លោក សត្យារក្ស
សំណួរ ៖ ថ្មីៗនេះលោក អាប់ភីស៊ីត វេចាជីវ៉ា នាយករដ្ឋមន្ត្រីសៀម បានទាមទារឲ្យ កម្ពុជាដកទង់ជាតិកម្ពុជាចេញពីវត្ត កែវសិក្ខាគីរីស្វារៈ ដែលស្ថិតនៅលើទឹកដីកម្ពុជា ចំពោះ ការលើកឡើងនេះសូមលោកបណ្ឌិតជួយបំភ្លឺអំពីទង្វើ និងសកម្មភាពដែលសៀមមាន គំនិតចង់ឈ្លានពានទឹកដីកម្ពុជាបែបនេះបានទេ បាទ?
លោក បណ្ឌិត ឈឹម ផលវរុណ
ចម្លើយ៖ បាទ សូមអរគុណ
-ប្រាសាទព្រះវិហារ និងតំបន់ជុំវិញប្រាសាទ គឺត្រូវបានយុត្ថាធិការនៃតុលាការ យុត្តិធម៌អន្តរជាតិទីក្រុងឡាអេបានសម្រេចទទួលស្គាល់ និងបានកាត់ក្តីមកឲ្យប្រទេសកម្ពុជា តាំងថ្ងៃទី១៥ ខែមិថុនា ឆ្នាំ ១៩៦២។ លោក អាប់ភីស៊ីត វេចាជីវ៉ា នាពេលថ្មីៗនេះនៅតែចិញ្ចឹម ចិត្តទុច្ចរិតរបស់ខ្លួនឈ្លានពានប្រាសាទព្រះវិហារ ដោយទាមទារឲ្យកម្ពុជាដកទង់ជាតិចេញ ពីវត្តកែវសិក្ខាគីរីស្វរៈ ដែលជាទឹកដីរបស់កម្ពុជា។ ប្រសិនបើសៀមគឺជាប្រទេសមហាអំណាច ធ្លាប់ធ្វើអាណានិគម លើប្រទេសជិតខាងដូចពេលមុននោះ ទើបអាចលើកទ័ពមកឈ្លានពាន កម្ពុជាបាន។ នយោបាយពាលបែបនេះ សូម្បីតែសកលលោកមានដូចជាសហរដ្ឋអាមេរិក ចិន បារាំង អង់គ្លេស រុស្ស៊ី ក៏គេលែងប្រើនយោបាយ ធ្វើសង្គ្រាមឈ្លានពានលើ ប្រទេសជាតិ ដទៃដូចសៀមពេលនេះទៀតហើយ។
-កន្លងមកទង់ជាតិរបស់ព្រះរាជាណាចក្រកម្ពុជាគឺមាននៅលើវត្ត កែវសិក្ខាគីរីស្វរៈ នេះយូរមកហើយ ហើយប្រទេសសៀមក៏មិនដែលទាមទារអ្វីដែរ។ ប៉ុន្តែនៅពេលដែល សៀមបានដកទ័ពទៅវិញកាលពីថ្ងៃទី១ ខែធ្នូ ឆ្នាំ ២០១០ កម្ពុជាក៏បានដាក់ស្លាកនៅទីនោះថា ទីនេះជាទីដែលសៀមឈ្លានពាន កម្ពុជា កាលពីថ្ងៃទី១៥ ខែ កក្កដា ឆ្នាំ ២០០៨ ក្រោយមកសៀមក៏បានទាមទារឲ្យកម្ពុជាបំផ្លាញស្លាកនេះចោល កម្ពុជាក៏យល់ព្រមយក ស្លាកនេះចេញ ដោយយោគយល់ដល់មុខមាត់ប្រទេសសៀម កុំឲ្យអាម៉ាសលើឆាក អន្តរជាតិ។ ប៉ុន្តែដោយសារនយោបាយពាលរបស់ក្រុងបាងកកគេបានទាមទារបន្តទៀត ឲ្យកម្ពុជាដកទង់ជាតិចេញពីវត្ត កែវសិក្ខាគីរីស្វរៈ ដែលជាទឹកដីរបស់ខ្លួនទៀត ចំណុចនេះ កម្ពុជាមិនអាចទទួលយកបានទេ នេះគឺជាចរិតចង់ឈ្លានពានរបស់ប្រទេសសៀម យ៉ាង ពិតប្រាកដ ដោយភ្ជាប់បញ្ហានេះជាមួយការទាមទាររបស់ក្រុមអាវលឿង ដែលជាក្រុមរាជវាំង គាំទ្រដោយពួកយោធាមួយចំនួន។
