ភ្នំពេញ ៖ អគ្គិភ័យដែលបានកើតឡើងកាលពីវេលាម៉ោង១និង២០នាទីថ្ងៃទី១៨ ខែមករា ឆ្នាំ២០១១ នេះបានរលត់ជាស្ថាពរហើយៗផ្ទះប្រមាណជាង៦០ខ្នង ត្រូវបានឆេះម៉ដ្ឋក្នុងព្រះអគ្គីតែជាង២ម៉ោងប៉ុណ្ណោះ។
លោកនុត ពុធដារ៉ា អភិបាលរងខណ្ឌឫស្សីកែវ បានប្រាប់កម្ពុជាថ្មីដឹងថា ហេតុការណ៍បង្កឡើងជាអគ្គិ ភ័យនោះ ផ្ដើមចេញពីផ្ទះលក់កាហ្វេរបស់ជនជាតិវៀតណាម ដែលជួលពីម្ចាស់ផ្ទះខ្មែរ ហើយបានរត់គេចខ្លួន បាត់បន្ទាប់ពីកើតហេតុភ្លើងឆេះរួច។
រថយន្តពន្លត់អគ្គិភ័យជាង៣០គ្រឿងត្រូវបានចេញបាញ់ទឹកពន្លត់ ដោយទីតាំងនោះមានសភាពតូច ចង្អៀតទើបសមត្ថកិច្ចពិបាកធ្វើការ។ ទីតាំងនោះស្ថិតនៅជាប់អធិការដ្ឋាននគរបាលខណ្ឌឫស្សីកែវ ក្នុង ក្រុមទី៣-៤ សង្កាត់ច្រាំងចំរេះ ខណ្ឌឫស្សីកែវ រាជធានីភ្នំពេញ។ ជនសង្ស័យពីរនាក់ត្រូវបានរំដោះចេញពី កន្លែងឃុំខ្លួននៅអធិការដ្ឋាននគរបាលខណ្ឌឫស្សីកែវ៕
ចៅចិត្ត
No comments:
Post a Comment