Tuesday, February 01, 2011

គម្រោង​បង្រួប​បង្រួម​គណ​បក្ស​សិទ្ធិ​មនុស្ស​និង​សម​ ​រ​ង្ស៊ី​ បរាជ័យ​

ភ្នំពេញ​ ​៖ សម្ពន្ធ​ភាព​អ្នក​ប្រជា​ធិ​ប​តេ​យ្យ​ ​ដែល​គណ​បក្ស​សិទ្ធិ​មនុស្ស​ ​និង​ ​គណ​បក្ស​សម​ ​រ​ង្ស៊ី​ គ្រោង​បង្កើត​ដើម្បី​ ​ដណ្ដើម​ជ័យ​ជម្នះ​លើ​គណ​បក្ស​ប្រជា​ជន​កម្ពុ​ជា​នោះ​ ​បាន​ដើរ​ដល់​ផ្លូវ​ទ័ល​ច្រក​ ​ខ​ណៈ​ដែល​គណ​បក្ស​ប្រឆាំង​ទាំង​២នេះ​ ​ ​បាន​សម្ដែង​នូវ​គំនិត​ផ្ទុយ​គ្នា​ពី​គោល​ ​ ​ការណ៍​មួយ​ចំនួន​ក្នុង​ការ​ចង​សម្ពន្ធ​ភាព​ ​នឹង​គ្នា​​ដែល​ការ​បរាជ័យ​នេះ​កើត​ឡើង​ ​នៅ​ពេល​ដែល​ក្រុម​ដឹកនាំ​គណ​បក្ស​ទាំង​២មាន​គំនិត​ផ្ទុយ​គ្នា​អំពី​ការ​បែង​ចែក​​អំណាច​ក្នុង​សម្ពន្ធ​ភាព​ថ្មី​នោះ​។
ខ​ណៈ​ការ​ជាប់​គាំង​អស់​ពេល​ជា​យូរ​ ​លោក​ ​កឹ​ម​ ​សុ​ខា​ ​ប្រធាន​គណ​បក្ស​សិទ្ធិ​ ​មនុស្ស​បាន​សរ​សេរ​លិខិត​រំលឹក​ទៅ​លោក​ ​សម​ ​រ​ង្ស៊ី​ ប្រធាន​គណ​បក្ស​សម​ ​រ​ង្ស៊ី​ អំពី​ ​ការ​ជជែក​រក​ច្រក​បង្រួប​បង្រួម​គ្នា​ ​ជា​ ​ការ​ឆ្លើយ​តប​លោក​ ​សម​ ​រ​ង្ស៊ី​ បាន​សរ​ ​សេរ​លិខិត​បញ្ជាក់​អំពី​រូប​ម​ន្ដ​ ​សម្រាប់​ ​ការ​រួបរួម​គ្នា​នោះ​ ​៖
១-រក្សា​ឈ្មោះ​គណ​បក្ស​សម​ ​រ​ង្ស៊ី​ ជា​ ​គណ​បក្ស​រួម​ហើយ​ឈ្មោះ​នេះ​នឹង​ផ្លាស់​ ​ប្ដូរ​នៅ​ពេល​លទ្ធ​ផល​នៃ​ការ​បោះ​ឆ្នោត​ ​នា​ពេល​ខាង​មុខ​ ​ដែល​យើង​ទទួល​បាន​ ​យ៉ាង​តិច​១ភាគ​៣នៃ​អាស​នៈ​រដ្ឋ​សភា​ ​ទាំងមូល​ ​។
២-ផ្ដល់​សិទ្ធិ​ជូន​ថ្នាក់​ដឹកនាំ​គណ​បក្ស​ ​សិទ្ធិ​មនុស្ស​ ​នូវ​តួ​នាទី​ជា​អនុ​ប្រធាន​ ​និង​ ​អគ្គ​លេខាធិការ​រង​រួម​ទាំង​តំណែង​ផ្សេ​ងៗ​ ​ទៀត​ក្នុង​រចនា​ស​ម្ព័​ន្ធ​គណ​បក្ស​ចំនួន​១ ភាគ​៤(អាស​នៈ​១ភាគ​៤នេះ​គិត​ទៅ​តាម​ ​ស​មា​មាត្រ​នៃ​សន្លឹក​ឆ្នោត​ដែល​គណ​បក្ស​ ​សម​ ​រ​ង្ស៊ី​ និង​គណ​បក្ស​សិទ្ធិ​មនុស្ស​បាន​ ​ទទួល​ក្នុង​ពេល​បោះ​ឆ្នោត​ជាតិ​ឆ្នាំ​២០០៨) ។

