Tuesday, January 25, 2011

បន្ទាយមានជ័យ មាន​គម្រោង​តម្លើង និង​វិទ្យុ​-​ទូរទស្សន៍​រដ្ឋ

បន្ទាយមានជ័យ​: ​ក្នុងឱកាស​ប្រគល់​ភារកិច្ច​ដល់​ប្រធាន​មន្ទីរ​ព័ត៌មាន​ថ្មី ខណៈ​ប្រធាន​ផ្នែក​ចាស់​ចូលនិវត្តន៍​នោះ លោក​រដ្ឋមន្ត្រីក្រសួង​ព័ត៌មាន​បានប្រកាសថា ក្រសួង​មាន​គម្រោង​តម្លើង​វិទ្យុ​និង​ទូរ​ទ្សន៍​ជាតិ​របស់​រដ្ឋ នៅ​ខេត្តបន្ទាយមានជ័យ ហើយ​កំពុង​សុំ​ខេត្ត​ជួយ​រក​ទីតាំង​សមស្រប ព្រោះ​ជាការ​ឆ្លើយតប​ទីផ្សារ​ព័ត៌មាន ដែល​ផ្នែក​ឯកជន​បាន​រីកចំរើន​ខ្លាំង​តែ​ផ្នែក​រដ្ឋ​ហាក់​នៅ​ដើរ​យឺតយ៉ាវ​។​
​    ​
​​លោក ខៀវ កាញារីទ្ធ​រដ្ឋមន្ត្រីក្រសួង​ព័ត៌មាន​និយាយ​ក្នុង​ពិធី​ប្រគល់​ភារកិច្ច​ប្រកាស​តែង​តាំ​ប្រធាន​មន្ទីរ ព័ត៌មាន​ថ្មី​ខេត្តបន្ទាយមានជ័យ​នៅ​សាលាខេត្ត​បន្ទាយមានជ័យ​កាលពី​ថ្ងៃទី​២៤ មករា​២០១១​ថា ក្រសួង​ព័ត៌មាន​មានលទ្ធភាព​តម្លើង​វិទ្យុ​និង​ទូរទស្សន៍​ជាតិ​នៅ​ខេត្តបន្ទាយមានជ័យ ហើយ​ត្រូវតែមាន​កន្លែង​សមស្រប​ណាមួយ​មិនមែន​នៅលើ​ភ្នំ​ទេ ហើយ​ត្រូវមាន​សន្តិសុខ​សុវត្ថិភាព​និង​ងាយស្រួល​ដល់​បុគ្គលិក ធ្វើការ​ព្រោះ​ពេល​បោះឆ្នោត ឬ កាលៈទេសៈ​ខ្លះ​វិទ្យុទូរទស្សន៍​ឬ​កាសែត​ជា​មុខសញ្ញា​វាយប្រហារ​ដែរ​។​    ​    ​    ​    ​    ​    ​    ​    ​

