ភ្នំពេញ ៖ អ្នកនាំពាក្យក្រសួងការ បរទេស និងកិច្ចសហប្រតិបត្ដិការ អន្ដរជាតិបានចេញសេចក្ដីថ្លែងការណ៍ បញ្ជាក់ថា បន្ទាប់ពីដោះលែងជន ជាតិថៃ២នាក់ឱ្យនៅក្រៅឃុំកាលពី ថ្ងៃទី១៣ ខែមករា ឆ្នាំ២០១១ ក្នុង ចំណោមជនជាតិថៃ៧នាក់ ដែលក្នុង នោះមានទាំងតំណាង រាស្ដ្រម្នាក់ និងមេដឹកនាំថៃអាវលឿង ម្នាក់ផងនោះ ដែលត្រូវបានចាប់ខ្លួន កាលពីថ្ងៃទី២៩ ខែធ្នូ ឆ្នាំ២០១០ ពេល នេះតុលាការប្រទេសកម្ពុជាកំពុងបន្ដ ពិចារណាអំពីករណីពិរុទ្ធជនថៃ៥រូបទៀត ។
យោងតាមសេចក្ដីថ្លែងការណ៍បាន សរសេរថា កាលពីថ្ងៃទី២៩ ខែធ្នូ ឆ្នាំ ២០១០ ជនជាតិថៃចំនួន៧នាក់ ក្នុងនោះ មានសមាជិកសភា១រូបផងបានឆ្លងព្រំ ដែនដោយខុសច្បាប់ ចូលជ្រៅមកក្នុង ទឹកដីកម្ពុជា ។ ក្រុមជនជាតិថៃនេះ ត្រូវ បានចាប់ខ្លួន និងប្រគល់ឱ្យតុលាការ កម្ពុជាចាត់ការតាមនីតិវិធីដោយត្រូវ អនុលោមទៅតាមច្បាប់អន្ដោប្រវេសន៍ កម្ពុជា ។
ក្នុងសេចក្ដីថ្លែងការណ៍សរសេរទៀត ថា កាលពីថ្ងៃទី១៣ ខែមករា ឆ្នាំ២០១១ តុលាការកម្ពុជាបានសម្រេចដោះលែង ពិរុទ្ធជនថៃចំនួន២រូប គឺទី១- Panich Vikiceth និងលោកស្រី Naruenol Chitwaratana ឱ្យនៅឃុំបណ្ដោះអាសន្ន ដោយផ្អែកលើសុខភាពជនទាំង២រូប ។ ក្នុងនោះតុលាការកំពុងពិចារណាអំពី ករណីពិរុទ្ធជនថៃ៥រូបទៀត ។
នៅក្នុងសេចក្ដីថ្លែងការណ៍របស់អ្នក នាំពាក្យក្រសួងការបរទេស និងកិច្ចសហ ប្រតិបត្ដិការអន្ដរជាតិ បានសរសេរ បញ្ជាក់ដែរថា តុលាការកម្ពុជា និងដោះ ស្រាយបញ្ហានេះស្របទៅតាមច្បាប់ អន្ដោប្រវេសន៍កម្ពុជា ដោយយោងលើ ទំនាក់ទំនងល្អប្រសើររវាងប្រទេសកម្ពុជា និងថៃ ដែលមានក្នុងពេលបច្ចុប្បន្ននេះ ដោយពុំមានគំនិតអាក្រក់គុំគួន ចំពោះ ជនជាតិថៃទេ ។
គេសង្កេតឃើញថា ទំនាក់ទំនងប្រទេស ទាំង២ កម្ពុជា-ថៃមានលក្ខណៈល្អប្រសើរ ឡើងវិញ បន្ទាប់ពីជំនួបរវាងសម្ដេច តេជោ ហ៊ុន សែន ជាមួយនឹងលោក អាប់ភីស៊ីត ជាបន្ដបន្ទាប់កន្លងមក ។
