Tuesday, January 18, 2011

ជនជាតិ​ថៃ​៤​នាក់​ទៀត​ត្រូវបាន​សាលាឧទ្ធរណ៍​អនុញ្ញាតឲ្យ​នៅ​ក្រៅ​ឃុំ​

ភ្នំពេញ: បន្ទាប់ពី​សវនាកា​រយ៉ា​ង​ខ្លី​នៅ​ព្រឹក​ថ្ងៃ​អង្គារ​នេះ សភា​ស៊ើបសួរ​សាលាឧទ្ធរណ៍​
​បាន​សម្រេច​ដោះលែង​ជនជាតិ​ថៃ​៤​នាក់​ទៀត​ឲ្យនៅ​ក្រៅ​ឃុំ​ជា​បណ្តោះអាសន្ន​ដើម្បី​រង់ចាំ​ការ​​កាត់ទោស​។​

​ ជនជាតិ​ថៃ​ទាំង​៤​នាក់​នោះ​រួមមាន​ឈ្មោះ​ទី​១ គុជ ពុន​ថន​ជូ​សា​ណា​សេរី (Kochpontorn Chusana Seree) ទី​២​ឈ្មោះ សែម ​ឌី​ន​ឡឺត​ប៊ូ​ឆា(Samdin Lersbusya)  ទី​៣​ឈ្មោះ​តា​យ ណែ​មួង​ម៉ាក​ច​ន(Taynae Moonmachon)  និង​ទី​៤​ឈ្មោះ រ៉ាត់​ទ្រី​ប៉ៃ ពូ​តា​ណា​ប៉ៃ​ប៊ូ​ន ( Ratree Paiputanapaiboon) ។​

​ដូច្នេះ​មកដល់ពេលនេះ​នៅសល់​តែ​វីរៈ​ ស៊ុមខ្វាម​ឃី​ត ( Veera Somkwamkit) ម្នាក់​ប៉ុណ្ណោះ​នៅក្នុង​ពន្ធនាគារ​។ ​​កាលពី​ថ្ងៃ​ទី​១៣​ មករា សាលា​ដំបូង​បាន​ដោះលែង ​ជនជាតិ​ថៃ​ពី​នាក់​ឲ្យនៅ​ក្រៅ​ឃុំ​គឺ​លោក​ផានិ​ច ​វី​គី​តសេត (Panic Vikitseth) និង​ស្ត្រី​ម្នាក់ទៀត ឈ្មោះណារឿម មុលជិតវ៉ារ៉ាតាណា( Maruemol Chitwaratana) ។

នៅ​ព្រឹក​ព្រលឹម​ថ្ងៃ​ អង្គារ៍ ទី​១៨​ មករា ឆ្នាំ​២០១១ តុលាការ​សាលាឧទ្ធរណ៍ បាន​បើក​សវនាកា​រលើ​ករណី​ជនជាតិ​ថៃ ៥ នាក់ សុំ​នៅក្រៅ​មន្ទីរឃុំឃាំង​ជា​បណ្តោះអាសន្ន​។ ជនជាតិ​ថៃ​ទាំង ៥ នាក់​នោះ ត្រូវបាន​នាំ​ខ្លួន​ពី​ពន្ធនាគារ​ព្រៃ​សមក​កាន់​តុលាការ​ឧទ្ធរណ៍ តាំងពី​ព្រឹក​ព្រលឹម​ម៉ោង ៦ និង ៣០ នាទី​។​

សវនាការ ដែល​ដឹកនាំ​ដោយ​លោក​ចៅក្រម ជួន ស៊ុន​ឡេង នៅ​ព្រឹក​នេះ មិន​អនុញ្ញាត​ឲ្យ​​អ្នកកាសែត​ចូល​ស្តាប់​ឡើយ​។ ប៉ុន្តែ​បាន​សម្រេច​ដោះលែង​ជនជាតិ​ថៃ​៤​នាក់ឲ្យនៅ​ក្រៅ​ឃុំ​​បណ្តោះអាសន្ន​។ បើ​តាម​មេធាវី​ការពារ​ក្តីអះអាង​ថា ជន​ទាំង​៤​នោះ​មាន​ បទ​ចោទ​មជ្ឈឹម​ដែល​អាច​នៅ​ក្រៅ​ឃុំ​បាន​។​

​ប៉ុន្តែ គេ​មិនដឹងថា ហេតុអ្វី​បានជា​ស្ត្រី​ឈ្មោះ​រ៉ាត់​ទ្រី​ប៉ៃ ពូ​តា​ណា​ប៉ៃ​ប៊ូ​ន ដែល​ទទួលរង​ការ​ចោទ​ប្រកាន់​បន្ថែម​ជា​មួយ វីរៈ​ស៊ុម​ខ្វាម​ឃី​ត នោះ​ត្រូវបាន​គេ​អនុញ្ញាតឲ្យ​នៅ​ក្រៅ​ ឃុំ​ដែរ​នោះ​ទេ​៕

ដោយ : លីហូវ

No comments:

Post a Comment