បទសម្ភាសន៍ លោកបណ្ឌិត
ឈឹម ផលវរុណ ស្តីពីសង្គ្រាមឈ្លានពានរបស់សៀម មកលើព្រះរាជាណាចក្រកម្ពុជា ថ្ងៃទី១៤
ខែកុម្ភៈ ឆ្នាំ២០១១
លោក សត្យារក្ស
សំនួរ
៖ សម្តេចអគ្គមហាសេនាបតីតេជោ ហ៊ុន សែន បានស្នើរទៅក្រុមប្រឹក្សាសន្តិសុខ
អ.ស.ប ឲ្យកោះប្រជុំជាបន្ទាន់
ដើម្បីជួយដោះស្រាយពីបញ្ហាសង្គ្រាមឈ្លានពានដែលបង្កឡើងដោយចោរសៀម
បន្តែអ្នកនយោបាយប្រឆាំងនៅកម្ពុជាបានចោទប្រកាន់ថា
ចំណាត់ការរបស់រាជរដ្ឋាភិបាលគឺជាការយឺតយាវ។
ដូច្នេះជុំវិញការចោទប្រកាន់នេះ តើលោកបណ្ឌិតមានអ្វីពន្យល់ដល់ជនរួមជាតិ?
លោកបណ្ឌិត ឈឹម
ផលវរុណ
ចម្លើយ៖
ជាដំបូងមុននឹងចូលដល់ប្រធានបទនេះ
ខ្ញុំសូមទាញចំណាប់អារម្មណ៍ប្រជាពលរដ្ឋឲ្យយល់
ដើម្បីទប់ស្កាត់នូវឧបាយកលទុច្ចរិតរបស់រដ្ឋាភិបាលក្រុងបាងកក
ដែលមានក្រុមជ្រលនិយមអាវលឿងរួមគ្នាជាមួយរដ្ឋាភិបាល
និងក្រុមសក្តិភូមិថៃ
គឺមានគំនិតធ្វើសង្រ្គាមឈ្លានពានមកលលើព្រះរាជាណាចក្រកម្ពុជា។
-នៅពេលដែលមានសង្គ្រាមឈ្លានពានបែបនេះប្រជាពលរដ្ឋត្រូវរួមគ្នាជាធ្លុងមួយ
ជាមួយរាជរដ្ឋាភិបាលក្នុងការប្រឆាំងនឹងអំពើឈ្លានពាននេះ ដើម្បីកុំឲ្យមានការភ័ន្តច្រឡំ
និងជាពិសេសកុំឲ្យគណបក្សប្រឆាំងខ្មែរមិនយល់ចេះតែចោទប្រកាន់មកលើចំណាត់ការរបស់រាជរដ្ឋាភិបាល។
តាមពិតពួកគណបក្សប្រឆាំងគ្មានគំនិតប្រាកដនិយមក្នុងការចោទប្រកាន់ជាមួយនិង
ពួករដ្ឋាភិបាលសៀមឈ្លានពាននោះទេ ពួកគេគ្រាន់តែគាំទ្រនូវសារលិខិតរបស់ប្រមុខរដ្ឋាភិបាលដែលបានផ្ញើរទៅក្រុមប្រឹក្សាសន្តិសុខ
អ.ស.ប តែប៉ុណ្ណោះ
តាមពិតពួកគេមិនហានថ្កោលទោសនាយករដ្ឋមន្រ្តីអាប់ភីស៊ីតនៅឡើយទេ។
លោក សត្យារក្ស
សំណួរ៖
តើការកោះប្រជុំរបស់ក្រុមប្រឹក្សាសន្តិសុខ
អ.ស.ប ពេលនេះវាជាទម្ងន់គាបសង្កាត់ទៅលើរដ្ឋាភិបាលសៀមបែបណាដែរទៅ?
