Wednesday, January 12, 2011

សហភាពអឺរ៉ុប ផ្ដល់ជំនួយជាទឹកប្រាក់ចំនួន ២ លានដុល្លារ ដល់គម្រោងសិទ្ធិមនុស្ស

ភ្នំពេញៈ សហភាពអឺរ៉ុបបានសំរេចផ្ដល់ជំនួយ ជាទឹកប្រាក់ប្រមាណ ១.៦ លានអឺរ៉ូ (ប្រមាណជាជាង ២ លាន ដុល្លារ សហរដ្ឋអាមេរិក) ដល់គម្រោងថ្មីចំនួន ៨ ដែលធ្វើកិច្ចការដើម្បីលើក កម្ពស់សិទ្ធិមនុស្ស ប្រជាធិបតេយ្យ និងនិតិរដ្ឋនៅកម្ពុជា ។
គម្រោងទាំងនេះ នឹងត្រូវអនុវត្ដ ភាគច្រើន ដោយអង្គការក្រៅរដ្ឋាភិបាលក្នុងស្រុក ។ គម្រោងទាំងប្រាំបី (៨) នេះ ត្រូវបានជ្រើសរើសចេញពីក្នុងចំណោមសំណើសុំថវិកា ចំនួន ២៣ ដែលត្រូវបានធ្វើឡើងតាមរយៈការប្រកាស់ឱ្យដាក់សំណើរសុំ ថវិការបស់ប្រតិភូនៃសហភាពអឺរ៉ុបប្រចាំព្រះរាជាណាចក្រកម្ពុជា កាលពីឆ្នាំមុន និងតាមរយៈកម្មវិធីសិទ្ធិមនុស្សជាសាកលរបស់ សហភាពអឺរ៉ុប។
អ្នកស្រី Labeeu Michelle ប្រធានផ្នែកប្រតិបត្ដិការនៃប្រតិភូសហភាពអឺរ៉ុបប្រចាំកម្ពុជា បានមានប្រសាសន៍ថា ”សិទ្ធិមនុស្ស និងលទ្ធិប្រជាធិបតេយ្យ គឺជាសសរទ្រូងនៃសហភាពអឺរ៉ុប និងជាមូលដ្ឋានគ្រឹះសម្រាប់គ្រប់សកម្មភាពទាំងអស់ ដែលស្ថិតនៅក្រោមជំនួយរបស់សហភាពអឺរ៉ុប”។ អ្នកស្រី ឡាបLabeeuុ មានប្រសាសន៍បន្ថែមទៀតថា ”ជួសមុខឱ្យប្រតិភូនៃ សហភាពអឺរ៉ុប ខ្ញុំសូមស្វាគមន៍ដោយក្ដីសោមនស្សរីករាយចំពោះការចូលរួមរបស់គម្រោងថ្មីទាំងប្រាំបីនោះ ហើយខ្ញុំជឿជាក់ថា គម្រោងទាំងនេះ នឹងរួមចំណែកដល់ការអភិវឌ្ឍន៍ប្រទេសកម្ពុជា ក៏ដូចជាការអភិវឌ្ឍន៍របស់ប្រជាជននៅក្នុងប្រទេសនេះដែរ” ។
ដោយៈ កញ្ញាដាលីន

បិទវគ្គបណ្ដុះបណ្ដាលជំនាញវិជ្ជាជីវៈកាត់ ដេរជំនាន់ទី៣និងបើកវគ្គបន្ដជំនាន់ទី៤ដល់ ស្ដ្រីក្រីក្រនិងស្ដ្រីមេម៉ាយ



ប្រធានកិត្ដិយសសមាគម នារីកម្ពុជាដើម្បីសន្ដិភាព និង
អភិវឌ្ឍន៍ខេត្ដសៀមរាប អមដំណើរដោយ លោកជំទាវ ជាភិរិយាថ្នាក់ដឹកនាំខេត្ដ សមាជិកក្រុម
ប្រឹក្សាខេត្ដ បានអញ្ជើញជាអធិមតីក្នុងពិធីបិតវគ្គ ជំនាញវិជ្ជាជីវៈកាត់ដេរ ត្បាញភួយក្រម៉ា ជំនាន់
ទី៣ និងបើកវគ្គបន្ដជំនាន់ទី៤ ដល់ស្ដ្រី ក្រីក្រ កូនកំព្រា និង ជនពិការ នៅមជ្ឈមណ្ឌល អភិវឌ្ឍន៍
ស្ដ្រី ស្ថិតនៅក្នុង ឃុំលាងដៃ ស្រុកអង្គរធំខេត្ដសៀមរាប ។
លោក ជំទាវ ស្រី សិរីទេវី ស៊ូ ភិរិន្ទ បានមានប្រសាសន៍ថាៈ វគ្គបណ្ដុះបណ្ដាលនេះប្រារព្វធ្វើ
ឡើងក្នុងគោលបំណង ដើម្បីជួយដល់ស្ដ្រីក្រីក្រ ស្ដ្រីមេម៉ា កូនកំព្រា និង ជនពិការដើម្បីមានឱ្យ
សមត្ថភាព និង ជំនាញមួយច្បាស់លាស់ ក្នុងការប្រកបមុខរបរកស៊ីចញ្ជឹមជីវិតប្រចាំថ្ងៃ។ លោកជំ
ទាវបានបន្ដទៀតថាៈ នៅក្នុងយុទ្ធសាស្ដ្រចតុកោណរបស់រាជរដ្ឋាភិបាលកម្ពុជា្រ ស្ដីត្រូវបានគេចាត់
ទុកថា ជាឆ្អឹងខ្នងនៃសេដ្ឋាកិច្ចជាតិ និងសង្គម ដែលនៅក្នុងមួយរយៈកាលកន្លងមកនេះ ស្ដ្រីបាន
ជំនះនូវរាល់ការលំបាកជាច្រើន ក្នុងដំណើរការ ស្ដារ និង អភិវឌ្ឍន៍ប្រទេសជាតិឡើងវិញ បន្ទាប់ពី
សង្គ្រាមរាំរ៉ៃបានបំផ្លាញស្ទើគ្មានសល់ នូវហេដ្ឋារចនាសម្ពន្ធ័សង្គម វប្បមធ៍ ប្រពៃណីទំនៀមទម្លាប់
និងជំនឿសាសនា។បច្ចុប្បន្ននេះរាជរដ្ឋាភិបាលបានផ្ដល់អាទិភាពខ្ពស់ទៅលើតួនាទីរបស់ស្ដ្រីកម្ពុជា
តាមរយៈការអនុវត្ដយុទ្ធសាស្ដ្រ យេនឌ័រ ការកសាងសមត្ថភាពស្ដ្រីលើគ្រប់វិស័យការផ្លាស់ប្ដូរឥរិ
យាបថសង្គម ដែលរើសអើងចំពោះស្ដ្រី និងធានាសិទ្ធិរបស់ស្ដ្រីក្នុងការចូលរួមយ៉ាងសកម្ម និងស្មើ
ភាពជាមួយបុរស់ ក្នុងការកសាង និងអភិវឌ្ឍន៍ប្រទេសជាតិ ។
នៅក្នុងឱកាសនេះដែរ លោក ជំទាវ ស្រីសិរីទេវី ស៊ូ ភិរិន្ទ ក៍បានផ្ដាំផ្ញើដល់សិក្ខាកាមទាំងអស់
ត្រូវយកចិត្ដទុកដាក់ទៅលើមុខជំនាញនីមួយៗដើម្បីឆាប់ទទួលបានចំណេះដឹងមួយពិតប្រកដយក
ទៅប្រកបមុខរកស៊ីដើម្បីអោយស្ថានភាពគ្រួសារមានធូរធារួចផុតពីភាពក្រីក្រ។ ជាមួយគ្នានេះ
ដែរ លោកជំទាវក៍បានផ្ដាល់ម៉ាស៊ីនកាត់ដេរចំនួន៣៦គ្រឿងដល់សិក្ខាកាមដែលបានបញ្ចប់វគ្គយក
ទៅប្រកបមុខរបរកស៊ី និងផ្ដល់ថវិកាមួយចំនួនដល់មជ្ឈមណ្ឌលផងដែរ ។

សម្តេច​ហ៊ុន សែន​៖ ទំនាក់ទំនង​ល្អ​កម្ពុជា​ចិន​ធ្វើឲ្យ​ទុន​វិនិយោគចិន​ជាប់ចំណាក់​ថ្នាក់ទី​១

កោះកុង: សម្តេច​អគ្គម​ហ​សេនាបតី​តេជោ ហ៊ុន សែន នាយករដ្ឋមន្ដ្រី​នៃ​ព្រះរាជាណាចក្រ​កម្ពុជា បាន មានប្រសាសន៍ថា ទំនាក់ទំនង​ល្អ​រវាង​រាជរដ្ឋាភិបាល​កម្ពុជា​និង​រដ្ឋាភិបាល​ចិន​និង​ការជំរុញ និង​គាំទ្រ​ពី​ខាង​ក្រៅ​របស់​រដ្ឋាភិបាល​ចិន​បាន​ធ្វើឲ្យ​កម្ពុជា​ទទួលបាន​ទុនវិនិយោ​គ ចំណាក់​ថ្នាក់​លេខ​១​ពី​ប្រទេស​ចិន​

​ទុន​នេះ​បានបង្ហាញ​តាមរយៈ​ការវិនិយោគ​នៃ​គម្រោង​ធំៗ ដូចជា​គម្រោង​វា​រី​អគ្គិសនី​ជាច្រើន កន្លែង​នៅ​កម្ពុជា​។ សម្តេច​បាន​មាន​ប្រសា​ស​ន៏​បែបនេះ​នៅក្នុង​ឱកាស​ពិធី​បិទ​ស្ទឹង​ដើម្បី សាងសង់​ទំនប់​វា​រី​អគ្គីសនី​ស្ទឹង​តាតៃ​ដែល​មាន​អានុភាព​តម្លើ​ង ២៤៦  មេហ្គា​វ៉ាត់ នៅ​ព្រឹក​
​ថ្ងៃទី ១២ ខែ មករា នេះ​ស្ថិតនៅ ឃុំ​ឬ​ស្សី​ជ្រុំ ស្រុក​ថ្មបាំង ខេត្ដ​កោះកុង​។​

​សម្តេច​តេជោ ហ៊ុន សែន នាយករដ្ឋមន្ត្រី បាន​រំលឹក​ឡើងវិញ​អំពី​ទំនាក់ទំនង​ការទូត​រវាង​​ប្រទេស​ទាំង​ពីរ​កម្ពុជា​ចិន ដែល​ឈាន​ចេញពី​ទំនាក់ទំនង​ប្រទេសជិតខាង​ល្អ​
នៅក្នុង​ឆ្នាំ​១៩៩៤ ។ បន្ទាប់មក​បាន​ឈាន​ដល់​ទំនាក់ទំនង​ជឿទុកចិត្ត​គ្នា​នៅ​ឆ្នាំ ២០០៤ ហើយ​បាន​ឈានដល់ ទំនង​ទំនងជា​យុទ្ធសាស្ត្រ​លើ​គ្រប់​ជ្រុងជ្រោយ​នៅ​ឆ្នាំ​២០១០ ។ 

​តាមរយៈ​ជំនឿ​ទុក​ចិត្ត​នេះ និង​ទំនាក់ទំនង​ជា​យុទ្ធសាស្ត្រ​គ្រប់ ជ្រុងជ្រោយ​ដែល​ជា​ការ ជំរុញ​ពីក្រោយ​ខ្នង​របស់​រដ្ឋាភិបាល​ចិន អ្នកវិនិយោគ​ចិន​ជាច្រើន​បាន​ចាប់យក​
​កាលានុវត្តភាព​ដែល​កម្ពុជា​មាន​សក្តានុពល​សំរាប់​វិនិយោគ​។ សម្តេច​បាន​បន្តថា ការគាំទ្រ​សំ ខាន់​របស់​រដ្ឋាភិបាល​ចិន​មាន ២ ចំណុច​គឺៈ​

