ភ្នំពេញ: សេម្តចតេជោហ៊ុន សែនបានបញ្ជាក់នៅព្រឹកនេះក្នុងឳកាសចែកសញ្ញាបត្រ័ជូននិស្សិតថា រដ្ឋាភិបាលកម្ពុជានឹងមិនអាចលូកដៃអន្តរាគមន៍ក្នុងរឿងចាប់ខ្លួនជនជាតិថៃ៧នាក់ បានទេបើទោះបីជាមានសំណើរពីអ្នកណាក៏ដោយពោលគឺរឿងនេះត្រូវទុកឲ្យ តុលាការជាអ្នកចាត់ការតាមផ្លូវច្បាប់។
ប្រសាសន៍បញ្ជាក់ជំហរបែបនេះបានធ្វើឡើងក្នុងខណៈដែលក្រុមគ្រួសារជនជាតិថៃ និងមន្ត្រី ទូតថៃកំពុងសាកសួរសុខទុក្ខជនជាតិថៃទាំង៧នាក់នៅក្នុងពន្ធនាគារ ព្រៃសនិងកំពុងព្យាយាម សុំតុលាការឲ្យជនជាតិថៃទាំងនោះបាននៅក្រៅឃុំបណ្តោះអាសន្ន ដោយស្ថានទូតថៃទទួលពួកគេឲ្យស្នាក់នៅក្នុងស្ថានទូតដើម្បីរង់ចាំការកាត់ទោស។
យ៉ាងណាក៏ដោយ សម្តេចតេជោបានអំពាវនាវកុំឲ្យមានអត្ថាធិប្បាយណាមួយ ដែលនាំឲ្យប៉ះពាល់ដល់ទំនាក់ទំនងការទូតប្រទេសទាំងពីរ។
នៅព្រឹកនេះ សមាជិកក្រុមអាវលឿងថៃរួមទាំងព្រឹទ្ធសមាជិកថៃម្នាក់ផងដែលបានមកដល់ភ្នំពេញនៅព្រឹកថ្ងៃអាទិត្យម្សិលមិញកំពុងព្យាយាមជួបមន្ត្រីតុលាការដើម្បី និយាយរឿងការដាក់ប្រាក់ធានាឲ្យជនជាតិថៃទាំង៧នាក់បានរស់នៅក្រៅឃុំ៕
No comments:
Post a Comment