កណ្តាល: ក្រុមហ៊ុន RMA (Cambodia) Co., Ltd បានប្រារព្ធពិធីតាំងពិព៍រណ៍នៅក្នុងពិព័រណ៏ ផលិតផល ឧបករណ៍ និង គ្រឿងចក្រសម្រាប់បម្រើការឱ្យវិស័យកសិកម្ម ពាណិជ្ជកម្មនិងពូជគោប្រាម៉ាន់លើកទី២ កាលពីថ្ងៃទី២២-២៣ ខែមករា ឆ្នាំ២០១១នៅភូមិអារិយក្សត្រ ឃុំអារិយក្សត្រ ខេត្ត កណ្តាល ដោយមានអញ្ជើញចូលរួមទស្សនារបស់លោកបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ ។
នៅក្នុងពិធីនេះដែរមានការតាំងគ្រឿងចក្រកសិកម្មត្រាក់ទ័រម៉ាក John Deer ម៉ាក JCB ប្រភេទ ប៊េកហូឡូឌ័រ (Backhoe Loader) ប្រភេទឡូដល (Loadall) មកសម្រាប់ឲ្យសាធារណជន និងប្រជាកសិករ ទស្សនានិងស្វែងយល់ ជាវយកទៅប្រើប្រាស់ ជាពិសេសអ្នកបច្ចេកទេសបានពន្យល់ បង្ហាញពីមុខងារ តួនាទី លក្ខណៈពិសេសនិងអត្ថប្រយោជន៍របស់គ្រឿងចក្រប្រភេទនីមួយៗ ។
តំណាងក្រុមហ៊ុន RMA បាននិយាយថា គ្រឿងចក្រនិងផលិតផលកសិកម្មរបស់ក្រុមហ៊ុនមានផ្តល់ជូនសេវាកម្មជួសជុល និង ថែទាំក្រោយពីការទិញដល់កន្លែងនិងហ្វឹកហាត់ដល់អតិថិជនឱ្យចេះប្រើប្រាស់ គ្រឿងចក្របាន ស្ទាត់ជំនាញ ព្រមទាំងផ្គត់ផ្គង់ គ្រឿងបន្លាស់ ។ ចំណែកឯតម្លៃនិងសេវាកម្មគឺដូចគ្នានៅការិយាល័យនៅភ្នំពេញដែលស្ថិតនៅផ្លូវម៉ាយដាសង្កាត់កាកាបខណ្ឌដង្កោ
គួរបញ្ជាក់ថា ក្រុមហ៊ុនRMA បានធ្វើអាជីវកម្មក្នុងប្រទេសកម្ពុជាតាំងពីឆ្នាំ១៩៩០ និងមានសាខាក្រុមហ៊ុនចែកចាយនៅតាមបណ្តាខេត្តសម្រាប់ត្រាក់ទ័រម៉ាក John Deer ដូចជា ខេត្តសៀមរាប ប៉ៃលិន បាត់ដំបង និងជំហ៊ានបន្ទាប់ខាងមុខនេះ ក្រុមហ៊ុន RMA នឹងបន្តបើកសាខានៅ កំពង់ចាមកំពង់ស្ពឺ កំពង់ធំ និងកំពត ៕
ដោយ : ចក្ខុ CEN
No comments:
Post a Comment