ទី​១​ការគាំទ្រ​ខាង​នយោបាយ​ដែល​ពាក់ព័ន្ធ​ទៅ ទំនាក់ទំនង​រវាងរដ្ឋាភិបាល​និង​រដ្ឋាភិបាល​ក្នុងនោះ​មាន​ការធានាទាក់​ទិ​ន​ជាមួយ​ការ​គាំពារ អ្នកវិនិយោគ និង ផ្នែក​ដទៃទៀត​ដែល​មាន​ការពាក់ព័ន្ធ​ទៅលើ​គម្រោង​ការ​ខាង​ផ្លូវច្បាប់ ដែល​រដ្ឋាភិបាល​ទាំងសងខាង​ត្រូវតែ​ធានា​អះអាង​នូវ​ជំនឿ​ទុកចិត្ត​ឲ្យ​គ្នា​ទៅវិញទៅមក​។ 

​ទី​២ រដ្ឋាភិបាល​ចិន​បាន​គាំទ្រ​ពី​ខាងក្រោយ​តាមរយៈ​នៃ​ធនាគារ​ជាច្រើន​របស់​ចិន ដើម្បី​ឲ្យ​បណ្តាល​ក្រុមហ៊ុន​អាច​ទទួលបាន​នូវ​ឥណទាន​យកមក​ប្រើប្រាស់​ក្នុង​គំម្រោងការ នៃ​ការវិនិយោគ​ក្នុងប្រទេស​កម្ពុជា​របស់​យើង​។​សម្តេច​បាន​បន្តថា បើ​គ្មាន​ការគាំទ្រ​ពី​ធនាគារ ធំៗ​របស់​ចិន និង​ការបើកផ្លូវ​ពី​រដ្ឋាភិបាល​ចិន​ទេនោះ យើង​ពិបាក​និង​ទាញ​ទុន​ដ៏​ធំ​ពី ប្រទេស​ចិន​មក​កាន់​កម្ពុជា​ណាស់ ។ 

​នៅក្នុង​បញ្ហា​នេះ​ដែរ​សម្តេច​បាន​បញ្ជាក់​ថា វា​ក៏​ជា​ក្របខណ្ឌ​រួម​ផងដែរ​នៅក្នុង​នយោបាយ របស់​ប្រទេស​ចិន​ក្នុង​ទំនាក់ទំនង​ជាមួយ​អាស៊ាន​ដែល​រហូត​មកដល់ពេលនេះ ចិន បានប្រកាស​ផ្តល់​ឥណទាន​រហូត ៧.០០០ លាន​ដុ​លា្ល​អាមេរិក​សំរាប់​ប្រទេស​ក្នុង​អាស៊ានទាំង​១០។ 

ប៉ុន្តែ​ក្នុង​នេះ​កម្ពុជា​ទាញយក​ឥណទាន​នេះ​ក្នុង​ទំហំ​ច្រើន​គួរសម​ទាំង​ផ្នែក​ឥណទាន ស្តារ​ហេ​ដ្ឋា​រចនាសម្ពន្ធ័ ដែល​រាជរដ្ឋាភិបាល​កម្ពុជា​បាន​ខ្ចី និង​មួយ​ផ្នែក​ទៀត​តាម រយៈ ការវិនិយោគ​របស់​ក្រុមហ៊ុន​ចិន​៕

CEN

កង​រាជ​អាវុធ​ហត្ថ​ចាប់​ខ្លួន​មន្ត្រី​យោធា​មួយ​រូប​បន្លំ​ពាក់​ផ្កាយ​បី

សៀមរាប ៖ មន្ត្រី​យោធា​មួយ​រូប​បន្លំ​ពាក់​ផ្កាយ​ជា​​ឧត្តម​សេនីយ៍​ឯក ត្រូវ​សមត្ថកិច្ច​កង​រាជ​អាវុធ​ហត្ថ​លើ​ផ្ទៃ​ប្រទេស​សហការ​ជាមួយ​កង​រាជ​អាវុធ​ហត្ថ​ខេត្ត​សៀមរាប ឡោម​ព័ទ្ធ​ចាប់​នៅ​ឯ​លំនៅឋាន ផ្ទាល់​ខ្លួន​របស់​គាត់ ស្ថិត​ក្នុង​ភូមិ​ខ្នា​រង្វាស់ ឃុំ​ឃុនរាម ស្រុក​បន្ទាយស្រី ខេត្ត​សៀមរាប ។
ប្រតិបត្តិការ​ចាប់​ខ្លួន​ឧត្តម​សេនីយ៍​ក្លែង​ក្លាយ​នេះ​បាន​ធ្វើ​ឡើង​កាល​ពី​ព្រឹក​ថ្ងៃ​ទី​១២ ខែ​មករា ឆ្នាំ​២០១១ ដោយ​ប្រើប្រាស់​កំលាំង​ជាង​១០​នាក់​ប្រដាប់​ដោយ​អាវុធ​វែង​ខ្លី​គ្រប់​ដៃ។
ទាក់​ទិន​នឹង​ប្រតិបត្តិការ​នេះ ក្រុម​សមត្ថកិច្ច​កង​រាជ​អាវុធ​ហត្ថ​ពុំ​បាន​ធ្វើ​​អត្ថាធិប្បាយ​ប្រាប់​ក្រុម​អ្នក​កាសែត​អោយ​ដឹង​អំពី​មូលហេតុ​​ច្បាស់​លាស់​នៃ​ការ​ចាប់​ខ្លួន​នេះ​ទេ។ ក៏​​ប៉ុន្តែ​ប្រភព​ពី​កង​រាជ​អាវុធ​ហត្ថ​ខេត្ត​បាន​បង្ហើប​អោយ​ដឹង​ថា ការ​ចាប់​ខ្លួន​នេះ​តាម​ដីកា​របស់​តុលាការ​យោធា ពាក់ព័ន្ធ​និង​បទ​ល្មើស យោធា​ជា​ច្រើន​ករណី។ ប្រភព​ដដែល​បាន​បន្ត​ថា ជន​ដែល​បាន​ចាប់​ខ្លួន​នេះ​មាន​ឈ្មោះ ពើយ ប៉ែល ជា​មន្ត្រី​យោធា​បន្លំ​ពាក់​ផ្កាយ​បី តែ​ពុំ​ដឹង​ថា​ស្ថិត​ក្នុង​អង្គភាព​ណា​ពិត​ប្រាកដ​នោះ​ទេ។
ប្រភព​ពី​សមត្ថកិច្ច​ប៉េអឹម​ខេត្ត​បាន​បន្ត​ទៀត​ថា ក្នុង​ពេល​កំលាំង​ចុះ​ប្រតិបត្តិការ​ជន​ឈ្មោះ ពើយ ប៉ែល បាន​ព្យាយាម​រត់​គេច​ទៅ​ខាង​ក្រោយ​ផ្ទះ តែ​មិន​អាច​គេច​រួច​ទេ​ព្រោះ​កង​កំលាំង​បាន​ពង្រាយ ឡោម​ព័ទ្ធ​លំនៅឋាន​នេះ​រួច​ជា​ស្រេច។ ប្រភព​ដដែល​បាន​បន្ត​ទៀត​ថា បន្ទាប់​ពី​ឃាត់​ខ្លួន​ជន​នេះ​បាន​ហើយ ក្រុម​សមត្ថកិច្ច​បាន​ធ្វើ​ការ​ឆែក​ឆេរ​រក​ឃើញ​វត្ថុតាង​មួយ​ចំនួន​រួម​មាន កាំភ្លើង​អាការ​៤៧​មួយ​ដើម គ្រឿង ឥស្សរិយយស​ជា​ឧត្តមសេនីយ៍​ឯក ស័ក្ក​អនុសេនីយ៍​ឯក និង​រថយន្ត​ពណ៌​ត្រេអ៊ី​០១​គ្រឿង ម៉ាក​ទ្រុប​ភឺ ពាក់ ស្លាក​លេខ ខ.ម ៣៣៥៥។
ប្រភព​ដដែល​បាន​បន្ត​ថា ជន​ឈ្មោះ​ពើយ ប៉ែល និង​វត្ថុតាង​ត្រូវ​បាន​នាំ​មក​កាន់​ទី​បញ្ជា​ការ​កង រាជ​អាវុធ​ហត្ថ​ខេត្ត​ដើម្បី​ធ្វើ​ការ​សាក​សួរ​បន្ថែម​ជុំវិញ​រឿង​នេះ។ ទោះ​បី​ជា​បែប​ណា​រហូត​មក​ដល់​ម៉ោង​៤ និង​៣០​​នាទី​រសៀល​ថ្ងៃ​ទី​១២​ខែ​មករា​នេះ ពុំ​មាន​ការ​អះអាង​អោយ​បាន​ច្បាស់លាស់​អំពី​ការ​ចាប់​ខ្លួន​នេះ​ទេ។
ពាក់​ព័ន្ធ​នឹង​ការ​ចាប់​ខ្លួន​នេះ មាន​ប្រភព​សន្និដ្ឋាន​ផ្សេងៗ​គ្នា​ដោយ​អ្នក​ខ្លះ​សង្ស័យ​ថា ជា​រឿង​ដីធ្លី ព្រោះ​ពេល​កន្លង​មក​បុគ្គល​ឈ្មោះ​ពើយ ប៉ែល ត្រូវ​បាន​ខាង​រដ្ឋបាល​ព្រៃ​ឈើ​សៀម​រាប​ដាក់​ពាក្យ​បណ្តឹង​ទៅ​តុលាការ​ពី​បទ​កាន់​កាប់​ទន្ទ្រាន​​ដី​ព្រៃ​ឈើ​ខុស​ច្បាប់។ ចំណែក​អ្នក​ខ្លះ​ទៀត​បាន​សន្និដ្ឋាន​ថា ជា​រឿង​បទ​ល្មើស​យោធា​ដោយសារ​តែ​បុគ្គល​នេះ​ឡើង​ឋានន្តរ​ស័ក្ក​លឿន​ពេក​ពី​ព្រោះ​អ្នក​ដែល​ធ្លាប់​ស្គាល់​ជន​នេះ​ធ្លាប់​ពាក់​ស័ក្ក​៣ តែ​បាត់​មួយ​រយៈ​ស្រាប់​តែ​ឃើញ​ពាក់​ផ្កាយ​៣​ទៅ​វិញ៕
ហម សំបូរ និង ល័យ វាសនា

ក្រុម​ការងារ​គ្រូ​ពេទ្យ​ស្ម័គ្រចិត្ត​​បន្ត​ដំណើរ​ទៅ​ខេត្ត​បន្ទាយមានជ័យ​ ព្យាបាល​ជម្ងឺ​ប្រជាពលរដ្ឋ​​នៅ​ថ្ងៃ​ស្អែក


