បន្ទាយមានជ័យ ៖ ទាហានឈុតខ្មៅសៀមរួមជាមួយកម្មករប្រមាណ១០នាក់នាំគ្នាមកកាន់អូរព្រំដែនចំណុចមុខកាស៊ីណូហ្គោលឌិនក្រោន ដែលមាន ចម្ងាយខាងជើងស្ពានមិត្តភាពកម្ពុជាសៀម២០០ម៉ែត្រ ក្នុងភូមិក្បាលស្ពាន សង្កាត់ក្រុងប៉ោយប៉ែតខេត្តបន្ទាយមានជ័យដែលឈមនៅខាងសៀមស្ថិតក្នុងភូមិខុងឡឹក ស្រុកអារញ ខេត្តស្រះកែវ ប្រទេសថៃ ដើម្បីជីកអូរលើកទំនប់ដែលស្ថិតក្នុងអូរព្រំដែនកាលពីវេលាម៉ោង១០និង៣០នាទីព្រឹកថ្ងៃទី១៤ ខែមករា ឆ្នាំ២០១១នេះ តែត្រូវបានសមត្ថកិច្ចកម្ពុជាទៅទាន់នាំគ្នារត់អស់។
បើតាមប្រភពពីព្រំដែនកម្ពុជាបានអោយដឹងថានៅវេលាម៉ោង១០និង៣០នាទីមានទាហានឈុតខ្មៅរបស់សៀម៥នាក់ស្លៀកពាក់តែឯកសណ្ឋាននិង៣នាក់ស្លៀកពាក់ស៊ីវិលបាននាំគ្នានាំកម្មករជាង១០នាក់ចុះមកកាន់មាត់អូរព្រំដែនកម្ពុជាថៃនៃចុងខាងលើដើម្បីជីកមាត់អូរលើកទំនប់ខាងទឹកដីខ្លួន។ការធ្វើបែបនេះភាគីសៀមបានចោទប្រកាន់មកភាគីកម្ពុជាថាបានលើកទំនប់ ដែលធ្វើអោយមានទឹកជំនន់នៅខាងភាគីខាងសៀមរួមទាំងទម្លាក់ឈើជាច្រើននៅក្នុងអូរទៀតផង។
ក្រោយពីមានសកម្មភាពបែបនេះខាងមន្ត្រីទំនាក់ទំនងព្រំដែនកម្ពុជាបានចុះទៅទីនោះដើម្បីសួរនាំជាមួយភាគីសៀមហើយខាងកម្ពុជាបានច្រានចោលនូវអ្វីដែលសៀមលើកឡើង។ប្រភពដដែលបានអោយដឹងថាពួកគេក្រៅពីជីកអូរលើកដីធ្វើទំនប់គឺពួកគេមានបំណងរើសសំរាមឈើដែលនៅក្នុងទឹកតែនៅពេលខាងកម្ពុជាទៅដល់ពួកគេក៏រត់អស់។ទាក់ទិននឹងករណីខាងលើនេះមេ បញ្ជាការវរ៩១១ដែលឈរជើងការពារបានបដិសេធមិនដឹងអ្វីទាំងអស់ចំពោះរឿងនេះ៕
អ.ពៅ
No comments:
Post a Comment