បន្ទាប់ពីការចាប់ខ្លួនថៃទាំង៧នាក់ ដែលចូលមកក្នុងទឹកដីកម្ពុជា ដោយច្បាប់ នៅតំបន់ព្រំដែនស្រុកអូរជ្រៅ ខេត្ដបន្ទាយ មានជ័យ ដែលធ្វើឱ្យពួកថៃជ្រុលនិយម វង្វេងប្រវត្ដិសាស្ដ្រមួយក្ដាប់តូចយក លេសបំផ្លាញទំនាក់ទំនងល្អរវាងប្រទេស ទាំង២ កម្ពុជា-ថៃ យ៉ាងណាក៏ដោយ ក៏ ទំនាក់ទំនងរវាងប្រទេសទាំង២ នៅតែល្អ ប្រសើរជាលំដាប់ ។
ជាក់ស្ដែងការជួបពិភាក្សារវាងរដ្ឋ មន្ដ្រីក្រសួងការបរទេសនៃប្រទេសទាំង២ ការជួបពិភាក្សារវាងគណៈកម្មាធិការ ព្រំដែនកម្ពុជា-ថៃ ការជួបពិភាក្សារវាង កងទ័ព និងកងទ័ព ជាដើមនោះ គឺបាន បង្ហាញយ៉ាងជាក់ច្បាស់ថា ទំនាក់ទំនង ការទូតរវាងប្រទេសទាំង២ កម្ពុជា-ថៃ កំពុងវិវឌ្ឍន៍នៅមុខ ដូចដើមវិញជាបន្ដ បន្ទាប់ ។
ជាមួយគ្នានេះផងដែរ ប្រមុខការទូត កម្ពុជា-ថៃ ក៏គ្រោងជួបពិភាក្សាគ្នាទ្វេ ភាគី នៅក្រៅកិច្ចប្រជុំរដ្ឋមន្ដ្រីការបរ ទេសអាស៊ាន នៅប្រទេសឥណ្ឌូនេស៊ី នៅ ថ្ងៃទី១៧ ខែមករា ឆ្នាំ២០១១ ហើយ កាលពីពេលថ្មីៗនេះ លោក កាស៊ីត ភិរម្យ បានថ្លែងថា នៅសបា្ដហ៍ក្រោយ លោកបានគម្រោងមកបំពេញទស្សន កិច្ចនៅកម្ពុជា ដែលជំនួបប្រមុខការទូត នៃប្រទេសទាំង២ អាចនឹងពិភាក្សាទៅ លើជនជាតិថៃដែលអាជ្ញាធរខ្មែរចាប់ខ្លួន ទាំង៧នាក់នោះ ។
គួរបញ្ជាក់ដែរថា បន្ទាប់ពីតុលា ការកម្ពុជាដោះលែងជនជាតិថៃ២នាក់ ក្នុងចំណោម៧នាក់ឱ្យនៅក្រៅឃុំ អាជ្ញា ធរថៃ ក៏បានដោះលែងពលរដ្ឋខ្មែរចំនួន ៧នាក់ ដែលបានចាប់ខ្លួនកាលពីពេលថ្មីៗ កន្លងមកឱ្យមានសេរីភាពវិញផងដែរ ។
ចំណុចទាំងអស់នេះហើយ ដែលបង្ហាញ អំពីការវិវឌ្ឍន៍ទៅមុខនៃទំនាក់ទំនងល្អ របស់ប្រទេសទាំង២ កម្ពុជា-ថៃ បើទោះ បីជាក្រុមថៃជ្រុលនិយមអាវលឿងមួយ ក្ដាប់តូចព្យាយាមបំផ្លាញទំនាក់ទំនងនេះ យ៉ាងណាក៏ដោយ ការប៉ុនប៉ងនេះ ត្រូវ បានបង្ក្រាបទៅវិញដោយអាជ្ញាធរ និស្សិត និងប្រជាពលរដ្ឋ ដែលយល់ច្បាស់ពី ប្រវត្ដិសាស្ដ្រ និងស្រលាញ់សន្ដិភាពជា បន្ដបន្ទាប់ ។
ការប៉ុនប៉ងរបស់ថៃអាវលឿងនេះ មិនបានរំខានដល់អាជ្ញាធរកម្ពុជាដែរ ទាំងនៅតំបន់ប្រាសាទព្រះវិហារ និងនៅ តំបន់ព្រំដែនផ្សេងទៀត ពិសេសនៅតំបន់ ដែលអាជ្ញាធរកម្ពុជាចាប់ខ្លួនថៃទាំង៧ នាក់នោះ ៕
ដោយ ៖ មរតក
No comments:
Post a Comment