សៀមរាប ៖ ប្រជាពលរដ្ឋ​នៅ​តាម​ទី​ជន​បទ​ឆ្ងាយ​ៗ​ដែល​មិន​សូវ​ទទួល​បាន​​ការ​ថែទាំ​សុខភាព​ឲ្យ​បាន​ដិត​ដល់ នៅ​ព្រឹក​ថ្ងៃ​ទី​១២ ខែ​មករា ឆ្នាំ​២០១១​នេះ ​បាន​​ទទួល​​ការ​​​យក​​ចិត្ត​​ទុក​​ដាក់​​ពី​សំណាក់​ក្រុម​ការងារ​មនុស្សធម៌​របស់​អគ្គនាយកដ្ឋាន ទូរទស្សន៍ និង​វិទ្យុ​បាយ័ន ដោយ​មាន​ការ​រួម​សហការ​ពី​ដៃ​គូ​មនុស្ស​មក​ពី​សហរដ្ឋ​អាមេរិក កាណាដា និង​ប្រទេស​កូរ៉េ​ផង ដើម្បី​បំពេញ​បេសកកម្ម​មនុស្ស​ធម៌​ផ្ដល់​ថ្នាំ​ពេទ្យ ពិនិត្យ​ជំងឺ និង​ព្យាបាល​ជំងឺ​មួយ​ចំនួន​នៅ​ខេត្ត​សៀម​រាប។
លោក​ទិត ថាវរិទ្ធ អគ្គនាយក​រង​ទូរទស្សន៍ និង​វិទ្យុ​បាយ័ន បាន​ប្រាប់​កម្ពុជា​ថ្មី​ឲ្យ​ដឹង​ថា ចាប់​ពី​​​ម៉ោង​៩​ព្រឹក​​ ថ្ងៃ​ទី​១២ ខែ​មករា ឆ្នាំ​២០១១​នេះ ក្រុម​ការងារ​គ្រូ​ពេទ្យ​ស្ម័គ្រ​ចិត្ត​​របស់​​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន បាន​បំពេញ​បេសកកម្ម​ជា​រៀងរាល់​ខែ ចុះ​ជួយ​ព្យាបាល​ជំងឺ​ដល់​ប្រជាពលរដ្ឋ​នៅ​តាម​ខេត្ត​នានា​ឆ្ងាយ​ៗ ដោយ​​បាន​មើល​ឃើញ​​អំពី​​ការ​លំបាក​ក្នុង​ការ​ថែទាំ​សុខភាព​​របស់​​ប្រជាពលរដ្ឋ​នៅ​ជន​បទ ទើប​លោក​ជំទាវ ហ៊ុន ម៉ាណា អគ្គនាយិកា​ទូរទស្សន៍ និង​វិទ្យុ​បាយ័ន ដាក់​​ចេញ​ផែន​ការ​មនុស្សធម៌​សម្រាប់​ក្រុម​ការងារ​ទូរទស្សន៍ និង​វិទ្យុ​​បាយ័ន​អនុវត្តន៍​ជា​រៀង​រាល់​ខែ​។ បេសកកម្ម​​លើក​​នេះ​​​បាន​​ធ្វើ​ឡើង​នៅ​ក្នុង​ឃុំ​សែនសុខ ស្រុក​ក្រឡាញ់ ខេត្ត​សៀមរាប ដោយ​មាន​ការ​ចូល​រួម​សហការ ពី​ក្រុម​ការងារ​នៃ​អង្គភាព​គ្រូ​ពេទ្យ​ស្ម័គ្រ​ចិត្ត​ ឈ្មោះProject LACE មក​ពី​សហរដ្ឋ​អាមេរិក កាណាដា និង​ប្រទេស​កូរ៉េ ចំនួន​២១​នាក់ និង​ក្រុម​ការងារ​គ្រូ​ពេទ្យ​ស្ម័គ្រ​ចិត្ត​​របស់​អគ្គ​នាយក​ដ្ឋាន​ទូរទស្សន៍ និង​វិទ្យុ​បាយ័ន ប្រមាណ​ជាង​២០​នាក់​ផង​ដែរ។
ក្រុម​គ្រូ​ពេទ្យ​ស្ម័គ្រ​ចិត្ត​បាន​ប្រាប់​កម្ពុជា​ថ្មី​តាម​ទូរស័ព្ទ​ថា ប្រជាពលរដ្ឋ​ដែល​មក​ទទួល​ការ​ពិនិត្យ និង​ព្យាបាល​ជម្ងឺ​ភាគ​ច្រើន​មាន​ជំងឺ​ផ្លូវ​ដង្ហើម និង​ជម្ងឺ​ពោះវៀន ដែល​ជម្ងឺ​ទាំង​នេះ​កើត​មាន​ទៅ​លើ​កុមារ​និង​ក្មេង​ជំទង់។ ក្រុម​គ្រូ​ពេទ្យ​ស្ម័គ្រ​ចិត្ត​បាន​ឲ្យ​ដឹង​ទៀត​ថា ក្រុម​ការងារ​របស់​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន​ផ្ដោត​ជា​សំខាន់​ទៅ​លើ​ជំងឺ​របស់​កុមារ និង​មនុស្ស​វ័យ​ជំទង់ ហើយ​​ក្រុម​ការងារ​គ្រូ​ពេទ្យ​ស្ម័គ្រ​ចិត្ត​មក​ពី​សហរដ្ឋអាមេរិក កាណាដា និង​ប្រទេស​កូរ៉េ​ផ្ដោត​ជា​ទូទៅ​លើ​អ្នក​ជំងឺ​វ័យ​កណ្ដាល និង​មនុស្ស​ចាស់។ ​ដូច្នេះ​ការងារ​នេះ​យើង​សហការ​គ្នា​បាន​កាន់​តែ​ប្រសើរ។
ក្រុម​ប្រជាពលរដ្ឋ​ប្រមាណ​​៨០០​​នាក់ ដែល​បាន​មក​ទទួល​ការ​ព្យាបាល​​ពី​​ក្រុម​ការងារ​​គ្រូ ពេទ្យ​ស្ម័គ្រ​ចិត្ត របស់​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន នៅ​ព្រឹក​ថ្ងៃ​ទី​១២ ខែ​ធ្នូ ឆ្នាំ​២០១១​នេះ បាន​អង្គុយ​រង់​ចាំ និង​តម្រង់​ជួរ​បន្ត​បន្ទាប់​គ្នា ដើម្បី​ពិនិត្យ​ជំងឺ។ ក្រុម​ប្រជាពលរដ្ឋ​បាន​ថ្លែង​អំណរ​គុណ ដែល​ក្រុម​ការងារ​គ្រូ​ពេទ្យ​ស្ម័គ្រ​ចិត្ត​​របស់​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន បាន​មក​ព្យាបាល​ពួក​គាត់​ដល់​ទី​កន្លែង ទាំង​នេះ​ជា​ទង្វើ​មនុស្ស​ធម៌​មួយ​ដែល​ប្រជាពល​រដ្ឋ​ខ្មែរ​យើង​តែង​តែ​ជួយ​គ្នា​ជា ដរាប​រៀង​មក។
បេសកកម្ម​របស់​ក្រុម​ការងារ​ទាំង​ពីរ​និង​បន្ត​ដំណើរ​ទៅ​បំពេញ​បេសក​កម្ម​នៅ​ខេត្ត​បន្ទាយ​មាន ជ័យ​ជា​បន្ត​ទៀត ដើម្បី​ពិនិត្យ​និង​ព្យាបាល​ជំងឺ​ជូន​ប្រជាពលរដ្ឋ នៅ​ថ្ងៃ​ទី​១៣ ខែ​មករា ឆ្នាំ​២០១១​នេះ​ទៀត៕
ក្រុម​ការងារ​គ្រូ​ពេទ្យ​ស្ម័គ្រ​ចិត្ត

ក្រុម​បាតុករ​អាវ​លឿង​ថៃ​ព្រមាន​បិទ​ច្រក​អន្តរជាតិ​ប៉ោយប៉ែត​ស្អែក​នេះ

បន្ទាយមានជ័យ ៖ អាជ្ញាធរ​ខេត្ត​បន្ទាយ​មាន​ជ័យ​បាន​ប្រាប់​កម្ពុជា​ថ្មី​ថា សមត្ថកិច្ច​ថៃ​ប្រចាំ ច្រក​ប៉ោយប៉ែត​បាន​ជូន​ដំណឹង​មក​ថា ពួក​ក្រុម​បាតុករ​អាវ​លឿង​ថៃ គ្រោង​មក​តវ៉ា​នៅ​មុខ​ច្រក​អន្តរ ជាតិ​ប៉ោយប៉ែត ដើម្បី​ឲ្យ​បិទ​ច្រក​នេះ​ជា​ស្ថាពរ ជា​ការ​ឆ្លើយ​តប​ឲ្យ​កម្ពុជា​ដោះ​លែង​សកម្មជន​របស់​គេ ទាំង​៧​នាក់​ត្រឡប់​មក​វិញ។
មន្រ្តី​នោះ​និយាយថា ឥឡូវ​យើង​បាន​ឃើញ​ទាហាន​ឈុតខ្មៅថៃ បានដាក់ពង្រាយ​ប្រមាណ​ជា ៣០០​ម៉ែត្រ​ពី​ព្រំដែន ជិត​ផ្សារ​រុងក្លឿ ដែល​ការ​ដាក់​ពង្រាយនេះ​ដើម្បី​ទប់ស្កាត់​ក្រុម​បាតុករ​អាវលឿង នៅ​ថ្ងៃ​ស្អែក។ លើស​ពី​នេះ​ទៅ​ទៀត កង​ទ័ព​ឈុត​ខ្មៅ​ថៃ ក៏​បាន​ដាក់​ផ្កាយ​រណប​ពីរ​គ្រឿង ដើម្បី​តាម​ដាន​ក្រុម​សកម្មភាព​អាវ​លឿង គ្រោង​មក​ធ្វើ​បាតុកម្ម​ផង និង​តាម​ដាន​ប្រជាពលរដ្ឋខ្មែរ​ចូល​ព្រំដែន ខុស​ច្បាប់​ផង។ ប៉ុន្តែយ៉ាងណា​ក៏ដោយ​ច្រក​ព្រំដែន​អន្តរជាតិ​ប៉ោយប៉ែត​នៅ​ល្ងាច​នេះ​ស្ថាន​ភាព​ជា​ធម្មតា​នៅ​ឡើយ​ទេ​តែ​ខាង​ក្នុង​ទឹក​ដី​ថៃ យើង​ឃើញ​មាន​ការ​ប្រែប្រួល​កង​កម្លាំង​ប្រដាប់អាវុធ​របស់​ថៃ ជាច្រើន៕

អាជ្ញាធរ​ថៃ​ប្រាប់​កម្ពុជា​កុំ​ឲ្យ​អន្តរាគមន៍​រឿង​ពលរដ្ឋ​ខ្មែរ​៧​នាក់ គេ​បញ្ជូន​ទៅ​តុលាការ​ហើយ

ភ្នំពេញ ៖ អាជ្ញាធរ​ថៃ​ប្រចាំ​នៅ​ច្រក​អន្តរជាតិ​ប៉ោយប៉ែត បាន​ប្រាប់​អាជ្ញាធរ​កម្ពុជា​នៅ​ទី​នោះ​ថា​រឿង​ជន​ជាតិ​ខ្មែរ​៧​នាក់​ដែល​ឃាត់​ខ្លួន​នៅ​ក្នុង​ផ្សារ​រុងក្លឿ ពី​បទ​ប្រើប្រាស់​លិខិត​ស្នាក់​នៅ​ហួស​សុពលភាព នឹង​ត្រូវ​បញ្ជូន​ទៅ​តុលាការ​ហើយ សូម​កុំ​ឲ្យ​ភាគី​កម្ពុជា​អន្តរាគមន៍។
ភាគី​ថៃ​បាន​ប្រាប់​ទៀត​ថា ជនជាតិ​កម្ពុជា​ទាំង​៧​នាក់​នេះ នឹង​ត្រូវ​បើក​សវនាការ​នៅ​តុលាការ​ខេត្ត​ស្រះ​កែវ នៅ​ថ្ងៃ​ទី​២៤​​ខែ​មករា ឆ្នាំ​២០១១​ខាង​មុខ​នេះ។ ដូច្នេះ​ទោស​ទណ្ឌ​របស់​ពួក​គេ​ទុក​ឲ្យ​តុ​លាការ​ជា​អ្នក​សម្រេច។
ពលរដ្ឋខ្មែរទាំង៧រូបនោះមានឈ្មោះ ១-សែន មករា ភេទប្រុស អាយុ២២ឆ្នាំ, ទី២-សន ពៅ ភេទប្រុស អាយុ២២ឆ្នាំ, ៣-ឈ្មោះឆេង ណា ភេទប្រុស អាយុ២៣ឆ្នាំ, ទី៤-ឈ្មោះឆេង ជីត ភេទប្រុស អាយុ២៤ឆ្នាំ, ទី៥-ឈ្មោះទិន សុង ភេទប្រុស អាយុ២០ឆ្នាំ, ទី៦-ឈ្មោះណេត សិទ្ធ ភេទប្រុស និងទី៧-ឈ្មោះឆ ឆេង ភេទប្រុស។
ឫទ្ធី

