សម្តេចហ៊ុនសែនព្រមានដល់ជនប្រព្រឹត្តអំពើមិន ប្រក្រតីឲ្យបញ្ឈប់សកម្មភាពជាបន្ទាន់

សម្តេចនាយករដ្ឋមន្ត្រីហ៊ុនសែន បានមានប្រសាសន៍នៅក្នុងកិច្ចប្រជុំពេញ អង្គគណៈរដ្ឋមន្ត្រីព្រមានដល់ជនប្រព្រឹត្តិ អំពើមិនប្រក្រតី មួយចំនួនឲ្យបញ្ឈប់សកម្មភាពរបស់ខ្លួន។ សម្តេចបានមានប្រសាសន៍ ដោយក្រើនរំលឹកសារជា ថ្មីឲ្យមន្ត្រីណាក៏ ដោយបើសិនណាជាមានការពាក់ព័ន្ធ នឹងអំពើពុករលួយ ការជួយដូរគ្រឿងញៀន ការរំលោភដីធ្លី ការកាប់បំផ្លាញ ព្រៃឈើ ទោះបីជាអះអាងថាស្មោះស្ម័គ្រជាមួយ គណបក្សប្រជាជនកម្ពុជា ក៏ដោយ ត្រូវបញ្ឈប់សកម្មភាពជាបន្ទាន់ដើម្បីជៀស វាងពីការផ្តន្ទាទោស ដោយច្បាប់រដ្ឋ ។ ប្រសាសន៍របស់សម្តេចគឺស្របពេលដែលអង្គភាពប្រឆាំង អំពើពុករលួយបាននិងកំពុងបន្តការស៊ើបអង្កេតចំពោះជនសង្ស័យពាក់ព័ន្ធ នឹងករណីមិនប្រក្រត្រីផងនោះដែរ ។
សូមជម្រាបថាជនសង្ស័យមួយចំនួនពាក់ព័ន្ធនឹងអំពើពុករលួយនិងគ្រឿងញៀនត្រូវបានគេដឹង ថាអាចប្រឈមនឹងការជាប់ពន្ធនាគារអស់មួយជីវិត។ នៅក្នុងសន្នីសីទនៅអង្គភាពប្រឆាំងអំពើពុករលួយនាថ្ងៃទី២១ខែមករានេះ ប្រធានអង្គភាពប្រឆាំងអំពើពុករលួយលោក ឱមយិនទៀងបានឲ្យដឹងថា អគ្គលេខាធិការអាជ្ញាធរជាតិប្រឆាំងគ្រឿងញៀន ឧត្តមសេនីយ៍ឯកមឹក ដារ៉ា និង ប្រធានការិយាល័យនៃមន្ទីរប្រឆាំងគ្រឿងញៀនក្រសួងមហាផ្ទៃ លោកជា ឡេង និងលោកឈៀង សុន អតីតស្នងការរងខេត្តបន្ទាយមានជ័យត្រូវបានគេចោទប្រកាន់ចំនួនពីរ បទល្មើសគឺបទពុករលួយនិងជួញដូរគ្រឿងញៀនដែល បទល្មើសនេះអាចប្រឈមនឹងការជាប់គុកអស់មួយជីវិត។
ទន្ទឹមនឹងនេះលោកឱមយិនទៀងបញ្ជាក់ថា អតីតស្នងការខេត្តបន្ទាយមានជ័យ លោកហ៊ុន ហ៊ាន ដែលត្រូវបានគេចាប់ខ្លួនក្នុង កាលពីថ្ងៃទី១០មករាត្រូវបានគេចោទតែមួយករណីប៉ុណ្ណោះគឺបទពុករលួយ ។លោកឱម យ៉ិនទៀងឱ្យដឹងថា សំណុំរឿងដ៏ធំមួយនេះត្រូវបានគេតាមដានតាំងពីឆ្នាំ២០០៧មកម្ល៉េះ មានសំណុំរឿងពី១៥ទៅ១៧ករណីដែល ជាប់ពាក់ពន្ធ័នឹងរឿងក្តីមួយនេះហើយទើបតែបំបែកបាននៅពេលនេះ។លោកឱម យ៉ិនទៀង បានអះអាងថា តុលាការបានអនុញ្ញាតឱ្យអង្គភាពប្រឆាំងអំពើពុករលួយស៊ើបអង្កេតបន្ត សំណុំរឿងនេះ តែលោកអះអាងថា គ្មានអ្នកធំជាងមឹក ដារ៉ាជាប់ពាក់ពន្ធ័ក្នុងសំណុំរឿងនេះទេ។

CamBn