លោក សត្យារក្ស
សំណួរ៖ ចំណុចមួយទៀតគឺគំនិតទុច្ចរិតរបស់រដ្ឋាភិបាលសៀម និងពួកជ្រុលនិយម អាវលឿងនៅតែចិញ្ចឹមចិត្តថាប្រាសាទព្រះវិហារជារបស់កម្ពុជា ប៉ុន្តែដីនៅក្រោមប្រាសាទ និងនៅជុំវិញប្រាសាទជារបស់សៀម។ ត្រង់ចំណុចនេះប្រសិនបើកម្ពុជាយើងនិយាយថា វាំងរបស់សៀមនៅទីក្រុងបាងកកជារបស់សៀម ប៉ុន្តែដីទាំងនោះគឺជាដីរបស់កម្ពុជាវិញ នេះ បើផ្អែកតាមប្រវត្តិសាស្រ្ត តើប្រទេសសៀមទទួលយកបានដែរឬទេ។ ចំណុចនេះសូម លោក បណ្ឌិតជួយធ្វើការពន្យល់ទៅដល់ក្រុមជ្រុលនិយមទាំងនោះ ឲ្យបានយល់ច្បាស់បានទេបាទ?
លោក បណ្ឌិត ឈឹម ផលវរុណ
ចម្លើយ៖
-រដ្ឋាភិបាលរបស់លោក អាប់ភីស៊ីត បច្ចុប្បន្ន គឺជារដ្ឋាភិបាលរបស់ពួក អាវលឿង ដែលជាអាយ៉ងរបស់ក្រុមរាជវាំងសក្តិភូមិ និងក្រុមយោធាថៃមួយចំនួន។ ដូច្នេះការដែល អះអាងថា តួប្រាសាទព្រះវិហារជារបស់ខ្មែរ តែដីនៅលើទីតាំងនោះជារបស់សៀម គឺអាច និយាយបានតែពួកជ្រុលនិយមអាវលឿងមួយចំនួនតូចប៉ុណ្ណោះ។ ប៉ុន្តែសម្រាប់ប្រជាជាតិ ថៃទាំងមូលគេមិននិយាយបែបនេះទេ។ ប្រការដែលក្រុមជ្រុលនិយមអាវលឿង កំពុងតែ និយាយបែបនេះគឺអន្តរជាតិ គេកំពុងតែសើចចម្អកឲ្យប្រទេសថៃពីព្រោះថា បើនិយាយតាម ច្បាប់អន្តរជាតិ និងផែនទីដែលបានដំកល់ទុកនៅអង្គការសហប្រជាជាតិប្រាសាទព្រះវិហារ និងតំបន់ជុំវិញប្រាសាទពិតជាទឹកដីរបស់កម្ពុជា។ ប្រការដែលក្រុមជ្រុលនិយមអាវលឿង និង ក្រុមរាជវាំងនៅតែចិញ្ចឹមចិត្តចង់បានប្រាសាទព្រះវិហារនេះ គឺជាការល្ងង់ខ្លៅចំពោះច្បាប់ អន្តរជាតិយ៉ាងពិតប្រាកដ។
-បើកម្ពុជាយកប្រវត្តិសាស្រ្តមកផ្សារភ្ជាប់ក្នុងរឿងនេះ ទឹកដីក្រុងបាងកកគឺជារបស់ កម្ពុជា ប៉ុន្តែវាំងដែលថៃបានកសាងចាត់ទុកថាជារបស់ថៃទៅចុះ ហើយបើកម្ពុជានិយាយ បែបនេះមែន តើប្រទេសថៃប្រតិកម្មយ៉ាងណា? កម្ពុជាមិនដែលមានគំនិតដូច្នេះទេ គឺកម្ពុជា ឈរលើការពិតនៃបច្ចុប្បន្នភាព រីឯអតីតកាលវាបានបញ្ចប់ទៅហើយ គឺយើងត្រូវរាប់អានគ្នា ដោយភាតរៈភាពក្នុងនាមជាប្រទេសជិតខាង និងមិនត្រូវយកប្រត្តិសាស្រ្តមកធ្វើជម្លោះតទៅ ទៀតទេ។ កម្ពុជា និងថៃគ្មានទឹកដី ឬ តំបន់ត្រួតស៊ីគ្នាទេ ហើយក៏គ្មានតំបន់ ៤.