តុលាការ​​ចោទសួរ​​ជនជាតិ​ថៃ​២​នាក់​ក្រោយពី​ទទួល​ការចោទប្រកាន់​បន្ថែម​



ភ្នំពេញ​: ជនជាតិ​ថៃ​២​នាក់​ក្នុងចំណោម​៧​នាក់​ត្រូវបាន​គេ​នាំ​ឡើង​តុលាការ​ម្តងទៀត​នៅ​ព្រឹក​នេះ​ដើម្បី​សាកសួរ​បន្ថែម​ពី​ចេតនា​ប៉ុនប៉ង​ប្រមូល​ព័ត៌មាន​ក្នុង​ទឹកដី​កម្ពុជា​។ 

​លោកស្រី​ចាំង ស៊ី​ណាត ចៅក្រម​ស៊ើបសួរ​នៃ​សាលាដំបូង​រាជធានី​ភ្នំពេញ​បាន​ចេញ​ដីកា​បង្គាប់​ឱ្យ អនុរក្ស​ពន្ឋនាគារ​ព្រៃ​ស​បញ្ជូន​ជនជាតិ​ថៃ​ទាំង​២​នាក់​ដែល​រង​នូវ​ការចោទប្រកាន់​បន្ថែម​ពី​បទ​ប៉ុនប៉ង​ប្រមូលផ្តុំ​ពត៌មាន​ដែល​អាច​ធ្វើឱ្យ​អន្តរាយ​ការ​ការពារជាតិ មក​តុលាការ​នៅ​ព្រឹក​ថ្ងៃទី​១២ ខែ​មករា ឆ្នាំ​២០១១​នេះ​ដើម្បី​ធ្វើ​ការសាកសួរ​អំពី​ការចោទប្រកាន់​ថ្មី​នេះ​។​
 
​ជនជាតិ​ថៃ​ទាំង​២​នាក់​ដែល​ត្រូវបាន​គេ​នាំ​ឡើង​តុលាការ​ព្រឹក​នេះ​មានឈ្មោះ វិរៈ​ស៊ុំ​ក្វាម​ឃីត​( Veera Somk wamkit ) អាយុ​៥៣​ឆ្នាំ ជា​អគ្គលេខាធិការ​បណ្តាញ​ប្រជាជន​ប្រឆាំង​អំពើពុករលួយ និង ឈ្មោះ រ៉ាត់​ទ្រី​ប៉ៃ ពូ​តា​ណា​ប៉ៃ​ប៊ូ​ន (Ratree Paiputanapaiboon) ភេទ​ស្រី ជា​អ្នកលក់​គ្រឿងទេស​និង​ជា​អ្នកសារព័ត៌មាន​។​

​តាម​ប្រភព​មួយ​បាន​បង្ហើប​ឱ្យដឹង​ថា​ដើមចម​ដែលនាំឱ្យ​មាន​ការសាកសួ​រ​នេះ​គឺ​កើតឡើង​កាលពី ថ្ងៃទី​១០ ខែ​មករា ឆ្នាំ​២០១១ ក្នុងខណៈពេល​ដែល​លោក​សុខ រឿន​ព្រះរាជអាជ្ញារង​អម​សាលាដំបូង​រាជធានី​ភ្នំពេញ​បាន​ចោទប្រកាន់​បន្ថែម​លើ​ជនជាតិ​ថៃ​ទាំង​២​នាក់ នេះ​ពី​បទ​ប៉ុនប៉ង​ប្រមូលផ្តុំ​ពត៌មាន​ដែល​អាច​ធ្វើ​អន្តរាយ​ការ​ការពារជាតិ​។​

 ដូច្នេះ​តាម​នីតិវិធី​ចៅក្រម​ស៊ើបសួរ​ត្រូវ​ហៅ​ជនជាតិ​ថៃ​២​នាក់​នេះ​មក​ធ្វើការ​សាកសួរ​បន្ថែម​ជុំវិញ​ការចោទប្រកាន់​ថ្មី​នេះ​។ ប្រភព​ដដែល​បាន​អះអាង​ថា​ក្រៅពី​បញ្ហា​ខាងលើ​នេះ តុលាការ​បាន​រកឃើញ​តម្រុយ​សន្មត​មួយចំនួន​ដែល​បង្ហាញ​ថា​ជនជាតិ​ថៃ​ទាំង​២​នាក់​នេះ​ជា​មេក្លោង​ក្នុង​ការដឹកនាំ​ជនជាតិ​ថៃ​៥​នាក់​ផ្សេង​ទៀត​ចូល​មក​ទឹកដី​ប្រទេស​កម្ពុជា​តាម​រូបភាព​ថត​វីដេអូ និង​ផ្តិត​យក​រូបភាព​។​

​តែ​ធាតុពិត ពួកគេ​មាន​គោលបំណង​ផ្សេង ពោល​គឺ​មុននឹង​ចូលមក វិរៈ​ស៊ុំ​ក្វាម​ឃីត បាន​បែងចែក​កម្លាំង​ជា​៣​ក្រុម មាន​ក្រុម​ដាច់ខាត ក្រុម​ជួប​ប្រជារាស្ត្រ និង​ក្រុម​ពិនិត្យ​បង្គោល​ព្រំដែន បើទោះជា​ដឹងថា​ទីតាំង​នោះ​ជា​ទឹកដី​កម្ពុជា​ក៏ដោយចុះ ក្នុងនោះ​ស្ត្រី​រ៉ាត់​ទ្រី ពូ​តា​ណា​ប៉ៃ​ប៊ូ​ន បាន​លាក់​ម៉ាស៊ីនថតសំឡេង​ដែល​អាច​ថត​បាន​ដល់​២០០​ម៉ោង​និង​ស្រូប​សំឡេង​ជុំវិញ​ខ្លួន​រាប់សិប​ម៉ែត្រ​សម្រាប់​បំពេញ​បេសកកម្ម​ក្នុង​ទឹកដី​កម្ពុជា​។​

​ប្រភព​ដដែល​បាន​បន្តថា ក្រោយពេល​ជាប់​ឃុំ​ខ្លួន​នៅ​ពន្ឋនាគារ​ព្រៃ​ស​ហើយ វិរៈ​ស៊ុំ​ក្វាម​ឃីត នៅតែ​បន្ត​ទំនាក់ទំនង​មក​ខាងក្រៅ​តាមរយៈ​ការសរសេរ​សំបុត្រ​ផ្ញើ​ចេញមក​ដែល​ខ្លឹមសារ​ក្នុង​សំបុត្រ​នោះ​មាន​ភាពស៊ីសង្វាក់​ទៅ​នឹង​សកម្មភាព​តាមរបៀប ចារកម្ម​ឆ្លងដែន​យ៉ាង​ដូច្នេះ​ដែរ​៕

បណ្តាញ​អ្នកស្នេហាជាតិ​ថៃ កុំ​ឆ្លាត​ពេក​!

ភ្នំពេញ: ​កាសែត​បាងក​កប៉ុស្ត៍ថៃ​បាន​ចេញផ្សាយ​អត្ថបទ​មួយ​កាលពី​ថ្ងៃ​ពុធ​ម្សិលមិញ​ដែល​និយាយ​​អំពី​គម្រោង​ធ្វើ​បាតុកម្ម​របស់​ក្រុម​បណ្តាញ​អ្នកស្នេហាជាតិ​ថៃ ​(Thai Patriots Network)​ ព្រឹក​ថ្ងៃ​ព្រហស្បតិ៍​នេះ​នៅមុខ​វិមាន​រដ្ឋាភិបាល​ថៃ​។ 

​យោង​តាម​អត្ថបទ​កាសែត​បាងកក​ប៉ុស្ត៍​បណ្តាញ​អ្នកស្នេហាជាតិ​ថៃ​បាន​ថ្លែង​នៅក្នុង សេចក្តីថ្លែងការណ៍​របស់​ខ្លួន​ស្នើអោយ​ថ្នាក់ដឹកនាំ​រដ្ឋាភិបាល​ថៃ​បច្ចុប្បន្ន​ចុះចេញ​ពី​តំណែង ដោយ​ពួកគេ​ខឹងសម្បារ​នឹង​ថ្នាក់ដឹកនាំ​ទាំង​នោះ​ដែល​ប្រកាស​ទទួលស្គាល់​ថា​ជនជាតិ​ថៃ​ទាំង​៧​នាក់​បាន​ដើរ​ចូល​ក្នុង​ទឹកដី​កម្ពុជា​ដោយ​ខុសច្បាប់​។​

​បណ្តាញ​អ្នកស្នេហាជាតិ​ថៃ​ក៏​បាន​ស្នើ​អោយ​រដ្ឋាភិបាល​ថៃ​និង​កម្ពុជា​គោរពអនុសញ្ញាក្រុង​ហ្សឺ​ណែវ​ទី​៤ ដែល​អនុសញ្ញា​នេះ​និយាយ​អំពី​ការការពារ​ជន​ស៊ីវិល​នៅក្នុង​តំបន់​សង្គ្រាម​។ នៅក្នុង​សេចក្តីថ្លែងការណ៍​របស់​ខ្លួន បណ្តាញ​អ្នកស្នេហា ជាតិ​ថៃ​សរសេរ​បន្ថែមថា​អនុសញ្ញា ទីក្រុង​ហ្សឺ​ណែវ​ទី​៤​បានចែង​ហាមឃាត់​មិន អោយ​មាន​ការចាប់​ឃាត់​ខ្លួន​និង​កាត់ទោស​ជន​ស៊ីវិល នៅ​លើ​តំបន់​ជម្លោះ​។​

​លោក​បណ្តាញ​អ្នកស្នេហាជាតិ​ថៃ​! ហេតុ​អ្វី​លោក​មិន​ដែល​ស្រែកប្រាប់​ទាហាន​ថៃ​របស់​លោក អោយ​ឈប់​បាញ់ប្រហារ​ពលរដ្ឋ​ខ្មែរ​ស្លូតត្រង់​ទន់ខ្សោយ​ដែល​គ្រាន់តែ​ប្រកប​របរ​រកស៊ី​ចិញ្ចឹម ជីវិត​នៅ​តាម​ព្រំដែន​ផង​? ហេតុ​អ្វី​ជីវិត​ជនជាតិ​ថៃ​របស់​លោក​មាន​តម្លៃ​ជាង​ជីវិត​ប្រជា​ពលរដ្ឋ​ខ្មែរ​? ហេតុអ្វី​បានជា​មាន​តែ​កម្ពុជា​ដែល​ត្រូវ​អនុវត្ត​អនុសញ្ញា​ទីក្រុង​ហ្សឺ​ណែវ​ទី​៤ ចំពោះ​ជនជាតិ​ថៃ ៧​នាក់​ដែល​ទទួលស្គាល់​ខ្លួនឯង​ថា បាន​ដើរចូល​ទឹកដីកម្ពុជា​ខុស​ច្បាប់​ដែរ​នោះ​? 

