បន្ទាយមានជ័យ: ប្រភពពីជាយដែនឲ្យដឹងថាថៃបាននិងកំពុងបង្កើនកម្លាំងទ័ពជាច្រើននៅតាមជាយដែនស្រុកអារញ្ញប្រាថេតទល់មុខនឹងតំបន់គោកធ្យូងខេត្តបន្ទាយមានជ័យ។ ការបន្ថែមកម្លាំងនេះបានធ្វើឡើងក្រោមហេតុផលថាដើម្បីទប់ស្កាត់ក្រុមអាវលឿងកុំឲ្យមកតវ៉ានៅទីនោះគឺទីដែលជន ជាតិថៃ៧នាក់ដើរចូលក្នុងទឹកដីកម្ពុជាហើយត្រូវអាជ្ញាធរកម្ពុជាចាប់ខ្លួនកាលពីថ្ងៃទី២៩ធ្នូឆ្នាំ២០១០។
ស្របពេលគ្នានោះ ច្រករបៀងមួយចំនួនត្រូវបានភាគីថៃបិទជាឯកតោភាគី។ ច្រករបៀងទាំងនោះមានដូចជា ច្រកសិលាខ្មែរ ច្រកទំនប់ដាច់ ច្រកជោគជ័យ ច្រកអូរបីជាន់ ច្រកតំបន់៥ ច្រកតំបន់១ និងច្រកចម្ការគ។
ប្រឈមនឹងសភាពការណ៍បែបនេះ ភាគីកម្ពុជាក៏បង្កើនការប្រុងប្រយត្ន័ខ្ពស់ជាងមុនដែរដើម្បី ត្រៀមទប់ទល់សភាពការណ៍ដែលអាចកើតមានជាយថាហេតុ៕
No comments:
Post a Comment