លោក​ ​កឹ​ម​ ​សុ​ខា​ ​ប្រធាន​គណ​បក្ស​ ​សិទ្ធិ​មនុស្ស​បាន​មាន​ប្រសាសន៍​ថា​ ​ប្រព័ន្ធ​ផ្សព្វផ្សាយ​ក្នុង​ស្រុក​មួយ​ដោយ​ ​ចាត់​ទុក​ការ​សន្យា​ផ្ដល់​តំណែង​របស់​ ​លោក​ ​សម​ ​រ​ង្ស៊ី​ គឺ​ជា​បំណង​ចង់​ឱ្យ​ គណ​បក្ស​សិទ្ធិ​មនុស្ស​រំលាយ​ខ្លួន​ចូល​ជា​ ​មួយ​គណ​បក្ស​សម​ ​រ​ង្ស៊ី​ ដោយ​លោក​ ​បញ្ជាក់​ថា​ ​គោល​បំណង​នៃ​ការ​បង្រួប​ ​បង្រួម​គ្នា​ ​គឺ​ដើម្បី​បង្កើត​ជា​ចលនា​ធំ​ ​មួយ​យក​ឈ្នះ​គណ​បក្ស​ប្រជា​ជន​កម្ពុ​ជា​ ​ដែល​កំពុង​ដឹកនាំ​រាជ​រ​ដ្ឋា​ភិ​បា​ល​ដូច​នេះ​ ​បើ​យើង​ជ្រក​នៅ​ផ្ទះ​តូច​ ​គឺ​យើង​នៅ​តែ​ ​ចាញ់​ដដែល​ ​។
លោក​ ​កឹ​ម​ ​សុ​ខា​ ​បាន​ប​ន្ដ​ទៀត​ថា​ ​ការ​រួបរួម​ដែល​គ្រាន់​តែ​ដើម្បី​បែង​ចែក​ ​អំណាច​គ្នា​អង្គុយ​នៅ​ក្រោម​ស្លាក​ឈ្មោះ​ ​បុគ្គល​ ​ឬ​បក្ស​ពួក​ដោយ​មិន​មាន​ការ​កែ​ ​ទម្រង់​ឱ្យ​មាន​លក្ខ​ណៈ​ប្រជា​ធិ​ប​តេ​យ្យ​ទេ​ ​នោះ​ ​ការ​រួបរួម​មិន​ត្រឹម​តែ​មិន​ទទួល​ ​បាន​ជ័យ​ជម្នះ​លើ​គណ​បក្ស​កាន់​អំណាច​ ​វា​ ​ថែម​ទាំង​បង្ក​ឱ្យ​មាន​ការ​បែក​បាក់​គ្នា​ ​ទៅ​វិញ​ជា​មិន​ខាន​ ​។
ជាមួយ​គ្នា​នេះ​លោក​ ​យឹ​ម​ ​សុវណ្ណ​ ​អ្នក​នាំ​ពាក្យ​គណ​បក្ស​សម​ ​រ​ង្ស៊ី​ បាន​ ​មាន​ប្រសាសន៍​ប្រាប់​វិទ្យុ​អាស៊ី​សេរី​ ​ ​ផ្សាយ​ជា​ភាសា​ខ្មែរ​ថា​ ​គណ​បក្ស​សម​ ​រ​ង្ស៊ី​ ទុក​ពេល​ឱ្យ​គណ​បក្ស​សិទ្ធិ​មនុស្ស​ ​ចំនួន​៣ខែ​ ​ដើម្បី​ពិចារណា​ក្នុង​ការ​ផ្ដល់​ ​តួ​នាទី​មួយ​ចំនួន​ ​ដូចដែល​លោក​ប្រធាន​ ​សម​ ​រ​ង្ស៊ី​ បាន​សរ​សេរ​លិខិត​កន្លង​មក​ ​។
