ការដ្ឋានសាងសង់ស្ពានឆ្លងកាត់ទន្លេមេគង្គត្រង់ទីប្រជុំជនអ្នកលឿង ដែលភ្ជាប់ខេត្តកណ្តាល ទៅនឹងខេត្តព្រៃវែងត្រូវបានបើកសម្ពោធនៅក្នុងថ្ងៃទី១២ ខែកុម្ភៈ ឆ្នាំ២០១១ ក្រោមអធិបតីភាពរបស់ សម្តេចអគ្គមហាសេនាបតីតេជោ ហ៊ុន សែន និង លោក BANO YUTAKA អនុរដ្ឋមន្រ្តីក្រសួងការបរទេសជប៉ុន។
គម្រោងសាងសង់ស្ពានអ្នកលឿងមានទឹកប្រាក់ចំនួនជាង ៩២ លានដុល្លារអាមេរិកព្រមទាំងថវិកា បដិភាគរបស់ រាជរដ្ឋាភិបាលកម្ពុជាមានចំនួន ២ លាន ៩ សែនដុល្លារអាមេរិក សម្រាប់ដោះ ស្រាយការប៉ះពាល់ដល់ការងារគម្រោងដោយមិនទាន់គិតដល់បន្ទុកថវិការដ្ឋលើសំភារៈនាំចូលនោះឡើយ។
សម្តេចតេជោមានប្រសាសន៍នៅក្នុងពិធីបើកការដ្ឋាននោះថា ជាមួយនឹងគុណប្រយោជន៍ និង
តួនាទីដ៏សំខាន់ របស់ស្ពាននេះ ខ្ញុំយល់ថា ស្ពាននេះគឺជាស្ពាននាំសំណាងស្ពាននាំកាលា នុវត្តភាព ក្នុងការបង្កើតសន្ទុះ ជីវភាព សេដ្ឋកិច្ច ឱ្យស្ទុះឡើង ហើយជាកាតាលីករសម្រាប់កិច្ចសហប្រតិបត្តិការ និងសមាហរណកម្មសេដ្ឋកិច្ចនៅក្នុងតំបន់ និង ពិភពលោក ។
តួនាទីដ៏សំខាន់ របស់ស្ពាននេះ ខ្ញុំយល់ថា ស្ពាននេះគឺជាស្ពាននាំសំណាងស្ពាននាំកាលា នុវត្តភាព ក្នុងការបង្កើតសន្ទុះ ជីវភាព សេដ្ឋកិច្ច ឱ្យស្ទុះឡើង ហើយជាកាតាលីករសម្រាប់កិច្ចសហប្រតិបត្តិការ និងសមាហរណកម្មសេដ្ឋកិច្ចនៅក្នុងតំបន់ និង ពិភពលោក ។
សម្តេចតេជោនាយករដ្ឋមន្ត្រីថ្លែងថា ការអភិវឌ្ឍផ្លូវជាតិលេខ ១ ដោយភ្ជាប់ជាមួយនឹងការសាង សង់ស្ពាន អ្នកលឿងនេះ ពិតជានឹងលើកកម្ពស់សមត្ថភាពផ្លូវដែលអាចទ្រទ្រង់នូវចរាចរដឹកជញ្ជូនក្នុងតំបន់ ដោយផ្តោតលើគោលការណ៍តភ្ជាប់ លើផ្លូវអាស៊ានហាយវ៉េធំៗចំនួន ២ ឬផ្លូវហាយវ៉េរបស់ មហាអនុ តំបន់មេគង្គដ៏មានសក្តានុពលគឺផ្លូវអាស៊ានហាយវ៉េភ្ជាប់រាជ ធានីភ្នំពេញទៅនឹងទីក្រុងបាងកក និងទីក្រុងហូជីមិញ និង ផ្លូវពីទីក្រុងគុនមិញសាធារណរដ្ឋប្រជាមានិតចិន តភ្ជាប់មកទី ក្រុងវៀងច័ន្ទប្រ ទេស ឡាវ កាត់តាមផ្លវជាតិលេខ ៧ និង លេខ ៤ របស់កម្ពុជាឆ្ពោះទៅកំពង់ផែក្រុងព្រះសីហនុ និងឆ្លង កាត់ទន្លេមេគង្គ ដែលជាទន្លេដ៏ធំ និង ល្បីល្បាញរបស់តំបន់នេះ ពីព្រោះថា ក្រៅពីបាន ផ្តល់នូវទឹកនិង ដីដ៏មានជីវជាតិ សម្រាប់ការរស់នៅរបស់ប្រជាជន និង កសិកម្មទន្លេមេគង្គ ក៏នៅដើរតួនាទីជាផ្លូវដឹកជញ្ជូន ពាណិជ្ជកម្ម និង ទំនាក់ទំនង យ៉ាងសំខាន់រវាងប្រជាពលរដ្ឋក្នុងតំបន់ទាំងមូលព្រមទាំងបានផ្តល់នូវមូលដ្ឋានវប្បធម៌ អរិយធម៌ដ៏រុងរឿង និង សម្បូរបែបដល់ប្រជាជន កម្ពុជា និង ប្រជាជនក្នុងតំបន់ទាំងមូលផងដែរ ។
សម្តេចតេជោថ្លែងថា ខ្ញុំសូមថ្លែងអំណរគុណចំពោះរដ្ឋាភិបាល និង ប្រជាជនជប៉ុនដែលបានជួយ ឧបត្ថម្ភគាំទ្រដល់កម្ពុជាទៅលើកគម្រោងការមួយនេះបន្ថែមដោយគម្រោងការដទៃទៀត ដែលមានរួចមកហើយៗជប៉ុនជាប្រទេសដែល មានកុងសង់ស៊ីសក្នុងនយោបាយចំពោះកម្ពុជា ។
សម្តេចមានប្រសាសន៍ថា បើទោះបីជាមានការផ្លាស់ប្តូរថ្នាក់ដឹកនាំក្តី ក៏ជប៉ុនគ្មានការផ្លាស់ប្តូរណា មួយក្នុងឥរិយាបទចំពោះការជួយព្រះរាជាណាចក្រម្ពុជាលើការកសាងប្រទេសនោះទេ។ ខ្ញុំសូមផ្ញើរសារជូនទៅប្រជាជនជប៉ុនថារដ្ឋាភិបាលជប៉ុនបានប្រើប្រាស់នូវថវិកាទាំងអស់ចំគោល ដៅក្នុងការជួយដល់កម្ពុជាហើយ។
ឯកឧត្តម យូតាកា បាណូ អនុរដ្ឋមន្រ្តីក្រសួងការបរទេសជប៉ុនមានប្រសាសន៍ថា ផ្លូវជាតិលេខ ១ ត្រូវបានរំពឹងថា នឹងរួមចំណែកដល់ការផ្លាស់ប្តូរសេដ្ឋកិច្ច និង វប្បធម៌នៃតំបន់មេគង្គទាំងមូលក៏ដូចជាព្រះរាជាណាចក្រកម្ពុជា ដែលមានទីតាំងស្ថិតនៅក្នុងចំណុចយុទ្ធសាស្ត្រលើផ្លូវថ្នល់ ដែលជាសរសៃឈាមដ៏មានសារៈសំខាន់នេះ ។
ឯកឧត្តម យូតាកា បាណូ មានប្រសាសន៍សង្កត់ធ្ងន់ថា សារសំខាន់នៃស្ពាននេះត្រូវបានបញ្ជាក់អះអាងឡើងវិញមិនត្រឹមតែនៅក្នុងកិច្ចប្រជុំទ្វេភាគីរវាងជប៉ុន-កម្ពុជានោះទេ តែក៏នៅក្នុងកិច្ច ប្រជុំកំពូលជប៉ុន-មេគង្គផងដែរ ។
នៅក្នុងពិធីសម្ពោធបើកការដ្ឋានសង់ស្ពានអ្នកលឿងនោះដែរ ឯកឧត្តមអនុរដ្ឋមន្ត្រីក្រសួងការបរទេសជប៉ុន បាននាំយកនូវសារលិខិតរបស់ ឯកឧត្តមនាយករដ្ឋមន្ត្រីជប៉ុន និងសារលិខិត ឯកឧត្តមប្រធានក្រុមមិត្តភាពជប៉ុន-កម្ពុជាផ្ញើរជូនរាជរដ្ឋាភិបាល និងប្រជាពលរដ្ឋកម្ពុជាដើម្បីចូលរួមអបអរសាទរក្នុងពិធីបើកការដ្ឋានសាងសង់ស្ពានអ្នកលឿងដើម្បីជានិម្មិតរូបដល់ ការពង្រឹងនិងពង្រីកកិច្ចសហប្រតិបត្តិការ សំរាប់ប្រជាជាតិ នៃ ប្រទេស ទាំងពីរកម្ពុជា-ជប៉ុនឱ្យកាន់តែរឹងមាំថែមទៀត។
