Tuesday, January 25, 2011

ក្លឹប​អ្នកកាសែត​កម្ពុជា​ផ្ញើ​សារ​រម្លែក​ទុក្ខ​អ្នកកាសែត​អាមរិកាំង​ដែល​បាន​ស្លាប់​

ភ្នំពេញ​: ​បន្ទាប់​ពី​ការស្លាប់​របស់​អ្នកកាសែត​ស្ត្រី​ជនជាតិ​អាមេរិកាំង​ដែល​បម្រើការ​ឱ្យ​កាសែត The Cambodia Daily កាលពី​ថ្ងៃ​ទី​២២​មករា ដោយ​គាំងបេះដូង​នោះមក ក្លឹប​អ្នកកាសែត​កម្ពុជា​បាន​ផ្ញើ​សារ​រម្លែក​ទុក្ខ​មួយ​ចុះ​ថ្ងៃទី​២៤​មករា​។​

​សារ​រម្លែក​ទុក្ខ​នោះ​មាន​ខ្លឹមសារ​ថា ក្លឹប​អ្នកកាសែត​កម្ពុជា ព្រមទាំង​សមាជិក សមាជិកា ទាំងអស់​​មានការ​រំជួលចិត្ត​យ៉ាងខ្លាំង​បន្ទាប់ពី​ទទួល​ព័ត៌មាន​អំពី​មរណភាព​របស់​នាង ជី ស៊ីកា​ក្លែរ​ថម​ម៉ូសុ​ន (Jassica Clair Thomopson) ជនជាតិ​អាមេរិក និង​ជា​អ្នកយក​ព័ត៌មាន​អោយ​កាសែត ឌឺ​ឃែម​បូឌា​​ដេលី កាលពី​ថ្ងៃ​ទី ២២ ខែ មករា​ឆ្នាំ ២០១១ នៅ​ឯ​ផ្ទះ​ជួល ស្ថិត​ក្នុង​ខ័ណ្ឌ​ចំការមន រាជធានី​ភ្នំពេញ​។​

​ក្លឹប​អ្នកកាសែត​កម្ពុជា ចាត់ទុក​មរណភាព​នាង ជី​ស៊ីកា​ក្លែរ ជា​ការបាត់បង់​ធនធានមនុស្ស​ដ៏​​សំខាន់​មួយ​សម្រាប់​វិស័យ​សារព័ត៌មាន និង សូម​សម្តែង​នូវ​ការសោកស្តាយ​ព្រមទាំង​ចូលរួម​​រម្លែក​ទុក្ខ​យ៉ាង​ក្រៀមក្រំ​ជាមួយ​ក្រុមគ្រួសារ​នៃ​សព​នាង ជី​ស៊ីកា​ក្លែរ និង សូម​អោយ​វិញ្ញាណខ័ន្ធ​​នាង​ទៅកាន់​សុគតិភព​៕

ដោយ : សម្បត្តិ

No comments:

Post a Comment