CEN; បញ្ញវន្ត (ថ្ងៃទី 23 វិច្ឆិកា 2010)
ភ្នំពេញ: សាលារាជធានីភ្នំពេញកំពុងរៀបចំមឈូសចំនួន ៤០០ សម្រាប់ដាក់សាកសពដែលបានស្លាប់កាលពីយប់មិញ ។ មឈូសនីមួយៗមានតម្លៃចាប់ពី ១៧០ ដល់ ៣០០ ដុល្លារអាមេរិក។
រដ្ឋាភិបាលជាអ្នកចាត់ចែងដឹកសព និងចេញថ្លៃធ្វើបុណ្យឲ្យសពម្នាក់ៗចំនួន ៥លានរៀល។ ការដឹកជញ្ជូនសាកសពដោយប្រើប្រាស់រថយន្តរបស់ក្រសួងការពារជាតិដែលជាអំណោយរបស់ប្រទេសចិន។
ក្រៅពីមន្ទីរពេទ្យធំៗទាំង៤ គឺ កាល់ម៉ែត្រ ពេទ្យរុស្ស៊ី ពេទ្យលោកសង្ឃ និងពេទ្យ ព្រះកេតុមាលា នៅមានមន្ទីរពេទ្យរណប៣ទៀតដែលទទួលអ្នករងគ្រោះផងដែរគឺមន្ទីរពេទ្យកុមារជាតិ មន្ទីរពេទ្យគន្ធបុប្ផា និងមន្ទីរពេទ្យច្បារអំពៅ។ សាកសព កំពុងត្រូវគេរៀបចំដឹកចេញ។
គ្រួសារសពកំពុងតែពិនិត្យមើលរូបថតដើម្បីស្វែងរកអត្តសញ្ញាណក្រុមគ្រួសាររបស់ខ្លួន។ នៅមានក្មេងដែលវង្វេងជាច្រើននាក់ទៀតកំពុងស្ថិតនៅឯស្នងការដ្ឋាននគរបាលរាជធានីភ្នំពេញ មិនទាន់រកឃើញសាច់ញាតិរបស់ខ្លួននៅឡើយ៕
No comments:
Post a Comment