បន្ទាយមានជ័យ: មានមនុស្សចំនួន ១៣នាក់ ត្រូវបានសមត្ថកិច្ចឃាត់ខ្លួនហើយបញ្ជូនមកធ្វើការព្រមាន ខណៈពេលដែលពួកគេទាំងនោះឆ្លងដែនចូលកាប់ឈើគ្រញូងក្នុងទឹកដីសៀមនា ចំណុចអូរម្លូ ក្នុងឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ ។
ការរារាំពលរដ្ឋហើយឈានដល់ការឃាត់ខ្លួនខាងលើកើតឡើងនៅម៉ោង៩ព្រឹក ថ្ងៃទី៦ ខែមករាឆ្នាំ២០១០ ស្ថិតនៅចំណុចអូរម្លូ ឃុំព្រះប្រឡាយ ស្រុកត្រពាំងប្រាសាទ ។ ពលរដ្ឋកម្ពុជាទាំង ១៣នាក់ នោះត្រូវបានឃាត់ខ្លួនដោយទាហានប្រតិបត្តិការសឹករងស្រុកអន្លង់វែង សហការជាមួយនគរបាលវរការពារព្រំដែនលេខ ៩០៥ ប្រចាំតំបន់ ។
សេចក្តីរាយការណ៍បញ្ជាក់ថា ពលរដ្ឋទាំង ១៣នាក់ ដែលត្រូវឃាត់ខ្លួននោះ គឺពួកគេមានទីលំនៅពិតប្រាកដភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ ។
ការលួចឆ្លងដែនដោយខុសច្បាប់នេះមិនមែនជាលើកទី១ឡើយ ដែលពួកគេឆ្លងដែនទៅកាប់ឈើគ្រញូងនៅលើទឹកដីសៀម ។ ពួកគេធ្លាប់បានចេញចូលទៅកាប់ឈើនៅប្រទេសសៀមជាច្រើនលើកមកហើយ ។
ព័ត៌មានខាងលើបញ្ជាក់ថា ក្រុមប្រជាពលរដ្ឋទាំងនោះហាក់ពុំរាងចាលហើយយកជីវិតទៅប្តូរនឹង គ្រោះថ្នាក់ ដោយសារទាហានសៀមតាមព្រំដែនបាញ់សម្លាប់និងរបួសខណៈពេលដែលពួកគេ ឆ្លងដែនចូលទៅកាប់ឈើគ្រញូងប្រភេទល្អៗ ហើយត្រូវប៉ាន់នៅទឹកដីសៀម ។
ពលរដ្ឋទាំង ១៣នាក់ ត្រូវបានគេបញ្ជូនខ្លួនមកកាន់ទីបញ្ជាការសឹករងស្រុក ហើយធ្វើការអប់រំរួចហើយក៏បានដោះលែងឲ្យត្រឡប់ទៅលំនៅស្ថានវិញដោយ គ្រាន់តែឲ្យធ្វើកិច្ចសន្យាបញ្ឈប់ចូលទៅកាប់ឈើនៅក្នុងទឹកដីសៀម បន្តទៅទៀត ។
ប្រភពខាងលើបញ្ជាក់ដែរថា ជំនួញឈើគ្រញូងនៅតាមបន្ទាត់ព្រំដែនភាគខាងលិចនិងភាគខាងជើងនៃ កម្ពុជា បច្ចុប្បន្នត្រូវបានគេរាយការណ៍ដូចៗគ្នាថា ជំនួញឈើប្រណីតបានកើតឡើងជារៀងរាល់ថ្ងៃ ដោយមួយផ្នែកពលរដ្ឋទាំងនោះបានឃុបឃិតជាមួយសមត្ថកិច្ចកម្ពុជានិង សមត្ថកិច្ចសៀម ដើម្បីចូលទៅកាប់និងមួយផ្នែកទៀតពួកគេលួចឆ្លងចូលទៅកាប់ឈើគ្រញូង ដោយឯកឯង ហើយអូសឈើមកលក់ក្នុងទឹកដីកម្ពុជា ។
គេបានរាយការណ៍ទៀតថា មានករណីខ្លះប្រជាជនដែលរងគ្រោះដោយទាហានសៀមបាញ់ គឺឆ្លងចូលទៅដីថៃ អូសឈើ ឬ កាប់ឈើដោយសារឈ្មួញធំៗនៅកម្ពុជាជួលនិងមួយផ្នែកទៀតពួកគេលួចទៅ កាប់យកមកលក់ឲ្យឈ្មួញធំៗទាំងនោះព្រោះវាបានតម្លៃខ្ពស់ ។
