ភ្នំពេញ ៖ សម្ដេចតេជោ ហ៊ុន សែន បានថ្លែងនៅក្នុងពិធីសម្ពោធអគារមន្ទីរពេទ្យកំពង់ចាមនោះទៀតថា ខ្ញុំមិនមែនត្រឹមតែធ្វើឲ្យបក្សប្រឆាំងចុះខ្សោយប៉ុណ្ណោះទេ ប៉ុន្តែនឹងធ្វើឲ្យពួកប្រឆាំងងាប់តែម្ដង។ សម្ដេចថ្លែងបន្តថា ការផ្ដួលរំលំរបបចាត់តាំងយោធារបស់ក្រុមខ្មែរក្រហម គឺក្រោមកណ្ដាប់ដៃរបស់ ហ៊ុន សែន។ សម្ដេចបន្តថា គណបក្សប្រជាជនកម្ពុជា ក៏ដូចរូបសម្ដេចដែរ ធ្វើនយោបាយគឺចង់ឈ្នះ។
សម្ដេចតេជោ ក៏បានថ្លែងលើកឡើងអំពីអ្នកខ្លះចង់ឲ្យក្រុមប្រឆាំងធ្វើការផ្ដួលរំលំរដ្ឋាភិបាល ដូចនៅប្រទេសទុយនេហ្ស៊ី សម្ដេចមានប្រសាសន៍ថា បើមានអ្នកខ្លះអំពាវនាវឲ្យធ្វើអញ្ចឹង សម្ដេចនឹង បិទទ្វារវ៉ៃឆ្កែតែម្ដង យើងនឹងប្រើកម្លាំងដើម្បីការពាររដ្ឋធម្មនុញ្ញ បើធ្វើជានាយករដ្ឋមន្រ្តីមិនការពាររដ្ឋ ធម្មនុញ្ញទេ ធ្វើជានាយករដ្ឋមន្រ្តីម៉េចនឹងកើត៕
ស្នាយពល
No comments:
Post a Comment