​បណ្តាញ​អ្នកស្នេហាជាតិ​ថៃ​! លោក​មិន​បាន​យល់​ទេ​ឬ​ថា​ប្រសិនបើ​ទាហាន​ខ្មែរ​មិន​គោរព​ច្បាប់ ដូច​លោក​គិត​នោះ ជនរួមជាតិ​របស់​លោក​ទាំង​៧​នាក់​អាច​មាន​វាសនា​ដូច​ប្រជាជន​ខ្មែរ​ស្លូតត្រង់ ដែល​ទាហាន​ថៃ​របស់​លោក​តែង​បាញ់ប្រហារ​អីចឹង​? ដូច្នេះ​អស់លោក​គួរតែ​បង្វែ​សំណើរ​នេះ ទៅកាន់​ទាហាន​ថៃ​នៅ​តាម​ជាយ​ដែន​វិញ​ទើប​ត្រឹមត្រូវ​ជាង​។ កុំ​ចេះ​ពេក​ប្រយត្ន័​របេះក្បាច់​៕

បញ្ជូនឧត្តមសេនីយ៍យោធា សាមិត្តវីរៈ ទៅតុលាការយោធា

ឧត្តមសេនីយ៏យោធាមួយរូប ដែលគេបានចាប់កាលពីកន្លងទៅ នោះនឹងត្រូវបានគេបញ្ជូន ទៅតុលាការយោធា នៅវេលារសៀលម៉ោង ពីរ ថ្ងៃទី១២ខែមករានេះ ។ សូមជម្រាបថាឧត្តមសេនីយ៏ យោធា ឈ្មោះសាមិត វីរៈនោះត្រូវគេរកឃើញ ពីបទពាក់ព័ន្ធរើសកម្លាំង ប្រដាប់អាវុធខុស ច្បាប់ថែមទៀត។ សូមជំរាបថា ការចាប់ខ្លន លោកឧត្តម សេនីយ៍ត្រី សាមិតវីរៈ នាយករងដ្ឋានភស្តភារ បច្ចេកទេសនៃក្រសួង ការពារជាតិ ត្រូវគេសង្ស័យពាក់ព័ន្ធនឹង ករណីក្លែងបន្លំឯកសារនិង បញ្ហាដីធ្លី ។ ប្រភពបានបង្ហើប ថា បានជាប់ពាក់ព័ន្ធមួយករណីទៀតនៃការរើសកម្លាំងប្រដាប់អាវុធ ខុសច្បាប់។ ប្រភពគួរអោយទុកចិត្តមួយទៀតបានប្រាប់ថា ឈ្មោះ សាមិតវីរៈនេះ គឺជាមុខសញ្ញា ពីបទជាប់ពាក់ព័ន្ធនឹងករណី កម្លាំងកងទ័ពសេរីការជាតិ កម្ពុជា ស៊ីអេហ្វអេហ្វ ដែលរាជរដ្ឋាភិបាល បានចាត់ទុកថាជាក្រុមភេរវកម្ម ដែលប៉ុនប៉ងផ្តួលរំលំរដ្ឋាភិបាលកម្ពុជា កាលពីឆ្នាំ២០០០។ អគ្គមេបញ្ជាការរងកងយោធពលខេមរភូមិន្ទ និង ជាមេបញ្ជាការកងរាជអាវុធហត្ថលើផ្ទៃប្រទេស លោកនាយឧត្តមសេ នីយ៍សៅសុខា បានមានប្រសាសន៍ថា ដោយសារតែសមត្ថកិច្ចកំពុង តែស៊ើបអង្កេត ដូច្នេះលោកមិនអាចបកស្រាយណាមួយបានទេ ។
គួររំលឹកថា លោកនាយឧត្តមសេនីយ៍សៅសុខា ក្នុងប្រសាសន៍បូក សារុបលទ្ធផលការងារឆ្នាំ២០១០ និងទិសដៅឆ្នាំ២០១១សំរាប់កងរាជ អាវុធហត្ថ កាលពីថ្ងៃទី១១មករា បានមានប្រសាសន៍គំរាមថានឹងបក សក្តិមន្ត្រីយោធាក្រោមបង្គាប់ និងដាក់គុកថែមទៀតបើសិនជាមន្ត្រី យោធាណា ដែលប្រព្រឹត្តអំពើអសកម្មអាងអំណាចជំរិតទារលុយជា ពិសេសការឃុប ឃិតជាមួយ ក្រុមគ្រឿងញៀន។
លោកឧត្តមសេនីយ៍យោធា សាមិត្តវីរៈ ត្រូវ បាន គេចាប់ខ្លួនកាលពី ថ្ងៃទី១០ខែមករា នៅនឹងគេហស្ថានរបស់លោក ក្នុង រាជធានីភ្នំពេញ។ សមត្ថកិច្ច បានឆែកឆេរផ្ទះសម្បែងរកឃើញវត្ថុ តាងសង្ស័យមួយចំនួន រួមមានខោអាវយោធាជាច្រើនសម្រាប់ និងកាំ ភ្លើង៥ដើមផងដែរ ។
តាមប្រសាសន៍របស់ប្រភព បានឲ្យដឹងនៅព្រឹកថ្ងៃទី១១ ខែមករា ឆ្នាំ ២០១១នេះថា ឈ្មោះសាមិត្ត វីរៈ ត្រូវបានចាប់ ខ្លួនម្តងរួចមកហើយ នៅខេត្តបន្ទាយមានជ័យក្នងអំឡុងកម្លាំងភេរវកម្ម CFF ប្រឆាំងនឹងរដ្ឋាភិបាលកម្ពុជា ។ ប៉ុន្តែមិនដឹងជាមូលហេតុយ៉ាងម៉េចបានជាឈ្មោះ នេះ បានចេញនៅក្រៅឃុំ និងបានចូលក្នុងកងកម្លាំងយោធាយ៉ាង ដូច្នេះនោះទេ។ ការចាប់ខ្លួនរបស់មន្រ្តីសង្ស័យទាំងនេះគឺនៅ ទន្ទឹម នឺងប្រសាសន៍របស់សម្តេច ហ៊ុន សែន ដែលបញ្ជាមន្ត្រីក្រោមបង្គាប់ អនុវត្តការដាក់ទោសលើមន្ត្រីណាដែលប្រព្រឹត្តអំពើខុសច្បាប់ និងប្រឆាំងអំពើពុករលួយ។ សម្តេច បានមានប្រសាសថា អំពើពុករលួយគឺជាសត្រួវរបស់រដ្ឋាភិបាល ដែលគេត្រូវតែកំចាត់។

ថៃ​បង្កើន​កម្លាំង​នៅតាម​ជាយដែន​ស្រុក​អារញ្ញ​ប្រាថេត​

បន្ទាយមានជ័យ: ​ប្រភព​ពី​ជាយ​ដែន​ឲ្យដឹងថា​ថៃ​បាន​និង​កំពុង​បង្កើន​កម្លាំង​ទ័ព​ជាច្រើន​នៅ​តាម​ជាយ​ដែន​ស្រុក​អារញ្ញ​ប្រាថេត​ទល់មុខ​នឹង​តំបន់​គោក​ធ្យូង​ខេត្ត​បន្ទាយមានជ័យ​។ ការបន្ថែម​កម្លាំង​នេះ​បាន​ធ្វើឡើង​ក្រោម​ហេតុផល​ថា​ដើម្បី​ទប់ស្កាត់​ក្រុម​អាវ​លឿង​កុំឲ្យ​មក​តវ៉ា​នៅ​ទី​នោះ​គឺ​ទី​ដែល​ជន ជាតិ​ថៃ​៧​នាក់​ដើរ​ចូល​ក្នុង​ទឹកដី​កម្ពុជា​ហើយ​ត្រូវ​អាជ្ញាធរ​កម្ពុជា​ចាប់ខ្លួន​កាលពី​ថ្ងៃ​ទី​២៩​ធ្នូ​ឆ្នាំ​២០១០​។​

​ស្រប​ពេល​គ្នា​នោះ ច្រករបៀង​មួយចំនួន​ត្រូវបាន​ភាគី​ថៃ​បិទ​ជា​ឯកតោ​ភាគី​។ ច្រករបៀង​ទាំងនោះ​មានដូចជា ច្រក​សិលា​ខ្មែរ ច្រក​ទំនប់​ដាច់ ច្រក​ជោគជ័យ ច្រក​អូរ​បី​ជាន់ ច្រក​តំបន់​៥ ច្រក​តំបន់​១ និង​ច្រក​ចម្កា​រគ​។​

​ប្រឈម​នឹង​សភាពការណ៍​បែប​នេះ ភាគី​កម្ពុជា​ក៏​បង្កើន​ការ​ប្រុងប្រយត្ន័​ខ្ពស់​ជាង​មុន​ដែរ​ដើម្បី ត្រៀម​ទប់ទល់​សភាពការណ៍​ដែល​អាច​កើតមាន​ជាយថាហេតុ​៕

ឃាត់ខ្លួន​ជនសង្ស័យ​ម្នាក់​និង​វត្ថុតាង​ថ្នាំញៀន​បញ្ជូនទៅ​ស្នងការ​នគរបាល​ខេត្ត

បាត់ដំបង​: នគរបាល​យុត្តិធម៌​ក្រុង​បាត់ដំបង បានធ្វើការ​ឃាត់ខ្លួន​ជនសង្ស័យ​ម្នាក់ ដែល​កំពុង​ចែកចាយ​ថ្នាំញៀន​ជាក់ស្តែង​នៅ​ថ្ងៃទី​១២ ខែមករា​នេះ ឆ្នាំ​២០១១ វេលា​ម៉ោង ៩ និង ៣០​នាទី នៅ​ចំណុច​ក្រុមទី​៩ ភូមិ សង្កាត់​រតនៈ ក្រុង​បាត់ដំបង ។ 
​    ​
​លោក​អនុសេនីយ៍ទោ​ស៊ន កុសល​នាយផ្នែក​ព្រហ្មទណ្ឌ​ក្រុង​បាត់ដំបង​បានឱ្យដឹងថា ជនសង្ស័យ​មានឈ្មោះ​ប៉ែន ទី​ណូ ភេទ​ប្រុស អាយុ​២០​ឆ្នាំ រស់នៅ​ភូមិ សង្កាត់​ខាងលើ​។ ចំណែក​វត្ថុតាង​ដែល​រឹបអូស​បាន មាន​ថ្នាំ​យ៉ាម៉ា​ចំនួន ២​គ្រាប់ និង​ខេ​ទឹកកក​១​កញ្ចប់​តូច​។​
​    ​
​លោក​អនុសេនីយ៍ឯក​ចាន់ រ៉ា អធិការរង​ក្រុង បញ្ជាក់ថា ជនសង្ស័យ​ធ្លាប់​រកស៊ី​ជួញដូរ​និង​ចែកចាយ​គ្រឿងញៀន​ជាច្រើន​ខែ​មកហើយ ដោយ​ទិញ​ពី​បុរស​ម្នាក់​មិន​ស្គាល់ឈ្មោះ ហើយ​យកទៅលក់​ឱ្យ​អ្នកដទៃ​ពិសេស​សិស្សសាលា​។ ចំពោះ​ថ្នាំ​យ៉ាម៉ា​១​គ្រាប់​ទិញ​ពី​គេ​មក​ថ្លៃ ១៥០០០​រៀល ហើយ​លក់​ទៅវិញ​បាន ១៨០០០​រៀល​។ រីឯ​ថ្នាំ​ខេ​ទឹកកក​ក្នុង ១​កញ្ចប់​តូច ថ្លៃ​១​ម៉ឺន​រៀល​ហើយ​លក់​ទៅវិញ​បាន ១​ម៉ឺន​៥​ពាន់​រៀល​។ នៅ​ព្រឹក​ថ្ងៃទី​១២ ខែមករា ២០១១ មាន​បុរស​ម្នា​ក់បាន​ទូរស័ព្ទ​មក​ខ្លួន​ឱ្យ​យក​ថ្នាំញៀន​ប្រភេទ​យ៉ាម៉ា​ចំនួន​២​គ្រាប់ និង​ខេ​ទឹកកក​ចំនួន​១​កញ្ចប់​តូច​។ ពេល​ខ្លួន​ដើរចេញ​មកដល់​កន្លែង​ណាត់​ក៏ត្រូវ​ប៉ូលិស​ក្រុង​ឃាត់ខ្លួន​តែម្តង ហើយ​នាំទៅ​កាន់​អធិការដ្ឋាន​នគរបាល​ក្រុង​ធ្វើការ​សាកសួរ​។​

​យោងតាម​ចម្លើយសារភាពរ​បស់ជនស​ង្ស័​យ​និង​វត្ថុតាង​ជាក់ស្តែង​រួចមក សមត្ថកិច្ច​បានធ្វើការ​សន្និដ្ឋានថា ជនជាប់សង្ស័យ​ពីបទ​ជួញដូរ​និង​ចែកចាយ​គ្រឿងញៀន​ហាមឃាត់​ខុសច្បាប់​ដែល​មានចែង​ក្នុង មាត្រា​៣៦ ថ្មី​នៃ​ច្បាប់​ស្តីពី​វិសោធនកម្ម​ច្បាប់​គ្រឿងញៀន​ខុសច្បាប់​ចុះ​ថ្ងៃទី​៩​ខែឧសភា​ឆ្នាំ​២០០៥​។​នៅ​រសៀល​ថ្ងៃទី​១២​ដដែល​សមត្ថកិច្ច​បាន​កសាង​សំណុំរឿង​បញ្ជូនទៅ​ការិយាល័យ​ប្រឆាំង​គ្រឿងញៀន​នៃ​ស្នងការ​នគរបាល​ខេត្ត​ដើម្បី​ចាត់ការ​បន្ត ៕

លោក​ខៀវ កាញារីទ្ធ លើកទឹកចិត្ត​ដល់​មន្ត្រី​ទាំងអស់​កុំ​ភ័យខ្លាច​ប្រកាស​ទ្រព្យសម្បត្តិ​

ភ្នំពេញ: មន្ត្រី​នៃ​ក្រសួង​ព័ត៌មាន​ចំនួន​ជាង ១០០​នាក់ ត្រូវបាន​មន្ត្រី​អង្គភាព​ប្រឆាំង​អំពើពុករលួយ​ណែនាំ​ពន្យល់​ពី​របៀប​បំពេញ​ លើ​សំនុំ​ឯកសារ​ប្រកាស​ទ្រព្យសម្បត្តិ និង បំណុល​ដាក់ជូន​អង្គភាព​ប្រឆាំង​អំពើពុករលួយ​ដែល​ការណែនាំ​នេះ​ធ្វើឡើង​ដោយ​ លោក​សៀង បូរ៉ាត់ អនុប្រធាន​អង្គភាព​ប្រឆាំង​អំពើពុករលួយ និង ក្រោម​អធិបតីភាព​លោក​ខៀវ កាញារីទ្ធ រដ្ឋមន្ត្រីក្រសួង​ព័ត៌មាន ។​

​    ​លោក​សៀង បូរ៉ាត់ អនុប្រធាន​អង្គភាព​ប្រឆាំង​អំពើពុករលួយ​បាន​មានប្រសាសន៍​ណែនាំ​ដល់​ ក្រុមមន្ត្រី​ក្រសួង​ព័ត៌មាន​ឱ្យបាន​យល់ថាៈ មន្ត្រី​ក្រសួង​ព័ត៌មាន​ត្រូវ​ធ្វើការ​
​ប្រកាស​ទ្រព្យសម្បត្តិ​ដាក់ជូនទៅ​អង្គភាព​ប្រឆាំង​អំពើពុករលួយ​នៅ​ដើម​ សប្តាហ៍​ទី​១ ខែកុម្ភៈ ឆ្នាំ​២០១១ ខាងមុខនេះ ។ លោក​មានប្រសាសន៍​បន្ត​ថា ការប្រកាសទ្រព្យសម្បត្តិ គឺ​មន្ត្រី​ដែលមាន​ភារកិច្ច​តម្រូវ​ឱ្យ​ប្រកាស​ទ្រព្យសម្បត្តិ គឺ​ត្រូវតែ​ធ្វើកា​ប្រកាស​ឱ្យអស់​នូវ​ទ្រព្យសម្បត្តិ​ដែលមាន​រាប់ទាំង​ អចលនទ្រព្យ គ្រឿងអលង្ការ រួមទាំង​នាឡិកាដៃ​មាន​តំលៃ​ចាប់ពី ១០០០ ដុល្លារ​ឡើងទៅ ។​
 
   ​លោក​ខៀវ កាញារីទ្ធ រដ្ឋមន្ត្រីក្រសួង​ព័ត៌មាន​បាន​មានប្រសាសន៍​លើកទឹកចិត្ត​ដល់​មន្ត្រី​ក្រសួង ​ដែលមាន​ភារកិច្ច​ត្រូវធ្វើ​ការប្រកាស​ទ្រព្យសម្បត្តិ​ទៅតាម​ច្បាប់​កំណត់​ នោះ កុំ​មានការ​ភ័យខ្លាច ។ លោក​ខៀវ កាញារីទ្ធ មានប្រសាសន៍​បន្តថាៈ បើ​គ្មាន​បញ្ហា គឺ​អង្គភាព​ប្រឆាំង​អំពើពុករលួយ​មិន​បើក​ស្រោមសំបុត្រ​របស់​យើង​មើល​ទេ លើកលែង​តែមាន​បណ្តឹង​ណាមួយ​កើតឡើង ។​
 
   ​ជាមួយគ្នា​នោះដែរ​លោក​ខៀវ កាញារីទ្ធ មានប្រសាសន៍​បន្តថាៈ ច្បាប់​ប្រឆាំង​អំពើពុករលួយ គឺជា​របង ឬ ជា​ស្ពាន​មួយ​ក្នុងការ​ទប់ស្កាត់​អំពើពុករលួយ ហើយ​រាជរដ្ឋាភិបាល​បាន​ធ្វើជា​ដំណាក់កាល​ដូចជា ការដក​មន្ត្រី​មួយចំនួន​ដែល​ធ្វើឱ្យ​ប្រជាជន​ថ្នាំងថ្នាក់​យកទៅឱ្យ​តុលាការ​ ធ្វើការ​ផ្តន្ទាទោស​តាមច្បាប់ ហើយ​ជា​លទ្ធផល​រាជរដ្ឋាភិបាល​ធ្វើ​បានល្អ ។​
​  
  ​លោក​ខៀវ កាញារីទ្ធ បន្តទៀតថា ថ្នាក់ដឹកនាំរ​ជា​រដ្ឋាភិបាល​ធ្វើការ​បានល្អ​តែម​ន្ត្រី​ថ្នាក់ក្រោមៗ គឺជា​អ្នក​ធ្វើឱ្យ​រាជរដ្ឋាភិបាល​ចាញ់ឆ្នោត​នៅ​តំបន់​ខ្លះ​ដោយសារតែ​មន្ត្រី ​មូលដ្ឋាន​ធ្វើអំពើ​ឆ្គ​ន់​ឆ្គង​ច្រើន ។ លោក​បន្តថា នៅ​ប្រទេស​ថៃ​ការប្រកាសទ្រព្យសម្បត្តិ គឺ​ធ្វើ​តែ​ចំពោះ​សមាជិក​រាជរដ្ឋាភិបាល​ទេ តែ​នៅ​កម្ពុជា​ត្រូវធ្វើ​ការប្រកាស​ទ្រព្យសម្បត្តិ​ទាំងអស់ ដើម្បីឱ្យ​មានការ​គ្រប់គ្រង​បានល្អ ។ លោក​បន្តថាៈ បើ​រាជរដ្ឋាភិបាល​ធ្វើការ​លុបបំបាត់​អំពើពុករលួយ​បានល្អ​រាជរដ្ឋាភិបាល​ ចំណេញ​ច្រើនណាស់ ៕

ក្រុម​ការងារ​គ្រូ​ពេទ្យ​ស្ម័គ្រចិត្ត​របស់​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន​បំពេញ​បេសកកម្ម​ព្យាបាល​ជំងឺ​ដល់​ប្រជាពលរដ្ឋ​នៅ​​សៀមរាប