ប៉ុន្តែករណីនោះវាប្រឈមមុខនឹងគ្រោះថ្នាក់បំផុត ព្រោះវាមានប្រជាពលរដ្ឋជាច្រើននាក់ស្លាប់ ខ្លះរបួសដោយសារទាហានសៀមបាញ់ ខណៈពេលដែលពួកគេឆ្លងដែនចូលទៅកាប់ឈើក្នុងទឹកដីសៀម ៕
ការរារាំពលរដ្ឋហើយឈានដល់ការឃាត់ខ្លួនខាងលើកើតឡើងនៅម៉ោង៩ព្រឹក ថ្ងៃទី៦ ខែមករាឆ្នាំ២០១០ ស្ថិតនៅចំណុចអូរម្លូ ឃុំព្រះប្រឡាយ ស្រុកត្រពាំងប្រាសាទ ។ ពលរដ្ឋកម្ពុជាទាំង ១៣នាក់ នោះត្រូវបានឃាត់ខ្លួនដោយទាហានប្រតិបត្តិការសឹករងស្រុកអន្លង់វែង សហការជាមួយនគរបាលវរការពារព្រំដែនលេខ ៩០៥ ប្រចាំតំបន់ ។
សេចក្តីរាយការណ៍បញ្ជាក់ថា ពលរដ្ឋទាំង ១៣នាក់ ដែលត្រូវឃាត់ខ្លួននោះ គឺពួកគេមានទីលំនៅពិតប្រាកដភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ ។
ការលួចឆ្លងដែនដោយខុសច្បាប់នេះមិនមែនជាលើកទី១ឡើយ ដែលពួកគេឆ្លងដែនទៅកាប់ឈើគ្រញូងនៅលើទឹកដីសៀម ។ ពួកគេធ្លាប់បានចេញចូលទៅកាប់ឈើនៅប្រទេសសៀមជាច្រើនលើកមកហើយ ។
ព័ត៌មានខាងលើបញ្ជាក់ថា ក្រុមប្រជាពលរដ្ឋទាំងនោះហាក់ពុំរាងចាលហើយយកជីវិតទៅប្តូរនឹង គ្រោះថ្នាក់ ដោយសារទាហានសៀមតាមព្រំដែនបាញ់សម្លាប់និងរបួសខណៈពេលដែលពួកគេ ឆ្លងដែនចូលទៅកាប់ឈើគ្រញូងប្រភេទល្អៗ ហើយត្រូវប៉ាន់នៅទឹកដីសៀម ។
ពលរដ្ឋទាំង ១៣នាក់ ត្រូវបានគេបញ្ជូនខ្លួនមកកាន់ទីបញ្ជាការសឹករងស្រុក ហើយធ្វើការអប់រំរួចហើយក៏បានដោះលែងឲ្យត្រឡប់ទៅលំនៅស្ថានវិញដោយ គ្រាន់តែឲ្យធ្វើកិច្ចសន្យាបញ្ឈប់ចូលទៅកាប់ឈើនៅក្នុងទឹកដីសៀម បន្តទៅទៀត ។
ប្រភពខាងលើបញ្ជាក់ដែរថា ជំនួញឈើគ្រញូងនៅតាមបន្ទាត់ព្រំដែនភាគខាងលិចនិងភាគខាងជើងនៃ កម្ពុជា បច្ចុប្បន្នត្រូវបានគេរាយការណ៍ដូចៗគ្នាថា ជំនួញឈើប្រណីតបានកើតឡើងជារៀងរាល់ថ្ងៃ ដោយមួយផ្នែកពលរដ្ឋទាំងនោះបានឃុបឃិតជាមួយសមត្ថកិច្ចកម្ពុជានិង សមត្ថកិច្ចសៀម ដើម្បីចូលទៅកាប់និងមួយផ្នែកទៀតពួកគេលួចឆ្លងចូលទៅកាប់ឈើគ្រញូង ដោយឯកឯង ហើយអូសឈើមកលក់ក្នុងទឹកដីកម្ពុជា ។
គេបានរាយការណ៍ទៀតថា មានករណីខ្លះប្រជាជនដែលរងគ្រោះដោយទាហានសៀមបាញ់ គឺឆ្លងចូលទៅដីថៃ អូសឈើ ឬ កាប់ឈើដោយសារឈ្មួញធំៗនៅកម្ពុជាជួលនិងមួយផ្នែកទៀតពួកគេលួចទៅ កាប់យកមកលក់ឲ្យឈ្មួញធំៗទាំងនោះព្រោះវាបានតម្លៃខ្ពស់ ។
ប៉ុន្តែករណីនោះវាប្រឈមមុខនឹងគ្រោះថ្នាក់បំផុត ព្រោះវាមានប្រជាពលរដ្ឋជាច្រើននាក់ស្លាប់ ខ្លះរបួសដោយសារទាហានសៀមបាញ់ ខណៈពេលដែលពួកគេឆ្លងដែនចូលទៅកាប់ឈើក្នុងទឹកដីសៀម ៕
CEN
No comments:
Post a Comment