សូមបញ្ជាក់ថាៈ ចាប់តាំងពីឆ្នាំ ១៩៩៤ មកប្រទេសជប៉ុនបានផ្តល់ថវិកាក្នុងក្របខណ្ឌហិរញ្ញប្បទានឥតសំណង យ៉ាងច្រើនសន្ធឹកសន្ធាប់សម្រាប់ការស្តារ និង អភិវឌ្ឍហេដ្ឋារចនាសម្ព័ន្ធរូបវន្ត និងធនធានមនុស្ស របស់កម្ពុជា ពិសេស គឺការស្តារផ្លូវស្ពាន រួមមានស្ពានមិត្តភាពកម្ពុជា-ជប៉ុនជ្រោយសង្វារ កំណាត់ ផ្លូវជាតិលេខ ៦ ពីរលួសដល់សៀមរាប ផ្លូវជាតិលេខ ៦ អា ពីគល់ស្ពានជ្រោយចង្វារដល់ថ្នល់កែង និង បន្តទៅផ្លូវជាតិលេខ ៧ ពីថ្នល់កែងដល់ជប់មេមត់ ផ្លូវជាតិលេខ ២ ពីតាកែវដល់ភ្នំដិនព្រំដែន កម្ពុជា-វៀតណាម រួមទាំងស្ពានសំខាន់ៗជាច្រើនកន្លែង ជាពិសេស គឺស្ពានគីហ្សូណាឆ្លងកាត់ ទន្លេមេគង្គ នៅទន្លេបិទនៃទីរួមខេត្តកំពង់ចាមមានប្រវែង ១២១៥ ម៉ែត្រ និង ពេលនេះស្ពានអ្នក លឿងឆ្លងកាត់ ទន្លេមេគង្គនៅអ្នកលឿង ដែលមានប្រវែងរហូតដល់ទៅ ២២១៥ ម៉ែត្រ ដែលជាស្ពានដែលវែងជាងគេនៅកម្ពុជា។ ជាទូទៅហិរញ្ញប្បទាន សហប្រតិបត្តិការឥតសំណងរបស់ប្រទេសជប៉ុនក្នុងការកសាងផ្លូវ និង ស្ពាន មានទឹកប្រាក់សរុបជាង ២៧៧ លានដុល្លារ អាមេរិកហើយ ។ ជារួមជំនួយឥតសំណងរបស់ប្រទេស ជប៉ុន ដែលបានផ្តល់ដល់កម្ពុជារហូតមកដល់ឆ្នាំ ២០១០នចំនួន រហូតដល់ទៅ ១៩០០ លានដុល្លារ អាមេរិក ។
ស្ពានអ្នកលឿងជាគម្រោងស្ថិតនៅក្នុងដំណាក់កាលទី៤ នៃគម្រោងអភិវឌ្ឍផ្លូវជាតិលេខ១ក្រោមហិរញ្ញប្បទាន សហប្រតិបត្តិការឥតសំណងរបស់រដ្ឋាភិបាលជប៉ុន ដែលមានស្ពាន ២ កន្លែង បានសម្ពោធ រួចហើយជាដំណាក់កាលទី១។ ការស្ថាបនាកំណាត់ផ្លូវពីគគីរកៀនស្វាយដល់កំពង់ចម្លង អ្នកលឿង ត្រើយខាង លិចប្រវែង ៤២,៨៨០ គីឡូម៉ែត្រស្ថិតក្នុងដំណាក់កាលទី ២ និង ការសាងសង់កំណាត់ ផ្លូវពីឃុំវាលស្បូវវត្តនិរោធដល់គគីរ-កៀនស្វាយប្រវែង ៩,១០ គីឡូម៉ែត្រ ជាដំណាក់កាលទី ៣ ដែលមកដល់ពេលនេះការកសាងសម្រេចបាន ៧០%រួច ហើយ។ ឯដំណាក់កាលទី ៥ គឺការសាងសង់កំណាត់ផ្លូវដែលនៅសេសសល់ពីស្ពាន ព្រះមុនីវង្ស ទៅដល់ឃុំវាលស្បូវនោះក៏ត្រូវបានសម្តេចតេជោនាយករដ្ឋមន្ត្រីលើកឡើងដោយសង្ឃឹមថា ប្រទេសជប៉ុនក៏នឹងផ្តល់ជំនួយឥតសំណងសម្រាប់ការស្ថាបនានៅពេល ខាងមុខនេះផងដែរ ៕
No comments:
New comments are not allowed.