Sunday, January 23, 2011

លោកស្រី​មួរ សុខ​ហួរ​ទន្ទឹងរង់ចាំ​អភ័យឯកសិទ្ធិ តែ​មិនដឹងអ្នក​ណា​ជាអ្នក​ផ្តល់​ឱ្យ​?

ភ្នំពេញ​: ​មន្ត្រីជាន់ខ្ពស់​គណបក្ស​ប្រជាជន​កម្ពុជា​នឹង​ជា​អ្នកតំណាងរាស្ត្រ​មណ្ឌល​​ព្រៃវែង ​បាន​មានប្រសាសន៍ថាៈ​ អភ័យឯកសិទ្ធិ​សមាជិក​សភា​របស់​លោក​ស្រី​មួ​រ សុខ​ហួរ មណ្ឌល​កំពត​នៃ​គណបក្ស​សម រង្ស៊ី​គឺ​ចេញ​តាម​ណា​ចូល​វិញ​ក៏​តាម​នោះ​ដែរ​ពីព្រោះ រដ្ឋសភា​អនុវត្ត​តាម​ច្បាប់​និង​បទបញ្ជាផ្ទៃក្នុង​រដ្ឋសភា​។​

​លោក​ជាម​ យៀប ​អ្នកតំណាងរាស្ត្រ​មណ្ឌល​ព្រៃវែង​និង​ជា​សមាជិក​គណៈ​អចិន្ត្រៃយ៍​រដ្ឋសភា បាន​មានប្រសាសន៍​ថាៈ​ រដ្ឋស​ភាគោ​រព​តាម​រដ្ឋធម្មនុញ្ញ​និង​តាម​បទបញ្ជាផ្ទៃក្នុង​របស់​ខ្លួន ពោល​គឺ​ពេល​មាន​បណ្តឹង តុលាការ​បាន​ស្នើសុំ​មក​សភា​ដក​អភ័យឯកសិទ្ធិ​លោកស្រី​មួរ​ សុខ​ហួរ​។​
​ដូច្នេះ​រដ្ឋ​សភា​ត្រូវ​រង់ចាំ​សំណើរ​របស់​តុលាការ​ដើម្បី​ផ្តល់​អភ័យឯកសិទ្ធិ​ជូន​គាត់​វិញ​។​

​លោក​ជាម​ យៀប ​បាន​មានប្រសាសន៍ថាៈ ​មកដល់​ពេល​នេះ​រដ្ឋសភា​នៅ​មិនទាន់​ឃើញ​​សាលក្រម​របស់​តុលាការ​ស្នើ​មក​សម្តេច​ហេង ​សំរិន ​ប្រធាន​រដ្ឋសភា​ឱ្យ​ប្រគល់​អភ័យឯកសិទ្ធិ​​សមាជិក​សភា​ជូន​លោកស្រី​មួ​រ សុខ​ហួរ ​វិញ​នៅ​ឡើយ​ទេ​។ លោក​ជាម​យៀប​បន្តថាៈ​ បើ​មាន​​សាលក្រម​តុលាការ​ស្នើសុំ​នោះ​រដ្ឋសភា​នឹង​ប្រជុំ​គណៈអចិន្ត្រៃយ៍​ប្រគល់​អភ័យឯកសិទ្ធិ សមាជិក​រដ្ឋសភា​ជូន​ទៅ​លោកស្រី​មួ​រ សុខ​ហួរ ​វិញ​ភ្លាម​ទោះជា​ពេល​នេះ​វិស្សមកាល​ក៍ដោយ​។​

​ប៉ុន្តែ លោក​អង្គ​ វង្សវឌ្ឍានា​ រដ្ឋមន្ត្រី​ក្រសួង​យុត្តិធម៌​បាន​មានប្រសាសន៍​ប្រាប់​ក្រុម​​អ្នក​រាយ​ការ​ព័ត៌មាន​ថា ក្រសួង​នៅ​រង់​ទទួល​លិខិត​ពី​រដ្ឋសភា​ស្នើ​មកសុំ​​ផ្តល់​អភ័យ ឯកសិទ្ធិ​សមាជិក​សភា​ជូនទៅ​លោកស្រី​មួ​រ សុខ​ហួរ ​វិញ​។​

​លោកស្រី​មួ​រ សុខ​ហួរ ​ចាញ់ក្តី​សម្តេច​តេជោ​ ហ៊ុន ​សែន ​នាយករដ្ឋមន្ត្រី​រឿង​បរិហា​កេ​រ្តិ៍ ហើយ​ត្រូវ​តុលាការ​ជាន់ខ្ពស់​សំរេច​ក្តីជា​ចុង​ក្រោយ​ឱ្យ​លោកស្រី​ចាញ់ក្តី​ហើយ​បង្គាប់​ឱ្យ​លោកស្រី​បង់ប្រាក់​សំណង​ជំងឺ​ចិត្ត​និង​ប្រាក់​ផាកពិន័យ​ផង​សរុប​ចំ​​នួន ​១៦,៥ ​លាន​រៀល​ដែល​ក្នុងនោះ​សំណង​ជំងឺ​ចិត្ត​ត្រូវ​បង់​ជូន​សម្តេច​ហ៊ុន ​សែន ​ចំនួន​ ៨​ លាន​រៀល​និង​បង់ពិ់ន័យ​ចូល​រតនាគារ​ចំនួន ​៨.៥ ​លាន​រៀល​។​

​ការបង់ប្រាក់​នោះ​ធ្វើឡើង​តាមរយៈ​កាត់​ប្រាក់ខែ​សមាជិក​រដ្ឋសភា​របស់​លោកស្រី​មួ​រ សុខ​ហួរ ​​ចាប់តាំងពី​ខែ​កក្កដា ​ឆ្នាំ​២០១០​បាន​គ្រប់​ចំនួន​អស់ហើយ​។ លោកស្រី​មួ​រ សុខ​ហួរ​ ធ្លាប់បានឱ្យ​ដឹងថាៈ ​លោកស្រី​បាន​បង់​សំណង​គ្រប់​ចំនួន​អស់​ហើយ​តាមរយៈ​ការ​កាត់​ប្រាក់ខែរបស់​លោ​ស្រី​ តែ​រដ្ឋសភា​នៅ​មិន​ទាន់​ប្រគល់​អភ័យឯកសិទ្ធិសមាជិក សភា​ជូន​មក​លោកស្រីវិញ​ទេ​មក​ដល់ពេលនេះ​៕
ដោយ : រតនាCEN

No comments:

Post a Comment