ច្បាប់អន្ដរជាតិ និង​ការ​​ប្រកាន់ខ្ជាប់នូវគោលជំហរសន្ដិភាព​ និងទំនាក់ទំនង​​ល្អជាអ្នក​ជិតខាង​ ជាមួយមិត្ត​ថៃ ព្រះរាជាណាចក្រកម្ពុជា​​ សូម​ធ្វើការ​កត់​សម្គាល់​ជាបឋមថា ក្នុង​សំណុំឯកសារ​ប្រាសាទព្រះវិហារ ថៃ​គ្មាន​អ្វីដើម្បីធ្វើការ​ទាម​ទារ​មក​វិញ​ទេ ប្រាសាទ​​ស្ថិតក្នុង​ដែន​ដី​ក្រោម​អធិបតេយ្យ​ភាព​របស់​កម្ពុជា​ ដែល​អន្ដរ​ជាតិទទួល​ស្គាល់។​ ព្រំដែន​ដែល​ឆ្លងកាត់​ក្នុង​រង្វង់​ប្រាសាទនេះ ​ត្រូវបាន​កំណត់ - មិនមែន​ជា​ចំណុច​ឯកតោ​ភាគីទេ​ ប៉ុន្ដែ​យោង​តាម​ឯកសារ​នានា ​ដែលមាន​​អានុភាជា​អន្ដរជាតិ​ - គឺវានៅ​សល់តែការ ព្រមព្រៀង​គ្នា​ក្នុង​ការ​ដាំបង្គោល ​បញ្ជាក់​​នូវ​គំនូស​​​​​ព្រំដែន​​ជាមួយ​រាជាណា​ចក្រ​​ថៃតែប៉ុណ្ណោះ​។ ព្រះរាជាណាចក្រកម្ពុជា​មាន​លទ្ធភាពគ្រប់គ្រាន់ដើម្បីរៀបចំចាត់ចែងបោះ​បង្គោល​​ព្រំដែន
 

នៅក្នុងខណៈនោះ ប្រទេសថៃគិតតែតវ៉ាទៅគណៈកម្មាធិការបេតិកភណ្ឌពិភពលោក ជា​ច្រើនលើក​ច្រើន​សា​ (ក្នុង​កិច្ច​ប្រជុំនៅ ក្រាយឈឺត ឆ្នាំ២០០៧  នៅទីក្រុង​កេប៊ិច ឆ្នាំ២០០៨ នៅ​សេវីល ឆ្នាំ២០០៩ និង​នៅ​ប្រេស៊ីលីយ៉ា ឆ្នាំ២០១០) ដោយ​លើក​ហេតុផល​ថា​ ការ​ចុះបញ្ជី​ប្រាសាទព្រះវិហារ​ គឺជា​ការ​ចុះបញ្ជី​ «ឯកតោភាគី» ដែល​ជាដើមចម​នៃទំនាស់​រវាង​កម្ពុជា​ និង​ថៃ។​ តាមការ​ពិត ប្រភនៃ​ជម្លោះ​ដ៏​​ខ្លាំងក្លា គឺជា​ផែនការ​​ និងការរៀបចំឡើង​ដោយ​រដ្ឋាភិបាលថៃ​ ដែល​កើតចេញពី​ផែនទី​សម្ងាត់ឯកតោភាគី គ្មានការ​ទទួល​ស្គាល់ជាអន្ដរជាតិ​ ​ហើយ​ដែលញ៉ាំង​ឲ្យ​មាន​ការវាយប្រហារបែប​​យោធាជាបន្ដបន្ទាប់ ដើម្បី​​សម្រេចគោលបំណងនៃមហិច្ឆតាឈ្លានពានលើទឹកដី​កម្ពុជា​។ ជានិច្ចកាល រាល់រដ្ឋអំណាច​ថៃ​តែង​តែយកលេសដោយ​​គ្មាន​មូលដ្ឋានគ្រឹះថាការអភិរក្ស និងការការពាររបស់យើងខ្ញុំបានសម្រេចធ្វើឡើងដោយ​ «តាំងខ្លួន»​​ នៅលើទឹកដីរបស់ថៃ។​​​ ការគំរាមកំហែងដោយយោធាថៃក្នុងតំបន់ប្រាសាទបានឈាន​​ដល់ការបាញ់គ្នាកងទ័ពជាតិកម្ពុជាបានសម្រេចទប់ទល់ក្នុងការវាយប្រហារ ហើយបានរារាំការ​​ចូលកាន់កាប់ទឹកដីក្នុងព្រំដែនរបស់យើងខ្ញុំរាល់ការបាញ់គ្រាប់​កាំ​ភ្លើង និងគ្រាប់​ផ្លោង​របស់​ទាហាន​ថៃ បាន​បញ្ជាក់​យ៉ាង​ច្បាស់​ពី​ការ​ប៉ុនប៉ង​ចូលកាន់កាប់​ និង​បំផ្លាញ​តំបន់​រមណីយ​ដ្ឋាន​ប្រាសាទ​ព្រះវិហារៈ

