ភ្នំពេញ ៖ កាលពីល្ងាចថ្ងៃទី១៤ ខែ មករា ឆ្នាំ២០១១ នៅសាកលវិទ្យាល័យ ចំរើនពហុបច្ចេកវិទ្យា បេក្ខជនបណ្ឌិត ជូន តេជ បានឡើងការពារនិក្ខេបបទ ថ្នាក់បណ្ឌិតកម្រិតជាតិប្រកបដោយជោគជ័យ ។ ការការពារនិក្ខេបបទនេះ បន្ទាប់ពីបេក្ខជនបណ្ឌិតឆ្លងកាត់ការ សិក្សារយៈពេល៣ឆ្នាំនៅសាកលវិទ្យា ល័យចំរើនពហុបច្ចេកវិទ្យានៅមហាវិទ្យាល័យនីតិសាស្ដ្រ ឯកទេសនីតិឯកជន ។
ប្រធានបទដែលបេក្ខជនបណ្ឌិតលើក យកមកធ្វើការសិក្សាស្រាវជ្រាវ គឺ “នីត្យានុកូលភាព នៃអាពាហ៍ពិពាហ៍នៅកម្ពុជា” ក្រោមការដឹកនាំពីសាស្ដ្រាចារ្យ បណ្ឌិតអិន វ៉ាន់វិបុល និងបណ្ឌិតសោម សុមុនី ហើយនិក្ខេបបទនេះចែកចេញជា ៥ជំពូក គឺសេចក្ដីផ្ដើម ប្រពៃណីទំនៀម ទម្លាប់នៃអាពាហ៍ពិពាហ៍ខ្មែរ បទដ្ឋាន គតិយុត្ដិនៃការរៀបអាពាហ៍ពិពាហ៍ ចំណុចវិជ្ជមាន និងអវិជ្ជមាននៃអាពាហ៍ពិពាហ៍បច្ចុប្បន្ន និងសេចក្ដីសន្និដ្ឋាន ។
បេក្ខជនបណ្ឌិតថ្លែងថា ការជ្រើស រើសប្រធានបទខាងលើមកសិក្សាស្រាវ ជ្រាវ គឺក្នុងគោលបំណងស្វែងយល់ពីខ្លឹម សារនិងប្រពៃណីទំនៀមទម្លាប់នៃអាពាហ៍ ពិពាហ៍និងស្វែងរកភាពស្របច្បាប់នៃ អាពាហ៍ពិពាហ៍ខ្មែរ និងជនបរទេសនៅ កម្ពុជា ។ ការសិក្សាស្រាវជ្រាវនេះ ក៏ ស្វែងរកនូវភាពវិជ្ជមាននិងអវិជ្ជមាន នៃអាពាហ៍ពិពាហ៍ទៅតាមគន្លងប្រពៃណី ទំនៀមទម្លាប់ខ្មែរនិងច្បាប់ ។ ់បេក្ខជន រំពឹងថា ស្នាដៃនេះ នឹងរួមចំណែកជា វិភាគទាន ផ្ដល់ចំណេះដឹងទូទៅលើវិស័យ នីតិសាស្ដ្រដល់មនុស្សទូទៅនៅកម្ពុជា ក៏ ដូចជាសាកលលោក និងផ្ដល់ជាឯកសារ ដែលមានសារសំខាន់ដល់អ្នកសិក្សា ស្រាវជ្រាវជំនាន់ក្រោយ ដែលចង់ស្រាវ ជ្រាវលើផ្នែកនេះ ដោយមិនគ្រាន់តែ សរសេរដើម្បីការពារយកតែសញ្ញាបត្រប៉ុណ្ណោះទេ ។
ក្រោយពីការធ្វើបទបង្ហាញជជែក ពិភាក្សា និងកែសម្រួលចំណុចខ្វះខាត រួចមកគណៈកម្មការវាយតម្លៃបានសម្រេច ឱ្យបេក្ខជនបណ្ឌិតជូន តេជ ជាប់ជា បណ្ឌិតជាស្ថាពរចាប់ពីពេលនេះតទៅ ។ នាឱកាសនោះ សាស្ដ្រាចារ្យបណ្ឌិតស៊ុំ ឈុំប៊ុន ប្រធានក្រុមប្រឹក្សាវាយតម្លៃបាន កោតសរសើរពីការខិតខំប្រឹងប្រែង សិក្សាស្រាវជ្រាវរបស់បេក្ខជន ដើម្បី រួមវិភាគទានសម្រាប់ប្រជាពលរដ្ឋខ្មែរ បើទោះបីជាបេក្ខជនមានវ័យចំណាស់ក្ដី។ លោកក៏បានកោតសរសើរពីការយក ចិត្ដទុកដាក់របស់សាកលវិទ្យាល័យដែល បានព្យាយាមស្វែងរកស្ដង់ដារមួយខ្ពស់ ប្រកបដោយនីតិរដ្ឋត្រឹមត្រូវ និងទទួល ស្គាល់ពីក្រសួងអប់រំយុវជននិងកីឡា
No comments:
Post a Comment