Tuesday, January 25, 2011

បុគ្គលិក​រតនាគារ​កំ​ពង់​ឆ្នាំង​ម្នាក់​បែក​ចិញ្ចើម​ឆ្វេង​ព្រោះតែ​ប្រធាន​ស្រី​យក​ឈើ​ជ្រុង​គប់​

កំពង់ឆ្នាំង: ​មានរឿង​វិវាទ​គ្នា​រវាង​បុគ្គលិក និង​អនុប្រធាន​គណនេយ្យ នៃ​រតនា​ខេត្តកំពង់ឆ្នាំង​ព្រោះតែ​ការ សរសេរ​ប័ណ្ណ​ចំណូល​ចំណាយ​ហើយ​ឈានទៅដល់​ប្រើ​អំពើរ​ហិង្សា ។ ហេតុការណ៍​នេះ​កើតឡើង​កាលពី​វេលា​ម៉ោង​៩​ព្រឹក​ថ្ងៃទី​២៥ ខែមករា ឆ្នាំ ២០១១ នៅក្នុង​ការិយាល័យ​គណ​នេ​យ្យ​នៃ​រតនាគា​ខេត្ត ស្ថិតក្នុង​ភូមិ​ប្អេ​រ សង្កាត់​ប្អេ​រ ក្រុង​កំពង់ឆ្នាំង ។​
​    
​    ជនរងគ្រោះ​ឈ្មោះ អ៊ុច សំអុន ភេទ​ប្រុស ជា​បុគ្គលិក​គណនេយ្យ​នៃ​រតនាគា​ខេត្តកំពង់ឆ្នាំង ក្រោយពេល​កើតហេតុ​ត្រូវបាន​គេ​នាំមក​ដេរ មុខរបួស​នៅ​មន្ទីរពេទ្យ​ខេត្ត​។ ចំណែក​ស្ត្រី​ដៃដល់​ឈ្មោះ មាស ច័​ន្ធ​ម៉ាលី តួនាទី​ជា​អនុប្រធាន​គណនេយ្យ​នៃ​រតនាគា​ខេត្ត ។​

    ​ជនរងគ្រោះ​បាន​ឲ្យ​សមត្ថកិច្ច​ដឹងថា រឿងរ៉ាវ​គឺ​ផ្តើមចេញពី​រឿង​សរសេរ​ប័ណ្ណ​ចំណូល​ចំណាយ ហើយ​ក្នុងពេល​ទាស់សំដី​គ្នា​នោះ ប្រធាន​ស្រី របស់គាត់​បាន​យក​ឈើ​ជ្រុង​រាង​ត្រីកោណ​ដែលមាន​ស​សេរ​អក្សរ​ថា (​មិន​នៅ​) គប់​មកលើ​គាត់​ត្រូវចំ​ចុង ចិញ្ចើម​បណ្តាល អោយ​បែក​ហូរឈាម​តែម្តង ហើយ​គាត់​បាន​ខាំមាត់​ដើរចេញ មិនបាន​តបត​ទៅវិញ​ទេ ។​

    ​ប្រភព​ដោយឡែក​មួយទៀត​បាន​និយាយថា ករណី​មន្ត្រី​រតនា​វៃ​គ្នា​ផ្អើល​ពេញ​ខេត្ត​នេះ​វា​មិនមែន ផ្តើមចេញពី​រឿង​សរសេរ​ប័ណ្ណ​ចំណូល​ចំណាយ​មួយ​ប៉ុណ្ណោះ​ទេ តាមពិត​រឿងនេះ​បាន​រាលដាល​ពី​កុំមីស្យុង លុយ​បុរេប្រទាន ដែល​អង្គភាព​មួយចំនួន​ទើបតែ​បើក​ចេញ​ថ្មីៗ ។​

    ​ក្រោយពេល​កើតហេតុ គេ​នៅ​មិនទាន់​ឃើញ សមត្ថ​ក​កិច្ច​ឃាត់ខ្លួន​ស្ត្រី​ដៃដល់​នៅឡើយ​ទេ ៕

ដោយ : បរិបូរណ៌

No comments:

Post a Comment