ភ្នំពេញ: លោកទិតសុធាទីប្រឹក្សារាជរដ្ឋាភិបាលនិងជាអ្នកនាំពាក្យអង្គភាពព័ត៌មាននិង
ប្រតិកម្មរហ័សនៃទីស្តីការគណៈរដ្ឋមន្ត្រីនៅថ្ងៃទី១៤ខែមករាឆ្នាំ២០១១បានមានប្រតិកម្មតបទៅនិងលោកប្រេតអាដាមនាយកអង្គការយូមែនរ៉ាយវ៉ចដែលបានធ្វើការរិះគន់ទៅលើសម្តេចតេជោហ៊ុនសែននាយករដ្ឋមន្ត្រីកម្ពុជាតាមវិទ្យុអាស៊ីសេរី។
លោកអះអាងថាការរិះគន់នោះគ្មានមូលដ្ឋានពិតប្រាកដ និងជាការបំរើប្រយោជន៍ ឱ្យក្រុមគណបក្សប្រឆាំងនៅកម្ពុជាដែលកំពុងតែប្រឈមនិងការបែកបាក់និងចុះខ្សោយ។
លោកទិតសុធាបានមានប្រសាសន៍ប្រតិកម្មតបទៅលោកប្រេតអាដាមយ៉ាង
នេះថាៈលោកប្រេតអាដាមនេះជាមេចោព្រៃអន្តរជាតិដែលប៉នប៉ងបំផ្លាញសន្តិភាពនៅ កម្ពុជាហើយបុគ្គលនេះពុំមានតំលៃក្នុងការផ្តល់ពិន្ទុទៅលើការដឹកនាំរបស់សម្តេចតេជោហ៊ុនសែននាយករដ្ឋមន្ត្រីនៃប្រទេសកម្ពុជាបានទេ។
លោកបន្តថាសន្តិភាព ស្ថេរភាពនយោបាយនិងការអភិវឌ្ឍន៍ប្រទេសរីកចំរើនមកដល់សព្វថ្ងៃនេះមិនមែនបានមកដោយចៃដន្យឬក៍ធ្លាក់មកពីលើមេឃទេគឺ បានមកពីការខិតខំប្រឹងប្រែងរបស់រាជរដ្ឋាភិបាលដែលផ្តើមចេញពីថ្ងៃរំដោះ៧មករា ឆ្នាំ១៩៧៩ដែលការកសាងអភិវឌ្ឍន៍ប្រទេសចាប់ពីចំនុចសូន្យបាតដៃទទេរហូតឈានដល់ការអភិវឌ្ឍន៍រីកចំរើខ្ពស់លើគ្រប់វិស័យ។
លោកទិតសុធាបានមានប្រសាសន៍បន្តថាការមានសន្តិភាពនិងការអភិវឌ្ឍន៍ទាំងនេះហើយដែលនាំឱ្យមានការបោះឆ្នោតត្រឹមត្រូវស្របតាមរដ្ឋធម្មនុញ្ញ ហីយ
តាមរយៈនយោបាយឈ្នះឈ្នះ របស់សម្តេចតេជោនៅឆ្នាំ១៩៩៨ដោយបានផ្តួលរំលំនូវអង្គការចាត់តាំងខ្មែរក្រហមទើប ធានាបាននូវកាផ្សះផ្សាជាតិ។
លោកទិសុធាបន្តថាប្រទេសកម្ពុជាប្រកាន់នយោបាយប្រជាធិបតេយ្យសេរីពហុបក្សនិងផ្តល់ សេរីភាពដល់ក្រុមអង្គការក្រៅរដ្ឋាភិបាលហើយការដឹកនាំរបស់សម្តេចតេជោបានទទួលនូវការ គាំទ្រដ៍ច្រើនលើសលុបពីសំណាក់ប្រជាពលរដ្ឋតាមរយៈសំលេងឆ្នោតតាមបែបប្រជាធិបតេយ្យសេរីពហុបក្សដូច្នេះមិនមែនជាការដឹកនាំផ្តាច់ការដូចដែលបុគ្គលប្រេតអាដាមអះអាងនោះទេ។
លោកទិត្យសុធាអះអាងថាសម្តីរបស់ប្រេតអាដាមជាសម្តីអគតិមួយដែលជាជនបរទេសនិយម ជ្រុលមួយដែលខ្វាក់ភ្នែកនិងមើលរំលងពីការពិតនៃការរីកចំរើនលទ្ធិប្រជាធិបតេយ្យនៅកម្ពុជា។
លោកទិតសុធាមានប្រតិកម្មបន្តថាៈចំពោះការចោទប្រកាន់សម្តេចតេជោថាប្រើវិធីបំបែកបំបាក់ដើម្បីត្រួតត្រាគឺជាការចោទប្រកាន់ដោយខុសឆ្គងពីព្រោះភាពបែក បាក់នៃគណបក្សផ្សេង ក្រៅពីគណបក្សប្រជាជនគឺជាការបរាជ័យនៃការដឹកនាំនៃគណបក្សនោះមិនមែនដូចការ ចោទប្រកាន់របស់ប្រេតអាដាមទេ។
លោកទិតសុធាបន្តថាផ្ទុយទៅវិញគណបក្សប្រជាជនកម្ពុជាបានកសាងនូវសមិទ្ធិផល៣២ឆ្នាំ ក្រោយថ្ងៃរំដោះ៧មករាដែលធ្វើឱ្យប្រជាពលរដ្ឋមានមោទនភាពនិងមានជំនឿជឿជាក់តាម រយៈការប្រើប្រាស់សិទ្ធិរបស់ខ្លួនដែលជាសិទ្ធិស្វ័យសំរេចក្នុងការផ្តល់សំលេងឆ្នោតជូនសម្តេចតេជោដឹកនាំប្រទេស៕
ដោយ : រតនា
No comments:
New comments are not allowed.