គេ​សង្កេត​ឃើញ​ថា​ ​គណ​បក្ស​ ​សម​ ​រ​ង្ស៊ី​ និង​គណ​បក្ស​សិទ្ធិ​មនុស្ស​បាន​បង្កើត​ ​ក្រុម​ការងារ​ដើម្បី​ពិភាក្សា​រក​ច្រក​រួប​ ​រួម​គ្នា​បង្កើត​បក្ស​ថ្មី​មួយ​ ​ដើម្បី​ប្រជែង​ ​រក​សន្លឹក​ឆ្នោត​ជាមួយ​គណ​បក្ស​ប្រជា​ ​ជន​កម្ពុ​ជា​ ​ប៉ុន្ដែ​ការ​ផ្ដួច​ផ្ដើម​គំនិត​នេះ​ ​ត្រូវ​បាន​អ្នក​វិភាគ​នយោបាយ​មួយ​ចំនួន​ ​មើល​ឃើញ​ថា​ ​មិន​អាច​ទៅ​រួច​នោះ​ទេ​ ​តាំង​ពី​ដំបូង​មក​ ​ពីព្រោះ​ថ្នាក់​ដឹកនាំ​ ​និង​ ​ម​ន្ដ្រី​ជាន់​ខ្ពស់​នៃ​គណ​បក្ស​ទាំង​២មាន​ ​គំនិត​ផ្ទុយ​គ្នា​ ​ដោយ​ម្ខា​ងៗ​ដណ្ដើម​គ្នា​ ​ចង់​ធ្វើ​ធំ​នៅ​ក្នុង​បក្ស​ ​ដែល​ផ្ទុយ​ពី​អ្វី​ដែល​ ​ពួក​គេ​តែង​តែ​អះអាង​ថា​ ​មិន​គិត​ពី​ផល​ ​ប្រយោជន៍​ ​អំណាច​ ​បុណ្យ​ស័ក្ដិ​នោះ​ ​ជាក់​ ​ស្ដែង​ការ​ផ្ដួច​ផ្ដើម​គំនិត​រួបរួម​គ្នា​នោះ​ ​គឺ​ ​ត្រូវ​បរាជ័យ​មែន​ ​បន្ទាប់​ពី​គណ​ព​ក្សទាំង​ ​ពីរ​បែង​ចែក​អំណាច​គ្នា​មិន​ត្រូវ​ ​។
ជុំ​វិញ​ការ​បង្រួប​បង្រួម​របស់​គណ​បក្ស​សម​ ​រ​ង្ស៊ី​ និង​គណ​បក្ស​សិទ្ធិ​មនុស្ស​ ​នេះ​ ​លោក​បណ្ឌិត​ ​ជៀ​ម​ ​យា​ប​ ​ម​ន្ដ្រី​ជាន់​ ​ខ្ពស់​គណ​បក្ស​ប្រជា​ជន​កម្ពុ​ជា​ ​ធ្លាប់​មាន​ ​ប្រសាសន៍​ថា​ ​គណ​បក្ស​ទាំង​ពីរ​គ្មាន​ ​ចំណុច​ណា​មួយ​ដែល​អាច​រួបរួម​គ្នា​បាន​ ​នោះ​ទេ​ ​ពីព្រោះ​ថ្នាក់​ដឹកនាំ​គណ​បក្ស​ទាំង​ ​ពីរ​ ​មាន​គំនិត​ផ្ទុយ​គ្នា​ដោយ​ចង់​បាន​ផល​ ​ប្រយោជន៍​ ​និង​ចំណេញ​តែ​រៀ​ងៗ​ខ្លួន​។ លោក​ប​ន្ដ​ថា​ ​បើ​ទោះបីជា​គណ​បក្ស​ទាំង​ ​ពីរ​បញ្ចូល​គ្នា​ជា​គណ​បក្ស​តែ​មួយ​ក៏​មិន​ ​អាចយ​ក​ឈ្នះ​គណ​បក្ស​ប្រជា​ជន​កម្ពុ​ជា​ ​ក្រោម​ការ​ដឹកនាំ​របស់​សម្ដេច​ទាំង​៣ បាន​ដែរ​ ​ពីព្រោះ​សម្ដេច​ទាំង​៣ គឺ​ ​សម្ដេច​ ​ជា​ ​ស៊ី​ម​, សម្ដេច​ ​ហ៊ុន​ ​សែន​ ​និង​សម្ដេច​ ​ហេង​ ​សំ​រិ​ន​ ​ប្រៀប​បាន​ ​ជញ្ជាំង​ ​ឬ​ប្លាំ​ង​ដាស​ដ៏​រឹង​មាំ​ ​ដែល​គ្មាន​ ​អ្នក​ណា​អាចយ​ក​ឈ្នះ​ ​ឬ​ផ្ដួល​រំលំ​បាន​៕


ដោយ​ ៖ មរតក​

No comments:

Post a Comment