នៅសាលាក្រុងសៀមរាប ព្រឹកថ្ងៃទី២០ ខែធ្នូ ឆ្នាំ២០១០ ឯកឧត្តម បួន លឹមហេង អនុរដ្ឋលេខាធិការទីស្តីគណៈរដ្ឋមន្រ្តី និងជាតំណាងឯកឧត្តមបណ្ឌិតសភាចារ្យ សុខ អានឧបនាយករដ្ឋមន្រ្តីរដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី បាននាំយកថវិកាដែលទទួល បានមកពីសប្បុរសជននានា ទាំងក្នុងនិងក្រៅប្រទេសតាមរយៈទីស្តីការគណៈរដ្ឋមន្រ្តី ទៅ ប្រគល់ជូនគ្រួសារជនរងគ្រោះ ដែលបានស្លាប់ក្នុងឧបទ្ទវហេតុនៅលើស្ពានពេជ្រកាលពី រាត្រីថ្ងៃទី២២ ខែវិច្ឆិកា ឆ្នាំ២០១០ ចំនួន០៤នាក់ ដែលមកពីខេត្តសៀមរាបមួយនាក់ ខេត្តបន្ទាយមានជ័យមួយនាក់ និងមកពីខេត្តឧត្តមានជ័យចំនួន០២នាក់ ដែលក្នុងសពម្នាក់ ទទួលបាន២១៤៥(ពីរពាន់មួយរយសែសិបប្រាំដុល្លារ)។
ក្នុងនាមតំណាងឯកឧត្តមឧបនាយករដ្ឋមន្រ្តី ឯកឧត្តមបួន លឹមហេង បានចូលរួមរំលែកទុក្ខ និងមានការ សោកស្តាយអំពីការបាត់បង់សមាជិកក្នុងគ្រួសារ របស់ប្រជាពលរដ្ឋទាំងអស់ ដែលបានបាត់បង់ជីវិតក្នុង ឧបទ្ទវហេតុ នៅលើស្ពានពេជ្រដែលមានចំនួនសរុបរហូតដល់ទៅ ៣៥៣នាក់ និងរបួសជាង៣០០នាក់។
ឯកឧត្តមបានបញ្ជាក់ថា រាជរដ្ឋាភិបាលកម្ពុជាក្រោមការដឹកនាំដ៏ត្រឹមត្រូវប្រកបដោយ គតិបណ្ឌិតរបស់សម្តេចអគ្គសេនាបតីតេជោ ហ៊ុន សែន តែងតែគិតគូពីសុខទុក្ខ ការ លំបាករបស់ប្រជាពលរដ្ឋ គ្រប់ពេលវេលា ជាក់ស្តែងបន្ទាប់ពីមានឧបទ្ទវហេតុដែលបានកើត ឡើងនៅលើស្ពានពេជ្រនេះសម្តេចបានឈរ និងដោះស្រាយសភាពការណ៏រហូតដល់បាន ចប់សព្វគ្រប់ ដោយបានផ្តល់អំណោយរបស់ រាជរដ្ឋាភិបាលប្រមាណជាងមួយម៉ឺនដុល្លារ និង អំណោយដែលបានមកពីសប្បុរសជនក្នុង និងក្រៅប្រទេស ជូនដល់ក្រុមគ្រួសារសព និងជួយ ព្យាបាលដល់អ្នករងរបួសដោយឥតគិតថ្លៃរហូតបានជាសះស្បើយ។
ទន្ទឹមនឹងនេះដែរឯកឧត្តមក៏បានផ្តាំផ្ញើរដល់អាជ្ញាធរមូលដ្ឋានឲ្យជួយរក្សា ការពារសុវត្ថិភាព ដល់ក្រុមគ្រួសារជនរងគ្រោះ ព្រមទាំងផ្តាំផ្ញើផងដែរដល់គ្រួសារជនរងគ្រោះត្រូវ រក្សាទុក ដាក់ថវិកាដែលទទួលបាននេះនៅកន្លែងដែលមានសុវត្ថភាព និងបានចំណេញ។
No comments:
Post a Comment