រាជធានីភ្នំពេញ ៖ ក្រោមការជួយឧបត្ថម្ភពីសមាគម PPG របស់ប្រទេសសិង្ហបុរី ក្រសួងទេសចរណ៍បានសហការជាមួយក្លឹបវាយកូនហ្គោលហ្គ្រេនភ្នំពេញរៀបចំពិធីវាយកូនហ្គោលជាលក្ខណៈមិត្តភាពរវាងអ្នកលក់ និងអ្នកទិញសេវាទេសចរណ៍មកពីប្រទេសអាស៊ាន។ ពិធីប្រកួតនោះធ្វើឡើ់ងកាលពីថ្ងៃទី១៨ មករា នៅក្លឹបវាយកូនហ្គោលហ្គ្រេនភ្នំពេញ។
លោក Teng Rithy នាយកផ្នែកលក់នៅហ្គ្រេនភ្នំពេញឱ្យដឹងថា អ្នកលក់ អ្នកទិញសេវាទេសចរណ៍មកពីប្រទេសអាស៊ានដែលបានអញ្ជើញមកចូលរួមប្រកួតវាយកូនហ្គោលជាលក្ខណៈមិត្តភាពនៅហ្គ្រេនភ្នំពេញមានចំនួន៤០នាក់ ដោយចែកចេញជា១០ក្រុម ។ កម្មវិធីនេះមិនត្រឹមតែជាការប្រកួតលក្ខណៈមិត្តភាពប៉ុណ្ណោះទេ តែថែមទាំងមានរង្វាន់មួយចំនួនដើម្បីផ្តល់ជូនដល់អ្នកទទួលបានពិន្ទុល្អទៀតផង។ អ្នកលក់ និងអ្នកទិញសេវាផ្នែកទេសចរណ៍មកពីបណ្តាប្រទេសអាស៊ាននេះគឺជាអ្នកដែលបានអញ្ជើញមកចូលរួមក្នុងវេទិកាទេសចរណ៍អាស៊ានរៀបចំឡើងនៅរាជធានីភ្នំពេញ ៕
ដោយ ៖ កោះឯករាជ្យ
No comments:
Post a Comment