ភ្នំពេញ: របាយការណ៍របស់អង្គការ Unicef បង្ហាញពីកិច្ចសហប្រតិបត្តិការកាន់តែខ្លាំងថែមទៀតរវាងអង្គការនេះជាមួយរដ្ឋាភិបាលកម្ពុជាដើម្បីលើកស្ទួយសិទ្ធិកុមារ។ របាយការ បង្ហាញថាផែនការសកម្មភាពកម្មវិធីប្រចាំឆ្នាំស្តីពីកិច្ចសហប្រតិបត្តិការរវាងរាជរដ្ឋាភិ បាលនិងអង្គការ យូនីសេហ្វឆ្នាំ២០១១ដល់២០១៥មានលក្ខណៈស្របគ្នាជាមួយ យុទ្ធសាស្ត្រចតុកោណដំណាក់កាលទី២និងផែនការយុទ្ធសាស្ត្រអភិវឌ្ឍន៍ជាតិបច្ចុប្បន្ន២០០៩ដល់២០១៣។
គោលបណងទូទៅនៃកិច្ចសហប្រតិបត្តិការរបស់អង្គការយូនីសេហ្វគឺជំរុញការយល់ ដឹងនិងការគោរពសិទ្ធិកុមារដើម្បីឆ្ពោះទៅសម្រេចគោលដៅអភិវឌ្ឍន៍សហស្សវត្សរិ៍ កម្ពុជានិងស្របគ្នាជាមួយគោលបំណងជាយុទ្ធសាស្ត្រនៃក្របខណ្ឌជំនួយអង្គការ សហប្រជាជាតិដើម្បីអភិវឌ្ឍន៍ (អ៊ុនដាហ្វ) សម្រាប់ឆ្នាំ២០១១ដល់ ២០១៥ដែលក្នុងនោះរួមមានគ្រប់អង្គការមូលនិធិកម្មវិធី និងទីភ្នាក់ងារទាំងអស់របស់សហប្រជាជាតិ។
គោលបំណងរួមរបស់កម្មវិធីគឺជម្រុញភាពជាដៃគូប្រកបដោយផ្លែផ្កាក្នុងវិស័យសង្គមឱ្យសម្រេចបានដល់កម្រិតអតិបរមាតាមរយៈវិធីសាស្ត្រផ្អែកលើកម្មវិធី ដោយគ្រប់ដៃគូអភិវឌ្ឍន៍ទាំងអស់ ផ្តល់ការគាំទ្រនិងសមស្របគ្នាជាមួយវិស័យទាំងនេះនិងកំណែម្រង់យុទ្ធសាស្ត្រនានារបស់ រាជរដ្ឋាភិបាល។
ដូច្នេះដើម្បីសំរេចបានគោលបំណងនេះ អង្គការយូនីសេហ្វបានឯកភាពនិងប្រើប្រាស់ ការិយាល័យជំនាញទាំងអស់របស់ខ្លួនសម្រាប់ពង្រឹងកិច្ចសម្របសម្រួលជាមួយដៃគូ អភិវឌ្ឍន៍ទាំងអស់ដើម្បីឱ្យមានកិច្ចសហប្រតិបត្តិការតាមមូលដ្ឋានការងាររបស់ខ្លួនសម្រាប់ជាភស្តុតាងបង្ហាញការងារដែលបានអនុវត្តន៍មានប្រសិទ្ធភាពដើម្បីជាព័ត៍មានដល់ការអភិវឌ្ឍន៍ គោលនយោបាយនិងយុទ្ធសាស្ត្រជាតិការកសាងសមត្ថភាពរបស់រាជរដ្ឋាភិបាលដើម្បី ឱ្យយល់ដឹងនិងការពារសិទ្ធិកុមារ។
ដើម្បីអនុវត្តន៍ឱ្យបានតាមគោលបំណង ក្រសួងផែនការដែលជាតំណាងឱ្យ រាជរដ្ឋាភិបាល ជាមួយអង្គការយូនីសេហ្វបានឯកភាពគ្នាថាកម្មវិធីសហប្រតិបត្តិការប្រចាំប្រទេសមានចំនួន ៦កម្មវិធីនិងមានចំនួន៥តំបន់គ្របដណ្តប់ខេត្តនានារួមមានគឹ១.ការិយាល័យខេត្តកំពង់ចាម (កំពង់ចាម.ក្រចេះ.មណ្ឌលគិរី.រតនគិរី.ស្ទឹងត្រែង). ២ការិយាល័យខេត្តសៀមរាបមានគឺ (កំពង់ធំ.ឧត្តរមានជ័យ.ព្រះវិហារ.និងសៀមរាប). ៣ការិយាល័យខេត្តបាត់ដំបងគឺ (បន្ទាយមានជ័យ.បាត់ដំបង.កំពង់ឆ្នាំង.ប៉ៃលិន ពោធិសាត់). ៤.ការិយាល័យខេត្តព្រះសីហនុ(កំពង់ស្ពឺ.កំពត.កែប.កោះកុង.ព្រះសីហនុ.និងតាកែវ)៕
ដោយ : រតនាCen
No comments:
Post a Comment