·         តាម​ការ​ពិនិត្យ​​ជាបឋមៈ គ្រាប់កាំភ្លើង​និង​គ្រាប់​ផ្លោង​ដែល​កើត​ចេញ​ពីការ​បាញ់​ដោយ​ ( បេ៤០ ដេកា៧៥មម ៨១មម ១០៥មម ១២០មម) គឺសំដៅ​មក​លើ​ប្រាសាទ​ និង​វត្ត​​ដែលបាន​ធ្វើ​ឲ្យ​មាន​ការ​ខូច​ខាត​ផ្នែក​ជា​ច្រើន​នៃ​ប្រាសាទ។
·         កន្លែង​ប្រារព្ធ​ពិធីសាសនា និង​ផ្នែក​ដទៃទៀត​របស់​វត្ត​កែវ​សិក្ខាគិរីស្វារៈ​​ ត្រូវ​បាន​បំផ្លាញដោយ​​គ្រាប់​កាំភ្លើង​និង​គ្រាប់​ផ្លោង​។
·         នៅគោបុរៈ​ទី១គ្រាប់កាំភ្លើង​ផ្លោង​ ១០៥មម និង​១២០មម​ បានធ្លាក់​នៅ​កន្លែង​ផ្សេងៗគ្នា​​ចម្ងាយ​ ម៉ែត្រ និង ២០ម៉ែត្រ ហើយ​អំបែង​គ្រាប់បាន​ខ្ទាតទៅ​ប៉ះ​ជញ្ជាំង​ប្រាសាទ។
·         នៅ​គោបុរៈ ទី៣ និង​ទី​៥  គ្រាប់កាំភ្លើង​ផ្លោង ១០៥មម និង​ ១២០មម បាន​ធ្លាក់ចម្ងាយ​ពី៥ម៉ែត្រ ម៉ែត្រ និង​ធ្វើ​ឲ្យ​ប៉ះពាល់ទៅ​លើ​ជញ្ជាំងប្រាសាទ និង​ទៅ​លើថ្ម​នៃទីលានខាងមុខ។​


លោកជំទាវជាទីគោរព

ខ្ញុំសូមជម្រាជូនលោកជំទាវថា ការវាយប្រយុទ្ធគ្នានេះបានកើតឡើងក្នុងខណៈ​ដែល​រដ្ឋមន្ដ្រី​ការបរទេស​ថៃ​កំពុង​ស្នាក់នៅ​ខេត្ត​សៀម​រាប។ តើ​គេ​អាចយល់​យ៉ាង​ដូច​ម្តេច​​ពីកិច្ចចរចា!!!​ ហើយតើគេយល់យ៉ាងដូចម្តេចអំពី ប្រទេសហត្ថលេខីមួយនៃអនុសញ្ញាក្រុងឡាអេឆ្នាំ១៩៥៤ និងអនុសញ្ញាឆ្នាំ១៩៧២ មិនបាន​​លើកលែង​ចំពោះរមណីយដ្ឋាន​បេតិកភណ្ឌ​ពិភពលោក និង​កន្លែង​ប្រារព្ធ​ពិធីសាសនា​​ ដូចជា​វត្ត​កែវសិក្ខាគិរីស្វារៈ​​។​ ការគំរាមកំហែងយោធាទាំងនោះអាចនឹង​​បណ្ដាល​​ឲ្យមានការខូចខាតធ្ងន់ធ្ងរជាងនេះ​​ទៅទៀត។​


ទន្ទឹមនឹងនេះ យើងខ្ញុំសូមទាញការចាប់អារម្មណ៍ពីលោកជំទាវ​ និង​សមាជិក​ដ៏ឧត្តុង្គឧត្តមនៃក្រុមប្រឹក្សាប្រតិបត្តិថា យើងខ្ញុំសូមធ្វើការអំពាវនាវជាបន្ទាន់ឲ្យ​មាន​​ការគោរពដល់ជីវិតមនុស្ស និងសម្បត្តិបេតិកភណ្ឌមនុស្សជាតិ។ យើងខ្ញុំសង្ឃឹម​ថា​សហគមន៍អន្តរជាតិជាអ្នកជួយធ្វើឲ្យមានការគោរពច្បាប់ និងសីលធម៌ហើយ​ជួយ​រក្សា​បាន​នូវសន្តិភាព។
លោកជំទាវ​ប្រធាន

យើងខ្ញុំមាន​ការ​បារម្ភយ៉ាងខ្លាំង​ចំពោះប្រាសាទព្រះវិហារ !

យើង​ខ្ញុំសូមអំពាវនាវ​យ៉ាងឱឡារឹក និងជា​បន្ទាន់​ដល់​អ្នកមានកាតព្វកិច្ច​ការពារ​​អនុសញ្ញាឆ្នាំ១៩៧២ និងដល់អ្នកការពារបេតិកភណ្ឌមនុស្សជាតិយើងខ្ញុំ​ជឿ​ជាក់​ចំពោះសម្ថតភាព​ដ៏ខ្ពង់ខ្ពស់របស់លោកជំទាវប្រធាន​​​ នូវក្របខ័ណ្ឌនៃ​ការ​​​​ទទួលខុសត្រូវរបស់​ក្រុមប្រឹក្សាប្រតិបត្តិនៃអង្គការយូណេស្កូ។​​​

សូម​លោកជំទាវប្រធាន​​ទទួល​នូវ​សេចក្ដី​​គោរព​រាប់អាន​ដ៏ខ្ពង់ខ្ពស់​​អំពីខ្ញុំ
ប្រធានគណៈកម្មការជាតិយូណេស្កូកម្ពុជា
ឧបនាយករដ្ឋមន្រ្តី

ហត្ថលេខា

សុខ អាន