ភ្នំពេញ: លោកជំទាវប៊ុន រ៉ានី ហ៊ុន សែន ប្រធានកាកបាទក្រហមកម្ពុជានឹងត្រូវតែងតាំងដោយ អគ្គលេខាធិការសហប្រជាជាតិនៅខែក្រោយជាឥស្សរជនឆ្នើមសម្រាប់សកម្មភាពរួមរបស់អគ្គលេខាធិការសហប្រជាជាតិលោកបានគីមួននៅក្នុងសកម្មភាពដើម្បីលើកកម្ពស់សុខភាពស្ត្រីនិងកុមារ។
ដោយធ្លាប់ជាគិលានុបដ្ឋាកយិការនិងជាម្តាយដែលបាត់បង់កូនដំបូងនោះលោក ជំទាវប្រធានកាកបាទក្រហមត្រូវបានគេចាត់ទុកថាជាមនុស្សដែលមានតួនាទីដ៏មានឥទ្ធិពលដើម្បីបន្ថែមទៅលើសម្លេងសម្រាប់យុទ្ធនាការពិភពលោកមួយដែលបានទទួលការសន្យាលុយចំនួន ៤០ ពាន់លានដុល្លាសម្រាប់រយៈពេលប្រាំឆ្នាំ។
លោកបាន គីមូន បានបង្ហាញផែនការរបស់គាត់ជូនដល់កិច្ចប្រជុំកំពូលស្តីពីគោលដៅអភិវឌ្ឍន៍សហប្រជាជាតិនៅទីក្រុងញូវយ៉កកាលពីខៃកញ្ញា ឆ្នាំមុន។ ឆ្នាំ២០១៥ គឺជាឆ្នាំដែលត្រូវសម្រេចអោយបានគោលដៅទាំងនេះដោយរួមមានការកាត់បន្ថយភាពក្រីក្រនិងការលើកកម្ពស់សុខភាពនិងការអប់រំ។
ខណៈដែលកម្ពុជាកំពុងតែស្ថិតនៅលើផ្លូវសម្រេចគោលដៅជាច្រើននោះជាពិសេសនៅក្នុងផ្នែកជំងឺអេដស៍និងមេរោគអេដស៍ប្រទេសនេះនៅតែមានអត្រាមរណ:នៅក្នុងចំណោមមាតាខ្ពស់ជាងគេនៅក្នុងតំបន់អាស៊ីដោយមានអត្រាមរណ:ប្រមាណ ៤៦១នាក់ក្នុងចំណោមការផ្តល់កំណើតរស់ ១០០០០ នាក់កាលពីឆ្នាំ២០០៨។
ដោយហេតុថាគោលដៅអភិវឌ្ឍន៍មានគោលបំណងកាត់បន្ថយអត្រាមរណ:នៅក្នុងចំណោមមាតាមកនៅត្រឹម ២៥០ នាក់នៅក្នុងចំណោមការផ្តល់កំណើតរស់ ១០០០០ត្រឹមឆ្នាំ ២០១៥ លោកបាន គីមូន នឹងជួយប្រទេសនានាដូចជា ប្រទេសកម្ពុជាដែលប្រឈមមុខនឹងបញ្ហាសម្រេចគោលដៅនេះ។
ក្រសួងសុខាភិបាលកំពុងតែមានគំនិតផ្តួចផ្តើមដ៏លឿនស្រាប់ហើយដើម្បីកាត់បន្ថយអត្រាមរណ:ក្នុងចំណោមមាតានិងទារក។ ដើម្បីគាំទ្ររដ្ឋាភិបាលក្រោមផែនការរបស់លោកបាន គីមូន យុទ្ធសាស្ត្រជាច្រើនត្រូវបានគេគិតគូរជាមួយអង្គការសុខភាពពិភពលោកនិងធនាគារពិភពលោក អង្គការយូនីសេហ្វនិងអង្គការមូលនិធិប្រជាជនសហប្រជាជាតិនិងកម្មវិធីរួមសហប្រជាជាតិស្តីពីមេរោគអេដស៍និងជំងឺ អេដស៍(UNAIDS)។
UNAIDS បានសហការជាមួយលោកជំទាវប៊ុន រ៉ានី ហ៊ុន សែន រួចហើយ។ នៅក្នុងភាពជាដៃគូរជាមួយនឹងទីភ្នាក់ងារសហប្រជាជាតិ វេទិកាភាពជាអ្នកដឹកនាំតំបន់អាស៊ីប៉ាស៊ីហ្វិកបានតែងតាំងលោកជំទាវជាឥស្សរជនជាតិឆ្នើមថ្នាក់ជាតិនៅក្នុងការ ឆ្លើយតបនឹងមេរោគអេដស៍និងជំងឺអេដស៍កាលពីឆ្នាំ២០០៦។
សហប្រជាជាតិរំពឹងថាភាពជាអ្នកដឹកនាំដ៏រឹងមាំរបស់លោកជំទាវនៅក្នុងវិស័យនេះនៅអំឡុងពេលរយ:ពេលបួនឆ្នាំកន្លងមកនឹងត្រូវឆ្លុះបញ្ចាំងនៅក្នុងតួនាទីថ្មីរបស់លោកជំទាវនៅក្នុងការលើកកម្ពស់ការយល់ដឹងអំពីសុខភាពមាតានិងទារក។
ក្នុងនាមជាឆ្មបដ៏មានបទពិសោធន៍ម្នាក់ដែលបានជួយសង្គ្រោះជីវិតម្តាយជាច្រើននិងបានជួយដល់ការបង្កើតកូនជាច្រើនរយនាក់។ លោកជំទាវបានបាត់បង់កូនដំបូងរបស់លោកជំទាវឈ្មោះ កម្សត់ បន្ទាប់ពីលោកស្រីបានផ្តល់កំណើតនៅស្រុកមេមុត ខេត្តកំពង់ចាមកាលពីថ្ងៃទី១០ ខែវិច្ឆិកា ឆ្នាំ១៩៧៦។
នៅប្រទេសកម្ពុជា គ្រូពេទ្យនិយាយថាបញ្ហាប្រឈមធំបំផុតដើម្បីកាត់បន្ថយអត្រាមរណ:នៅក្នុងចំណោមមាតាគឺធ្វើយ៉ាងណាអោយស្ត្រីមានផ្ទៃពោះទទួលបានការថែទាំពីបុគ្គលិកសុខាភិបាលដែលទទួលបានការបណ្តុះបណ្តាលនៅមុនពេល ក្នុងអំឡុង ពេល និងក្រោយពេលការផ្តល់កំណើត។
ភាពយឺតយ៉ាវនៅក្នុងការសម្រេចចិត្តដើម្បីទទួលការថែទាំគឺជាមូលហេតុចម្បងមួយនៃមរណ:ភាពរួមជាមួយនឹងភាពយឺតយ៉ាងនៅក្នុងការទៅដល់មជ្ឈមណ្ឌលថែមទាំសុខភាពនិងភាពយឺតយ៉ាវនៅក្នុងការទទួលបានការថែទាំ៕
ដោយ : ភីធ័រស្តារCEN
No comments:
Post a Comment