Tuesday, January 25, 2011

យឹម សុវណ្ណ បង្ហាញ​ខ្លឹមសារ​នៃ​ជំនួប​សម រង្ស៊ី នៅ​ទីក្រុង​ម៉ានិល

ភ្នំពេញ ៖ នៅ​ក្នុង​សន្និសីទ​សារព័ត៌មាន នៅ​ទី​ស្នាក់​ការ​គណបក្ស​សម រង្ស៊ី កាល​ពី​ព្រឹក​ថ្ងៃ​ទី​២៥ ខែ មករា ឆ្នាំ​២០១១​នេះ លោក​យឹម សុវណ្ណ បាន​បង្ហាញ​ខឹ្លម​សារ​នៃ​ជំនួប​ជាមួយ​មេ​ដឹក​នាំ​របស់​ខ្លួន នៅ​ទីក្រុង ម៉ានិល​ថា ក្នុង​ខ្លឹមសារ​ជំនួប​នោះ​មាន​៧​ចំណុច​ជា​សំខាន់។
លោក​យឹម សុវណ្ណ​បាន​បន្ត​ថា​ ជំនួប​រវាង​គណៈកម្មាធិការ​អចិន្រ្តៃយ៍​គណបក្ស​សម រង្ស៊ី បាន​ធ្វើ​ឡើង ចាប់​ពី​ថ្ងៃ​ទី​១៦ ដល់​ថ្ងៃ​ទី​២៤ ខែ​មករា នៅ​ទីក្រុង​ម៉ានិល​នោះ​មាន​៧​ចំណុច ក្នុង​នោះ​មាន៖

ទី១-ការ​វិភាគ​ស្ថាន​ការណ៍​នយោបាយ​នៅ​ក្នុង​ប្រទេស​កម្ពុជា របាយ​ការណ៍​ទាក់​ទង​នឹង​ជីវភាព ប្រចាំ​ថ្ងៃ​របស់​ប្រជាពលរដ្ឋ និង​ពិភាក្សា​ពី​លទ្ធភាព​ដែល​អាច​ធ្វើ​ឲ្យ​មាន​ការ​ផ្លាស់ប្ដូរ​នៅ​ប្រទេស​​​កម្ពុជា។ ទី២-ការ​វិភាគ​ស្ថាន​ការណ៍​នយោបាយ​នៅ​ក្នុង​តំបន់, ទី៣-ស្ដាប់​របាយ​ការណ៍​សកម្មភាព ការងារ​របស់​គណបក្ស​រយៈ​ពេល​កន្លង​មក, ទី៤-ស្ដាប់​របាយ​ការណ៍ ស្ដីពី​ការ​វិវឌ្ឍ​រីក​ចម្រើន​របស់​គណបក្ស, ទី៥-អនុម័ត​យុទ្ធសាស្រ្ត​របស់​គណបក្ស ដើម្បី​ជម្រុញ​ឲ្យ​មាន​សំទុះ​ថ្មី ក្នុង​ការ​ចូល​រួម​បោះ​ឆ្នោត​ព្រឹទ្ធ​សភា ការ​បោះឆ្នោត​ឃុំ-សង្កាត់​ឆ្នាំ​២០១២ និង​ការ​បោះឆ្នោត​ជាតិ​ឆ្នាំ​២០១៣​ខាង​មុខ, ទី៦- កែ​ទម្រង់​យុទ្ធសាស្រ្ត​គណបក្ស ដើម្បី​រក​យុទ្ធសាស្រ្ត​ថ្មី ដែល​គណៈអចិន្រ្តៃយ៍​គណបក្ស​ទើប​តែ​បាន​អនុម័ត និង​ទី​៧-អនុម័ត​ផែន​ការ​សកម្មភាព​សម្រាប់​ឆ្នាំ​២០១១។
ដូច្នេះ​នេះ​ជា​ខ្លឹមសារ​ជំនួប​រវាង​គណៈកម្មាធិការ​អចិន្រ្តៃយ៍​របស់​ខ្លួន​នៅ​ទីក្រុង​ម៉ានិល ប្រទេស ហ្វីលីពីន៕
ឫទ្ធី

No comments:

Post a Comment