៦ គម២ ដូចការ ទាមទាររបស់ថៃនោះដែរ។
លោក សត្យារក្ស
សំណួរ៖ សកម្មភាព និងទង្វើរបស់សៀមសព្វថ្ងៃនេះបង្ហាញពីចរិតឈ្លានពាន របស់ ប្រទេសសៀមមកលើកម្ពុជាតែម្តង ចំពោះជំហររបស់រាជរដ្ឋាភិបាលកម្ពុជាគឺទន់ភ្លន់ តែម៉ឺង ម៉ាត់ បច្ចុប្បន្នប្រជាពលរដ្ឋបានផ្ញើវាសនា និងអាយុជីវិតជាតិ និងបូរណភាពទឹកដី ចំពោះភាព ដឹកនាំដ៏ម៉ឺងម៉ាត់របស់សម្តេចអគ្គមហាសេនាបតីតេជោ ហ៊ុន សែន ផ្ទាល់តែម្តង។ ប្រសិន បើសៀមចូលឈ្លានពានកម្ពុជា ការប្រើសិទ្ធិស្វ័យការពាររបស់កម្ពុជាបែបនេះ បើផ្អែកតាម ច្បាប់អន្តរជាតិតើកម្ពុជាខុសដែរឬទេ?
លោក បណ្ឌិត ឈឹម ផលវរុណ
ចម្លើយ ៖ បាទសូមអរគុណ ប្រសិនបើសៀមចូលឈ្លានពានមែនកម្ពុជាពិតជា មាន សិទ្ធិស្វ័យសម្រេចក្នុងការពារប្រទេសជាតិរបស់ខ្លួន ហើយកម្ពុជានឹងប្តឹងដល់ក្រុមប្រឹក្សា សន្តិសុខរបស់អង្គការសហប្រជាជាតិ ដែលពេលនោះរដ្ឋាភិបាលសៀម និងទទួលនូវការ បរាជ័យ និងអាម៉ាស់នៅលើឆាកអន្តរជាតិជាមិនខាន។ ប្រទេសកម្ពុជាត្រូវបានអន្តរជាតិ ទទួលស្គាល់ថាជាប្រទេសមានឯករាជ្យ និងអធិបតេយ្យភាពពេញបរិបូរណ៍ នៅលើឆាក អន្តរជាតិ ហើយកម្ពុជាតែងតែប្រើប្រាស់នូវនយោបាយការបរទេសទន់ភ្លន់ ដោយផ្អែកលើ នយោបាយសន្តិភាព និងសហប្រតិបត្តិការជាមួយប្រទេសជិតខាង ប៉ុន្តែគឺមានភាពម៉ឺងម៉ាត់។ កម្ពុជាមិនប្រើនយោបាយហឹង្សា ដើម្បីដោះស្រាយបញ្ហាជាមួយប្រទេសជិតខាងនោះទេ។ ប៉ុន្តែកម្ពុជាសូមរក្សាសិទ្ធិ និងកាតព្វកិច្ចក្នុងការការពារទឹកដី ដោយមិនឲ្យបាត់បង់ទឹកដី របស់ខ្លួន ១ មម ទេ តែក៏មិនឈ្លានពានគេ ១ មម ដែរ។
លោក សត្យារក្ស
សំណួរ៖ តើលោកបណ្ឌិតមើលឃើញយ៉ាងណាដែរ នូវទឹកចិត្តស្នេហាជាតិរបស់ យុទ្ធជនកម្ពុជាក្នុងការការពារប្រទេស និងទឹកចិត្តប្រយុទ្ធរបស់ទ័ពសៀម?
