Friday, January 07, 2011

យោធា​ថៃ​ច្រាន​ចោល​ការរិះគន់​ពាក់ព័ន្ធ​ករណី​ជនជាតិ​ថៃ​៧​នាក់​

យោធា​ថៃ​ត្រូវ​បាន​រិះគន់​ថា​ខ្សោយ​ក្នុង​ការដោះស្រាយ​ករណី​ជនជាតិ​ថៃ​៧​នាក់ ដោយ​រួមទាំង​សមាជិកសភា​គណបក្ស​ប្រជាធិបតេយ្យ​លោក​ផានិ​ច វី​គិត​ស្រេត​ផង ដែល​ត្រូវ​ចាប់ខ្លួន​ពី​សំណាក់​ទាហាន​កម្ពុជា​នៅ​តំបន់​ព្រំដែន​មាន​ជម្លោះ​កាលពី​ចុងខែ​មុន​។​
មេបញ្ជាការ​យោធា​តំបន់​១​លោក​ឧត្តម​ដេ សីតា​ប៊ុត​បាន​និយាយ​ក្នុង​កិច្ច​សម្ភាសន៍​មួយ​ថា​ឧបទ្ទវេហេតុ​នេះ​បានកើ​ត​ឡើងដោយ​មិន​រំពឹង​ទុក​ហើយ​យោធា​បាន​ធ្វើ​ការងារ​របស់​ខ្លួន​អស់ពី​សមត្ថភាព​ដើម្បី​ជួយ​អ្នក​ដែល​ត្រូវបាន​ចាប់ខ្លួន​នេះ​។​លោក​បាន​សួរថា​“​តើ​យោធា​មាន​បាន​ត្រូវ​គេ​ប្រាប់​ជាមុន​ថា​ក្រុម​នេះ​រួម​ទាំង​លោក​ផានិច​ផង​នឹង​ចូល​ក្នុង​តំបន់​ជម្លោះ​?​កង​យោធា​មូលដ្ឋាន​គ្រាន់តែ​បានដឹង​ថា​ក្រុម​នេះ​បាន​បើក​ហួស​ចំណុច​ឆែកឆេរ​មួយ​។​ទាហាន​បាន​ហៅ​ពួកគេ​អោយ​ឈប់​តែ​ពួកគេ​មិន​ឈប់​”​។​
លោក​បាន​បន្តទៀតថា​ពួក​ទាហាន​មិនអាច​តាម​ពួក​គេ​បាន​ទេ​ពីព្រោះ​ម៉ូតូ​របស់​ពួកគេ​ខូច​។​នៅពេល​ទាហាន​បាន​រក​ឃើញ​រថយន្ត​មួ​យ​និង​បាន​ព្យាយាម​តាម​អោយទាន់​ពួកគេ ជន​ទាំង​៧​នាក់​នេះ​បាន​ឆ្លង​របងលួស​បន្លា​និង​ចូល​កម្ពុជា​បាត់ទៅហើយ​។​បី​នាក់​ក្នុងចំណោម​ក្រុម​នេះ​បាន​រង់ចាំ​នៅ​ព្រំដែន ដូច្នេះ​យើង​ចង់​ជួយ​ពួកគេ​។​យើង​ត្រៀម​ជួយ​រួចរាល់​ហើយ​តែ​ពួក​បញ្ជាការ​ជាន់ខ្ពស់​ត្រូវ​ធ្វើការ​សំរេចចិត្ត​ចុងក្រោយ​។​យើង​បានដឹង​ថា​អំពើ​ដូច្នោះ​នឹង​ពិតជា​នាំអោយ​មាន​ការប៉ះទង្គិច​គ្នា​និង​អាច​ប៉ះពាល់​ទំនាក់ទំនង​ទ្វេភាគី​។​យើង​ជា​ទាហាន​ចាំតែ​ទទួលបញ្ជា តែ​ផលវិបាក​ក៏​ត្រូវ​គិត​ពិចារណា​ផងដែរ តែ​យោធា​បានធ្វើកា​ងារ​របស់ខ្លួន​អស់ពី​សមត្ថភាព​ដើម្បី​ចរចា​។

CEN

No comments: