Friday, January 21, 2011

ក្រុម​អ្នកកាសែត​​ថៃ​ចុះពី​យន្តហោះ​​ប្រញាប់ទៅសាលា​ដំបូង​ ខណៈ​ការ​ចោទ សួរ​​​កំពុង​បន្ត


រាជធានីភ្នំពេញ ៖ នៅព្រលាន​​យន្តហោះ​​អន្តរជាតិ​ភ្នំពេញ​ឯណោះ​វិញ ​កាល​ពី​វេ​លា​ម៉ោង​​៣​រសៀលថ្ងៃទី​​២១ មករា ២០១១ នេះ គេ​ឃើញ​​ក្រុមអ្នក​កាសែត​ថៃ​ជាច្រើននាក់ និងក្រុម​​គ្រួសារ​​របស់ជនជាប់ចោទ​ថៃ​​ទាំង​៧នាក់​​​ផង​ដែរ ​បានចុះ​​ពីយន្តហោះ​​​ ហើយធ្វើ​​ដំណើរ​យ៉ាង​​រូត​រះ​​បំផុត​ទៅកាន់​សាលា​​ដំបូងរាជធានីភ្នំពេញ​ ដើម្បី​​ស្តាប់​ការ​សំរេច​របស់តុលាការ​​ដែលកំពុង​​​បើក​អង្គជំនុំ​ជម្រះ​...នេះបើ​តាម​ការ​ឱ្យដឹង​​​ពីមន្ត្រី​​បំរើ​​ការនៅព្រលាន​យន្តហោះ ។​
គួរ​​បញ្ជាក់​ថា ​មកដល់​​វេលាម៉ោង​​​៤រសៀល​​ថ្ងៃ​ដដែល​​ សវនាការ​​​ពេញអង្គ​​ជំនុំជម្រះ​​​ទៅលើ​​​ជនជាប់​​ចោទ​ថៃ​​​៥​នាក់ ​ពីបទ​​ចូលទឹក​ដី​​កម្ពុជា​ខុសច្បាប់នោះ​ នៅមិនទាន់បញ្ចប​់​នៅឡើយ​ទេ ​ហើយ​​​កំពុង​ចោទសួរ​ឆ្លើយ​​​​ឆ្លង​គ្នានៅ​ឡើយ ។ លទ្ធ​ផល​​យ៉ាងណានោះ​​អាច​ដឹង​នៅ​វេលា​​យប់​បន្តិច​​ ឬ​នៅ​ថ្ងៃស្អែក​... ៕

ដោយ ៖ កោះឯករាជ្យ

No comments:

Post a Comment