​លោក មុត សាម៉ន ប្រ​ធា​មន្ទីរ​ព័ត៌មាន​ខេត្តបន្ទាយមានជ័យ​ដែល​ត្រូវ​ចូលនិវត្តន៍​នៅ​ថ្ងៃទី ១ កុម្ភៈ ២០១១​នោះ និយាយថា មន្ទីរ​មាន​មន្ត្រី​សរុប ២៦ នាក់ ស្រី ៥​នាក់ ក្នុងនោះ​ប្រើប្រាស់​មន្ត្រី​ជាប់ កិច្ចសន្យា​១១​នាក់​។​មន្ទីរ​ព័ត៌មាន​ខេត្តបន្ទាយមានជ័យ​គ្មាន​ស្ថា​នី​យ៏​ផ្សព្វផ្សាយ​ជា​របស់ខ្លួន​ដោយ​ផ្សព្វផ្សាយ​ព័​ត៌ មាន​តាម​ទូរ​ទស្ស​ន៏​ខ្សែកាប និង​វិទ្យុ​រលក​ស្មើ FM របស់​ក្រុមហ៊ុន​ឯកជន​គឺមាន​ស្ថា​នី​យ៏ ទូរ​ទស្ស​ន៏ ខ្សែកាប ៣,​វិទ្យុផ្សាយសម្លេង FM៥​ស្ថា​នី​យ៏ និង​បញ្ជូន​ព័ត៌មាន​ទៅ​ផ្សាយ​នៅ​ទូរទស្សន៍​ជាតិ ,​បាយ័ន​, កង​យោពល​ខេមរៈភូមិន្ទ (​ប៉ុស្តិ៍ លេខ ៥ ) ស៊ី ធី អិន​, រាជធានី​ភ្នំពេញ​ប៉ុស្តិ៍​លេខ ៣,  អាស៊ីអាគ្នេយ៍​, អ​ប្សា​រា​...........​។​
​    
​ឯ​ប្រព័ន្ធ​ផ្សព្វផ្សាយ​បោះ​ពុ​ម្ភ​គឺជា​របស់​ឯកជន​ហើយ​មាន​អ្នកយក​សារព័ត៌មាន​និង​ផ្សាយ​ព័ត៌មាន​ទូលំទូលាយ ដូចជា កាសែត​រស្មី​កម្ពុជា​, កម្ពុ​ជាថ្មី​, កោះសន្តិភាព​, អង្គរវត្ត​, ខែម​បូ​ឌា​ដេលី​, ភ្នំពេញ​ប៉ុស្តិ៍​.....​និង ទស្សនា​វ​ដ្តី​នានា​។​ចំពោះ ទូរ​ទស្ស​ន៏​គឺ​ទូរ​ទស្ស​ន៏​បាយ័ន​អាច​មើលឃើញ​៩០% ,​ទូរ​ទស្ស​ន៏​កង​យោពល​ខេមរៈភូមិន្ទ ប៉ុ​ស្តិ៏​លេខ ៥ មើល ឃើញ ៨០%​។​ទូរ​ទស្ស​ន៏ ស៊ី ធី អិន មើលឃើញ​៩០%​។ ឯ​ទូរ​ទស្ស​ន៏​ជាតិ​កម្ពុជា​(​ពី​ភ្នំ ពេញ​)​និង​ទូរ​ទស្ស​ន៏​ជាតិ​កម្ពុជា​ខេត្តបាត់ដំបង​អ្នក​ជន​បទ​មើលឃើញ​ខ្លះៗ​។​ទូរ​ទស្ស​ន៏​ខ្សែកាប​មើលឃើញ​តែ​ប្រជុំជន​ខេត្ត​ស្រុក​/​ក្រុង​។ វិទ្យុ​អាស៊ីសេរី​, វិទ្យុ​សម្លេង ស​.​រ​.​អា​, វិទ្យុ បារាំង​អន្តរជាតិ​, វិទ្យុ​អូស្ត្រាលី​, វិទ្យុ​អន្តរ​ជាតិចិន ឮ ច្បាស់​ស្តាប់​បាន ទូលាយ​

​    ​លោក អ៊ុក សឿន ប្រធាន​មន្ទីរ​ព័ត៌មាន​ខេត្តបន្ទាយមានជ័យ​ដែល​ទើប​ឡើង​ថ្មី​និយាយថា “ ជីវិត​ចុង ក្រោយ​នៃ​ការបម្រើ​ជាម​ន្ត្រី​ព័ត៌មាន​រយៈពេល​ជាង ៣០​ឆ្នាំ កន្លងទៅ ខ្ញុំ​ពិតជា​រំភើប​ឥតឧបមា​ព្រោះ​កន្លងមក​មិន បាន​នឹក​ដល់​ថា ខ្លួន​បានទទួល​មុខតំណែង​ជា​ប្រធាន​សោះឡើយ​ត្បិត​ពេលវេលា​ចូល​និវត្ត​ន៏​ខ្ញុំ​កំនត់​ត្រឹម​ថ្ងៃទី ១១  ខែ វិច្ឆិកា ឆ្នាំ ២០១១ ខាងមុខ​នេះហើយ “​។​”​តែ​ដោយ​ការជំរុញ​លើកទឹកចិត្ត​ពី​មិត្ត​ភ​ក្ភិ ការគាំទ្រ​ពេញទំហឹង​ពី លោក ប៉ុក សា​លុយ​ប្រធាន ក្រុមប្រឹក្សា​ខេត្ត​, លោក អ៊ុង អឿន អភិបាលខេត្ត និង​ទឹកចិត្ត​ព្រហ្ម​វិហារធម៌​លោក ខៀវ កាញារិទ្ធ រដ្ឋមន្ត្រី​ទើប​ខ្ញុំ​ក្លាយ​ប្រធាន​មន្ទីរ​នេះ​។ លោក​នឹង​ខំ​បំពេញភារកិច្ច​ព្រោះថា​រយៈពេល​ប៉ុន្មាន​ឆ្នាំ​ចុង ក្រោយនេះ​សកម្មភាព​មន្ទីរ​ព័ត៌មាន​ខេត្តបន្ទាយមានជ័យ​បាន​ដំណើរការ​ទៅមុខ​ទោះជា​ក្នុងស្ថានភាព​លំបាក​និង​តានតឹង​ដោយ​អន្លើ​តែម​ន្ត្រី​នៅតែ​ខំ​ពុះពារ​។ មន្ត្រី​នឹង​សហការ​ជាមួយ​អ្នករាយការណ៍​ព័ត៌មាន​ពី​ប​ណ្តោ​ញ​ផ្សព្វផ្សាយ​ដទៃទៀត​៕

ដោយ : សុផុន

No comments:

Post a Comment