លោកបណ្ឌិត ឈឹម
ផលវរុណ
ចម្លើយ៖
នេះជាចំណុចសំខាន់
ដែលលបងប្អូនប្រជាពលរដ្ឋត្រូវតែធ្វើការតាមដានបន្ត។
ថ្ងៃនេះគឺជាការកោះប្រជុំបន្ទាន់របស់ អ.ស.ប
ពាក់ព័ន្ធទៅនឹការឈ្លានពានរបស់ថៃ
តាមសំណើរបស់ប្រមុខរដ្ឋាភិបាលកម្ពុជា។ ខ្លឹមសារនៃការស្នើសុំកោះប្រជុំនេះមិនមែនមានន័យថា
យើងទៅពឹងពាក់បរទេស ឬ អ.ស.ប ឲ្យមកដោះស្រាយវិវាទបញ្ហាព្រំដែនកម្ពុជាថៃនោះទេ
និងមិនមែនស្នើសុំ ក្រុមប្រឹក្សាសន្តិសុខ អ.ស.ប
ឲ្យមកសម្របសម្រួលទំនាស់រវាងកម្ពុជាថៃនោះទេ។
ការស្នើសុំនេះគឺដើម្បីឲ្យអង្គការនេះមករក្សាសន្តិសុខ
និងសន្តិភាពនៅក្នុងតំបន់ ក៏ដូចជានៅក្នុងពិភពលោកទាំងមូល។
ចំណុចនេះគឺសំដៅ ដើម្បីទប់ស្កាត់នូវសង្គ្រាមឈ្លានពានរបស់ថៃមកលើកម្ពុជា។
បញ្ហាព្រំដែនរបស់កម្ពុជា-ថៃ
គឺត្រូវបានកំណត់ច្បាស់លាស់នៅលើផែនទីដែលបានគូសដោយយោងលើសន្ធិសញ្ញាបារាំង-សៀម១៩០៤
-១៩០៧ -១៩០៨ ជាបន្តបន្ទាប់។ ហើយថ្មីៗនេះប្រទេសបារាំងក៏បានត្រៀមខ្លួនដើម្បីផ្តល់នុវឯកសារទាំងនេះដើម្បីជាភស្តុតាងបង្ហាញ
ដល់ក្រុមប្រឹក្សាសន្តិសុខ អ.ស.ប ផងដែរ។
ម្យ៉ាងទៀតនៅលើទិដ្ឋភាពជាក់ស្តែង
គឺនៅលើទឹកដីក៏គ្មានបញ្ហាណាដែលពាក់ព័ន្ធដូចថៃ ដែលបានចោទប្រកាន់ថា
មានតំបន់ ៤.៦ គម២នោះដែរ ពីព្រោះយើងមានសាលដីកាកាត់ក្តីដោយតុលាការយុត្តិធម៌អន្តរជាតិទីក្រុងឡាអេ
សន្ធិសញ្ញា និងអនុសញ្ញាបារាំង-សៀម បានកំណត់រួចទៅហើយ ។
-សង្គ្រាមឈ្លានពានដែលបង្កឡើងដោយទាហ៊ានសៀម
ដែលមានបញ្ជាពីរដ្ឋាភិបាលក្រុងបាងកក និងក្រុមសក្តិភូមិ
ពេលនេះគឺមានភស្តុតាងជាក់ស្តែងក្នុងការលុកលុយចូលទឹកដីកម្ពុជា
ព្រមទាំងបាញ់គ្រាប់ផ្លោងដើម្បីបំផ្លាញនូវសម្បត្តិបេតិកភណ្ឌពិភពលោក
គឺប្រាសាទព្រះវិហារនេះឯង។ ការបំផ្លិចបំផ្លាញវត្តកែវសិក្ខាគីរីស្វារៈ
ក៏ជាការរំលោភបំពាននូវធម្មនុញ្ញរបស់ អ.ស.ប ផងដែរ។
បន្ថែមលើនេះទៀតទាហ៊ានថៃបានប្រើប្រាស់នូវអាវុធ
ដែលត្រូវគេហាមឃាត់នៅក្នុងសង្រ្គាម ដូចជាគ្រាប់បែកចង្កោម
និងអាវុធគីមី ដែលត្រូវបានរកឃើញដោយស្ថាប័ន CMAC ។
សារជាតិទុច្ចរិតប្រឆាំងនិងច្បាប់អន្តរជាតិនេះហើយ
ដែលជាភស្តុតាងក្នុងការជជែកនៅក្នុងកិច្ចប្រជុំរបស់ក្រុមប្រឹក្សាសន្តិសុខ
អ.ស.ប នាពេលនេះ។
លោក សត្យារក្ស
សំណួរ៖
ប្រសិនបើក្រុមប្រឹក្សាសន្តិសុខ
អ.ស.ប រកឃើញថាប្រទេសសៀមធ្វើសង្គ្រាមឈ្លានពាន
និងប្រើប្រាស់នូវអាវុធហាមឃាត់ដោយធម្មនុញ្ញ អ.ស.ប
ពិតមែនតើក្រុមប្រឹក្សានេះមានសិទ្ធិផ្តន្ទាទោសដល់ប្រទេសនោះដែរឬទេ?