លោក បណ្ឌិត ឈឹម ផលវរុណ
ចម្លើយ៖
-ផ្អែកតាមភូមិសាស្រ្តរបស់កម្ពុជា គឺយើងមានភាពអំណោយផលច្រើន សម្រាប់កង ទ័ពកម្ពុជា ដោយយើងមានទីតាំងឈរជើងស្ថិតនៅលើទីទួលខ្ពស់ ដែលជាអំណោយផល ក្នុងការប្រយុទ្ធ។
-តាមភូមិសាស្រ្តសេដ្ឋកិច្ចនៅតំបន់ទាំងនោះ គឺខាងថៃមានផលប្រយោជន៍ជាង កម្ពុជាព្រោះប្រជាពលរដ្ឋថៃ ទទួលផលនៅទីនោះច្រើនក្នុងការផ្លាស់ប្តូរនូវពាណិជ្ជកម្ម។ ដូច្នេះប្រសិនបើប្រទេសទាំងពីរមានសង្គ្រាមជាមួយគ្នាអ្នកវិនិយោគថៃ និងពាណិជ្ជករថៃ នឹងបាត់បង់នូវប្រយោជន៍ទាំងនេះ ច្រើនជាងកម្ពុជា។
-បើផ្អែកតាមចិត្តសាស្រ្តរបស់យុទ្ធជនកម្ពុជា គឺយោធាកម្ពុជាមានទឹកចិត្តប្រយុទ្ធខ្ពស់ ដោយឈរលើស្មារតីឯកភាពក្នុងជួរកងទ័ព ក្នុងការស្តាប់មេបញ្ជាការ និងជាពិសេសគឺទឹកចិត្ត ប្រឆាំងនឹងការឈ្លានពានរបស់បរទេស។ ម្យ៉ាងទៀតបទពិសោធន៍ក្នុងការប្រយុទ្ធរបស់ យុទ្ធជនកម្ពុជា គឺមានជាយូរមកហើយ។ ចំណែកឯយុទ្ធជនរបស់ថៃពុំមានទឹកចិត្ត ក្នុងការ ប្រយុទ្ធទេ ដោយពួកគេជាអ្នកឈ្លានពាន និងគ្មានបទពិសោធន៍ក្នុងការធ្វើសង្រ្គាម គឺធ្វើតាម តែបញ្ជារបស់ក្រុមយោធារាជវាំងមួយចំនួនតែប៉ុណ្ណោះ។
លោក សត្យារក្ស
សំណួរ៖ តើលោកបណ្ឌិតអាចបង្ហាញបានទេ នូវនយោបាយស្នេហាជាតិក្នុងការពារ ជាតិរបស់គណបក្សប្រឆាំងនៅកម្ពុជា ពិសេសគឺគណបក្សសមរង្ស៊ី និង គណបក្សលោក កឹម សុខា នាពេលនេះ?
លោក បណ្ឌិត ឈឹម ផលវរុណ
ចម្លើយ៖
-នយោបាយការពារជាតិរបស់គណបក្សប្រឆាំងធ្វើឡើង គឺសម្រាប់បំផុសប្រជាជន ឲ្យតវ៉ាជាមួយរដ្ឋាភិបាលតែប៉ុណ្ណោះ គឺគណបក្សប្រឆាំងមិនដែលលើកទឹកចិត្តដល់កងទ័ព និងឧបត្ថម្ភដល់កងទ័ពក្នុងការការពារបូរណភាពទឹកដីឡើយ។ ជាក់ស្តែងនាពេលនេះ គណបក្សប្រឆាំងគួរតែខិតខំប្រមែប្រមូលប្រជាជន ឲ្យជួយលើកទឹកចិត្តដល់យោធា នៅ សមរភូមិមុខដែលកំពុងប្រឈមជាមួយនឹងការប៉ុនប៉ងឈ្លានពានរបស់សៀម។
សម្រង់ព័ត៌មាន៖ លោក នូ សាវុធឌ
No comments:
Post a Comment