សៀមរាប ៖ ប្រជាពលរដ្ឋ​នៅ​តាម​ទី​ជន​បទ​ឆ្ងាយ​ៗ​ដែល​មិន​សូវ​ទទួល​បាន​​ការ​ថែទាំ​សុខភាព​ឲ្យ​បាន​ដិត​ដល់ នៅ​ព្រឹក​ថ្ងៃ​ទី​១២ ខែ​មករា ឆ្នាំ​២០១១​នេះ ​បាន​​ទទួល​​ការ​​​យក​​ចិត្ត​​ទុក​​ដាក់​​ពី​សំណាក់​ក្រុម​ការងារ​មនុស្សធម៌​របស់​អគ្គនាយកដ្ឋាន ទូរទស្សន៍ និង​វិទ្យុ​បាយ័ន ដោយ​មាន​ការ​រួម​សហការ​ពី​ដៃ​គូ​មនុស្សធម៌​​មក​ពី​សហរដ្ឋ​អាមេរិក កាណាដា និង​ប្រទេស​កូរ៉េ​ផង​ដែរ​ ដើម្បី​បំពេញ​បេសកកម្ម​មនុស្ស​ធម៌​ផ្ដល់​ថ្នាំ​ពេទ្យ ពិនិត្យ​ជំងឺ និង​ព្យាបាល​ជំងឺ​មួយ​ចំនួន​នៅ​ខេត្ត​សៀម​រាប។
លោក​ទិត្យ ថាវរិទ្ធ អគ្គនាយក​រង​ទូរទស្សន៍ និង​វិទ្យុ​បាយ័ន បាន​ប្រាប់​កម្ពុជា​ថ្មី​ឲ្យ​ដឹង​ថា ចាប់​ពី​​​ម៉ោង​៩​ព្រឹក​​ ថ្ងៃ​ទី​១២ ខែ​មករា ឆ្នាំ​២០១១​នេះ ក្រុម​ការងារ​គ្រូ​ពេទ្យ​ស្ម័គ្រ​ចិត្ត​​របស់​​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន បាន​បំពេញ​បេសកកម្ម​ជា​រៀងរាល់​ខែ ចុះ​ជួយ​ព្យាបាល​ជំងឺ​ដល់​ប្រជាពលរដ្ឋ​នៅ​តាម​ខេត្ត​នានា​ឆ្ងាយ​ៗ ដោយ​​បាន​មើល​ឃើញ​​អំពី​​ការ​លំបាក​ក្នុង​ការ​ថែទាំ​សុខភាព​​របស់​​ប្រជាពលរដ្ឋ​នៅ​ជន​បទ ទើប​លោក​ជំទាវ ហ៊ុន ម៉ាណា អគ្គនាយិកា​ទូរទស្សន៍ និង​វិទ្យុ​បាយ័ន ដាក់​​ចេញ​ផែន​ការ​មនុស្សធម៌​សម្រាប់​ក្រុម​ការងារ​ទូរទស្សន៍ និង​វិទ្យុ​​បាយ័ន​អនុវត្តន៍​ជា​រៀង​រាល់​ខែ​។ បេសកកម្ម​​លើក​​នេះ​​​បាន​​ធ្វើ​ឡើង​នៅ​ក្នុង​ឃុំ​សែនសុខ ស្រុក​ក្រឡាញ់ ខេត្ត​សៀមរាប ដោយ​មាន​ការ​ចូល​រួម​សហការ ពី​ក្រុម​ការងារ​នៃ​អង្គភាព​គ្រូ​ពេទ្យ​ស្ម័គ្រ​ចិត្ត​ ឈ្មោះProject LACE មក​ពី​សហរដ្ឋ​អាមេរិក កាណាដា និង​ប្រទេស​កូរ៉េ ចំនួន​២១​នាក់ និង​ក្រុម​ការងារ​គ្រូ​ពេទ្យ​ស្ម័គ្រ​ចិត្ត​​របស់​អគ្គ​នាយក​ដ្ឋាន​ទូរទស្សន៍ និង​វិទ្យុ​បាយ័ន ប្រមាណ​ជាង​២០​នាក់​ផង​ដែរ។
លោក​ទិត្យ ថារិទ្ធ បាន​ប្រាប់​កម្ពុជា​ថ្មី​ទៀត​ថា ក្រុម​គ្រូ​ពេទ្យ​ទាំង​អស់​នៃ​ក្រុម​ការងារ​បាន បំបេញ​បេសកកម្ម​ដោយ​មិន​មាន​ពេល​ឈប់​សម្រាក​​ពេញ​មួយ​ព្រឹក​នេះ ក៏​ដោយ​សារ​តែ​ប្រជាពលរដ្ឋ បាន​មក​ព្យាបាល និង​ទទួល​ថ្នាំ ពិនិត្យ​ជំងឺ​ជា​បន្ត​បន្ទាប់​កាន់​តែ​ច្រើន​ឡើង​ៗ​រាប់​រយ​នាក់​មក​ហើយ។ លោក​បាន​មាន​ប្រសាសន៍​បន្ត​ថា ពេញ​មួយ​ព្រឹក​នេះ​ក្រុម​គ្រូ​ពេទ្យ​បាន​ព្យាបាល​ប្រជាពលរដ្ឋ​បាន ប្រហែល​ជាង​៣០០​នាក់​មក​ហើយ​ៗ​បេសកកម្ម​នេះ​នឹង​បន្ត​រហូត​ដល់​ម៉ោង​៣​រសៀល​ទើប​ចប់។
លោក​អគ្គនាយករង​បាន​ឲ្យ​ដឹង​ដែរ​ថា ក្រុម​ប្រជាពលរដ្ឋ​ដែល​មក​ព្យាបាល​ភាគ​ច្រើន​កើត ជំងឺ​ព្រូន​នៅ​ក្នុង​ខ្លួន ដោយ​សារ​តែ​ពួក​គាត់​បរិភោគ​​​ ទឹក ចំណី​អាហារ​ បន្លែ មិន​មាន​អនាម័យ​ត្រឹមត្រូវ ហើយ​មួយ​ចំនួន​ទៀត​កើត​ជំងឺ​ក្រពះ រលាក​ពោះវៀន​ រាករូស ឈឺ​សន្លាក់​ដៃ​ជើង រោគ​ស្រ្តី​ជាដើម។ លោក​បាន​ថ្លែង​ទៀត​ថា ក្រុម​ប្រជាពលរដ្ឋ​ទាំងអស់​បាន​ទទួល​ថ្នាំ​ព្យាបាល​គ្រប់​ៗ​គ្នា ដែល​ថ្នាំ​ទាំង​នោះ​បាន​មក​ពី​ក្រុម​ការងារ​​គ្រូ​ពេទ្យ​ស្ម័គ្រ​ចិត្ត​របស់​អគ្គនាយកដ្ឋានទូរទស្សន៍ និង​វិទ្យុ​បាយ័ន​ដោយ​មាន​ការ​ចូល​រួម​ឧបត្ថម្ភ​ថវិកា​ពី​លោក​ជំទាវ ហ៊ុន ម៉ាណា ផ្ទាល់ និង​មួយ​ផ្នែក​ទៀត​បាន​មក​ពី​ក្រុម​ការងារ​គ្រូ​ពេទ្យ​ស្ម័គ្រ​ចិត្ត ឈ្មោះ Project LACE ដែល​បាន​យក​ថ្នាំ​ពេទ្យ​ពី​សហរដ្ឋ​អាមេរិក​មក​ជួយ​ព្យាបាល​ផង​ដែរ។
ក្រុម​ប្រជាពលរដ្ឋ​ប្រមាណ​​៨០០​​នាក់ ដែល​បាន​មក​ទទួល​ការ​ព្យាបាល​ពី​ក្រុម​ការងារ​​គ្រូ ពេទ្យ​ស្ម័គ្រ​ចិត្ត របស់​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន នៅ​ព្រឹក​ថ្ងៃ​ទី​១២ ខែ​ធ្នូ ឆ្នាំ​២០១១​នេះ បាន​អង្គុយ​រង់​ចាំ និង​តម្រង់​ជួរ​បន្ត​បន្ទាប់​គ្នា ដើម្បី​ពិនិត្យ​ជំងឺ។ ក្រុម​ប្រជាពលរដ្ឋ​បាន​ថ្លែង​អំណរ​គុណ ដែល​ក្រុម​ការងារ​គ្រូ​ពេទ្យ​ស្ម័គ្រចិត្ត​របស់​អគ្គនាយកដ្ឋាន​ទូរទស្សន៍ និង​វិទ្យុ​បាយ័ន បាន​មក​ព្យាបាល​ពួក​គាត់​ដល់​ទី​កន្លែង ទាំង​នេះ​ជា​ទង្វើ​មនុស្ស​ធម៌​មួយ​ដែល​ប្រជាពលរដ្ឋ​ខ្មែរ​យើង​តែង​តែ​ជួយ​គ្នា​ជា ដរាប​រៀង​មក៕
ក្រុម​ការងារ​គ្រូ​ពេទ្យ​ស្ម័គ្រ​ចិត្ត

លោកម៉ឹក ដារ៉ា ប្រធាន​មន្ទីរប្រឆាំង​គ្រឿងញៀន​ក្រសួង​មហា​ផ្ទៃ​ និង​ប៉ូលិស​​២​នាក់ទៀត​​​ត្រូវបានឃាត់ខ្លួន

រាជធានី​ភ្នំពេញ ៖ ព្រឹក​មិញនេះ (ទី​១២ មករា ២០១១) តាម​ប្រភពព័ត៌មាន​​បាន​ឱ្យ​ដឹង​ថា លោកម៉ឹក ដារ៉ា ​អគ្គ​​លេខាធិការ​​អាជ្ញាធរ​ប្រឆាំង​គ្រឿងញៀន​ និង​ជា​​ប្រធានមន្ទីរ​ប្រឆាំង​គ្រឿងញៀន​​ក្រសួង​មហា​ផ្ទៃ ​ព្រមទាំង​​មន្ត្រី​ប៉ូលិស​​ប្រឆាំង​គ្រឿងញៀន​​២នាក់ទៀត​ត្រូវបាន​សមត្ថកិច្ច​​ធ្វើការ​​កោះ​ហៅ...​ខ្លះ​ថា ​​ឃាត់ខ្លួន​ដើម្បី​​​សាក​សួរ​​ពាក់ព័ន្ធ​​នឹង​បទ​​ល្មើស​មួយ​ចំនួន​...​ហើយ​​​​សមត្ថកិច្ច​​​ដដែល​នេះ​​នឹង​​តាម​ប្រមាញ់​​​លោក​ឧកញ៉ា​ម្នាក់ទៀត​​​ដែល​កំពុង​​ព្យា​យាម​គេចខ្លួន ។​
ខាង​សមត្ថ​កិច្ច​​​បានលាក់ការណ៍​​រឿងនេះ មិនព្រម​​ព្រលយ​ឱ្យ​​ដឹង​ពី​​មូលហេតុ និងកាលបរិ​ច្ឆេទ​​នៃ​ការ​ហៅ​​សាកសួរ​ ឬខ្លះ​​ថា ឃាត់​ខ្លួន​​នោះ​ទេ ហើយ​​ប្រភព​មួយ​ចំនួន​ក៏​មិនហ៊ាន​​ទម្លាយដែរ ​ប៉ុន្តែគេគ្រាន់តែ​​​ប្រាប់​​យ៉ាង​ខ្លីថា «​​មានការ​​ហៅ​​សាកសួរ​ ឬ​ខ្លះ​ថា ឃាត់ខ្លួន​លោកម៉ឹក ដារ៉ា ព្រឹក​មិញ​នេះ និង​ត្រៀម​​ឃាត់​ខ្លួន​មនុស្ស​​ច្រើននាក់​ទៀត» ​។ ក្រៅពីលោក​ម៉ឹក ដារ៉ា ​ដែលមាន​​ឋានៈ​​​​ខ្ពង់ខ្ពស់​​​ ការ​ហៅសាកសួរ​​​ដ៏គួរ​ឱ្យភ្ញាក់​ផ្អើល​​​​នេះ​បាន​​ធ្វើឡើង​​ទៅលើ​​មន្ត្រីប៉ូលិស​​​ប្រឆាំង​​គ្រឿងញៀន​​​​ម្នាក់ និង​ប្រធាន​​​ការិយា​ល័យ​នៃ​​មន្ទីរ​ប្រឆាំង​គ្រឿងញៀន​​ក្រសួងមហា​ផ្ទៃ​​​ម្នាក់ទៀត​​សរុប​​ទាំង​អស់​​គឺ​៣នាក់ ។​
តាម​ប្រភពស្និទ្ធ​នឹង​​ក្រសួងមហាផ្ទៃ​​បាន​ឱ្យ​​ដឹង​ថា ​ការកោះហៅ​​ ឬ​ឃាត់ខ្លួន​​មន្ត្រី​​ប៉ូលិស​ថ្នាក់​​​អន្ទ្រើស​​ទាំង​​៣នាក់​នេះ​ត្រូវបានធ្វើឡើង​​ដោយ​កំលាំង​​នគរបាល​​សន្តិសុខ​​​ផ្ទៃក្នុង​​នៃក្រសួង​មហា​ផ្ទៃ​​ គឺ​ហៅ​​ពួកគេ​​ជា​បន្ត​បន្ទាប់​​មក​សាកសួរ​ជុំវិញ​ការ​​ឃុបឃិត​-​​ពុករលួយ​...។ អ្នកនាំពាក្យ​​ក្រសួងមហាផ្ទៃ​​​លោក​ឧត្តម​សេនីយ៍​​​ឯក​ខៀវ សុភ័គ ​​បាន​មាន​​ប្រសាសន៍​​ឱ្យ​​ដឹង​​កាលពី​រសៀលថ្ងៃទី​​១២ មករា ​២០១១ ថា ​ពិតជា​មាន​ការហៅ​​មន្ត្រី​​ប៉ូលិស​​ប៉ុន្មាននាក់​​នោះ​​​ទៅសាកសួរ​មែន​...​គឺហៅ​​សាកសួរ​ពីព័ត៌មាន​​​ផ្សេងៗ​​តែប៉ុណ្ណោះ​...​​លោកមិន​ប្រាកដ​ថា ឃាត់​ខ្លួន​​ ឬ​យ៉ាង​ណា​នោះទេ​...​​ហើយ​​​ក្រោយពេល​សាក​សួរ​​ហើយ គេបញ្ជូន​អ្នកទាំងនោះ​​ទៅ​ណា​ទៀត​ លោក​ក៏​មិន​​ដឹង​ដែរ​...​៕​

ដោយ ៖ កោះឯករាជ្យ

រដ្ឋា​ភិបាល​ជប៉ុន​​មាន​គំរោង​រៀប​ចំ​ប្រព័ន្ធ​ការ​ពារ​ទឹក​ជំនន់​ និង​​កែ​លំអ​ប្រព័ន្ធ​លូ