លោកបណ្ឌិត ឈឹម
ផលវរុណ
ចម្លើយ៖
កម្មវត្ថុស្នូលនៃលិខិតរបស់រាជរដ្ឋាភិបាលកម្ពុជាក្នុងការប្តឹងទៅ
អ.ស.ប នេះគឺជាបង្ហាញអំពីភស្តុតាងទាំងឡាយ ដែលទាហ៊ានសៀម
និងរដ្ឋាភិបាលអាប់ភីស៊ីត
បានប្រើនៅក្នុងការធ្វើសង្គ្រាមឈ្លានពានមកលើកម្ពុជា។
ចំណុចនេះគឺដើម្បីឲ្យអង្គប្រជុំពិនិត្យ
និងធ្វើចំណាត់ការក្នុងការដាក់ទណ្ឌកម្ម និងចោទប្រកាន់ពីបទឧក្រិដ្ឋកម្មសង្គ្រាម
ដោយសារការប្រើប្រាស់នូវគ្រាប់បែកចង្កោម និងអាវុធគីមីដែលលោកហាមឃាត់។
លោក សត្យារក្ស
សំណួរ៖
ថ្មីៗនេះរដ្ឋាភិបាលសៀមបានគំរាមកំហែងបេសកជនរបស់អង្គការយូណេស្កូ
ដោយមិនឲ្យមកពិនិត្យមើលនូវការខូចខាតរបស់ប្រាសាទព្រះវិហារ
ដែលបំផ្លិចបំផ្លាញដោយទាហ៊ានសៀម។
ចំណុចនេះតើសៀមអាចហាមឃាត់សមត្ថកិច្ចរបស់អង្គការយូណេស្កូកំរិតណាដែរ?
លោកបណ្ឌិត ឈឹម
ផលវរុណ
ចម្លើយ៖
ភាពក្រអើតក្រទមរបស់រដ្ឋាភិបាលក្រុងបាងកកមកលើអង្គការ
យូណេស្កូ បែបនេះបង្ហាញអំពីចរិតទុច្ចរិត និងល្បិចកលរបស់ថៃ
ក្នុងការបំពាន
និងបំផ្លិចបំផ្លាញនូវសម្បត្តិធម៌របស់មនុស្សជាតិទាំងមូល។
ជាក់ស្តែងការបាញ់ផ្លោងដើម្បីកំទេចប្រាសាទ និងទីវត្តអារាមបញ្ជាក់អំពីភាពគ្មានការទទួលខុសត្រូវក្នុងការថែរក្សា
និងអភិរក្សសម្បត្តិបេតិភណ្ឌពីភពលោក។
លោក សត្យារក្ស
សំណួរ៖ អគ្គនាយកដ្ឋានវិទ្យុ
និងទូរទស្សន៍បាយ័ន បានបង្កើតជាមូលនិធិមួយ
ដើម្បីឲ្យមានការចូលរួមពីប្រជាជន ក្នុងការជួយឧបត្ថម្ភដល់យុទ្ធជនក្នុងសមរភូមិមុខ
ចំណុចនេះបង្ហាញយ៉ាងណាដែរអំពីទស្សនៈជាតិ
និងទឹកចិត្តរបស់ប្រជាពលរដ្ឋយើងក្នុងសម័យតេជោនាពេលនេះ?
លោកបណ្ឌិត ឈឹម
ផលវរុណ
ចម្លើយ៖ ត្រង់ចំណុចនេះបង្ហាញថា
កម្ពុជាកំពុងតែឈរនៅលើការឯកភាពជាតិមួយដ៏រឹងមាំ ដោយប្រជាជាតិខ្មែរទាំងមូលមានសំលេងតែមួយក្នុងការគាំទ្រប្រមុខរាជរដ្ឋាភិបាល។
ការចូលរួមយ៉ាងគគ្រឹកគគ្រេងដោយទឹកចិត្តស្មោះសរគ្រប់ស្រទាបវណ្ណៈក្នុងសង្គមចំពោះមូលនិធិបាយ័ន
ក៏ដូចជាទូរទស្សន៍ CTN ដែលក្នុងនោះមានតំាងពីកុមារា
កុមារី ក៏ចូលរួមផងដែរ។
សម្រង់ព័ត៌មានៈ
លោក នូ សាវុធឌី
No comments:
New comments are not allowed.