Tuesday, January 25, 2011

ចំណាយ​ថវិកា​ជាង​២លាន​៥សែន​ដុល្លារ​ ​សាង​សង់​ស្ពាន​ចេញ​ចូល​កោះ​ពេជ្រ​២ខ្សែ​ទៀត


ភ្នំពេញ​៖ ស្ពាន​ចេញ​ចូល​កោះ​ពេជ្រ​ចំនួន​២ខ្សែ​ទៀត​ ​នឹង​ត្រូវ​សាង​សង់​ឡើង​នៅ​ចុង​ខែ​មក​រា​ ​ឆ្នាំ​២០១១ នេះ​ ​ ​ដោយ​ក្រុម​ហ៊ុន​វិ​និ​យោគ​ទុក​អ​ណិ​ក​ជន​កម្ពុ​ជា OCIC ដែល​គ្រោង​នឹង​ចំណាយ​ថវិកា​ចំនួន​២,៥៥៥,០៩០ដុល្លារ​សហ​រដ្ឋ​អា​មេ​រិ​ក​ ​និង​ប្រើ​រ​យៈ​ពេល​សាង​សង់​ចំនួន​៩ខែ​។
តាម​ការ​គ្រោង​ទុក​ ​កម្ម​វិធី​សម្ពោធ​បើក​ការដ្ឋាន​នេះ​ ​នឹង​ប្រព្រឹត្ត​ឡើង​នៅ​ថ្ងៃ​ទី​៣១ ខែ​មក​រា​ ​ឆ្នាំ​២០១១ ក្រោម​អធិបតី​ភាព​ដ៏​ខ្ពង់ខ្ពស់​សម្ដេច​នាយក​រដ្ឋ​ម​ន្ត្រី​ ហ៊ុន​ ​សែន​ ​និង​លោក​ជំទាវ​ប​ណ្ឌិ​ត​។
          គួរ​រំឭក​ថា​ ​កាល​ពី​ថ្ងៃ​ទី​៨ ខែ​ធ្នូ​ ​ឆ្នាំ​២០១០ សាលា​រាជ​ធានី​ភ្នំពេញ​ ​និង​ក្រុម​ហ៊ុន​កោះ​ពេជ្រ​បាន​រៀប​ពិធី​សែន​ក្រុង​ពាលី​នៅ​គល់​ស្ពាន​ពេជ្រ​ផ្នែក​ខាង​កើត​ ​ដើម្បី​សុំ​ម្ចាស់​ទឹក​ម្ចាស់​ដី​ ​បើក​ដំណើរ​ការ​ជា​ថ្មី​ ​ក្រោយ​ពី​បិទ​រ​យៈ​ពេល​១៦ថ្ងៃ​ ​បន្ទាប់​ពី​កើត​មាន​នូវ​ឧបទ្ទវ​ហេតុ​កាល​ពី​រាត្រី​ថ្ងៃ​ទី​២២ ខែ​វិ​ច្ឆិ​កា​ ​ឆ្នាំ​២០១០ ដែល​ជា​ថ្ងៃ​ចុង​ក្រោយ​នៃ​ពិធី​បុណ្យ​អុំទូក​ ​អកអំបុក​ ​ប​ណ្តែ​ត​ប្រទីប​ ​និង​សំ​ពះ​ព្រះ​ខែ​ ​បណ្ដាល​ឲ្យ​មាន​មនុស្ស​ស្លាប់​៣៥៣នាក់​ ​និង​រង​របួស​៣៩៤នាក់​ ​នា​ឱ​កាស​នោះ​ដែរ​ ​ដោយ​យោង​តាម​អនុ​សាសន៍​របស់​សម្ដេច​តេ​ជោ​ ​ហ៊ុន​ ​សែន​ ​សាលា​រាជ​ធានី​ភ្នំពេញ​គ្រោង​នឹង​សាង​សង់​ស្ពាន​២ខ្សែ​បន្ថែម​ទៀត​ ​មាន​ទទឹង​១២ម៉ែត្រ​ ​ប​ណ្ដោ​យ​១០១​ ​ម៉ែត្រ​ ​មាន​បង្កាន់ដៃ​កម្ពស់​១.០៥ម៉ែត្រ​ ​នៅ​ក្បាល​ស្ពាន​ទាំង​សងខាង​ ​គឺ​មាន​រូប​ក្បាល​នាគ​ ​ឯ​បង្កាន់ដៃ​ជា​តួ​ខ្លួន​នាគ​ដើម្បី​សម្រួល​ចរាចរណ៍​ចេញ​ចូល​មជ្ឈមណ្ឌល​ពាណិជ្ជ​កម្ម​កោះ​ពេ​ជ្រ​។
          តាម​ការ​ប៉ាន់​ប្រមាណ​សំណង់​ស្ពាន​នាគ​ទាំង​២ខ្សែ​ថ្មី​នេះ​ទំនងជា​ស្ថា​ប​នា​រួចរាល់​ស្រប​ពេល​គ្នា​នឹង​ពិធី​បុណ្យ​អុំទូក​ ​អកអំបុក​ ​បណ្ដែត​ប្រទីប​ ​និង​សំ​ពះ​ព្រះ​ខែ​ ​នា​ចុង​ឆ្នាំ​២០១១ ខាង​មុខ​នេះ​៕

No comments:

Post a Comment