(​រូបថត ណា​រិទ្ធ)
រដ្ឋា​ភិបាល​ជប៉ុន​​មាន​គំរោង​រៀប​ចំ​ប្រព័ន្ធ​ការ​ពារ​ទឹក​ជំនន់​ និង​​កែ​លំអ​ប្រព័ន្ធ​លូ
រាជធានីភ្នំពេញ ៖ តាម​រយៈ​អង្គ​ការ​ JICA រាជ​រដ្ឋា​ភិបាល​​ជប៉ុន​​មាន​គំរោង​ផ្តល់​ជំនួយ​ឥត​សំណង​​ដល់​​រាជ​រដ្ឋា​ភិបាល​​កម្ពុជា​ ក្នុង​ការ​រៀប​ចំ​ប្រព័ន្ធ​ការ​ពារ​ទឹក​ជំនន់ និង​​កែ​លំអ​ប្រព័ន្ធ​​លូ​ប្រឡាយ​សំរាប់​​ជំហាន​ទី​៣ បន្ទាប់​ពី​ជំហាន​ទី ១ និង​ទី​២ បាន​បញ្ចប់​​ក្នុង​ពេល​កន្លង​មក​នេះ។ ​នាព្រឹក​ថ្ងៃ​ទី​១២ មករា ឆ្នាំ​២០១១ នៅ​សាលា​រាជ​ធានី​ភ្នំពេញ ក្រុម​​​បេសក​កម្ម​សិក្សា​រៀប​ចំ​គំរោង​​ការ​ពារ​ទឹក​ជំនន់​របស់​អង្គ​ការ JICA បាន​ចូល​ជួប​លោក​កែប ជុតិមា អភិ​បាល​រាជ​ធានី​ភ្នំពេញ និង​​ធ្វើ​សេច​ក្តី​រាយ​ការណ៍​លំអិត បន្ទាប់​​ពី​ក្រុម​​នេះ​បាន​ធ្វើ​ការ​សិក្សា​លើ​​​​សេច​ក្តី​ព្រាង​របាយ​ការណ៍​បញ្ចប់​​រួច​មក ដើម្បី​​​ចុះ​ហត្ថ​លេខា​។ ការ​ងារ​នេះ ​ក៏​មាន​​​ធ្វើ​ការ​សិក្សា​យ៉ាង​លំអិត​មួយ​ទៀត ​ដាក់​​ជូន​រដ្ឋា​ភិបាល​ជប៉ុន ដើម្បី​សុំ​ការ​សំរេច​ថា​គួរ​ផ្តល់​​ឱ្យ ឬ​យ៉ាង​ណា។
​នេះ​ជា​គំរោង​ការ​ពារ​ទឹក​ជំនន់​របស់​អង្គ​ការ JICA សំរាប់​ជំហាន​ទី​៣ ក្នុង​នោះ​មាន​ការ​​កែ​លំអ​​ប្រព័ន្ធ​លូ​បង្ហូរ​ទឹក​ស្អុយ​នៅ​តំបន់​​អូរ​ឫស្សី​ បឹង​រាំង តំបន់​មុនី​រ៉េត ទួល​ស្វាយ​ព្រៃ ​ទួល​ស្លែង បឹង​កេង​កង ទួល​ទំពូង​ខាង​ជើង និង​តំបន់​ទួល​ទំពូង​ខាង​ត្បូង ដែល​មាន​ប្រវែង​​២.០៦៥​គីឡូ​ម៉ែត្រ ក្នុង​នោះ​​ក៏​មាន​​ការ​ស្តារ​អណ្តូង​លូ​ធំ និង​ការ​ផ្តល់​ឧបករណ៍​​សំរាប់​លាង​សំអាត​​លូ​ផង​ដែរ។ ដោយ​ឡែក​ គំរោង​ការ​ពារ​​ទឹក​ជំនន់​ជំហាន​ទី​១ និង​ជំហាន​ទី​២ ត្រូវ​បាន​បញ្ចប់​​។ ជំហាន​ទី​១ ដែល​បាន​អនុ​វត្ត​កន្លង​មក​រួម​មាន​ ការ​​ស្ថាបនា​កែ​លំអ​​ប្រឡាយ​បឹង​​​សាឡាង ​ប្រឡាយ​បឹង​ទំពុន ​ប្រឡាយ​ស្ទឹង​មាន​ជ័យ ស្ថានីយ​បូម​ទឹក​ថ្មី ទំនប់​បឹង​ទំពុន និង​ទ្វារ​​ទឹក​នៅ​ស្វាយ​ប៉ាក។ សំរាប់​ជំហាន​ទី​២ ក៏​បាន​អនុ​វត្ត​រួច​មក​ហើយ​ដែរ គឺ​ប្រព័ន្ធ​លូ​ក្រោម​​​ដី​នៅ​ក្នុង​ភូមិ​សាស្ត្រ​ខណ្ឌ​ដូន​ពេញ ស្ថានីយ​បូម​ទឹក និង​អាង​ស្តុក​ទឹក​ក្រោម​ដី​ធំ​ៗ​ចំនួន​៤​កន្លែង​នៅ​​តាម​បណ្តោយ​មាត់​​ទន្លេ​​មុខ​វាំង និង​បណ្តា​​លូ​មេ លូ​​ពង្វាង​ទឹក​ស្អុ​យ​មិន​ឱ្យ​ហូរ​ចូល​ទន្លេ​សាប​ដោយ​​ឱ្យ​ហូរ​ធ្លាក់​ទៅ​ប្រឡាយ​បឹង​​ត្របែក​វិញ។
​មន្ត្រី​ជំនាញ​សាលា​រាជ​ធានី​ភ្នំពេញ បាន​ឱ្យ​ដឹង​ថា ​ក្រុម​បេសក​កម្ម​​របស់​អង្គ​ការ​ JICA ប្រទេស​ជប៉ុន​ បាន​ធ្វើ​ការ​សិក្សា​គំរោង​ការ​ពារ​ទឹក​ជំនន់់​ជំហាន​ទី​៣​នេះ​​​រយៈ​ពេល​​៣​​ខែ​ គឺ​ពី​ខែ​មីនា​ដល់​​ខែ​ឧសភា ឆ្នាំ​២០១០ នៅ​ភ្នំពេញ និង​បន្ទាប់​មក​យក​ទៅ​ធ្វើ​ការ​សិក្សា​លំអិត​ និង​ពិនិត្យ​ការ​ងារ​បច្ចេក​ទេស​បញ្ចប់ ហើយ​សំរេច​ជា​លទ្ធ​ផល​នៅ​ប្រទេស​ជប៉ុន នាខែ​ធ្នូ ឆ្នាំ​២០១០។ នៅ​ក្នុង​ជំនួប​​ជា​មួយ​លោក​កែប ជុតិមា អភិ​បាល​រាជ​ធានី​ភ្នំពេញ នា​ពេល​នេះ ​អ្នក​ជំនាញ​របស់ JICA ជប៉ុន​បាន​អះ​អាង​ថា ក្រោយ​ការ​រៀប​ចំ​គំរោង​​​នេះ​រួច​ គឺ​តំបន់​ទាំង​អស់​ខាង​លើ​​​នឹង​​មិន​មាន​ការ​លង់​លិច​ទៀត​​ទេ ឬ​ក៏​អាច​បន្ថយ​ពី​ការ​លិច​លង់​ដែល​រយៈ​ពេល​កន្លង​មក​ លិច​កន្លះ​ម៉ោង​មក​ត្រឹម​១០​នាទី ពី​កំពស់​ទឹក​កន្លះ​ម៉ែត្រ ឱ្យ​នៅត្រឹម​តែ​២​តឹក​យ៉ាង​ច្រើន​បំផុត។ ​នៅ​ក្នុង​ឱកាស​នោះ​ លោក​កែប ជុតិមា បាន​ថ្លែង​អំណរគុណ​ដល់​​តំណាង JICA ​ក៏​ដូច​ជា ​​រដ្ឋា​ភិបាល​​ជប៉ុន ដែល​បាន​ជួយ​ដល់​រដ្ឋា​ភិបាល​​កម្ពុជា ជា​ពិសេស​ជួយ​ដល់​​រាជ​ធានី​ភ្នំពេញ​ នា​ពេលកន្លង​មក​ក៏​ដូច​​ជា​ពេល​នេះ៕

ដោយ ៖ កោះឯករាជ្យ

គម្រោង​អភិវឌ្ឍ​ប្រទេស​រយៈពេល​វែង​របស់​រាជ​រដ្ឋាភិបាល​​បន្ត​ដំណើរ​ជា​និរន្តរភាព​​តាម​​រដ្ឋ​សភា​អនុម័ត​ បក្ស​ប្រឆាំង​សូម​កុំ​បារម្ភ!

កោះកុង ៖ ថ្លែង​ក្នុង​ពិធី​បិទ​ស្ទឹង​សាង​សង់​វារី​អគ្គិសនី​ស្ទឹង​តាតៃ ខេត្ត​កោះកុង សម្ដេច​តេជោ ហ៊ុន សែន បាន​មាន​ប្រសាសន៍​ថា គម្រោង​អភិវឌ្ឍន៍​ប្រទេស​របស់​រាជ​រដ្ឋាភិបាល​កម្ពុជា​រយៈពេល​វែង គឺ​​មាន​​ការ​អនុម័ត​​ពី​រដ្ឋសភា​ជា​មុន​សិន​ទើប​ដំណើរ​ការ​ទៅ​បាន​ ហើយ​គម្រោង​ទាំង​នោះ​នឹង​បន្ត​និរន្តរភាព​ជា​បន្ត​បន្ទាប់​ពី​អាណត្តិ​មួយ​ទៅ​​អាណត្តិ​មួយ​ទៀត។ ដូច្នេះ​គណបក្ស​ប្រឆាំង​សូម​កុំ​ព្រួយ​បារម្ភ​ពី​ការ​ដាក់​ផែន​ការ​អភិវឌ្ឍន៍​ប្រទេស​​​រយៈ​ពេល​​វែង​របស់​រាជ​រដ្ឋាភិបាល។
គម្រោង​បង្កើត​ថាមពល​វារី​អគ្គិសនី​នៅ​ស្ទឹង​តាតៃ ត្រូវ​បាន​វិនិយោគ​ដោយ​ក្រុមហ៊ុន​ចិន មាន​រយៈពេល ៤២​ឆ្នាំ ដែល​គ្រោង​នឹង​ត្រូវ​ចំណាយ​ថវិកា​ប្រមាណ​៥៤០​លាន​ដុល្លារ​អាមេរិក ហើយ​ការ​ទប់​ស្កាត់​ទឹក​ទាញ​យក ថាមពល​វារី​អគ្គិសនី​ពី​ស្ទឹង​តាតៃ​នេះ មាន​កម្លាំង​រហូត​ដល់​ទៅ​២៤៦​មេហ្កាវ៉ាត់​សម្រាប់​ប្រើប្រាស់៕
ស្នាយពល

សម្ដេច​តេជោ​អញ្ជើញ​ក្នុង​ពិធី​បិទ​ស្ទឹង​សាង​សង់​ទំនប់​វារី​អគ្គិសនី​ស្ទឹង​តាតៃ នៅ​ខេត្ត​កោះកុងព្រឹក​នេះ

កោះកុង ៖ នៅ​ព្រឹក​ថ្ងៃទី​១២ ខែ​មករា ឆ្នាំ​២០១១​នេះ សម្ដេច​អគ្គ​មហា​សេនា​បតីតេជោ ហ៊ុន សែន​ នាយក​រដ្ឋមន្រ្តី​នៃ​រាជ​រដ្ឋាភិបាល​កម្ពុជា ​នឹង​អញ្ជើញ​ជា​អធិបតី​ក្នុង​ពិធី​បិទ​ស្ទឹង​សាង​សង់​ទំនប់ វារី​អគ្គិសនី​ស្ទឹង​តាតៃ ស្ថិត​នៅ​ក្នុង​ឃុំ​ឫស្សី​ជ្រំ ស្រុក​ថ្ម​បាំង និង​ឃុំ​តាតៃ ខេត្ត​​កោះកុង ដែល​មាន​កម្លាំង​២៤៦​មេហ្គាវ៉ាត់។
ការ​សាង​សង់​ទំនប់​វារី​អគ្គិសនី​នេះ​ធ្វើ​ឡើង​ដោយ​ក្រុមហ៊ុន​ឆាយណាណាស់សូណាល់ ហេវីម៉ាតធឺណារី ដែល​គ្រោង​នឹង​ចំណាយ​ថវិកា​ចំនួន​៥៤០​លាន​ដុល្លារ។ គម្រោង​សាងសង់​ត្រូវ​ចំ ណាយ​ពេល​៥​ឆ្នាំ និង​រយៈពេល​៣៧​ឆ្នាំ​ទៀត សម្រាប់​ធ្វើ​អាជីវកម្ម តាមវិធី BOT គឺ​សាងសង់ រួច ដំណើរ​ការ​អាជីវកម្ម និង​ផ្ទេរ​មក​រដ្ឋាភិបាល​កម្ពុជា​វិញ៕

ស្នាយពល