ខេត្ដព្រះសីហនុ ៖ នាយកមន្ទីរព្យាបាល ឯកជនឃ្លាំងលើម្នាក់ ត្រូវនគរបាល នាំខ្លួនយកមកសួរចម្លើយនៅស្នងការ ដ្ឋាននគរបាលខេត្ដព្រះសីហនុ កាលពី វេលាម៉ោងប្រមាណ៩និង១០នាទីព្រឹក ថ្ងៃទី២២ខែមករាឆ្នាំ២០១១ ដោយគេ មិនដឹងអំពីមូលហេតុច្បាស់លាស់នៅ ឡើយ។ ប៉ុន្ដែរហូតមកដល់រសៀលថ្ងៃ ដដែលនេះ នាយករូបនោះ នៅមិនទាន់ វិលត្រឡប់ទៅមន្ទីរព្យាបាលវិញនៅឡើយ។បុគ្គលិកមន្ទីរព្យាបាលឃ្លាំងលើម្នាក់បាននិយាយថា គេឃើញនគរបាលខេត្ដ ព្រះសីហនុ មកអញ្ជើញនាយកទៅប៉ុស្ដិ៍ នគរបាលតាំងពីព្រឹករហូតមកដល់ រសៀលនេះ នៅមិនទាន់ឃើញត្រឡប់ មកវិញនៅឡើយ ។
មន្ដ្រីនគរបាលអន្ដោប្រវេសន៍ ខេត្ដ ព្រះសីហនុម្នាក់សុំមិនបញ្ចេញឈ្មោះ បាននិយាយប្រាប់ថា ជនសង័្សយដែល ត្រូវឃាត់ខ្លួននៅពេលនេះឈ្មោះ ប្រុង ឡាវ ភេទប្រុស អាយុជាង៤០ឆ្នាំ ជា អាណិកជនខ្មែរនៅប្រទេសកាណាដា បាន មករកស៊ីចូលហ៊ុនបើកមន្ទីរព្យាបាល នៅឃ្លាំងលើ ក្នុងសង្កាត់លេខ១ ក្រុង ខេត្ដព្រះសីហនុ រយៈពេលមិនទាន់គ្រប់ ១ឆ្នាំផងទេ ។
មន្ដ្រីនគរបាលដដែលនោះ បានបន្ដ ទៀតថា ការឃាត់ខ្លួននោះ គឺនគរបាល ខេត្ដព្រះសីហនុ គ្រាន់តែបានសហការជា មួយនគរបាលនាយកដ្ឋានព្រហ្មទណ្ឌ ក្រសួងមហាផ្ទៃតែប៉ុណ្ណោះ ។ ក្រោយពី ការចាប់ខ្លួនហើយក៏បានប្រគល់មុខ សញ្ញាឱ្យទៅខាងនគរបាលក្រសួងភ្លាមៗដោយមិនបានសួរនាំអ្វីទេ គ្រាន់តែ ដឹងថា ជនសង្ស័យរូបនោះ មានការពាក់ ពន្ធ័និងបទល្មើសរំលោភលើសេចក្ដីទុកចិត្ដតែប៉ុណ្ណោះ ។
លោកប៉ូ សុង អ្នកគ្រប់គ្រងទូទៅ នៃមន្ទីរព្យាបាលឃ្លាំងលើបានប្រាប់ នគរវត្ដថា មន្ទីរព្យាបាលរបស់គាត់ មានច្បាប់ត្រឹមត្រូវមិនមានអ្វីពាក់ពន្ធ័ក្នុងរឿងនគរបាលឃាត់ខ្លួនមនុស្សនោះ ទេ ។ លោកថារឿងនាំខ្លួននោះជារឿង បុគ្គល ម្យ៉ាងវិញទៀត គាត់ក៏មិនទាន់ ដឹងច្បាស់ថា នគរបាលខាងណាមក ឃាត់ខ្លួនបុគ្គលម្នាក់នោះដែរ ៕
ដោយ ៖ សហការី
No comments:
Post a Comment