ទឹកប្រាក់ប្រមាណ ៦០ម៉ឺនដុល្លាអាមេរិក ត្រូវបានផ្តល់ជូនដល់គ្រួសារកងទ័ព រួមមាន កងពលធំអន្តរាគមន៍លេខ៣ មានទឹកប្រាក់ ១០ម៉ឺនដុល្លាអាមេរិក។ កងពលតូចអន្តរាគមន៍លេខ៧ ២០ម៉ឺនដុល្លាអាមេរិក។ កងពលតូចអន្តរាគមន៍លេខ៨ ១០ម៉ឺនដុល្លាអាមេរិក និងកងពលតូចអន្តរាគមន៍លេខ៩ បានទទួលទឹកប្រាក់ ២០ម៉ឺនដុល្លាអាមេរិក។ នេះជាឥណទានសម្រាប់ឲ្យបងប្អូនកងទ័ព យកទៅទិញឧបករណ៍ភ្ជូររាស់ដី យកទៅពង្រីកមុខរបរចិញ្ចឹមសត្វ ទិញពូជដំណាំពង្រីកផ្ទៃដីធ្វើស្រែ និងធ្វើចំការដំឡូងមី៘
លោកសុន គន្ធរប្រធានអគ្គនាយកធនាគារអភិវឌ្ឍន៍ជនបទ បានមានប្រសាសន៍ថា ទឹកប្រាក់ដែលផ្តល់ជូនគ្រួសារកងទ័ពនៅតំបន់ព្រះវិហារ ក៏បានទទួលឯកភាពយល់ព្រមពី សម្តេចតេជោហ៊ុន សែននាយករដ្ឋមន្ត្រីកម្ពុជាទៀតផង។ បច្ចុប្បន្ននេះលុយឥណទានពិសេសនេះ យកទៅប្រើប្រាស់ចំគោលដៅ ហើយពេលបានប្រមូលផល ហើយពួកគេនឹងធានាសន្យាសងមកធនាគារអភិវឌ្ឍន៍ជនបទវិញទាំងការទាំងដើម តាមពេលវេលាកំណត់។
លោកបានបន្ថែមថា ក្នុងការផ្តល់ឥណទានពិសេសសំរាប់អភិវឌ្ឍន៍កសិកម្ម ដល់គ្រួសារកងទ័ពប្រមាណ២០០០គ្រួសារនេះ ក៏ត្រូវបានឯកភាពនិងទទួលខុសត្រូវពីលោកឧត្តមសេនីយ៍ គន់ គីម លោកឧត្តមសេនីយ៍ជា តារា និងលោកនាយឧត្តមសេនីយ៍ទោស្រី ឌឹកផងដែរ ៕
ដោយ : សេរី
No comments:
Post a Comment